ميلفاي بليز مساعدة نبغيه بصح

[ramdane2010]

السلام عليكم عندي مشكلة البارح صنعت الميلفاي بصح عجينة كي طيبتها وخليتها تبرد كي بديت نقطع فيه خرجلي مورق بصح كي ذوقيه ايجيك معجن ماعرفتش السبب بليز عاونوني

[papillon tlemcen]

سلام اختي على ما اضن راكي زيدتي لنار بزاف لازم يطيب على نار قلييلة

[ramdane2010]

شكرا لكي اختي انا ثاني شكيت في الكوشة بصح شعال تكون درجة الحرارة اللازمة

[أم أنفال 80]

دعيه في الفرن حتى يحمر و تكون درجة حرارة الفرن عالية

[almazalina22]

اختي عادي لازم نغلطو باه نتعلمو
شوفي لازم العجينة حليها رقيقة وثقبيها بالفرشيطة ملييييييح وحطيها في الفرن سخون ومن فوقها صنية باش ما تطلعش من الجوانب وخليها مدة خمس دقايق ومن بعد نقصي للفرن باش تطيبلك من داخل وماتجيش معجنة ولازم تحمريه ملييييييح ماشي تحرقيها وكملي نفس الطريقة للطبقات الاخرى واخدي الكريمة وخليها تبرد ومن بعد ديري المونتاج نتاعك وخليه يبرد ملييييح باش تقطعيه وبصحتك

[raboha]

ختي بالاك راكي خشنتي العجينة هي تجي رقيقة و ثقبيها بزاف بالفرشيطة
و دخليها فرن يكون سخون غير دخليه خلي 10 دقايق تفوت ثم نقسي للنار
و خليها تحمار مليح
أنا كي نلم العجينة بالماء البارد أو الحليب نخليها طرية بزاف و كي نبدا نحلها نكثر الفرينة و ندير الزبدة
و كي نبدا نطبق فيها ثان نذرذر الفرينة مننفضهاش منها و الله تخرج هايلة
كاينة زبدة الباريسية بزاااااف هايلة خدمت بيها هذي المرة و الله هايلة
جربي طريقتي و رديلي الخبر
تفكرت كي تحلي العجينة كرفجي الزبدة عليها و لويها هذي حطتها أخت فالمنتدى و الله نسيت شكون هي
كي تلويها حليها و طبقي عادي هذي ثان تخرج روعة و الطبقات باينيين بزاف