مشكلتي

[مشكلتي]

السلام عليكم

عندي مدة درت نظرة شرعية في دارنا المهم المدة طويلة نوعا ما جا الإنسان و شافني باللبسة تع الدار و كنت دايرة مكياج خفيف
و شافني أنا بصراحة ميهمنيش و ممعمراش بيه راسي لكن الجاست اللي دارو مفهمتوش خلاص و دارلي الهم
قعد يشوف معايا كلي عمرو ماشاف امرأة في حياتو و قريب جبنالو المكنسة باش خرج من الدار يعني مفهمش روحو و طول في النظرة
و من بعد راح و مازادش رجع ..الغلطة اللي درناها مسقسيناش عليه و كان مداير روحو متدين و هذا الشيء لخدعنا بيه ..
هو كان وسيم بصح سبحان الله في قلبي مرتحتلوش ..
مفهمتش لكان انسان مخادع أو أنني لم أعجبه بصح لاكان معجبتوش علاش قعد و محبش يخرج و لا فرصة و شوفة باطل ؟ علاش
قعد يخزر فيا حتى ملقيتش وين نحط وجهي ..مفهمتش ناس متخافش ربي..
أم أنه مغرور بوسامته و قاعد يتفرج في النظرة الشرعية بصح حاب وحدة أكثر جمالا ؟ سبحان الله وربي نساه يعني تروحلو عند ربي
حسبي الله و نعم الوكيل
بعد هذه الحكاية فقدت الثقة في نفسي تماما.و قلت عمري منزيد نخرج بلا خمار مستحيل و فقدت الثقة و مفهمتش ساعات نقول هذا مخادع و الحكاية باينة
و ساعات نقول أنا مانيش مقنعة و نتعقد .

المهم الناس هادو اللي مايخافوش ربي و يشوفو بنات الناس للتفراج برك نقولهم خافوا ربي و الله ماتروحلكم و تخرج فيكم دنيا و آخرة

[أثيلة]

ربي يهديه ،، والله عندك الحق هذا ماشي جاسث و تاني كان على الاقل يرد بالقبول او الرفض هذا مافيه عيب
مهم اختي نقولك ربييفرج عليك و ماتلقي روحك و ماتشغلي نفسك خلي ثقتك ي نفسك كبيرة و اعرفي بلي هو لي خسرك مش انتي لي خسرتيه

[طيور الجنان]

اختي الزواج مكتوب و كان من المفروض يرد بالقبول او الرفض .واذا لم تعجبيه فلا تفقدي الثقة في نفسك ابداااااا سياتي من يقدرك اختي و يكون احسن من هذا الف مرة و تاكدي انو مافيهش الخير ربي يفرج عليك و يرزقك الزوج الصالح عاجلا غير اجل ييارب

[محمد جديدي التبسي]

كان من الأفضل لك ان تلبسي حجابك ويكفي ان يرى وجهك ويديك وامه واخواته سيفيدونه في الباقي يعني الشعر وغيره.
أيضا أخطأتم بعدم السؤال عنه لأن هناك كثير من الشباب يتجولون بين البيوت وفي شهر يعمل خمس نظرات شرعية زعمة..
لا تفقدي ثقتك في نفسك وتذكري ان الزواج مكتوب والخير فيما اختار الله وقد تبين لك شر هذا الرجل ربما واستفدت من هذه التجربة..ربي يفتح عليك

[first first]

وعلاش تزيدي الغمة على عمرك وتفقدي الثقة بيها؟؟؟
شوفي الارجح ان طريقته تلك في النظر لها اسباب اخرى ماشي لقا فيك عيوب.


لايهمك السبب
تهنيتي من جدو......................وكيما يقولو.................توصي على الجاية...................ليس من هب ودب يدخل البيت للرؤية
وان شاء الله الجاي غير الخير
خليك من التفسير...................الناس تتمهبل وتتمصعر ...................تجي تفسري يحبس راسك.

[fella111]

عادي اختي طيشي عليك و لا تفقدي الثقة في نفسك مطلقا لكن لا ادري لما طالت النظرة كان عليك الدخول و تجلسي قليلا ثم تخرجي ..بالنسبة للاخوة اللي قالولك يجب لبس الحجاب لنا سالت امام قال لي جملة واحد "اخرجي له كما تخرجين لمحارمك" يعني ما فعلتة حاجة مستورة و دون حجاب و انا لست مفتية لكنا منطقيا اقنعتني الفتوة لسبب ان بعض النساء فرق بين الحجاب و دونه

[بشـرى]

السلام عليكم ورحمة الله وبركاته

اختي انتم اخطأتم عندماا استقبلتموه بدون السؤال عنه ، لكن ما فات مات ، المهم انت لا تفقدي الثقة بنفسك اكيد ربي شافلك فيها خير ، ربي يعوضك بأحسن منو وتتهناي معاه يارب ....

لكن على الأقل احتراما لعائلتك التي استقبلته يرد بالقبول او الرفض

[AMINA.Z]

في الحكم الشرعي الذي يبيح للخاطب رؤية مخطوبته بدون حجاب
اهم شروطه ان يغلب عليه الظن بالقبوليعني يجي للدار و هو ناوي يزوج بالمراة و النظرة الشرعية فقط للتثبيت و ليس للاستكشاف
انا شخصيا ضد هذه النظرة الشرعية
اللي تعجبو طفلة يشوفها برا بحيجابها وين تخدم و الا وين تقرا ...و قبل ما يتقدم يسالها رايها اذا موافقة يجي للدار بنية او راح يديها ماش باه يشوف.
اختي ما تكسري راسك بيه ما والو ...الراجل اللي ما يحشمش كي يدخل لدار نسابو (زعما) ما عندك ما ديري بيه.
كاين رجال يبقى حاشم من باباه واين ناس برانية.
الراجل قيمتو برجولتو ماش بوسامتو ... و انت ان شاء الله ربي يرزقك ما خير.

[S-KISHK-B]

السلام عليكم

عندي مدة درت نظرة شرعية في دارنا المهم المدة طويلة نوعا ما جا الإنسان و شافني باللبسة تع الدار و كنت دايرة مكياج خفيف
و شافني أنا بصراحة ميهمنيش و ممعمراش بيه راسي لكن الجاست اللي دارو مفهمتوش خلاص و دارلي الهم
قعد يشوف معايا كلي عمرو ماشاف امرأة في حياتو و قريب جبنالو المكنسة باش خرج من الدار يعني مفهمش روحو و طول في النظرة
و من بعد راح و مازادش رجع ..الغلطة اللي درناها مسقسيناش عليه و كان مداير روحو متدين و هذا الشيء لخدعنا بيه ..
هو كان وسيم بصح سبحان الله في قلبي مرتحتلوش ..
مفهمتش لكان انسان مخادع أو أنني لم أعجبه بصح لاكان معجبتوش علاش قعد و محبش يخرج و لا فرصة و شوفة باطل ؟ علاش
قعد يخزر فيا حتى ملقيتش وين نحط وجهي ..مفهمتش ناس متخافش ربي..
أم أنه مغرور بوسامته و قاعد يتفرج في النظرة الشرعية بصح حاب وحدة أكثر جمالا ؟ سبحان الله وربي نساه يعني تروحلو عند ربي
حسبي الله و نعم الوكيل
بعد هذه الحكاية فقدت الثقة في نفسي تماما.و قلت عمري منزيد نخرج بلا خمار مستحيل و فقدت الثقة و مفهمتش ساعات نقول هذا مخادع و الحكاية باينة
و ساعات نقول أنا مانيش مقنعة و نتعقد .

المهم الناس هادو اللي مايخافوش ربي و يشوفو بنات الناس للتفراج برك نقولهم خافوا ربي و الله ماتروحلكم و تخرج فيكم دنيا و آخرة

العربي كحل الراس يحب خناقوا...الغلطة أنك أريتيه كل جمالك....والاصح أن تريه بالتقطير كل يوم قطر حتى يتعلق في دباديبوا.....نحن معشر الرجال نشتاق الأكل من الشيء القليل.أما اذا كثر فنمله.......اسمحي لأخيك الكبير بهذا التعبير

[النجمة القطبية]

يا اختى اذا كان الرجل بهذه الصفات هل تتمنين عودته او تزعفي اذا رفض
او حتى تحتاجين مبررات منه
هذا حتى لم يحترم حرمة البيت واهل البيت !!!!!!!!!
انا اضﻻ مكانش حاجة نزرهها مثل واحد يبل g في عينيه في بنات الناس وزيد في دارهم
تقول نشخبلو عنيه
عموما تهنيتي منو ﻻنك راح تتعبي من تتبعه للنساء بالنظر بعد الزواج
احمد ربي وصلي ركعتين شكر لله انو راح
والخرجة بﻻ حجاب متعاوديهاش راكى تشوفي اﻻشكال الموجودة في المجتمع ربي يعافينا من البﻻء
ربي يخلف عليك