فضفضة

[مشكلتي]

السلام عليكم
خاوتي حابة نحكيلكم موضع متعبني بزاف مانعتبرهاش مشكلة لكن تعبت بزاف
انا في عمري 25 سنة سبق و تخطبت شحال من مرة و كل مرة تتفسخ الخطوبة مرات من غير سبب ومرات يكون ليها سبب و مانحكيش على لي يتقدمولي مزال ماتكونش بداية و يبطل او يهدرو عليا ومتوصلش للخطبة
المهم مريت بيام صعيبة بزاف تعبت نفسيا و وليت نخاف اني نتقدم اي خطوة للامام خوفا من انها ماتكملش دايما يافرحة ماتمت
اخر مرة تقدملي اخو صديقتي و كان عن طريقها هي هوما ناس ماشاء الله مافيهم مايتعاب مع العلم انو تقدمولي قبلو واجلتهم بسببو هو
المهم انا مانعرفوش وهو تاني هدرت معاه في التليفون وقالي راني متفاءل المهم جانا للدار على اساس رؤية شرعية وومن النظرة هاذيك وانا تجذبت ليه بالرغم اني مانعرفوش وماهدرتش معاه غير مرتين لكن اخلاقو صفاتو شكلو كيما كنت متمنية فرحت وقلت خلاص هذا هو هذي هي الغلطة لي درتها اني وثقت في نفسي اكثر من لازم ومادرتش في بالي انو هو تاني عندو راي ممكن يقبلني وممكن يرفضني
المهم جاني اتصال منو وقالي كلش بالمكتوب انا حاولت نكذب وذنيا و بقيت مصرة اني نفهم واش يقصد كاني تمنيت انو يتغير كلامو و ظاهرت اني قوية ومتقبلة لكن قلي يتقطع
المهم فاتت عليا ايامات صعيبة بزاف تاثرت وغاضني حالي و بقيت غير نخمم علاش يصرا معايا هكذا
كل مرة نتخطب وتصرالي حاجة و نتالم مانجي نخرج من صدمة ونتقبل الواقع والمكتوب يجي واحد اخر و نفرح ونصلي صلاة الاستخارة و نسقسي و نشاور باش مانتسرعش لكن بعدها !!!!!
المره هاذي هذا خو صاحبتي بقا في بالي ولحد الان متمنية انو يرجع
على بالي كلش بالمكتوب وعلى بالي بلي من حقو يشوفني و عندو رايو ومن حقو يقبل ولا يرفضني لكن حاسة تجرحت
ياريتو شافني من بعيد من غير مانعرف الموضوع
لي نطلبو منكم ادعولي ربي يفرج عليا ادعولي بالصبر
والله مفوضة امري لربي و مآمنة انو عسى ان تكرهوا شيئا وهو خير لكم
مانيش عارفة علاش مانحبش نخمم فيه وفي الموضوع حاجة فاتت لكن بلا مانحس يجي في بالي مانيش عارفة واش ندير

[يونس معبدي]

وعليكم السلام ورحمة الله
فتح الله عليك اختي الفاضلة
وعلى بنات المسلمين
آمين

[mino 13]

مكتوب فقط اختي
دوك يجي مكتوبك

[abdellah36]

ربما فيه صفات سيئة لا تعرفينها ,,,,,,,,,كم من فتاة احبت شخص و تزوجته ثم ندمت ............................


لا يجوز لك ان تتكلمي مع الخاطب في الهاتف اللهم الا للضرورة من اجل تحديد موعد الزيارة ..................اما الحديث معه لتعرفي عقليته و ماشابه فهذا لا يجوز

[بشـرى]

أعانك الله يا أختي وفتح عليك من أوسع أبوابه التي لا تضيق ، ورزقك من حيث لا تحتسبين ياارب

أختي خلي دائما في قلبك حسن الظن بالله ، واعلمي أنه لو كان من نصيبك سيكون ، ولو لم يكن من نصيبك فلن يكون ، فهي إرادة الله قبل كل شيء ....

اسأل الله تعالى إن كان خيرا لك أن يرده وإن كان شرا لك أو يعوضك بأحسن منه ياارب....

[أمّ عبد الودود]

ربما سأخفف عنك بما سأقصه عليك
صديقتي عمرها 40 سنة تقريبا
خطبت منذ كان عمرها 17 سنة
تخيلي كل مرة خطبة ولا تتم
كيف يكون حالها في رأيك ؟؟
أحيانا تنتابها حالات ضعف لكن
دائما تقول يا رب ارزقني حسن الخاتمة
لأنها تعرف أنه إما عقاب لتكفير الذنوب وإما ابتلاء
لرفع درجتها عند الله
وفي كل عليها بالصبر واحتساب الأجر على
الله سبحانه
لذلك أختي كلما تذكرت هذا الشخص حاولي
تغير تفكيرك حتى لا يلجد الشيطان منفذا ليجعلك
حزينه على فقد شيء قد يكون شرا لك
فوضي أمرك إلى الله وثقي بأنه القادر على كل شيء

[blanche rose]

السلام عليكم
أمر كثيرا ما سمعت عنه
اقصد كثرة الخطاب.. والابتعاد بدون سبب
هناك من يقول سحر وهناك من يقول عين

لكن من وجهة نظري حالتك هي عين والله اعلم

والعين حسب ما قرأت عنها وسمعت
من بين آثارها أنها تجعل الشخص غير محبوب رغم كل ميزاته الايجابية..وتجعله يكره النعم التي هو فيها ولا يحس بها

المهم
أيا كان سبب حالتك أنصحك وانصح نفسي والجميع كما نصحت الاخوة في هذا القسم
حصني نفسك
لا تنسي
اذكار الصباح والمساء
الصلاة
الحمد لله
الاستغفار
والذكر عموما
التقرب لله عز وجل والابتعاد عن السيئات والذنوب
فعل الخير ولو لحيواان
الدعاء
الصدقة
الصدقة
الصدقة

والدعاااء

وهناك رقية شرعية في الانترنت..اختاري منها ما ترتاحين له. ..واشحنيها في فلاش ديسك..واسمعيها متى شئت..

ويمكنك رقية نفسك بنفسك أيضا
عزيزتي ثقي أن كل شيء بيد الله عز وجل
فمهما بلغ الشر..يظل الله عز وجل هو الأقوى

وكلي امرك لله عز وجل وسترتاحييييييين

بخصوص اخ صديقتك
ثقي ان ما هو لك لن يأخذه سواك وما ليس لك لن تأخذه مهما فعلت..

ربي يسعدك

[الرميصاءْ]

ربي يفرج عليك ويرزقك الزوج الصالح

[toulay]

الله غالب يا اختي مكانش نصيب
ربي سبحانه وتعالى شافلك فيها خير
وكيما اليوم ان شاء الله يجيك سيد الرجال وتولي شابعة ضحك على روحك وتقول كيفاش حتى عجبني هذاك العبد
ربي يفرج عليك ان شاء الله ويسهلك امورك امين يارب العالمين

[أم عبد الكريم]

اختي ربي يخلف عليك باحسن من خو صاحبتك هاذي .......اقنعي نفسك بلي كلش مكتوب وانساي خلاص الراجل هذا ليس اخر من على وجه البسيطة ............كوني واثقة من روحك و متخليهش يزعزع ثقة بنفسك و انسايه ربي لي خلقوا خلق ما احسن منو ............وانا في راي عادي انك معجبتيهش كل واحد و ذوقه....ربي يرزقك الزوج الصالح عاجلا غي اجل ......وانا نصيحتي لكل وحدة راح يتقدمانسان لخبطتها لا داعي للاكثار من الكلام قبل النظرة الشرعية والقبول بين الطرفين لكي يكون تعلق بالطرف الثاني

[ايمان4]

اعانك الله حبيبيتي معليش كلشي بالمكتوب اه هو فيه طرف من العيب بالصح معليش بلاك ميستاهلكش تستاهلي ما خيير ان شااء الله مكتوبك يبان بالخف صلي و دعي ربي و نحيه من رااسك ربي مكتبلك ما خير منه ب اللللف مرة ان شااء الله

[أنور]

وعسى ان تكرهوا شيئا وهو خير لكم
كل شيء بالمكتوب اختي

[النجمة القطبية]

يا اختى الكريمة لو اطلعنا على الغيب ﻻخترنا الواقع
خلى ثقتك يالله سبحانه وتعالى اكبر بكثييير من اﻻفكار التى تراودك واغلبها سلبية
وتذكرى انك مدام اتخذتى باﻻسباب خﻻص هو غير مناسب
نحكيلك حكاية قبل زواجي تقدملي قريبي تتوفر فيه كل الشروط
وسامة وطول وعرض ومال وقالولى من المسجد ميخرجش !!!
وكان مغترب وقتها طلبو منى اﻻجابة مباشرة
تلعثم لسانى وانقبض قلبي وشعرت بالخوف دون سبب !
طلبت وقت للتفكير ولم يمض اسبوع اﻻ وجاءتنى جارتى واقرب صديقة لي تقولى خطبنى قريبك فﻻن
ا رايك !!!!
انعقد لسانى وقلتلها نعرف عليه كل خير وصمتت
عادت بعد فترة تقولي ان قلبها مقبوض !!! صديقتى هذه معتمرة وهو زعما كان يريد امراة متدينة
المهم في تلك الليلة صليت ركعتين ودعيت الله كثيرا في السجود ﻻجد تفسيرا قلت ان كان خيرا لى فلماذا انقيض قلبي وان كان شرا لماذا كل الناس تشكر فيه
والله ما ان رفعت راسي من السجود حتى سمعت امى تنادينى خالتى وزوجها عندنا
ونزلت وجالستهم اقسم بالله في تلك الجلسة جاءنى الجواب وسمعت خبر عن ذلك الرجل مستحيل كنت اعرفه اﻻ برحمتك ياالله !!
ورجعت صليت ركعتين شكر وحمد وعرفت ان ما يختاره لنا الله هو الخير
حبيت نقولك اياكي تزعفي او تقنطى صلي ركعتين لله وضعي كل همومك له وثقي برحمته واختياره
كل التوفيق

[محمد جديدي التبسي]

الزواج مكتوب وانت ما شاء الله خطابك كثر لكن ربما طرقك في التعرف عليهم هي السبب في عدم اتمام خطبتك لذلك لابد من التقيد بالشرع وعدم الحديث مع الرجال خارج اطار البيت وفي وجود محرم لأنو كلما كانت العلاقة محدودة كلما كان استمرارها ونجاحها ممكنا واذا فتحت على نفسك باب الحديث بالهاتف الا وعجلت بنهاية الخطبة وهذا مجرب من الكثير.ربي يعوضك بالأفضل.

[AMINA.Z]

خليها على رربي
و ما تفكريش
غير فالزواج
شوفي حياتك في قرايتك و الا خدمتك
ربي يفرج عليك

[Algériennne]

السلام عليكم
أنصحك بقيام الليل و الدعاء والتضرع الله لعله يحدث بعد ذلك أمرا و ان شاء الله خير هو المدبر الرحمن الرحيم وكلي أمرك ليه ولاتنسي الرقية الشرعية , ربي يسرلك أمورك أختي وان شاء الله ربي يسهل لجميع الفتيات العفيفات ان شاء الله

[الدكتور شهاب الدين]

الصدف المتكررّه و التي تؤدّي الى نفس النتيـجة لا تعتبر صدفّه و انّمـآ هُنـآك خلل ثابثْ ...
أنصحك أختـآه باتبـآع برنـآمج الرقية الشرعية لوحدكْ و أيّ أعراض نحن متوآجدين ان شاء الله ...
ربي يبـآرك فيـكم ...

[first first]

خلي ثقتك بالله كبيرة وقولي دوما ان الخير ات.

ربي يرزقك زوجا صالحا ان شاء الله.

[cicilya]

ربي يساعدك ويفرج عليك

[سيرين 5]

صدقيني والله عسى ان تكرهو شيء و هو خير لكم
ربي ما حبلكش الخسارة ، و الخيرة فيما اختاره الله
نحكيلك على اختي والله شابة و مسرارة ماشي كي اختي راني نشكر فيها و شاطرة و قارية و اجتماعية و تساعد الناس ... صديقة عجوزتي حبت تخطب لوليدها عجوزتي وراتلها اختي و تشاوفو و اختي قاتلي عادي نقبل بيه بصح خليهم هوما يقولو رايهم بالأول السيد ما حبش بعدها بشهور تزوج السيد ما طولش شهور طلق زوجته لأن والدته متسلطة و شرطت للعروسة تسكن عندها لأنه ولدها الوحيد ، أختي أكيد زعفت في الأول بصح ما حبستش حياتها عند هاذ السيد كملت حياتها عادي دخلت تخدم و نجحت في خدمتها و الآن راهي بطونوبيلتها و مازالها صغيرة و يجيها المكتوب ان شاء الله ليها و ليك