**عندي عرضة عشاء ليلة الخميس ** عاوونوني باقتراحانكم [الأرشيف]

أم محمد علي

2015-12-15, 19:47

وعليكم والسلام ورحمة الله وبركاته
أختي راكي هنا مع خياتك
ننصحك :رتبي دارك مليح ونقيها (المطبخ الثلاجة الحمام أغسلي الملابس )لأن حنا عندنا عقلية العروسة تحت المجهر
مجرد نصيحة فقط )
أما الطبخ :
تحضيرات مسبقة تعاونك
:
العجينة المورقة في 20د فقط (http://www.djelfa.info/vb/showthread.php?t=1884236)

تقدميها مع الشوربة أو الحساء والحشو الموجود عندك

ياغورت على طريقتي زاكي وبنين مع الصور (http://www.djelfa.info/vb/showthread.php?t=1872580)

بنين وخفيف وغير مكلف

أسرار الشوربة من مطبخي (http://www.djelfa.info/vb/showthread.php?t=1892248) الشوربة هاذي بنينة بزااااااف

الخبز تع أم أماني هايل جربتوا :خبيزات بالفرينة والسميد روووووعة (http://www.djelfa.info/vb/showthread.php?t=1749258)
وهذا تع أم ساجد هايل : (http://www.djelfa.info/vb/showthread.php?t=1749258)
(http://www.djelfa.info/vb/showthread.php?t=1749258)خبز باللبن ومن غير عجن (http://www.djelfa.info/vb/showthread.php?t=1866386)

ممكن أديريها هايلة :
تطبيقي للبطاطا بالكرام فراش (إلهام)روووووووووعة (http://www.djelfa.info/vb/showthread.php?t=1898063)

كيكة بالفلان رووعة (http://www.djelfa.info/vb/showthread.php?t=1882771)
أدخلي هنا
وصفات حراير الكوزينة الجزء الثاني (http://www.djelfa.info/vb/showthread.php?t=1712996)

http://www.djelfa.info/vb/showthread.php?t=1362108

مستر ساروسو

2015-12-15, 19:50

السلام عليكم.
سهل جدا ايتها الاخت مع العلم هذا الطبق هو الموجود و الشهير في الاطباق الجزائرية.
الشربة بالفريك + طاجين الزيتون او الدجاج او اللحم حسب ذوقك + ماسيدوان + فواكه مثل الموز او التفاح او هما معا و ان تضعي معها ياورت و قارورة عصير الفواكه ذات اللترين.

**أمة الرحمن **

2015-12-15, 19:55

**أمة الرحمن **

2015-12-15, 19:56

سهل جدا ايتها الاخت مع العلم هذا الطبق هو الموجود و الشهير في الاطباق الجزائرية.
الشربة بالفريك + طاجين الزيتون او الدجاج او اللحم حسب ذوقك + ماسيدوان + فواكه مثل الموز او التفاح او هما معا او ان تضعي معها ياورت و قارورة عصير الفواكه ذات اللترين.

شكراااااااا لك ...... :19::19::19::19: و يبقى الخوف مسيطر على ذهني

فرج قريب

2015-12-15, 19:56

مرحبا اختي شوفي اخلاص 22 افكار هايلة عندها

أم محمد علي

2015-12-15, 20:13

ولماذا الخوف ؟؟
موالفة أطيبي ؟؟

**أمة الرحمن **

2015-12-15, 21:28

ايييببه موالفة نطيب بصح خااايفة ادا ما تجيش بنينة

ام هدول

2015-12-15, 21:36

اختي ديري الثقة في نفسك وراح كلش يجيك ساهل وبنين بالتوفيق

**أمة الرحمن **

2015-12-15, 21:47

انا قلت ندير
شربة فريك تجيني هااايلة و الحمد لاه
و بوراك نزيد معاهم رولي تع سلق و دجاج و جبن و سلاطة مشوية و سلاطة تع الورق و لحم الحلو و طاجين الخوخ بالدجاج أو السفيرية و للديسير قلت ندير فلان و سلطة فواكه مع العصير و البرتقال بالقرفة و للشاي في اليل قلت ندير قطايف و مكسرات
دبروا علبا هادو ملاح ؟؟؟ ولا نزيد ولا نقص؟؟ راني ننتظر في الردود تاعكم

ninnou

2015-12-15, 21:57

اختي ما تخافيش، ربي يعينك ولما تنتهي وليمتك ان شاء الله على خير رايحة تضحكي على روحك..ّ. معظمنا مرت على هذه المرحلة وزيد حاجة اخرى الاشياء اللي ناوية تديريها مليحة اما تزيدي ولا تنقصي خذي بعين الاعتبار عدد الاشخاص وظروفك وواش عندك فالدار من اواني ......الخ .....ربي يسهل ماتخافيش وكاين حوايج بزاف حضريهم من قبل ما تحشريش روحك في الوقت باه على الاقل تقدري تقومي بهم ومايبانش عليك التعب خاصة اذا راك وحدك

ام زهر

2015-12-16, 10:23

:dj_17:راكي عروسة متخافيش خلاص استقبليهم بالضحكة ودير وش تعرفي طيبي والمقدور تعك تحبي تزيدي تشري كيم لقطايف والقاطو وحسب المنطقة لراكي فيها تقدري تطلبي من عجوزتك لغدوا هي لديرلك لغداء دورك حطي روحك واحدة منهم والصفاء تع القلب هو كلش:)

ام شرفو

2015-12-16, 18:24

و الله ربي في عونك انا نقترح عليك تجيبي وحدة اختك و الا وحدة مقربة باش يكفيك الوقت و تقعددي مع ضيافك لان الزمن تغير كاين الكوكوت و الفور

ام شرفو

2015-12-20, 12:25

واش الاخبار يادرا واش درتي

سيرين 5

2015-12-21, 16:35

خبرينا واش طيبتي ؟؟؟ و كيفاش جازت أنا راني ناوية نعرض لوستي و قلت ندير أكل بالطبع ان شاء الله و أكيد الإستعانة بوصفات أم أماني بارك الله فيها

lamia lmd

2015-12-22, 14:19

القائمة لي درتيها هايلة متزيدي ماتنقسي وربي معاك ان شاء الله

ninnou

2015-12-22, 14:50

طمنينا يا أختي كيفاه فاتت العرضة تاعك..........واش درتي واش مادرتيش..........واش انطباعهم......الخ..........راكي علابالك التقرعيج داير حالة......نقصر معاك برك ان شاء الله تكون فاتت مليحة

**أمة الرحمن **

2015-12-22, 16:57

يعطيكم كامل الصحة بصح فاتت أكبر تبهديلة في حياتي ......لا بنة لا شكل لا والوا و ماباتوش راحو لخاظر الماكلة ماهيش مليحة المهم
الحمد لله
ومازال الفشل متواااصل درت خبز الار الحلو اليوم جا ماهوش مليح .....ملا قلت ندير الفطير بالسميد جا يابس حجر و عاودتو جاني يتفتت مبسس بزاااااااف
فشلت قعدت نبكي في الكوزينة وحدي
اهلي بعاد عليا بزاف 4 ساعات ونصف
و معنديش عجوزتني و لا وحدى تعاونني

oum souhaib

2015-12-22, 18:10

وللله دخلت باه نشوف واش درتي .اختى بلاك عندك مشكل يا مراكيش تحمصي مليح .يا راكى تمرقي بزاف ديري بزاف الماء .
ولفطير مديرش الزيت بزاف وخليها تريح .قوليلى كيفاه راكى ديري حبيت نعاونك عل. وجه ربي

**أمة الرحمن **

2015-12-22, 18:43

بالعكس نتحقق ديما من الوصفات نكتبهم في ورقة و نزيد نشوفهم فيديو و نتبع المقادير و الوقت حتى كلفت زوجي ..بصح نفس النتيجة في دارنا كنت نطيب و يجيني كلشي بنيييييييييييييين مي ضرك ما فهمتش قلت بالاك راني تغلط في الوصفات بصح وليت نكتبهم ونديرهم قدامي بالعقل و اللي غاضني زوجي مسكين ياكل كلش و هو ماهوش حتى بنين على الاقل الشكل صفر ... يقولي معليش عاودي زيدي زيدي ما تخافيش و انا و الله ما نخاااف بالعكس نمووووووت على الاكل و الكوزينة بصح بيناتنا وليت نحشم منو و زيد كي يعرضوه صحابو يتعشى يجي مسكين يحكيلي و هو فرحان على الماكلة البنينة كي يروح لعائلتوا يجي يقولي دارولي وش كاين فخاطري ...........انا تغيظني روحي بزااااااف خطرة وحدة جاني الكروكي شباب مرة وحدة كان عندي 15 يوم
فقط ...... مانكدبش عليكم كرهت و ليت كي ندخل للكوزينة يا نبكي يا تعيظني روحي بزااااااااااااااف و حكيت لامي ما فهمتنيش كااااالمل ما قدرتش تكووون فبلاصتي قاتلي بهدلتيني
زوجي بعد العرضة الشنيعة راهو ساكت فقط .. علابالكم وش راهو يجيني بنين ؟؟؟ الفهوة الكحلة فقط لخاطر عندي الكافيتيار .........
المهم ما لقيت ما ندير
سلام

الزوجة البارة

2015-12-22, 19:42

حبيبتي بالشوية برك راح تصلحي كلش كي تحبي طيبي اقراي اية الكرسي و المعوذتين بلاك كاش مجاتك عين على طيابك من قبل انا مرة و الله ضربوني بعين على القاطوات كانو الناس يشهدو بقاطواتي و كي طرشقوني و الله الصايبلي عاد يجيني يابس قريب نهبل حتى وليت كل مرة نقرى المعوذتين و اية الكرسي كي نجي نبدى في الكوزينة و الحمد لله رجعلي كلش كيما قبل
تاني اختي الخلعة و الرتباك يهرد لازم تكوني واثقة و كي طيبي خممي في المقادير اكثر من تتبع الوصفة انا سعات نبدل على حساب عيني ميزاني و تصلحلي باذن الله ربي يعوضك خير

أم محمد علي

2015-12-22, 20:03

أنصحك بالرقية
أدخلي لقسم الرقية يساعدك الأخ أبي همام
بالتوفيق

ام شرفو

2015-12-23, 09:26

انا عهني طلب رانا كل خواتات في هذا المنتدى و نتعاونو
اذا ماعندكش مانع حطينا كيفاش طيبتي و نتعاونو باه نصلحو اخطاءنا جميعا
يا اختي انا عندي اكثر من 20 سنة زواج مريت بهاذو المواقف و يكذب عليك اللي يقولك العكس كنت نتفرفش و نخلط بصح مع الوقف اتعلمت نتحكم في اعصابي
كان زوجي يجيبلي ضياف على غفلة نتغشش و نبكي لكن جربت طريقة نعرض عائلتي و نحضر الاكل فترة من قبل و قدرت نصلح اشياء كثيرة
اولا دائما نقولو بسم الله وسبحان الله و الحمد لله في البداية و الاستغفار دائما
نحط روحي كل يوم باللي رايحة ندخل امتحان و لازم ننجح بيني و بين نفسي ثم لزوجي و من بعد للضياف
عندك زوج متفهم و هاذي نعمه
اكتبي ورقة حطي مراحل الطبخة بلا ما تشوفي ثم صلحي
حطي جميع المكونات قدامك انا ديما نتكلم وحدي بصوت عالي باه ما ننساش
ليس المشكل اننا نخطيء لكن المشكل هو لازم نعرفو واش هي الغلطة
حسب رايي خدي كل وصفة عاوديها وحدها ممكن المشكلة كي نحبو نطيبو كمية كبيرة لوصفة نعرفوها ما نعرفوش كيفاش نزيدو

merry_mora

2015-12-23, 14:03

اختي ماتقلقيش روحك وهذا قاع من الخوف حتى انا كنت نطيب من بكري كلش يجيني هايل وكي تزوجت والله من الخوف الفريت ولات تتلفلي كيفاش نديرها وجامي لاذقت ماكلتي نعرفها من وجها برك بلي مليحه بصح كي تزوجت نص تيبانة نكملها وانا ندوق ونعاود واله الخوف هو لي دارلي هكاك بعد مدة 3 اشهر رجعت نقول في راسي انا لي طيبت لفيونصاي ديالي للرجال والنسا تغلبني الخلعة رجعت نطيب ونقول كيما جات جي ورجعت فيا الثقة وكلش ولا يجيني بنين كيما دارنا واحسن والله كامل مرينا بيها وان شاء اله الاخوات يعاونوك ولازم تنحي الخلعة برك وربي يصلح الاحوال

ناريمان2004

2015-12-23, 17:51

اختي العزيزة راني حاسة بيك على خاطر راني مريت بيها بصح نقولك حاجة وحدة لا للياس ولا للياس علابالي بلي المورال هابط بصح حاولي انك تتغلبي عليه وراك تقدري وكل يوم حاولي اديري حاجة جديدة وكان مصلحتش فوتي ايامات وعاوداها حتى تصلح وهكذا حتى تتعودتي واعتمدي على وصفات الاخوات الكريمات من هذا المنتدى الراءع راني انتظر وصفات الناجحة ان شاء الله

ام رضوان

2015-12-23, 23:08

السلام عليكم
اختي راني حاسة بيك بصح ما تخافيش رانا تقريبا كامل مررنا بهذه الحالة.
نوصيك ديري الثقة في نفسك هي اهم حاجة وتوكلي على ربي.
والله يااختي وعن تجربة حاولي توجدي عشاؤك بكري واختاري التوابل لملاح واعطي لطبخك وقتو الكافي تاع التقلية وما تكثريش الماء بزاف وتبعي النصائح تاع اللي تقدملك الوصفة وباذن الله راح تنجحي .
وكي تعودي تطبخي ماتنسايش بسم الله.
والله يا اختي انا كنت نتعب بزاف في الطبخ بصح رجعت كل ما نخاف من حاجة ما تصلحليش تلقايني نخدم وندعي او نذكر والحمد لله
اختي حاولي تفرحي زوجك وما تياسيش .
وادخلي لاقسام الطبخ هنا في المنتدى والله الحراير كفاو ووفاو ربي يحفظهن.
ربي يكون معاك اختي.

ميساء ميساء

2015-12-23, 23:30

ما تخميش كامل مرينة بهاذ المرحلة الارتباك و زيد كلش متبدل الاواني المطبخ الاشخاص لياكلو و اذواقهم كيما قالت الاخت اول مرة كنت رايحا نقلي البطاطا جات كارثة شربت الزيت و تفتفتت في المقلاة هاذا كامل علاخاطر المقلاة ثقيلة و نوعية الغاز ماش قاوي ما قالوليش بلي متعودين يقليو علي الطابونة هههه
المهم بشوي حتي توالفي
و المرة القادمة كتروحي زيارة عند اهل زوجك اديلهم حاجا في يدك من خدمتك و قوليلهم اسمحولي علي عشاء المرة لفاتت الارتباك سيطر عليا
الحل ما تعوديش تحاذري علي روحك بزاف عند الطبخ و تتخلعي كتعودي طيبي كون م جيش بنينة كيما كانت اختك دزي عليها تصلحلك و ما تهبيش
موفقة
ربي يهنيك و يسعدك
ا

**أمة الرحمن **

2015-12-24, 09:35

صباح الخير عليكم
شكرا لكم جمييييييييييييييييييييييييييييييييييييييييييييييعا ااا
على الردود المفرحة
المشكل انو نتبع كلش و نذكر رب و بسم الله
استتغفر الله علابالكم الصباح درت المسمن جا كي شغل حجرة و درت العجينة لبارح و من بكري نديرو هو اول حاجة تعلمتها نفس الطريقة نفس مكان الطبخ العجينة هااايلة كي نديروا على النار يولي حجر علاه؟؟ مانعرف اعوط بالله من الشيطان الرجيم البارح درت سباغيتي ياك تغلي في ماء و ملح رحت توضيت و اماء هاداك وين غلى درتلوا ملح و زيت ورميت الساغيتي خلطتها نقصت النار و رحت يا رب 3 دقائق جيت لقيت القدرة سوداء اتخيلوا الماء كاااااااااااااااااااااااااااافي بزاااااف معمرة
راني حايرة بزااف سلام ما قدرتش نفسيتي راهي 0

أحلام مؤجلة

2015-12-24, 14:42

اختي ربي يحسن عونك ، انا من رايي انه انت طبخك على الاقل بنين وفي حدود المعقول هذا اقل شيء وممكن حتى يكون بنين وجميل الشكل، مشكلتك الثقة في النفس والارتباك ، ديري الثقة في نفسك والله راكي طبيعية جدا وشنو انت تديري بزاف حساب للعباد وتعليقاتهم خاصة اذا كانو من جماعة الفوخ والزوخ ، نقولك حاجة مادامك تطبقي في الوصفات وتعرفي اساسيا ت الطبخ مستحيل الحاجة ماتخرجش بنينة ماهيش علوم دقيقة! بقى الشكل مكانش قد البساطة والمبالغة في التزيين انا مانحبهاش وخاصة في الاكل، والاهم من هذا كله انك درتي الواجب مع اهل زوجك ماتقلقيش روحك وننصحك ماتعتذريش وكوني واثقة من نفسك واعطيهم دايما الانطباع بللي راكي تعرفي كلش ماتحيش لعباد، واجبك درتيه وبذلتي جهدك وطاقتك وفاتت كيما فاتت ماتزيديش تخمي فيها وصدقيني راكي ناقصة ثقة في نفسك فقط، ممكن انت افضل منهم بكثير ومن عندي كيما نقولو احنا ماتعيشي حتى لواحد! ونسيت نقولك عندك خفة دم قاعدة نقرى ونضحك مش على الطبخ لالا حاشا بصح على تعليقاتك ههههههه ربي معاك اختي

chahrazed staifia

2015-12-24, 15:02

اقترح شربة فريك وزيتون وطاجين اللي هو تقلي بطاطا كاريات صغار وتحطيهم على جهة ثم تقللي اللحم المرحي مع بصل وفلفل اسود وملح وتظيفيه للبطاطا اللي قليتيها وتقي عليهم دبشة ومعدنوس و2سنات ثوم مرحيين وتداويهم فلفل اسود وشوية ملح وتكسري عليهم البيض حوالي 5بيصات وديريهم في مول وتقطعي الفرماج وديريه في النص وتكبي بقية الخليط والى الفرن راهي مطولش وابشري عليها فرماج بنينة تهبللللل المهم وزيدي معاهم بوراك وحميس

سر التقى

2015-12-24, 15:02

و الله دخلت ما عرفتش واش نقلك اختي ربي يفرج عليك لكن نظن انه الخوف هو الي مأثر عليك و الله اعلم

أم الحبايب 26

2015-12-24, 15:18

http://www.d-fr7.com/vb/storeimg/d-fr7.com_1389903601_300.jpg

غير بشويا تتغلبي على مصاعب متقاقيش روحك تعياي وتوالي طيبي كما كونتي وحمدلله كراكي تسكني واحدك مكانش لشافك كفاش طيبي نحارقت ولا قعدت ربي معاك بنتي

ام ايمان16

2015-12-24, 15:55

قولينا واش درتي فيها

سيرين 5

2016-01-11, 13:54

مساء الخير عليكم
ما تقلقيش اختي أنا عندي عام ملي تزوجت في الأول و مازالني نحس بعبئ كبير في الشغل كامل ماشي غير في الطياب كي شغل يديا تربطو و دنيتي مقلبة و ناس داري يسكنو تحتي و الطابق مفتوح ؟؟؟ والله تبهدلت ما قدرتش نكون دياما على الشعرة و في الأول كنت نتعس بزااااااااااف و التعليقات ما نحكيلكش ؟؟؟ و أنا كنت نتقلق و نزعف من تعليقاتهم حتى في حياتي ما حسيتش روحي مرتاحة نتعس في كلش عيييييييييييييييييييت و كنت حامل ببنتي حتى زيدت باش ارتحت و وليت ما نعمرش راسي نخدم شغلي مليح حتى عجوزتي قاتلي اخدمي بعقلك ما تعييش روحك و درت عرضة ماكانتش 100 بالمئة ناجحة بصح الحمد لله رضيت على نفسي و علقوليش تعليقات عيانة درت شربة فريك لصقتلي شحال من خطرة و بدلت القدرة ههههههه و درت طاجين الضرة تاع أم أماني المرقة جاتني ماشي عاقدة دارتلها لوستي 2 ملاعق لاكرام فراش و عقدتها بمغرفة فرينة ....

ملاك ملاكي

2016-01-11, 14:20

يسلام الله غليكم يا الحراااااير بصرااااحة عجبني عنوان النوضوع قلت ندخل نسرق افكار هاهاها
مي يااااا خاااااه عليا والله العظيم نقرا في الموضوع ومتخيلة نفسي وقلبي يخبط واش نقولكم هاهاها
اااااااا يا قلت والله درت مليييييح كي دخلت هاهاها
اولا نقول للاخت صاحبة النوضوع غير بالشوي على روحك حنونتي والعكس هذا درس ليك وتجارلك تستفادي منهم ومرة اخرى وقولي قالتها المهبولة ملاك تولي تتفكريهم تضحكي على روحك العكس يبقاو دي سوفونير حلويييين
اختي واحدة فينا ماناضت متعلنة وكاملة مكملة لي قالك يكذب عليك ويزوخ عليك
وراكي تشوفي ماشاء الله راهم معانا حراااااير الله يبارك عليهم ومازالهم يحبوا يتعلموا ويتفننوا ويحويوا على الجديد ةاحنا تاني كيف كيف اختي
وكي قاتلك الاخت اجمدي ربي كي رتكي بدارك وحدك واحد ماطل عليك لا حرقتيها لا شويتيها هاهاها
نصيحة ماتفشليش وتبقاي غير تبكي وتلومي روحك بما انك في دارك ورتجلك قانع بيك يا اختي ديري ستاج كل يوم حاجة وابداي بكميات صغييييرة وباذن الله راح تنجحي
انا مالا كي كنت قلت في بداية النوضوع والله نقرا ونتخيل في روحي ونقول اييييه جايني الدور هاهاها مع اني الحمد للله نعرف نطيب مي هكذاك ومازال كاين اساييات واطباق رسنية مانعرفهومش ملييييييح واذا خب ربي مابقاش على عرسي وانا تاني نسكن مع دار شبخي بالطابق العلوي يعني منفصلة عليهم مي هكذاك وراني نخمم هاهاها خاصة انه عجوزتي حاطة فيا ثقة مبييييرة وتزوخ بيا هاهاها مي نانعرف نكون عند حسن ظنها ولا نخيبها هاهاهاها يا خيبتي
وانا اصلا نحب العزومات والتجديد والتفنن وغيره مي ربي يقدر الهييييير هاهاها واكيييييد راني نقولهالكم من ذرك غيييير استناو تلبازي ولا كاش كارثة مطبخية هاهاها في داري هاهاها
اختي اصدمي عليها واش علاه المطبخ غووووول العكس اتحدايه وحبيه من قلبك وباذن الله راه ترجعي وتوريلنا اطباقك وتشهينا
ياااا لا اضحكي شوي هاهاها وافرحي هذه الشهور لي لازم تعيشيها مهبووووولة بالا امسحي دموعك وخنونتك هاهاها ونوضي فرحي زوجك ولو تلبييييزة والله راح يحبها خاصة كي يشوفك تحاولي وانت تضحكي وخليه يشاركك باه تجي حلوة هاهاها
ربي يهنيك ويسعدك ان شاء الله وبالتوفيق حنونتي
ونشكرك على الموضوع لاني استفدت من كلام الاخوات الله بحفظهم

ibtihal18

2016-01-11, 14:28

يا اختي ماكانش فينا اللي ما فاتتش على المقالب هذو انا مجرد ما ننوي برك نخدم حاجة و نبعتها لكاش واحد تعكسني و تجي كانني عمري ما طيبت و نهار نخدمها ليا تجي تهبل بلعقل على روحك انتيا برك من الخوف انها ما تجيكش مليحة جات كيما توقعتي لازم ديما تكوني متيقنة انها تجي مليحة و تطيبي بكل اريحية و عادي و كي تكون عندك عرضة مرة خلاف ديري حاجة اللي تقدري توجديها من قبل مثلا فالصباح و اخدمي بلعقل و براحتك بصح تاني ترجع للناس اللي معروضيت اسكو تع الفوخ و الزوخ ولا ناس ما يهتموش للماكلة بقدر ما يهتمو للجاست و انتي ادرى بيهم و زيد طيبي كيما تعرفي انتي

مرة على مرة عرضي ناس اخرين ولا يجيوك ماليك و جربي فيهم باش نهار تجيك عرضة صحيحة تكوني موالفة
بالتوفيق

أم عبد الرحيم يوسف

2016-01-11, 15:29

ربي يكون معاك اكل فاتت علينا بصح كيما قالت الاخت لي يزيد عليك التعليقات تقول هوما يديهم ذهب لعلينا أنا في بداية زواجي كي كنت نعرض أهلي وذاقوا ماكلتي قالولي بهدلتينا ماكيش بنتنا ويراه طيابك تاع بكري حتى البنة تبدلت وماما قاتلي نرقيك أحسن قلتلهم علاه ديما نعرف ساعة تصيب وساعة تخيب حتى أنا ساكنة عند العايلة ةيحبوا يعلقوا هههههه شافية نهار قلت لسلفتي بنيتي ماكلتك اليوم مالحة ماعندي مانقولك حتى شكات لراجلي وقعدنا نضحكوا
تعرفي واش سلكني من الحالة هادي كيما قاتلك الاخت لي قبلي كنت نعرض صحباتي وندير عرضة كل سبت ساعة مالية ساعة صحاباتي مرة ندير ماكلة بريزونتال مرة ندير ماكلة تقليدية حتى فرج ربي ولاتلي البنة تاع بكري دورك عندي زوج دراري كي نتفكر نشبع ضحك
أهم حاجة ثيقتك في نفسك وتعرفي تكسبي راجلك ماتحسسيهش بلي راكي خايفة وكلش يفةت ربي معاك أختي

أ م ساجد وسيم

2016-01-12, 23:13

اسمعيني مليح يا ختي
ماتتقلقي ماووالو حنااااااااا كامل فتنا في مواقف هكذا ونقعد نبكي و نندب في زهري حتى نحشم نشوف في زوجي مرة درت المسمن وجاني مبهدل بزاااف ...بصح قلت في خاطري لازم نرجع كيما كنت وعرفت المشكل من واش انه كنت نتقلق ونفقد ثقتي بنفسي....كنت ديما نقول انني نتبع الوصفة كيما هيي بصح كي بديت نسترجع ثيقتي وليت نكتشف اني كنت نتقلق وماكنتش نركز ...بديت نجرب حلويات ومعجنات لما يكون راجلي غايب في الخدمة اذا صلحت وجات شابة هذا واش نحوس واذا فسدت نلوحها ونسكت ونستغل كل دقيقة في دار بابا نجرب ونطيب غير انا في دار بابا حتى رجعت كيما كنت ...قلت لزوجي اذا عندك حباب تحب تعرضهم اعرضهم قالي متاكدة قلتلو واه
امالا عرض،صحابه للفطور نظمت اموري مليح وكنت حابة ندير سلاطة رولي تخيلي نجرب ونعاود فيها على الطرشون تاع الكوزينة ونتخيل فيها الحشو .المهم الهبال وخلاص...والحمد لله فاتت العرضة ممتازة وفرحته لدرجة انه قالي غدوة ثاني نعرض صحابي وزدت فرحت اكثر
ونوصيك لما تحبي تبداي تطيبي قولي "بسم الله" ولما تقشري او تقلي بصل او دير الملح او اي شيء ثاني قولي بسم الله صدقيني والله العظيم ربي يسهلك وتجيك الماكلة بنينة هكذا حتى شيطان مايدورش بيك وتكسبي اجر في نفس الوقت
اي مساعدة راني هناختي....

om kamilia

2016-01-13, 09:12

غضتيني بزاف ختي, بصح حتى حاجة ماتهون في دنيا كي نتفكر أول حاجة تتحلل مع موتنا ي كرشنا و شهواتنا
صح العيين حق , وانا مثلك مررت اكثر منك بمواقف اكثر و ما تنسايش اكبر طهاة العالم ييمرو باخففاقات صادمة تخليهم في مواقف جد حرجة, و الطبخ مش قرآن هكا يقولي زوجي حتى الوصفات ما نتقيدش فيها, مثلا حطيت وصفة للمتدى جربتها وعجبني وشكلا رايحة تعجب كل زائر لكن الذوق لآ يكون كذوقي بالتالي يبدل في الوصفة ك
كما يحب

وحقيقة الكل يمر بهذه اللحظات ااخفاق ثم نجاح
ونصيحتي ليك اولا توكلي على الله و سميي باسم الله
ـ ديري ثقة في نفسك مهم جدا قولي ننجح باذن الله , ماعليش 1, 2 , 3 و .... حتى تنجحي
ـ و في العرضات قبل جربي وصفات باه نهار تحضريهم لضياف تجيك ساهلين وتعرفي الهفوواات ويين
ــ كي قريب تعرضييي ديري القائمة تااعك و حضري المقاادييرر
و لا حاجة تقدري تطيبيها مسبقا
واسعاي باه تكونيي منظمة دارك وروحك وأوانيك هكا تستمتعي بالعرضة تاعك

ماعليش هذي فاتت كي تجربي الوصفات عاودي عرضيهم ماديش الملح بزاف, ما تمرقيش بزاف و حمسي الطواجن على نار قليلة قبل ما تمرقي التحليات و المقبللات و الحشو والجاج حضريهم من قبل
ان شاء تعاوديها وو تخبرينا بنجاحك
حقيقة و ليت حتى حاجة ااوو أكلة مااتخلعنييي حتى ارقى المطااعم لانو نعلم اني نجربها نخسرها 1 2 3 4 ......... حتى ننجح باذن الله

مريم*

2016-01-14, 23:08

ربي يكون معاك

السعادة قرار

2017-04-23, 00:40

السلا عليكم موضوعك مرو عليه عامين و انا كنت نبحث على وصفة البوراك بالسلق خرجلي ضرني قلبي كي شفتو و حبيت نشاركك ماساتي ههههه
بعد الزواج مباشرة قمت بعرض اهل الزوج لكن ما حبتش امو تجي و كل مرة نعاودو نعيطولهم للعشا لكن دائما تجد اعذار و وصلت اخر السنة نتذكر مر على زواجي 4 اشهر و الزوج في اخر السنة لم يقبض راتبه و واحد النهار امو جات على غفلة من غير انذار على حوالي 6مساءا قلت في نفسي جاتني على السادسة موش رايحة تخرج ضرك رحت للمطبخ حضرت القهوة و في نفس الوقت بدات بتحضير العشاء و قلت لزوجي دبر راسك راح دار كريدي على الجزار لازل مرة منذ تزوجنا انا حضرت العشاء و حطيتو و هي قامت و قالت انا نروح بديت نحلل فيها لكن والو خرجت
زوجي غضب عليها و دار حالة لانو انا بكيت على طريقة معاملتها و كيف تعبتني و راحت و لات عاودت نفس الشيء بعد مدة جات بدون انذار هاد المرة ايضا حضرت العشاء بربوشة و سلطة و تحلية لانها دخلت متاخرة جدا و من السرعة عملت الصوص قليلة لكن عمرت الصحون بربوشة و ما كفاتنيش الصوص فاكلو فقط اللحم و الخضار و لم باكلو البربوشة انا كرهتها جدا لاني لم اكن محضرة نفسي لاستقبالها و شيخي يحب العشاء باكرا هي دخلت حوالي السادسة و هو حوالي السابعة لحقهاو بدا يقولالعشاء وجد و لا مازال و انا تحيرت و غاضتني عمري علاه ما خبرتنيش انها جاية كنت على الاقل نوجد روحي يعني في الوقت الي دخلو راح زوجي اشترى الاغراض و عاد و انا بدات بالتحضير المهم انا داشما نتذكرها و نتقلق بزاف و كي شفت وش كتبتي زدت تذكرت و حسيت بيك