طبق البايلا الاسباني

[*بنت الاسلام*]

السلام عليكم حبيباتي .
لي طلب عاجل من فحلات المنتدى وهو كيفية اعداد طيق البايلا بالشرح المفصل كيما موالفتكم .
عندي عرضة و طلب مني زوجي اعداده و أنا عمري ما طيبته صح عندي بزاف وصفات نتاعه بصح
أنا أثق في وصفات فحلات منتدى الجلفة خاصة انهم ما يحطوش وصفة الا ادا كانو متأكدين منها
و مجربينها و الحمد لله كامل الوصفات اللي جربتهم من المنتدى صادقين و هايلين.و الأرز اللي يجي فيها نفيضوه من قبل و لا نضيفوه يابس و يطيب مع الخليط
وادا كان ممكن طيلقة تحضيرحساء السمك -la soupe de poisson-
كثرث عليكم اسمحولي
راني نستنى في ردودكم ماتطولوش علي الله يحفظكم.

[*بنت الاسلام*]

89مشاهدة و رد واحد خسارة عليكم

[روعة الصحراء]

اختي شوفي ف مواضيع الوهرانية هي دارت

[حياة نور الدين]

السلام عليك اختي
شوفي اختي اكتبي البايلا الاسبانية في قوقل وراح تخرجلك انواع والوان وانت اختاري الطبق اللي يساعدك
ونفس الشيئ لحساء السمك

[*بنت الاسلام*]

و يا أسفاه على ندرة الردود 249 مشااهدة يبخلون بالرد ولو بالدعاء بالتسهيل
" حياة نور الدين و روعة الصحراء "بارك الله فيكما علي الرد
وبالنسبة لللوصفة نتاع الوهرانية راني شفتها و عجبتني بزاف رايحة نجربها ان شاء الله.

[merry_mora]

اختي الارز خيري المفور والحبة الطويله باش مايتبحرش مع فواكه البحر ،،،،،،، وطيبيه نص طياب وكمليه فالمرقة لي طيبتيها

مثلا ادا عندك الكروفات ولا حاطة طيب بلخف خليها مع اللخر وارميها مع الرز وممكن انك طيبي البايلا على بكري والرز ارميه 10 دقائق قبل ماتسربي باش ييقى واقف ومايتعجنش
وانا نحب لي صوص تاع الحووت بالثوم والدرسه والكمون وفالفلفل الاسود ماتكثريش التوابل باسك فواكه للبحر هوما لي يطلقو البنة وماتنسايش المعدنوس والزعفران باش يجي شباب وهادا واش نقدر نفيدك

[merry_mora]

http://cdn.top4top.co/p_559pwrp0.jpg (http://up.top4top.net/)

هادو من كتاب سمسرة راني صورتهملك ممكن يفيدوك

[merry_mora]

وهدا الحساء
http://cdn.top4top.co/s_559b4990.jpg (http://up.top4top.net/)

[merry_mora]

وهذا الحساء
http://cdn.top4top.co/p_559b4990.jpg

[*بنت الاسلام*]

جزاك الله خيرا أختي merry-mora علي مساعدتك و اهتمامك . ممكن استفسار ماهو راس كاس المدكور في وصفة الحساء.
و بالنسبة للبايلا لازم المقلاة نتاعها

[قوية بايماني]

السلام عليكم
اختي الراس كاس هو حوت مخلط خصيصا للسوب دو بواسون

[قوية بايماني]

والبايلا من الاحسن تكون عندك المقلة تاعها وانا ماما الروز تطيبو معاها يعني ترميه فالمرق خضر تبقى تخلط هي تشد شوي بصح والله متنشبع

[قوية بايماني]

غدوا الصباح ان شاء الله نحطلك الوصفتين وبالتفصيل

[*بنت الاسلام*]

غدوا الصباح ان شاء الله نحطلك الوصفتين وبالتفصيل
بارك الله فيك علي الاهتمام بغيت نعرف شحال le prix نتاع المقلاة ووين تنباع راهي لازمتني خاصة و غادي ندير كمية كبيرة
و راني نستنى في الوصفتين . الله يحفظك.

[قوية بايماني]

سلام اختي المقلة نتباع عند الي يبيع الماعن وفيها احجام دير 800دج شوفي عند الي يبيع الطواجن و الطاوات تاع الحديد هي اجي سوداء وعندها زوج يدين تاع خشب

[قوية بايماني]

انا لاسوب دو بواسون نديرها كالاتي انا منكترش غير انا وزوجي ووليدي صغير وانتي ضاعفي الكمية
حبة بصل من الاحسن الاخضر حبة بطاطا زوج حبات جزر حبة كبيرة طماطم سنات ثوم عرف كرافس شوية زيت ملح فلفل اسود كمون راس الحانوت وعكري والحوت تاعي نديرو في كومبراس باه ميتفتتش والشوك يطيح فالمرق نقلي كلش ومن بعد نمرق كي تغلي مليح نحي الكومبراس تاع الحوت ونخليه يبرد وتحي الشوك كااااامل من الحوت ونرجع الباقي اي الحوت الي نحيتلو كامل الشوك للقدر ونرحي كلش ونضيف شوية طماطم معلبة ونخليها تغلي شوي
ونقدمها مع بان قريي ولاروي (مايونيز وهريسة)

[قوية بايماني]

اما بالنسبة للبايلا انا نديرها كالاتي وتجي هااااايلة طريقة ماما ربي يخليها
شوفي اختي في كوكوطة حطي بصل ثوم زيت فلفا اسود ملح زعفران رند وزعيترة وديري طرف لحم وطراف جاج والحوت تاع البايلا يتباع واجد عند الي يبيع الكونجلي قلي ومن بعد مرقي كي يطيب اللحم نحيه فتيه والا حبيتي تفتتي الجاج فتتي والا محبيتيش خليه طراف وحطيه فوق البايلا فالاخير هدا الا خليتيه طراف الا فتتيه خلطيه مع اللحم والحوت والمرق وديريهم فالمقلة تاع البايلا وديري كميةتاع روز مفور وحطيه فوق نار قليلة وبقاي عندو تخلطي باش الروز ميعجنش حتى يطيب الروز من الاحسن طيبه فوق طابونة والمرق نقصي حق غرفية صغيرة باه الا مطبلكش الروز تزيدي المرق حتى يطيب
واي سؤال اختي انا فالخدمة ارجو ان اكون وفقت في الشرح

[om islah]

slm okhti bah taybi pallila espñpla haka rawz mfawar w kayen rows spesiale liha w fawahih el bahe kalamar w merlon w kokiyage w krevet w felfel ahmar mechwi w mnaki w bssal w za3efran cha3ra w tom podr felfel aswad w hafna jelbana w tkon 3andak makla nta3ha ykono 3andha yedin kima tajin besah ovale tji ki termiha fel gas normal w f nos tyab dakhliha lel four tetjamar w ma jich fiha sos

[om islah]

dok nekteblak tarika ta3ha sahla ma tkhafich ga3

[*بنت الاسلام*]

انا لاسوب دو بواسون نديرها كالاتي انا منكترش غير انا وزوجي ووليدي صغير وانتي ضاعفي الكمية
حبة بصل من الاحسن الاخضر حبة بطاطا زوج حبات جزر حبة كبيرة طماطم سنات ثوم عرف كرافس شوية زيت ملح فلفل اسود كمون راس الحانوت وعكري والحوت تاعي نديرو في كومبراس باه ميتفتتش والشوك يطيح فالمرق نقلي كلش ومن بعد نمرق كي تغلي مليح نحي الكومبراس تاع الحوت ونخليه يبرد وتحي الشوك كااااامل من الحوت ونرجع الباقي اي الحوت الي نحيتلو كامل الشوك للقدر ونرحي كلش ونضيف شوية طماطم معلبة ونخليها تغلي شوي
ونقدمها مع بان قريي ولاروي (مايونيز وهريسة)
آسفة أختي كان عندي مشكل في النت هدا وين قدرت ندخل و بارك الله فيك على الشرح بصح بغيت نعرف كمية الحوت اللي ديريها في لا سوب دو بواسو ومين تميكسيه ما تجيش ثقيلة شوية نعقل مرة ميكسيت الحوت جاتني لاسوب ثقياة بزاف م غير قابلة اللأكلو بالنسبة للحوت قاتلي عجوزتي ديري الرأس نتاع الحوتة فقط .
الله يجازيك كل خير و سمحيلي كثرت عليك

[*بنت الاسلام*]

dok nekteblak tarika ta3ha sahla ma tkhafich ga3بارك الله فيك و جزاك كل خير أختي أم اصلاح

[karimkari]

444444444444444444

[sunshine2013]

يعطيكم الصحة...