اريد طريقة طمينة ناجحة ( بالعبر ) ؟؟

[asma1s]

سلام عليكم اخواتي
انا احتاج الى وصفة الطمية بالعبر (par mesure) ( اي بالمقادير الدقيقة ) مانعرفش شحال ندير الزبدة والعسل .. يعني 2 عبار سميد شحال نديرلو الزبدة والعسل ؟

[mon mari]

السلام عليكم


المقدار هو 1 كيلة عسل ب 2 كيلة مارغرين و من الاحسن ماتينا باش ما جيكش يابسة و حلوة بزاف او ذوبيهم كيف كيف فوق النار منبعد ابداي ضيفي الدقيق او ما تنشفيهاش بزاف خليها شوية سايحة او عينك هي ميزانك اذا استعملت مارغرين وحدوخرا او شتيها بزاف ميدما زيديلها لعسل لخاطر متفسدش كي تكونهكذاك سخونة .


بصح ل 2عبار و الله ما علابالي شحال لازملك

[bibadz12]

السلام عليكم
نحن نعمل مقدار زبدة لابالل مع كليلة وربع عسيرة نونورس مخلطة مع الثليل من عسيرة المنزل
وناس بيتي يعملون النص بالنص

[hadjer hadjora]

عبر زبدة و 2 عبار عسل


الزبدة لابال و لا ماتينة

[sabrina206]

أختي ديري 2 عبار عسل و 1 عبار زبدة ذائبة مع 4 عبارات دقيق متوسط تفوريه أولا و بعدها تحمصيه و تخليه يبرد تماماً باش تخلطيه مع العسل و الزبدة بالمغيرفة تاع لحطب
العبار ديري واش تحبي(فنجان،كاس،بول......) المهم ألي تكيلي بيه الزبدة تستعمليه في للعسل و الدقيق و تضيفي في الأخير حرور الطمينة باش أجيك على أصولها و اذا ما عندكش معليش أختي
العسل أخدميها في الدار و تكون ثقيلة
و زبدة ديري ماتينا أو ماني خير من السمن
و في الأخير زينها بالمكسرات و القرفة حسب الرغبة
موفقة أختي

[فاتي تيارت]

ربع كمية الدقيق عسل و دهن

[فستقية]

شوفي اختي هاذي طريقتي مع اسرارها جربيها وراح تجيك ان شاء الله هايلة
اولا تاخذي ثلاث كيسان سميد والكاس الرابع حسب الرغبة اما لوز محمص مرحي رقيق او كاوكاو لا ماعندكش كملي الكاس الرابع سميد والسميد ايكون متوسص مش رقيق بزاف
حمصي السميد ما تحمريهش بزاف باش ما تجيش الطمينة ناشفة بعد ما تحمصيه فوريه فرشي في الكسكاس قطعة قماش التيل او ولا حطي ورقة من ورق المطبخ اللي يمتص الزيت و فرغي فوقها السميد باش نا يخرجش من الثقب
بعد ما يفور ضيفيلو رفدة ملح خليه جانبا
في قدرة حطي كاس زبدة والاحسن زبدة خير من المرقرين بالمذاق مع نصف كاس عسل الاحسن فرانسيسكو باش تجيك صحية او عسل السوق العادي نونورس مع كاس شاي صغير ماء
ايه ماء ما تستغربيش لان الماء راح يعطيها طراوة ويخليها تبقى طرية مهما طولت وهذا سر من اسرار الطمينة جداتنا زمان كانو بعد ما يحمصو السميد ايرشوه بالماء ويغربلوه من بعد ايفوروه لكن الاحسن تحطي الماء مع لعسل لما يذوب تبداي تظيفي في السميد المحمص واللوز اذا استعملتيه بلعقل حتى تحصلي على القوام اللي تحبي انا نستعمل ثلاثة سميد مع واحد مكسرات تجي تحفة جربي مقدار صغير او شوفي ان شاء الله نكون افدتك وبالصحة وعيد سعيد ياريت لو طبقتيتها تخبريني بالنتيجة
ملاحظة مش بالضرورة تستعملي كل السميد المهم خليها شوية طرية لانها لما تتحط تشرب والسميد مثل الفرينة فيه اللي يتشرب وفيه اللي ما يشربش