فهموني وعلاه

[مشكلتي]

السلام عليكم ورحمة الله تعالى وبركاته
زوجي انسان مرتاح ماديا والحمد لله دائما احمد الله على هذه الناحية
زوجي لا يبخل علي بشيء
بصح في السفر والو ... انسى مستحيل
تخيلو يسافر لتركيا فرنسا دبي ماشو خدمة ، بل ترفيه لوحدو
هو وصحابو ( صحابو متزوجين ولا واحد فيهم يدي مرتو معا ) يعيني سيليباتير
يحبو يروح وحدهم بلا زوجات
وعلاه هكا
قتلو وعلاه انا واولادك ماتديناش معاك ( مثات المرات احاول فيه )
قالي من هذه الناحية مستحيل ومتفكريش فيها
وعلاه فهموني برك علاه

[الزوجة البارة]

انا شيخي كان هكذا دار الدنيا اكل و ميديش زوجتو و ضرك ندم اشد الندم
اختي اذا مشفتيهش يخون فيك و الا شكيتي في هذا الله غالب تقبلي الامر و خلاص مدامو مش مقصر في حوايج اخرين و ادعي ربي يهديه
انا زوجي هنا في المدينة ميخرجنيش الادهى يقلي روحي مع صحاباتك و الا امك و يتجنب يخرجني بصح بالحيلة خليتو بالشوية يتقبل الامر و اصبح كي نقولو نخرجو يقبل بصح مزال ممنوع نتغداو برا و طبعا مع ماما و الا صحاباتي عادي نروح بيتزيريا يعني شوفي العوج

[النجمة القطبية]

يا اختى مدام زوجك ربي فاتح عليه حاولي معاه تروحو عمرة او حجة راهى فرض
وحرام عليه ادا رفض
زني عليه احسنلك من اروبا كاملة ادا شفتيه رفض هنا يدخلك الشك صح
شوفي ردة فعله واحكمى وادا قبل اكيد راح يتبدل ويتهنى من اصدقاء السوء

[TheE DeTeCtIvE]

عجبا والله
افضل حل كما قالت الاخت عمرة او حجة افضل من زيارة مئات البلاد الاوروبية
هو فرض لمن استطاع اليه سبيلا

[خالد عنابي2]

لا ادري

ولكن اعتقد ان الرجل المتزوج له مسؤوليات ولا يليق به ان يسافر للهو مع اصحابه العزاب وترك زوجته وحدها

هذا نقص في رجولته خاصة انه يكررها

[أم رقية نسرين]

يا اختى مدام زوجك ربي فاتح عليه حاولي معاه تروحو عمرة او حجة راهى فرض
وحرام عليه ادا رفض
زني عليه احسنلك من اروبا كاملة ادا شفتيه رفض هنا يدخلك الشك صح
شوفي ردة فعله واحكمى وادا قبل اكيد راح يتبدل ويتهنى من اصدقاء السوء



نعم الرأي بارك الله فيك ختي
مادام زوجك مرتاح ماديا الله يبارك أول شيء فكري فيه هو الحج لأنو واجب عليكم
الله يصلح أحوالكم

[mrmilano1984]

ياودي الله اعلم والعلم لله لي يروح يحوس لي يكون عازب وشاب هدا كبير ومزوج وبمرتو واولادو ويزيد كي يحوس وحدو غريبة جدا هدا اه يزها و ينحي علي خاطرو في اوروبا كاين العجب المعجب

[AMINA.Z]

غريييبة
من حقك تروحي تحوسي معاه
ما فهمتش كيفاه يخمم هادا
في الشدة مرتو و في الرخاء صحابو !!!!!

[عين الصقر]

اذا كنت عايشة مهنية في دارك ومع ولادك وزوجك مليح معاك نصيحتي ليك ماتخلقيش المشاكل في حياتك
سايسيه وعلى السفر هو من الكماليات ويجي وقت ويبدل رايو
كاين رجال هكذا الله غالب

[شاملة لينة]

ربي يهديه حاولي أنك تتجنبي المشاكل و كيما قالولك الاخوات أعرضي عليه فكرة زيارة بيت الله الحرام
والله المستعان