مساعدة عاجلة

[رابح بوسعادي]

السلام عليكم ممكن اتساعدوني او تنصحوني انا متخرج تقني سامي سنة 2014 كان عندي التأجيل صالح الى غاية سيبتمبر 2014 بعد ما انتهت صلاحية التاجيل جاتني لوردبال ، هزيتها وماروحتش ومبعد سجلت في ufc وتحصلت على باك
ufc 2015
في سيبتمبر 2015 جاتني لوردبال هزيت باه اندير التاجيل مي محبوش امدولي الشهادة المدرسية ونهار الي جبت الشهادة المدرسية رحت لمكتب التجنيد باه انسوي الوضعية انتاعي قالولي بلي راني روشارش ولازم انروح للبليد للمحكمة العسكرية باه انشارع
انا منيش عارف اذا انروح ولا لا وزيد اذا روحت يخدمولي تاجيل ولا اشدوني باه انعدي العام ؟
افيدوني جزاكم الله خير

[MrBlaugrana05]

1. درت السورسي المرة الأولى بالتقني سامي ما تقدرش تعاود سورسي بفرع واحد أخر لازم تكمل في نفس التخصص باش يكون عندك حق فالسورسي ,
2. مادام هزيتها و ما رحتش يعني راك عصيت لأنك كي تهزها تسينيي عليها بلي هزيت ,

يا الأخ التأجيل غير انساه شوف كشما تدي معاك دوسي ميديكال و اطلع شارع سينو راي تخلاص عليك خضرا بالكومبا و زيد عاصي والله ما نتمناها لواحد بارسكو شت بعيني الحل لي عندك يا ما تروحش و تبقا روشارشي يا تروح تشارع و كيما قتلك ما بفريهالك غير دوسي ميديكال

اتكل على ربي و بالتوفيق

[رابح بوسعادي]

يا اخي انا راني جبت الباك وراني نقرا في جامعة التكوين المتواصل وعندي شهادة مدرسية

[MrBlaugrana05]

راني كنت في نفس الحالة لي راك فيها الأخ و كنت نقرا ف ufc و نخدم بالتقني سامي و كي رحت باش ندير بيها سورسي ما قبلوليش جريت جريت و والو + ما كنتش عاصي و تحتمت عليا و مشيت و لبست و فوت 45 يوم من خبيط الرجل و فرج ربي و الحمد لله خرجت في الماضي القريب جدا , الدفعة هدي لي فاتت تاع سبتمبر لذلك أنا حكيتلك وش نعرف و وش فات عليا و نتا زيد استعلم و انشاءالله فيها خير

[سعدودي]

يا اخي اذا كانت عندك شهادة مدرسية يقبلولك السورسي مي الحاجا الي نقلك عليها لزمك روح قبل ميجو يهزوك ربي يسهل عليك

[Khalid Achour]

تم فتح مجموعة
الخدمة العكسرية على الفيس بوك:dj_17::dj_17::dj_17::dj_17::dj_17::dj_17::dj_1 7::dj_17::dj_17::dj_17:

[رابح بوسعادي]

بارك الله فيكم وكل من عنده معلومة ايفيدنا ربي يحفظكم