على جال كلمة

[مشكلتي]

انا عندي مشكلة منذ كنت طالبة الراجل لي نشوفو يعجبني زينو مانقدرش نبلع فمي ونسكت لازم نعلق ونبين اعجابي
واختي قاتلي راكي كي تتزوجي وتقوليها امام راجلك راكي تباصي ( ولقد حدث فعلا )
قبل 5 ايام كنت مع راجلي مع السوق المهم
"دخلنا للبائع هو الراجل باهي عجبني في قلبي زلق فمي ونطقت اسمحلوي قلت " قداشو بوغوس "
من ثم راجلي تقلب 360 درجة راو رفع ضدي قضية طلاق وانا قتلو والله زلق بيها فمي
ياناس راو رايح يطلقني صح صح على جال كلمة
ممكن حل عاجل
راني مشوكيا

[محمد جديدي التبسي]

المفروض يعطيك طريحة ويكسرلك فمك اما الطلاق فقد بالغ نوعا ما
اطلبي السماح ودخلي كبار العائلة ربي يفتح عليك..عسي فمك!

[fella111]

و الله عندو الحق يا اختي هذي فاتت الوقاحة يعني نحن حياءا لا نحفظ وجوه زملاءنا في الدراسة و العمل و انت لحقت تميزي اذا كان وسيم ام لا الله يهديك برك لكن كيف لم يضربك واحد اخر في بلاصتو راكي في عداد الموتى

[رجل من هذا الزمان]

للاسف جاءت تشكي همها لمن لا رحمة في قلوبهم ..... مجتمع بهذه العقلية العنيفة لا ينتظر منه حوار هادف ولا نصيحة عاقلة ..

[toulay]

هي صح غلطتي بصح طلب الطلاق فيها مبالغة شويا
عيطلو ولا ابعث واحد من لكبار يهدر معاه بلاك على ربي يبدل رايو ان شاء الله
انت متفقدش الامل وابقى حاول معاه حتى يفرج ربي
ربي يوفقك ويسهل امورك امين يارب العالمين

[محمد جديدي التبسي]

اي سماح يا رجل هاذي امامه وفعلت هذا ، انا مانيش في بلاصتو وتشوكيت
يطلقها وشوي فيها
انا كون جيت مرتي صراحة نرتكب فيها جريمة ونطلقها وتروح اشكي
يبدو انها صغيرة وغير واعية وهاذم اللي راهم يتزوجو الآن تلقاها شوية جمال تتزوج برجل لا يهمه الا مظهرها وبعد ذلك يتمنى يكمل حياتو معاها صعبة لازم يصبر على اختيار يديه.

[blanche rose]

يبدو انها صغيرة وغير واعية وهاذم اللي راهم يتزوجو الآن تلقاها شوية جمال تتزوج برجل لا يهمه الا مظهرها وبعد ذلك يتمنى يكمل حياتو معاها صعبة لازم يصبر على اختيار يديه.

حبيبتي هذي ماشي كلمة هذي قنبلة :(
الامهات دايما يوصيو بناتهم يقولولهم جامي تشكرو الفنانين قدام رجالكم
هذو الفنانين اللي بعاد
انت رحتي شكرتي راجل قدامو!!!!

المعنى قلتيلو هاذ الراجل خير منك :(
والكارثة اذا قلتيهالو والبائع يسمع

والله يا اختي ما نعرف كيفاه ننصحك
أمرك بيد ربي سبحانو

اذا ربي غفرلك رايحة تتحل المشكلة
لكن اذا بعدتي على ربي سبحانو ربي يلطف

المهم حصني نفسك
لا تنسي
اذكار الصباح والمساء
الصلاة
اكثري من
الحمد لله
الاستغفار
والذكر عموما
التقرب لله عز وجل والابتعاد عن السيئات والذنوب
فعل الخير ولو لحيواان
الدعاء
الصدقة
الصدقة
الصدقة

وهناك رقية شرعية في الانترنت..اختاري منها ما ترتاحين له. ..واشحنيها في فلاش ديسك..واسمعيها متى شئت..

ويمكنك رقية نفسك بنفسك أيضا
عزيزتي ثقي أن كل شيء بيد الله عز وجل

اذا رضا عليك الله رايحة تفرج
أما اذا ما رضاش ربي يعينك

ربي يهديك ويفرج عليك

[كلنا راحلون]

المفروض يعطيك طريحة ويكسرلك فمك
زعمة يقدر يضربها وفرضا اشتكت به
اي سماح يا رجل هاذي امامه وفعلت هذا ، انا مانيش في بلاصتو وتشوكيت
يطلقها وشوي فيها
انا كون جيت مرتي صراحة نرتكب فيها جريمة ونطلقها وتروح اشكي
فلمنتدى فضاء واسع للكلمات لو وقعتلك زعمة زعمة

يبدو انها صغيرة وغير واعية وهاذم اللي راهم يتزوجو الآن تلقاها شوية جمال تتزوج برجل لا يهمه الا مظهرها وبعد ذلك يتمنى يكمل حياتو معاها صعبة لازم يصبر على اختيار يديه.
غيرة مفرطة :1:



تصبحون على خير:mh31:

[Golden Princess]

كما قال الاخوة قرار الطلاق مبالغ فيه ,,,,,, الله يهديه و يهديك و يصلح ما بيناتكم

[متعلم انجليزي]

اختي انت اخطاتي امام زوجك وغازلتي رجل غريب
اما في غيابه ماذا كان سيحدث ،هذا هو تفكير زوجك واي رجل مكانه يغار على زوجته
سيفكر في الطلاق لان تفكيره سياخذه الى الاسوا
اياك ان تخبري زوجك بان هذه عادة او انك فعلتيها من قبل
اصلحي نفسك وغضي بصرك واطلبي منه السماح
اسال الله ان يزيل غضب زوجك وترجع المياه الى مجاريها

[faty05]

ابعثي رجال عاقلين من اهلك ربما ينعل الشيطان و يتراجع

ان شاء الله تفرج

[متعلم انجليزي]

في المرة القادمة دعي زوجك يتكلم

[sam2016]

اول مرة اسمع بامر مثل هذا
انت لم تخطءي فقط بل جرحت زوجك. بكلام غير مسؤول و غير موزون تخيلي لو غازل امراة امامك فماذا يكون رد فعلك
اتمنى ما يوصل الامر للطلاق و ليكن زوجك. مسامح كريم و لتكوني من خير الخطائين التوابون و ليكن درسا لك

[النجمة القطبية]

الرجال يفهموها بطريقة مختلفة
يعنى بالنسبالك المعنى لفظى فقط قولتيها مجرد كلمة
لكنى اعتقد انها بالنسبة لزوجك اكبر من مجرد كلمة فتعبيرك حتى لو كان بريئ من وجهة نظرك لم يصله بنفس الصورة
حاولى توضحى اﻻمور لعل وعسى واﻻ فهذه تجربة تعلمك كيفاش تتحكمى في كﻻمك
وكما يبدو اختك سبق ونصحاتك
الله يهديك يا اختى كنتى قولى على زوجك بوغوس احسنلك
ربي يفرج

[ايمان4]

انت ايه صح غلطتي بالصح ماشي باش يطلقك .... اصري علي هذا راك راجلك نعرف وحدة قبضها تهدر مع اخر و اصرت اصرت حتى سامحها انت مشكلك شوية بسيط اصري و صمطي و زيدي كبار العائلة يساعدوك و الاهم ادعي ربي فهو مقلب القلووووب ياا ربي يكوون مععك ربي يوفق

[loubna87]

أنت كنتي تعرفي عقليتو باين ما يسامحش , ربي يكون معاك

[AMINA.Z]

كبرها بزاااف
صار الخيانة تقولو للمراة سامحي و حافظي على دارك
و المراة شكرت راجل برك ولات تستاهل الطلاق !!!!!!!!!
خليه يقعد مع روحو حتى يتنحالو الغش و زيدي احكي معاه
ربي يفرج عليك ان شاء الله

[أم سلوى]

لا يهم اطلاقا.....ما قلتيه...
شخصيات الرجال تختلف...

[الرميصاءْ]

ربي يفرج عليك

[أم ريتاج زهرة]

ربي يفرج عليك ختي و لو انك غلطتي بصح يوصل للطلاق كبرها حاولي ترضيه و تفهميه بالعقل ختي بالتوفيق