أرجوكم ساعدوني

[مشكلتي]

سلام عليكم
ارجوكم أن تنشروا مشكلتي ولا تحذفوها لانني محطمة نفسيتي تعبانة أرجوكم يا أيها المشرفين المحترمين أن تنشروا مشكلتي أرجوكم أيها اﻷعضاء ساعدوني ولو بكلمة واحدة أشعر أنني سوف أنفجر لا أستطيع أن أحكي مشكلتي لأحد لا أحد ﻷانني خجولة من مفسي بل أكره نفسي وأحتقر نفسي أنتم فقط من تستطيعون ان تسمعوني وتعطوني نصائح ارجوكم لوجه الله إنصحوني وضعي صعب جدا أصبحت حياتي ضلام من رفيقات سوء الزمن لا يرجع للوراء حتى أصحح أخطائي أعرف ان لا شيئ. يمكن ان يمحي خطاياي لكن على اﻷقل كلمة منكم ترفع نفسية شخص
عمري 16 سنة كنت ارغب ان اكون ناجحةبدراستي أحب دراسة ولا أريد. أن أعيش مثل أمي التي ضيعت كل وقتها بتلفزيون بالمسلسلات كنت نعم البنت وأصلا أنا صغيرة وسني لا يسمح سوى بدراسة كنت مطيعة لوالدي
أمي كل وقتها في المسلسلات التركية والمكسيسكية المصرية الكورية ....الخ ولاتهتم بنا كثيرا ولا تهتم إذا درست أولا فجملتها المشهورة هي طفلة لدارها .....قرات ولا مقراتش..
وابي كل وقته في العمل وانا أﻷكبر ولا يوجد من ينصحني أنا أدرس بثانوية ومؤخرا صديقاتي لأعرفهم من زمان تغيروا بملابسهن وكلامهن وأصبحن يعملن علاقات بشباب وشدوني لهن واصبحت أحب المسلسلات التركية وأتفرج مع امي وأحببت أن اعيش مثل المسلسلات أصبحت البس لباس غير محتشم وكعب عالي ومكياج و أمي رأت لكنها لا تبالي ولم تسألني أو تعاقبني بل لم تهتم وأبي أيضا لم يهتم إذ وضعت المكياج أو لا ولباسي لا يهمه أصلا ثانوية عالم مخيف مكياج ولباس غير محتشم
المهم عجبني شاب جاري كان مؤدب ونعم الخلق ومتدين ويطيع أمي في غياب أبي ويلبي طلباتها من المحل ويحبه أبي جدا فقلت لاحد صديقاتي التي هي على علاقة مع شاب قلت لها انني احب جاري ولكنه لا يبادلني المشاعر فقالت لي وكيف عرفتي انه لا يحبك ربما يخجل منك وأصبحت تضع إحتمالات حتى صدقتها فقالت لي حتى تعرفين يجب أن تصارحيه بحبك فقلت لها مستحيل خجلت ان اصارحه وأصبحت توسوس لي بفكرة جنونية قالت لي إذا خجلتي ان تصارحيه إعملي شي اخر وهدا شي البطلات مسلسلات تركية يعملوه حتى يعرفن ردة فعل ليحببوهن
وههكذا سوف توصلين رسالتك لكن بدون ان تتكلمين وطلبت منها أن تقولي طريقة فقالت لي قبليه من شفتيه وهكذا سوف توصلين رسالته بدون كلام وراح تعرفين ردة فعله فندهشت قلت لها مستحيل وهذا حرام فقالت لي قبليه فقط لحتى توصلينه رسالة يعني لا تقبلينه من أجل قبلة لكن فقط حتى توصلين كلامك وقنعتني لكني خفت فكرت وفكرت وخفت انه يطير من إيديا لحتى شفته يوم وتزينت كثيرا ووضعت مكياج وستنيته في البيت لحتى جا وخرجت وقلت له سلام عليكم كيف الحال وهو رد سلام ولكن عيناه مشلاهم من على الارض وقربت له وقبلته على شفتيه وإندهش ماشي برك ندهش مانقدرش نوصفلكم كيفاش ندهش حسيت روحي مانسوى والو قلت ياليتني كنت ترابا حسيت هدا الاحساس وضربني بالكف وقالي ماتحشميش يا قليلة الحياء لو كان تعاوديهاولا تفكري باه تهدري معايا ولا تفكري باه تديري هدا شي مع واحد اخر غادي نقول لباباك يا قليلة الحياء بهدلني واش نقولكم ووليت منسواش
وجيت لدار نبكي ويما محست بوالو كيما العادة كانها غير موجودة ووليت نبكي بحرقة وتغيبت على المدرسة بزاف ومبعد وليت نروح ووليت مندريش مكياج ونلبس حجاب بصح ووليت حشمانة بزاف منه وكلما نتلقاو فطريق نتمنى لو اني مزدتش . انا حشمانة بزاف هو يتهرب مني ويدير المستحيل باه مايشفنيش هو ناس ملاح متربي ومقال لحتى واحد بصح حشمانة منه
أرجوكم إنصحوني

[ibtihal18]

لا حول ولا قوة الا بالله و نستناو ربي يغيثنا
يا ربي الطف بينا يا ربي استرنا يا ربي ارحمنا
والله ما فهمت منين جاتك الجراة و درتيها و فاللخر تقولي حشمانة نورمالمون تدفني روحك تحت التراب ....يا اختي و يا كل وحدة تسمعني المسلسلات دورها الرئيسي تزيين الحرااااااااااااااااااااااام .......هاااااااااااا هو الشيطان قدر عليك و نال واش يحتاج اختي و لوكان طلعت روحك و انتي فالوضع هذاك كيفاش تقابلي المولى عز و جل
ربي يهديك ربي يهديك ربي يهديك استغفري ربي ليل و نهار و توبي على روحك
يا ربي استر خواتاتنا و بناتنا و جميع بنات المسلمين
والله صراحة ما لقيت ما نقول لساني تعقد
توبي توبي توبي و استغفري عل و عسى

[----------]

سن المراهقة خطير جدا
كيما يقولو الريح اللي يجي يديك فيه

المهم يا اختي الصغيرة انا نقلك
- أول شيء اقوله لك عليك ان تندمي ندما شديدا و ان تستغفري كثيـــــــرا
توبي إلى الله صل في الثلث الاخير و ادع الله ان يتوب عليك و ان يبعد عنك كل ما يتسبب في انحرافك

- ثانيا : انت تعلمين جيدا سبب هذا الانحراف : المسلاسلات و اللباس و المكياج و رفقاء السوء خصوصا اذن عليك ان توقفي المسلسلات و الماكياج البسي لباسا محتشما و كلما حدثتك نفسك بالذنب (اقصد بالماكياج او المسلسل( تذكري تلك اللحظة التي قبلتي فيها ذاك الولد و استشعري عظمة ذنبك اختي

-ثالثا: تلك الصديقة انصحيها حاولى ان تنقذيها من غفلتها حاولي ان تسحبيها اليك و ان ابت فقاطعيها ...جدي صديقات حسنات لباسهن محتشم و لا يفكرن بالشباب و وووو

4-املئي وقت فراغك بقراءة الكتب المفيدة ...بدراستك ...بالطبخ مثلا او اي شيء مفيد

5-ذلك الشاب لا تحدثيه لا تعتذري ... عندما يراك تغيرتي في لبسك و يرى انك ابتعدتي عن صديقات السوء سيفهم انك تبتي و ندمتي على ما فعلتي
و اياك ان تكملي توهمك انه يحبك ايـــــــــــــــأك

لازلت صغيرة اختي فحاولي ان تبداي حياة جديدة عنوانها العفاف و الاستقامه
وعد مني انني سأدعو الله ان يهديك و ان يعيدك إلى طريق الصلاح
فكوني فحلة كيما يقولو و اثبتي لنفسك انك لست من الفتيات الي ما يسواوش كيما قلتي
برهني لنفسك انه خطأ و تذكري خير الخطائين التوابون




اللهم اعنا على ذكرك و شكرك و حسن عبادتك

[Zaki Dilmi]

تحية لهدا الراجل نستعرف بيه

احمدي ربي كي مكترش الهدر مع باباك و بعدي على هادو بنات بلاك تشوفيهم يدرو مع اشباه الرجال لكن اديها حتى واحد ميدي طفلة تخالط --___--

نحي هدي الصداقة و الخرطي و الحب

ربي يستر عليك و يهديك و يهدينا ان شاء الله

[(( هبة الرحمن ))]

الحمد لله أنه صفعك ولم .......... ، لو آخر مكانه لوجد فرصة من ذهب ، ربي سترك .

على كلّ حال تعلمي من خطئك الآن واجتهدي في دراستك وإياك ثم إياك أن تدخلي في علاقة مع أي شاب ، حافظي على صلاتك واحتشامك ودعيك من رفيقات السوء ،ستمرّ السنين بسرعة ويجمعك رب العباد بمن يصونك ويحافظ عليك ...
عزيزتي ابتعدي عن المسلسلات التركية تثير عواطفك ومشاعرك وتؤدي بك إلى ما لا يحمد عقباه...
أعلم أنك محرجة ، كلما التقيت بجاركم تتذكرين فعلتك ، استغفري الله ، وسيأتي اليوم الذي لن تريه فيه أبدا ...
ربي ينجحك ويوفقك ويبعد عليك بنات الحرام ..
سلام.

[صمت الرجوله]

ربي يجيب الخير جيل فاسد بكل المقاييس و فوق هذا ينتظر الدعم...البنت حتى مافكرتش بالتوبة راها غير تقول راني حشمانة خاطاركش بهدلني
.....ربنا لا تؤاخذنا بما فعل السفهاء منا ربنا انك غفور رحيم

[blanche rose]

يا الهي
كي قريت كلامك ووصلت واش درتي مع الشاب تقول واحد اعطاني كف :(

علابالك حنا بكري واش يقولولنا جداتنا وامهاتنا؟

يقولولنا الراجل اذا حاول يقبل امرأة وهي ماشي حلالو وخلاتو يخليها لأنو مستحيل يثق فيها..

ومرة كنت نتابع في حصة في قناة لبنانية
وقتها كنت عازبة..
بحيث يتصل الشباب ويحكون عن قصص الحب الفاشلة ..الخ

اتصل شاب
قال.. انا كنت احب فتاة حد الجنون
وفي لحظة جنون قبلتها فلم تمنعني
قال
بعدها انهيت علاقتي بها لأنها سقطت من عيني..

وشاب آخر كتب قصة حبه في جريدة..فقال
كنت على علاقة بفتاة لمدة اكثر من سنة..
ولم أكن أفكر في الزواج..
ففي يوم وسوس لي الشيطان فحاولت تقبيلها
فغضبت مني وقررت هي انهاء علاقتنا
فخطبتها وتزوجتها ونحن نعيش بسعادة

عزيزتي
أن تكون أمك جاهلة ومهملة ليس عذرا لك
والآن ليس كالسابق
فان لم تنصحك هي

هناك قنوات دينية
الانترنت عالم
اقرئي قصص الفتيات اللواتي تم خداعهن
في هذا المنتدى توجد الكثير من القصص
وتوجد مواضيع هادفة
لا أحد يبخل بالنصح

من الجيد أنك ندمت..لكن بعد ارتكاب خطأ فادح

أول عقوبة لك أنك خسرت احترام ذلك الشاب لك

توبي لله عز وجل بصدق
البسي لباسا محترما
ركزي على دراستك لأنها الأهم

ربي يهديك ويجعلك من الصالحات

[نورسين.داية]

يا إخوان لا تقسو على الفتاة فلا تنسو أنها قاصر ...................و لم تجد من يوجهها .......................و لا تنسو أن للأم دور كبير في الموضوع

[blanche rose]

يا إخوان لا تقسو على الفتاة فلا تنسو أنها قاصر ...................و لم تجد من يوجهها .......................و لا تنسو أن للأم دور كبير في الموضوع

نور سين
لو قالت والداي يضغطان علي ..لقلت هذا نتيجة انفجار
فاغلب اللواتي يخطئن يخطئن بسبب تقييد مبالغ فيه
فيكون طيشهن كهروب

لكن والديها وثقوا فيها واعتبروها امرأة كبيرة
امها جاهلة لكن هي قارية

ديجا ربي راهو سترها..وطاحت في ولد حلال وما فضحهاش

تخيلي لوكان دارت هاذ التصرف مع واحد ما يخافش ربي
وين كانو وصلوووو؟؟؟

الحاجة اللي متأكدة منها أن ربي سترها لأنو علابالو بلي في قلبها بذرة خير سقتها ولو قليلا

لازم تنتهلا في بذرة الخير اللي في قلبها وتسقيها باش تولي شجرة خير

لازم تتبدل من الشر إلى الخير
من العمى إلى البصر

لأن الله لا يعطي فرصا كثيرة
فان سلمت هذه المرة فلن تسلم في المرة القادمة

شوفي حالة هذه الفتاة المسكينة التي ضيعت نفسها بنفسها
ادخلي للرابط اختي صاحبة الموضوع

http://www.djelfa.info/vb/showthread.php?t=1883612

[بهجة الربيع]

انصحك يا اخت تبتعدي على هذه المحرمات تذكري قول الله تعالى الطيبون لطيبات . ولما العجلة في تكوين علاقات انت صغيرة وحتى ولو كنت كبيرة لي يحبك يدق باب دارك وتتزوجي في لحلال اهتمي بدراستك وانصحكي الف مرة ان تهتمي بها قبل فوات الاوان لكي لا تندمي عليها وانصحكي تقري صورة البقرة فيها تحفظك من كل شيطان وانس وجان وابتعدي كل البعد على صديقات السؤ واعتذري من ابن جيبرانكم

[محمد جديدي التبسي]

وكأنك تبررين انحرافك بأن والديك لم يهتما بك؟!
ما دامك تعرفي حجم خطئك بفعلك شيء لا يمكن تخيله لابد ان تتوبي وتبتعدي عن رفيقات السوء ولا تجعلي مما يسمى فترة المراهقة مسوغ لتصرفاتك السلبية واهتمي بدراستك ربي يوفقك

[sidra2014]

السلام عليكم أختي اتمنى أن تكوني إعتبرتي وشهمتي كيما نقولو يييااااو أخطيك أخطيك أخطيك
من التمسخير هذي الطريق ما تخرجش خلاص ياما بنات تغرو وراحوووووو في كيل الزيت
توبي لربي سبحانو وإتحملي الغلطة تاعك وحدك ما تحسليش في يماك وباباك ربي يهديك ويستر بناتنا انشالله
سبحان الله العضيم الواحد يسمع يتشوكى

[مسلمة عفيفة]

سن المراهقة صعيب بزاف تديري حوايج غالطين بصح نتي يبانولك عادي يعني لازم ديما كاين واحد اكثر منك ينصحك و ينعتلك الصحيح من الغالط في هادا السن و من الاحسن ان تصاحبي امك ..........

[منار 96]

اول حاجة توبي لربي واستغفري على الذنب لي ارتكبتيه و احمدي ربي لي راه سترك في الدنيا يعني راكي تحرشتي بالشاب هاذي راها حاجة مايامنهاش العقل المهم انا مش رايحا نحاسبك
ثاني حاجة انساي العلاقات و المحرمات و اخطيك من رفيقات السوء و التزمي بحجابك وبدينك وخليك من التبرج استري روحك
ثالث حاجة حاولي تعتذري لهذا الشخص وعلابالي بلي ماتقدريش تواجهيه او حتى تطلعي راسك فيك جربي اذا قدرتي تبعثيلو رسالة قوليلو فيها اسمحلي على الغلطة اللي ارتكبتها في حقك راني نادمة و حاسة بالذنب و الكف اللي مديتولي راه رجعني لعقلي و فيقني من الغفلة اللي كنت فيها ....انا راني صغيرة و مانعرفش صلاحي و رفيقات السوء لعبولي بعقلي وخلاوني نتاثر بالمسلسلات بصح اليوم راني عرفت حجم الذنب اللي ارتكبتو و الغلطة اللي درتها وراني ندعي في ربي يغفرلي ويتوب عليا ويهديني لطريق الصواب راني كل يوم نزيد نتعذب اكثر و اكثر بسبب فعل اركتبتو مايقبلو لا ربي لاعبده بصح للاسف الندم جاء بعد فوات الاوان وبعد ما خسرت شرفي و كرامتي
ونتي ردي بالك المرة الجاية و الهاي بقرايتك راكي صغييييييييييييييييييييييييييييييرة على هاذ التفكير

[رجل من هذا الزمان]

الجماعة اللي رهي تدخل تعلق هنا ..... كن داعيا لا قاضيا
الشعور بالندم دلالة على سلامة الفطرة وعلاج الذنب توبة نصوح
استشغلي بدراستك و تفوقي فيها وليكن الكف على خدك منبها لك من اي منكر
الله يهدينا ويهديكي
سلام

[fella111]

واش رايحة نقولك الله يهديك برك

['مــــــــــــرجان نينو']

كلنا خطاء و خير الخطائين هم اتوابين

ولعلى وعسى ان تكون هذه سبب هدايتك

اتركي اصدقاء السوء ومن تفكيراتهم

غيري الصحبة و لا تعاتبي ولا تلومي والدتك

اشتغلي بالدراسة وطاعت الوالدين

باذن الله تتحسن لحوال

ربي يوفقنا جميعا لما فيه خير

[زنوبيا86]

هدا درس في حياتك وهدا هو سن المراهقة بصح ذحكتيني بزاف لان صحبتك خدعاتك المهم مديري والو في بالك ما خسرتي والو وبدئي صفحة جديدة ربي يهديك

[زبدة ذايبة]

لاحول ولا قوة إلا بالله العلي العظيم

منين نبداو مشكلتك يابنتي

ماراحاش نبدالك من الأخير

نبدالك من منبع المشكلة

أولا :

انت على علم تام بأنك والديك مهملين

الأم على المسلسلات

الأب في العمل لايأمر ولا ينهى

وانت علابالك بكل هذ الأمور

حبييتي ديري دور الضحية تاع والديك ؟؟؟؟؟

لكن المشكلة أنك علابالك بلي كل الأمور اللي ديري فيها غالطة !!!!!!!!!!!!!!!!!!!!!

يعني علابالك العلاقات حرام مع الرجال والمراهقين !!!!!!!!!!!!!!!

علابالك اللباس الفاضح وغير الساتر حرام !!!!!!!!!!!!!!!!!!!!!!!!

الماكياج خارج البيت حرام !!!!!!!!!!!!!!!!!!!!!!!

علابالك البنات اللي راكي تمشي معاهم ماشي ملاح ؟؟؟؟؟؟؟؟؟؟؟

ثانيا

النتيجة = أنك تعمدتي هذا الأمر

ودرتيه وانت واعية

انت حبيتي يماك ولا باباك ينتبهو لأمرك وأنك راكي ديري في حاجات ماشي ملاح

لبست لباس غير محتشم ،،،، مادارو والو !!!!!!!!!!!!!!!!!!!!

ماكيتي وخرجتي لليسي ،،،،،،، مادارو والو !!!!!!!!!!!!!!!!!!!!!!!!!!!

قبلتي وليد الجيران ،،،،،، مادارو والو !!!!!!!!!!!!!!!!!!!!!!!!!!!!!!

وليد الجيران ،،،،، راجل ونص عطاك كف

أحمدي ربي اللي جاك الكف من هذا الراجل

الله يكثر منو في رجال الجزائر

خلاص !!!!!!!!!!!!!!!!!!!

وصلتي للنتيجة اللي كنت تحوسي؟؟؟؟؟؟؟؟؟؟ عليها كاين اللي ردك للطريق الصحيح

واش راكي رايحة دير الآن

بعد ماعرفت أن هذ الطريق هي طريق الفضايح والتبهدايل بدليها

كاين بنات الفاميليا اللي متدينين وأهلهم يخافو رب العالمين

كوني ليهم صديقة وصاحبيهم

صديقات السوء رايحين مايخليوكش تتهناي

المهم اثبتي على دينك

الصلاة ، قراءة القرآن الاستغفار

دراستك اهتمي بيها بدل الاهتمام بالمسلسلات والعلاقات مع الشباب

حياتنا ماشي مسلسللات يا بنتي

الواقع داير كيما الكف اللي خذيتيه من الراجل أو أكثر

دمرتيلو حياتيو للشاب جاه البلاء من حيث لايدري

راكي بديتي تكبري ماراكيش صغيرة !!!!!!!!!!!!!!!!!!!!

نتاجاتك تاع بكري كانو بأولادهم ويتصرفو في عائلات ويسيروها

ماراركيش بلا عقل

لاباس عليك وانت واعية للأشياء اللي راكي ديري فيها

الدليل أنك كنت تستناي في رد فعل والديك يقولولك واش هذ اللبسة ؟؟؟؟؟

واش هذا الماكياج ؟؟؟؟؟؟؟؟؟؟؟؟؟؟؟؟

لكن للأسف لاحياة لمن تنادي

الوالدين أحياء وهم أموات

كثر خير الراجل اللي فطنك ، وقفك عند حدك على خاطر ماكنتيش رايحة تحبسي نهائيا

على هاذي احمدي ربي صباح وعشية


وديري في بالك مليح مليح مليح

إذا كانت يماك وباباك غافلين عليك ماعلابالهمش تبوسي الراجل من فمو ولا ديري حاجة واحدو اخرى

رب العالمين من فوق راه يشوف فيك. بالاكي تنسايه

ممكن الشاب هذا مايطولش يجي يكتب مشكلتو بلي راكي حطمتيلو حياتو

حلي عينك تعودي تعاودي هذا الأمور !!!!!!!!!!!!!!

انتبهي !!!!!!!!!!!!!!!!!!!!!!!!!

رب العالمين ماشي غافل عليك ولا ماراهش يشوف فيك

انت مسلمة ومؤمنة

جاك الكف بقدر الذنب

ولوكان تزيدي تزيد العقوبة

حذار ثم حذاري

[زبدة ذايبة]

نزيدلك شيء آخر

بما أنك تعرفي تكتبي المواضيع في المنتدى

كلما كان عندك مشكل أو أي شيئ

قبل ماتكوني رايحة ديريه شاوري

كاين ناس بزاف في المنتدى يساعدوك ويورولك الطريق الصحيح

وماتخليش روحك حتى ديري الغلطة باش تجي تكتبي واش اندير ساعدوني

المساعدة تاعنا تكون وقائية

والمساعدة العلاجية ممكن ماعندها حتى معنى بعد مايوقع الفاس في الراس

راكي تقولي يماك وباباك ماعلابالهمش

الناس اللي في المنتدى يوجهوك ويساعدوك ويوريولك الصلاح كي ماتعرفيش

اكتبي موضوعك وسقسي نهار اللي تتخلطلك الأمور

أو نهار اللي دبر عليك صديقتك بأشياء مايرضهاش ربي وثم ماتصلحش في عاداتنا وتقاليدنا

الطريق راهي واضحة قدامك

أظن أن هذه هي المساعدة الحقيقة والتي يمكن أن أقدمها لك يا ابنتي

[الزوجة البارة]

حبيبتي العيب انك تكملي في هذي الطريق انتي اخطأتي و وزدتي حكيتيلنا ربي يغفر بصح انتي تاني لازم تدي الدرس مليح و الله الدنيا هذي راهي غير برمشة تفوت و يا سعدها الي خلات عرضها نظيف
ربي شايفك من الداخل مليحة عليها ستر عليك و التالي كان الشاب فضحك و الا على الاقل استغلك بعيد الشر
انتي اخطيك من الافكار تاع الحب و و اصلا راكي صغيرة اقراي قرايتك و هذيك غلطة درتيها و استغفرتي ربي خلاص تجاوزي
كاين مقولة تاع " انسى الماضي و لكن لا تنسى دروسه" يعني خلاص نحي التعقاد الي راكي فيه بصح التزمي بحجابك و صلاتك و دراستك و حاولي توجه الوالدة تاعك حتى صحبتك اجبدي عليها متنصحيها مدوري بيها قادرة تزيدلك كاش مصيبة و انتي في مرحلة المراهقة

[اياد حياتي]

حابة نسقسيك حاجة إذا هذا الشاب أعجبه الحال لكنتي اسمريتي في الخطأ واعجبك الوضع كما قالوا الحمد لله الي جا راجل كلش تبدل في هذا الزمان كان راجل يجري مروا مرا حتى رجع العكس يا اختي لا تغضبي مني الجاي إلى الله وتمر سنين وتنسين والهاي في قراءتك ويجي نهار الي والديك يفتاخرو بيك

[blanche rose]

اول حاجة توبي لربي واستغفري على الذنب لي ارتكبتيه و احمدي ربي لي راه سترك في الدنيا يعني راكي تحرشتي بالشاب هاذي راها حاجة مايامنهاش العقل المهم انا مش رايحا نحاسبك
ثاني حاجة انساي العلاقات و المحرمات و اخطيك من رفيقات السوء و التزمي بحجابك وبدينك وخليك من التبرج استري روحك
ثالث حاجة حاولي تعتذري لهذا الشخص وعلابالي بلي ماتقدريش تواجهيه او حتى تطلعي راسك فيك جربي اذا قدرتي تبعثيلو رسالة قوليلو فيها اسمحلي على الغلطة اللي ارتكبتها في حقك راني نادمة و حاسة بالذنب و الكف اللي مديتولي راه رجعني لعقلي و فيقني من الغفلة اللي كنت فيها ....انا راني صغيرة و مانعرفش صلاحي و رفيقات السوء لعبولي بعقلي وخلاوني نتاثر بالمسلسلات بصح اليوم راني عرفت حجم الذنب اللي ارتكبتو و الغلطة اللي درتها وراني ندعي في ربي يغفرلي ويتوب عليا ويهديني لطريق الصواب راني كل يوم نزيد نتعذب اكثر و اكثر بسبب فعل اركتبتو مايقبلو لا ربي لاعبده بصح للاسف الندم جاء بعد فوات الاوان وبعد ما خسرت شرفي و كرامتي
ونتي ردي بالك المرة الجاية و الهاي بقرايتك راكي صغييييييييييييييييييييييييييييييرة على هاذ التفكير

لا أرى فائدة من تلك الرسالة عزيزتي
فقد تقع يوما ما في يد شخص قد يستغلها

فالشيطان يوسوس للانسان في حالة ضعف ايمانه

وهي قبل ان تكون أخطأت في حقه
هي أخطأت في حق نفسها
فمن يدري
ربما كان معجبا بها وبعد ما فعلت سقطت من عينيه وكرهها


لا داعي لأن تفعل شيئا سوى أن تتوب وتثبت لنفسها وله وللجميع أنها صالحة..

ولا أقصد بهذا أن تدعي التوبة رياءا
بل أن تتوب فعلا فيرضى عنها الله عز وجل وبالتالي يرضى عنها الجميع

ربي يحفظكم

[AMINA.Z]

اطوي هاذ الصفحة و ان شاء الله ربي يتوب عليك
قرايتك ثم قرايتك