كل ما يخص مدرسة الهندسة.بجاية + المدرعات.باتنة

[MrBlaugrana05]

السلام عليكم و رحمة الله
خاوتي أنشأت هاذ الموضوع باش نعاون خاوتنا بلي نقدر عليه و بالشي لي نعرفو و ذلك حول مدرستي الهندسة ببجاية و المدرعات بباتنة

والله ولي التوفيق

[أملٌ فوق ألمْ]

روح ارفع المشاركات في قسم وحداخرى ريح ما تspami

[MrBlaugrana05]

روح ارفع المشاركات في قسم وحداخرى ريح ما تspami

وش من قسم يا السي الفاهم ؟؟ :confused: راني نحكي على الزلابية مثلا ؟ ولا ما شربتش دواك -_-

[أملٌ فوق ألمْ]

وش من قسم يا السي الفاهم ؟؟ :confused: راني نحكي على الزلابية مثلا ؟ ولا ما شربتش دواك -_-
"الله المستعان" اللي عاودت كتبتها في 20 موضوع كي البهلول.
روح اذا مرباوكش والديك متجيش ليا نربيك.

[MrBlaugrana05]

"الله المستعان" اللي عاودت كتبتها في 20 موضوع كي البهلول.
روح اذا مرباوكش والديك متجيش ليا نربيك.

غير باش نحط موضوع نعاون بيه الناس لي محتاجين عون بارسكو كونت جديد يا جديد ... و كون جيت متربي ما دخلش روحك ف الشي لي خاطيك

حسبي الله و نعم الوكيل فيك

[ابراهيم العادي]

السلام عليكم
يا اخي متديش عليه نتا راك دير في الخير لوجه ربي سبحانو ربي يهنيك عندي سؤال على الستاج كيفاه طبيعة التدريب والهاتف مسموح ام لا

[MrBlaugrana05]

السلام عليكم
يا اخي متديش عليه نتا راك دير في الخير لوجه ربي سبحانو ربي يهنيك عندي سؤال على الستاج كيفاه طبيعة التدريب والهاتف مسموح ام لا

الأخ الكريم الستاج هو الستاج و العسكر عسكر و لكن بدرجات متفاوتة , في بجاية ينحولكم الهاتف و لكن ادي معاك 2 سامبل واحد ماسكيه تحتك و واحد ادفعو, أما في ما يخص باتنة فهي من أحسن الثكمات في التدريب ما يزيروكمش بزاف + المعاملة جيدة قبل ما تلبس عكس بجاية , أما كي تلبس الستاج تفوتو عادي (شوي خدمة شوي سكيفاج) + الهاتف مسموح حتى الهاتف الذكي في بعض الأحيان ربي يوفقك و كشما تحتاج راني فالخدمة

[وسام910]

ممكن الاتصال معك عن طريق موقع التواصل الاجتماعي ؟

[MrBlaugrana05]

ممكن الاتصال معك عن طريق موقع التواصل الاجتماعي ؟

ابعث على الخاص خو ... الرسائل الخاصة ;) و راني هنا نعاون خويا

[mehdi zer]

السلام عليكم
عندي إستفسار بسيط اريد الدهاب كمتطوع في دفعة جانفي علما ان سورسي يموت 14/01/2016
- فمتي اخر أجال لدفع ملفي والإلتحاق ؟؟؟
- وهل للمتطوع الحق في إختيار الثكنة ؟؟

وشكرا .

[MrBlaugrana05]

السلام عليكم
عندي إستفسار بسيط اريد الدهاب كمتطوع في دفعة جانفي علما ان سورسي يموت 14/01/2016
- فمتي اخر أجال لدفع ملفي والإلتحاق ؟؟؟
- وهل للمتطوع الحق في إختيار الثكنة ؟؟

وشكرا .

الأجل نورمالمو حتى 15 جانفي , و لكن التأخر ماوش في مصلحتك , اختيار الثكنة من حق أي متطوع و لكن مايش أي ثكنة , عندك عدد محدود من الثكنات يعطوك ليستا فيها الاختيارات (8 ثكنات على الأكثر) و كل ما تتعمر وحدة ينحوها من الليستا لهذا قتلك الوقت ماوش في ثالحك اذا حبيت تتطوع ازرب شويا و الله ولي التوفيق ...

[mehdi zer]

بارك الله فيك Mrblougrana تعيش

[MrBlaugrana05]

بارك الله فيك mrblougrana تعيش

وفيك بارك الله خويا :19:

[عمادو19]

وين راكم يا جماعة المدرسة التطبيقية للهندسة بجاية دفعة ماي 2016

[haroun-43]

انا بعتلوي 15 ماي وكتاه نروح انا حاب نفوت طبيب في اقرب وقت يعني وكتاه يقلبو سراجن

[ziani a7med]

+هارون انا كيما انت نحوس نروح ديراكت بلا ترنزيست يادرا ويكتا نروح ++ .عندكم معلومات على الميتاسيون وين ؟

[MrBlaugrana05]

انا بعتلوي 15 ماي وكتاه نروح انا حاب نفوت طبيب في اقرب وقت يعني وكتاه يقلبو سراجن

على حساب الغاشي , كي تدخل بالأحد أو الإثنين ... تجوز للطبيب ممكن في نفس اليوم ممكن بعد يوم أو يومين و لا دخلت فالويكاند راك تستنى حتى يوم العمل (الأحد)

[MrBlaugrana05]

+هارون انا كيما انت نحوس نروح ديراكت بلا ترنزيست يادرا ويكتا نروح ++ .عندكم معلومات على الميتاسيون وين ؟

وين ماشي الأخ بجاية أو باتنة ؟؟؟

[الصمايم]

بارك الله فيكم اخوتي على النصائح

هل من شباب متجهة الى باتنة ؟ في 22 ماي

[haroun-43]

مشكل في حرارة في باتنة منطقة حارة مناه داخلية

[MrBlaugrana05]

مشكل في حرارة في باتنة منطقة حارة مناه داخلية

الحرارة دركا هذي حاجة ربي , وأظنها أحسن بكثير من المناطق الأكثر سخونة أو المناطق المحاذية للبحر لانها تقتل ب "ليميديتي" خاصة للناس لي تعاني حساسية و ضيق التنفس .. المهم على العموم لي مشا لباتنة ان شاء الله ما يندمش

[billel2010]

السلام عليكم
بالنسبة لي عندو ضعف في النظر هل يستوجب احضار النظارات اي لازم يكون لابس نظارات لإجتياز الفحص المضاد أم ان الملف الطبي والفحص من طرف طبيب الثكنة يكفي ؟؟؟؟ ارجوا الاجابة

[MrBlaugrana05]

السلام عليكم
بالنسبة لي عندو ضعف في النظر هل يستوجب احضار النظارات اي لازم يكون لابس نظارات لإجتياز الفحص المضاد أم ان الملف الطبي والفحص من طرف طبيب الثكنة يكفي ؟؟؟؟ ارجوا الاجابة

لازم النظارات الأخ .. و لا عندك دواء جيبو تاني + 2 نسخ من الدوسي ميديكال تدفع وحدة و وحدة تغارديها عندك للضرورة ,لأن الطبيب يقلب النظارات قبل الملف و ممكن حتى ما يشوفش الملف gاع
بالتوفيق

[haroun-43]

انا عندي دوسي تاع كفالة كي نوصل تم وين نقدر ندفعو+ ملف الطبي واش لازم يكون فيه

[MrBlaugrana05]

انا عندي دوسي تاع كفالة كي نوصل تم وين نقدر ندفعو+ ملف الطبي واش لازم يكون فيه

الدوسي تاع الكفالة ما عنديش معلومة عليه و لكن بالاك تمدو للطبيب فلافيزيت لأنك ما تزيدش تشوفو أما الدوسي ميديكال أدي 2 نسخ و احكم وحدة فالدار , يكون فيه أي ورقة تاع المرض لي تبع فيه (اوردونونس + كونت روندي + راديوات + لي تاست ) ملف كامل و ما تنساش تدي دواك لأنو كاين جماعة جابو دوسي قد لرض و من بعد قالهو نتا مريض و دوسي كيما هذا و الدواء تنساه و ما تجيبوش ..

[haroun-43]

الدوسي تاع الكفالة ما عنديش معلومة عليه و لكن بالاك تمدو للطبيب فلافيزيت لأنك ما تزيدش تشوفو أما الدوسي ميديكال أدي 2 نسخ و احكم وحدة فالدار , يكون فيه أي ورقة تاع المرض لي تبع فيه (اوردونونس + كونت روندي + راديوات + لي تاست ) ملف كامل و ما تنساش تدي دواك لأنو كاين جماعة جابو دوسي قد لرض و من بعد قالهو نتا مريض و دوسي كيما هذا و الدواء تنساه و ما تجيبوش ..

شكراااااا
نورمالو سجيت كلش هات برك مانسيت والو

[haroun-43]

لي عندو مرض بواسر هل فيه امل يسرح؟

[babi_555]

وين راكم يا جماعة المدرسة التطبيقية للهندسة بجاية دفعة ماي 2016

رانا هنااا في 15 ماي نمشي ان شاء الله

[kamel alge]

انا عندي دوسي تاع كفالة كي نوصل تم وين نقدر ندفعو+ ملف الطبي واش لازم يكون فيه

السلام عليكم
اهلا خويا هارون واعضاء 119
بالنسبة ليا رحت فالدفعة لي فاتت جانفي 2016 وخرجت بملف طبي وكان معي شخص عندو ملف كفالة

الملف الطبي اي شيء يثبت المرض انا ديت غير شهادة من عند طبيب العيون كي دخلت عند الطبيب هازها في يدي لقيتو ومعاه لجنة 2ولا 3 اخرين و طبيبة اخرى سالتني كشما عندك مرض عطيتها الورقة شافت فيها فوتتها للطبيب هز راسو شاف معايا وكتب فيها وخرجت والحمد لله فت كونتر فيزيت وخرجت

بالنسبة لملف الكفالة ماعندك وين تدفعو يقعد عندك حتى يجو هوما يسقسو شكون لي عندو ملف تمدهولهم ولا في حالة ما لبسوك تمدلهم الملف اذا كان صحيح يلبسو واحد اخر في بلاصتك ويخرجوك فائض