من تشاركني همي

[amel222]

مساء النور والله اعجبتني فكرتك ساعات تكون الوحدة منا تعبانة وماهيش حابة تحكي للي يعرفوها انا رح نبدأ هذا النقاش ونطرح الموضوع اللي معمرلي راسي بزاف
انا متزوجة صافي عامين ومازال ربي مانابش علي كي رحت للطبيب قال للراجل نتاعي بلي تحاليلو مليحة وبلي لنل عندي تكيس مبايض وعدت ندير في كلوميد و اوفستن لكن ماحدثش حمل انا و الزوج ديالي شادين في ربي و مقاليش الكلمة اللي توجعني حاس بيا والطبيب الي نقول عليه يديني المشكل في العايلة نتاعه خاصة يماه كل شهر تسقسيني كاش ماناب ربي وكي نقلها مازال تبكي وكي تشوف طفل صغير تبكي تقولو عندي 10 سنين متزوجة والله تعبتني بزاف
هادي حكايتي واش تقولولي فيها والي تقرأ تدعيلي من قلبها بالذرية الصالحة
راني نستنا في ردودكم وفي مشاركات اخرى

[ghost34]

سلام اختى انا ماشى مزوجة يسما مانيش راح نفيدك بزااااااااااااااااااااااف .............ربي يفرج عليك و يرزقك بالذرية الصالحة...و مدريش على عجوزتك هى تانى مادا بيها تشوف ولاد بنها .............بصح تهلاي فيهم و مدريش كيما داروا شى نااااس .الاولاد مسؤولية ماشى تمسخيييييييييييير ********...واحد يحوس على لولاد واحد هارب عليهم....*********.....رانى ندعيلك من كل قلبي ......................

[aamil]

هادي حاجة ربي احمديه و ادعي ربي يفرج عليك و يرزك الدرية الصالحة ان شاء الله

ادعي في السجود و بين الآذان و الاقامة ربي يستجيبلك في القريب العاجل ان شاء الله

و في ما يخص عجوزتك راهي في مقام يماك ما تواجبيهاش و قوليلها تدعيلك كي ترضى عليكم ربي سبحانو يرضى عليكم

ما اديريش في قلبك هادي تاع ربي ان شاء الله عن قريب ناكلو الطمينة سلااااااااااام

[بنت سكيكدة]

اختي العزيزة رزقك الله الذرية الصالحة
كلام الاخوات جيد وجميل فاستمري بالذهاب الى الاطباء لكن اعلمي ان الحمل ان تم فمن الله وحده وليس للطبيب اي ارادة في ذلك
ليكن يقينك بالله قوي وثقتك به عالية لكن لا تهمك الاسباب التي تؤدي الى النتيجة التي تريدين
ولا تنسي التضرع الى الله وصدقة السر (داووا مرضاكم بالصدقات) ولزوم الاستغفار ودعاء ( ربي لا تذرني فردا وانت خير الوارثين)
لتعلمين اخيتي لي جارة لم تنجب لمدة 10 سنوات و هي الآن تنتظر مولودها بعد شهر ان شاء الله الله يتمم لها و لكل المحرومين من هذه النعمة يا رب
مع اطيب تمنياتي

[*أنسام*الجنة*]

السلام عليكم ورحمة الله


اختي نسئل الله ان ينعم عليك بالدريه الصالحه

فصحيح شيء يتعب النفسية خاصتا إن كان من أهل الزوج

لكن بما أنا زوجك متفهم فلا تكترثي لهم كثير

فهي كذالك تريد ان ترى أبناء لولدها أنا لا أدالفع عندها

لكن هذا هو تفكيرها ولها الحق

لكن أنتي فقط كل مرة حاولي أن تقولي لها أنه أمر الله

والله يرزق من يشاء إناثا وذكورا ويجعل من يشاء عقيما

ان شاء الله تقر اعينك بأبناء صالحين

فقط استمري في زيارة الطبيب والدعاء والصلاة

دومتي اختي ودائما ادعي الله

فهو الوحيد الرزاق

[amel222]

بارك الله فيكم وجعل هذه الكلمات في ميزان حسناتكم
ربي يعطي كل واحد منا وش يتمنا
سبعة يظلهم الله يوم لا ظل الا ظله اثنان تحابا في الله
احبكم في الله

[امل لا ينتهي]

السلام عليكم
اختي احب ان اذكرك انه لا يرد القضاء الا الدعاء
لست متزوجة لكنني انثى مثلك واعرف ماتعانينه لكني اتمنى عليك ان تصبري وتداومي على الدعاء وزيارة الاطباء
اما ام زوجك فعامليها بالحسنى واكسبي ودها ...وعامان ليست بالمدة الطويلة او الحرجة فمازال امامكما الحياة...
اسال الله ان يرزقكما الذرية الصالحة

[البتول 14]

اختى لا تقولي يا رب لي هم كبير بل قولي يا هم لي رب كبير
اكثري من دعاء سيدنا زكريا عليه السلام .............ربي لا تذرني فردا وانت خير الوارثين
والاستغفار وقيام الثلث الاخير من الليل فسهام الليل لا تخطئ
ربي يرزقك بالذرية الصالحة ويهدي حماتك هذا الامر بالذات بيد الله وحده واش انتي رايحة تصنعيه ربي يهدي امهاتنا
انشاء الله قريبا تبشرينا وتذوقينا الطمينة

[نينا الجزائرية]

راني حاسة بيك اختي خويا تاني عندو عامين ملي تزوج معندوش الذراري ربي يرزكم ويرزق كل محروم من الذرية
لا تيأسي واعلمي ان الله هو الرزاق
داومي علي العلاج والدعاء في الصلاة
ربي يفرج عليك وعلي جميع الامة

[conqueror]

قال عليه الصلاة و السلام -- أنا و كافل اليتيم في الجنة كهاتين و أشار بإصبعيه الكريمتين .... هذا كآخر حل ... أما الصبر فهو قبل كل شيء و الله الرزاق وعالم ما ينتظرك من خير ...

[النيلية]

رزقك الله اختي بالذرية الصالحة وكما ذكر الاخوة والاخوات عليك بالدعاء والصلاة والاستغفار والصدقة

[maymona852]

انا حابة نقولك قصة واقعية و هي صرات مع الام نتاعي .يما تزوجت بابي لكن الله لم يرزقها بالاولاد الا بعد 17عااااااااما و يا مالاقت من شتائم سواء من الاقارب او من الناس لكن الصبر و الثقة في الله هي لي خلاوها تجيبي اولاد و هاهي الان ب 08 اولاد كامل في مستوى تعليمي جيدو ربي يرزقك ان شاء الله

[dr.sirine]

كلش بالمكتوب وعسى ان تكرهوا شيئا وهو خير لكم الصبر والصلاة والدعاء

[الفايق]

الله يرفع عليك لبى ويفرجعا وعلينا قاع متخافيش ره ربي كريم

[اليتيمة العصماء]

يا اختي مزال الوقت و سوف تنجبين طفل ان شاء الله ديري ربي في قلبك و صبري الي خلق ما يضيع ما يغلق باب حتى يفتح عشرة و عجوزتك راهي كبيرة و واعية محقش عليها تقول هدا الكلام ربي يهديها و يهدينها

[** سدرة المنتهي **]

السلام عليكم
لي صديقة متزوجة عندها درك 4 سنين
3 سنين مهزتش ويخي كي كنا نقراو كان همها الوحيد انها تنجح
وادون 3 سنين عداولها مرار مسكينة الهدرا ليتسمحها من فاميلتو والله الدمعة ونقول في قلبي ما زوزناش قالو وعلاش ويزوزو قالو كيفماه
المهم يااختي كي ديسيدات انهل هي و رجلها يروحو لطبيب
عطاتها الطبيبة الدوا
والله يااختي باش تشوفي صبرها جاب فايدة وانو رني هو لي يرزق
ماداتش في الدوا ولقات روحها حامل ......
وسمانة لي فاتت روحت هنيتلها . جابت ماشاء الله طفلة مليحة
نقولك اني مازلت مشني مرتبطة بصح قوة ايمان صديقتني خالاتني نحط انو كل حاجة في الدنيا ادا توكل العبد و استغفر ربي يجااااازيه باكتر من لي يتمناه
اختي العزيزة اصبري وخلي ايمانك بربي كبير ولاكان علي هدرة لعرب راهي ولله ماتحبس حتي لوكان دجيبي 10 ولاد
ربي هنيك و ربي يحفظك
سلام

[dr.sirine]

عندك الحق مبروك عليها ربي يخليهالها

[صُبح الأندلس]

الله يرزقك بالذرية الصالحة

[sheherazed]

أختي انصحك بالدعاء والاكثار من الاستغفار،لان بابالمولى عز وجل مفتوح دائما.

[وحيد الحيراني]

مساء النور والله اعجبتني فكرتك ساعات تكون الوحدة منا تعبانة وماهيش حابة تحكي للي يعرفوها انا رح نبدأ هذا النقاش ونطرح الموضوع اللي معمرلي راسي بزاف

انا متزوجة صافي عامين ومازال ربي مانابش علي كي رحت للطبيب قال للراجل نتاعي بلي تحاليلو مليحة وبلي لنل عندي تكيس مبايض وعدت ندير في كلوميد و اوفستن لكن ماحدثش حمل انا و الزوج ديالي شادين في ربي و مقاليش الكلمة اللي توجعني حاس بيا والطبيب الي نقول عليه يديني المشكل في العايلة نتاعه خاصة يماه كل شهر تسقسيني كاش ماناب ربي وكي نقلها مازال تبكي وكي تشوف طفل صغير تبكي تقولو عندي 10 سنين متزوجة والله تعبتني بزاف
هادي حكايتي واش تقولولي فيها والي تقرأ تدعيلي من قلبها بالذرية الصالحة

راني نستنا في ردودكم وفي مشاركات اخرى



لا تيأسي من رحمة الله أختي الكريمة واعلمي أن الله هو الذي يرزق من يشاء الذكور أو الاناث ... مرت عليك سنتين فقط وأنا عندي صديق رزقه الله ولدا بعد سبع سنوات وبعد أن يئس من التحاليل والعلاج وترك أمره الى الله... ومادام زوجك مؤمنا وصابرا فذلك هو أهم شيء بالنسبة لك... أما بالنسبة لامه فلا يجب أن تتأثري بكلامها لأنه وعلى مر العصور توجد حساسية بين الأم وزوجة الابن ... وهي تتعمد احراجك بتلك الأسئلة وتتعمد البكاء أيضا...
عليك بالصلاة والدعاء والايمان ولا تجعلي هذا الأمر يؤثر على سير حياتك وحاولي التقرب الى حماتك باللين والكلمة الطيبة وتقبيل رأسها ( فان في ذلك سر خطييير جدا ) ... وبالتوفيق ان شاء الله.

[أبو صهيب الجزائري]

السلام عليكم ورحمة الله وبركاته يا أختي ربنا يرزقك الذرية الصالحة التي تعينك على دينك ودنياك ويشافيك ...يا أختي ما أنصحك به بعدما ذهبت الى الأطباء ولم يتغير الوضع عليك أختاه بالرقية الشرعية وأكثري وحاولي أن تلحي بالدعاء وخاصة الدعاء التالي : اللهم لا تذرني فردا وأنت خير الوارثين .
وربنا يصبر زوج وأهله يا رب

[أميرة الشتاء]

الله يرزقك بقرة عين تملا حياتك سعادة وأمان .... يارب

[ايمان العرب]

ربي يفرج عليك يا أختي و على كل مثيلاتك

[micha72]

السلام عليكم
أنا أختي أمال مارانيش رايحة نفيدك لأني لست متزوجة ولكن ندعيلك ربي باش يرزقك الذرية الصالحة ومازال مافاتش الوقت راكي مازالكي صغيرة وقداه سمعت عباد فاتت عوام وعوام وربي سبحانه رزقهم بالأولاد وربي سبحانه راهو يشوفك تصبري وتتحملي وضعك هذا وعجوزتك ولا لا وهذا هو بلاء من الله سبحانه وتعالى ولا إعتراض لحكم الله ... أما عجوزتك فمتتلامش مسكينة حابة تفرح بولاد ولدها يعني بلا ماترفدي عليها من الهدرة اصبري وتحمليها واعرفي كيفاه تكسبيها ليك خير ملي تبعديها وتنفريها منك لأن كل ماتكسبيها كل ماتعيشي مرتاحة كثر وأخيرا ربي يرزقك بالذرية الصالحة يارب العالمين. تقبلي مروري micha72.

[imi25]

السلام عليكم عليك بالصبر و الدعاء و الصوم وان شاء الله يرزقك بالذرية الصالحة بالتوفيق لك

[bac2012]

نعرف زوج نساء والله غير 10 ماجابوش او من بعد فرج ربي او الحمد لله

[angel_girl]

إن شاء الله ربي يرزقك بالذرية الصالحة

[حالمة23]

السلام عليكم اختي العزيزة لا تياسي ان تكيس المبايض بات مرضا ممكن جدا الشفاء منه
اولا للمراة مبيضان تكيس احداهما لا يعني ابدا العقم بل مجرد التاخر فقط
ثانيا ان كان كلتا مبيضاك متكيسان فقد يطلب طبيبك اجراء عملية على فكرة هناك العديد من الدين اجروا العملية ونجحت
هدا كله من الناحية العلمية وحسب معلوماتي وان سالتي اهل الاختصاص سيفيدوكي اكتر
ولكن احمدي الله كثيرا فرب ضرة نافعة و زوج محب قانع امر يحمد عليه وان شاء الله سترزقين بالذرية الصالحة
صلي وادعي في صلاتك خاصة الثلت الخير من الليل لي ابنة خال عانت مثلك و الان لديها ولد والثاني في الطريق
ان لم ترزقي بالاطفال تاكدي ان هدا هو الخير الدي قدره لك الله ومن منا لا يحب الخير ومن منا ادرى بمصلحتنا من خالقنا
ريي يرزقك

[naamane3]

السلام عليكم ورحمة الله وبركاته
عندي درس لعبدالحميد كشك
يقول في هذا الامر مايلي
من لم ينجب الاولاد فعليه بهذا الدعاء وهو ساجد
( ربي لا تذرني فردا وانت خير الوارثين)
هو وزوجته
والله المستعا ن

[روح القلم]

غاليتي الاكيد الله الله ما زال لم يأذن لكي بالحمل لكن لا تحزني لان هذا مجرد إبتلاء و إمتحان لصبر لكي و لزوجك و أيضا لمعرفة مدى إرتباط زوجك بكي رغم انكي تاخرتي في الانجاب
لذا عليكي بالاكثار من الدعاء و الاستغفار و إن شاء الله ترزقين بالاطفال قريبا
اللهم يا ودود يا ودود يا ذا العرش المجيد فعالٌ لما تريد اللهم أرزق عبدتك هذه بالذرية الصالحة
تحياتي لكي

[أم سهيــر]

صبر جميل و بالله المستعان

[الفايق]

يا تل ها صحيتو أنا نشاركك همك ربي يفرج عليك خيتي

[نصرالدين عمر]

مساء النور والله اعجبتني فكرتك ساعات تكون الوحدة منا تعبانة وماهيش حابة تحكي للي يعرفوها انا رح نبدأ هذا النقاش ونطرح الموضوع اللي معمرلي راسي بزاف

انا متزوجة صافي عامين ومازال ربي مانابش علي كي رحت للطبيب قال للراجل نتاعي بلي تحاليلو مليحة وبلي لنل عندي تكيس مبايض وعدت ندير في كلوميد و اوفستن لكن ماحدثش حمل انا و الزوج ديالي شادين في ربي و مقاليش الكلمة اللي توجعني حاس بيا والطبيب الي نقول عليه يديني المشكل في العايلة نتاعه خاصة يماه كل شهر تسقسيني كاش ماناب ربي وكي نقلها مازال تبكي وكي تشوف طفل صغير تبكي تقولو عندي 10 سنين متزوجة والله تعبتني بزاف
هادي حكايتي واش تقولولي فيها والي تقرأ تدعيلي من قلبها بالذرية الصالحة

راني نستنا في ردودكم وفي مشاركات اخرى

السلام عليكم و رحمة الله تعالئ و بركاته اشكركي كثير الشرك عن تالقكي بمولنا و انا بدورئ ادعيلك اليوم بما انو يوم جمعة ان يرزقك باولاد صالحة ان شاء الله و لا تتحيري سياتي الفرج و تكرمينا باولاد ان شاء الله اخيك نصرالدين حسين معالج بالقران و الحكمة رقية شرعية الجزائر تحياتي لك

[المنتصرة]

أختي أنت شدي في ربي سبحانه وانشاء الله يفرج عليك.

[samjit]

rabi ykon fi 3awnak wyorzkak bdoriya salha nchalah

wrèzk byad rabi sobhano wli tji mn 3ando marhaba ossbri wrabi yssahal nchalah

[amel222]

بارك الله فيكم اخواتي الله يجعلها في ميزان حسناتكم ادعولي فقط

[imene08]

السلام عليكم أختيئع
لا تقنطي من رحمة الله
أدعي و أرقي فإن في القرآن شفاء
داومي على الدواء
إبن عمي و الله و الله و الله بعد 12 سنة زواج باش رزقو ربي سبحانه و تعالى و عندو ولد رائع (هاذا باش يطلعلك المورال)
أختي هل جربتي الطب البديل؟؟
كاين طبيب عشاب في ولاية البليدة (الناس كامل شكرو فيه ....حاولي هو أصلا طبيب و يداوي بالقرآن و الأعشاب)
و رانا نستناو في البشرى إن شاء الله تفرحينا

[أيمن عبد الله]

مساء النور والله اعجبتني فكرتك ساعات تكون الوحدة منا تعبانة وماهيش حابة تحكي للي يعرفوها انا رح نبدأ هذا النقاش ونطرح الموضوع اللي معمرلي راسي بزاف
انا متزوجة صافي عامين ومازال ربي مانابش علي كي رحت للطبيب قال للراجل نتاعي بلي تحاليلو مليحة وبلي لنل عندي تكيس مبايض وعدت ندير في كلوميد و اوفستن لكن ماحدثش حمل انا و الزوج ديالي شادين في ربي و مقاليش الكلمة اللي توجعني حاس بيا والطبيب الي نقول عليه يديني المشكل في العايلة نتاعه خاصة يماه كل شهر تسقسيني كاش ماناب ربي وكي نقلها مازال تبكي وكي تشوف طفل صغير تبكي تقولو عندي 10 سنين متزوجة والله تعبتني بزاف
هادي حكايتي واش تقولولي فيها والي تقرأ تدعيلي من قلبها بالذرية الصالحة
راني نستنا في ردودكم وفي مشاركات اخرى
يا اخت أمال الله هو الرزاق ذو القوة المتين
ومن توكل على الله فهو حسبه
ولن يصيبا إلا ما كتب الله لنا

[عروسة البحر]

يا اختي هدا امتحان من عند ربي سبحانو معليك غير بالصبر و ربي ان شاء الله يفرجها عليك

[ام خديجة1]

اختي الفاضلة اتمنى ان يكون تدخلي يريحكي اعلمي ان الله موجود ومنين يكتب ربي الروح تجي تجي عليك بالصبر ولا تفكري بتاتا في الانجاب و انسي الامر واكثري الدعاء لله واما الي يدخلوا في حياتك حطيهم في التقيل والله يا اختي انا مررت بظروف اقصى من ظروفك والحمد لله تخطيتها بمساعدة زوجي المتفهم فالفرج قريب فلا تستعجليه واتمنى لك الراحة النفسية والله يرزقكي ذرية صالحة

[ahlem.2010]

:dj_17:ربى حنين كريم لا تقنطى من رحمت الله انشاء الله كيليوم ربى يرزقك بالدرية الصالحة ونقلك والله هدوين سمعت خبر على جارن حبسين كلويه وقلولو مجيبش ولاد واليوم زيدت مرتو وجابت طفل عندهم 6سنين وهم يسناو وليوم فرج عليهم ربى ربى يفرج عليك وعلى كل مومن ورانى ندعيلك ومتنسايش رحمة ربى واسعة

[chaima djalfa]

:19:اختي رانا حاسين بيك بصح اتكل على ربي و ادعيه يفرج عليك وننصحك بالصلاة و الدعاء في الثلث الاخير من الليل ففي ذلك الوقت ينزل ربنا للسماء الدنيا ويستجيب لمن دعاه ورزقك الله ذرية صالحة بارة تقية تعمل بكتاب الله و سنة رسول الله صلى الله عليه و سلم وفرج هم كل المهمومين اميييييييييييييييييييييييييييييييييييييييييييييييي ييييييييييييييين

[الحنين إلى الماضي]

عزيزتي ...ماترديش على عجوزتك يعني ما تقالبيهاش كيما نقولو ما تبدايش تجادلي فيها وتزعفي منها هذي اولا ...
ثانيا أدعي ربي بهذا الدعاء ....(ربي لا تذرني فردا وانت خير الوارثين )قوليه كل يوم في صلاتك في جلوسك بين الآذان والإقامة في كل وقت من قلبك ....أستغفري الله كثيرا حتى الف مرة فاليوم فإن الاستغفار سبب للذرية الصالحة ...
أذكري الله وقومي الثلث الاخير من الليل ولو ركعتين قبل دخول وقت الفجر وادعي الله بقلب خاشع أن يرزقكي الذرية الصالحة .ولا تنسي الصلاة على النبي بعد كل دعاء...وانا متيقنة بان الله رحيم بعباده ويستجيب دعاءنا فلا تيأسي من رحمة الله فهناك من بقو مدة سنوات ثم انجبوا وانتي مزالك صغيرة وتكيس المبايض مش مشكل كبير فله دواء بإذن الله.
اسأل الله العظيم رب العرش العظيم أن يرزقك الذرية الصالحة الطيبة السوية المباركة عاجلا غير آجل ....يا ربي آمين وصلي اللهم وسلم على سيدنا محمد وعلى ىله وصحبه اجمعين .

[*المشتاقة للرحمن*]

يرزق من يشاء إناثا وذكورا ويجعل من يشاء عقيما

[sabrina el-chark]

لا تياسي اختي ....راكي مزال صغيرة و تاني عندك غير عامين برك....جربي الطب البديل يعني التداوي بالاعشاب..و ربي يفرج
كي ليوم ان شاء الله يرزقك ربي بوليدات صغار تلعبي عليهم و يعمرو عليك الدار بالحس......يا رب

[yahia1921]

ختي ماتتقلقيش
شوفي هذي قصة واقعية
عندي خالتي متزوجة 16 سنة جرات لكامل الطبة تاع دزاير كامل يقولولها الله غالب ماتقدريش تضني
وراجلها صبر عليها وصبرو مع بعض ودرك راه عنده ا3 اولاد كامل ذكور الله يبارك بعد 16 سنة زواج
وكان ذاك بقدرة قادر سبحانو
امالا نقلك نتي اسعاي للدكاترة وديري ربي في بالك والرزق على الله
وندعيلك باش يرزقك بالذرية الصالحة

[1954مريم]

السلام عليكم اختي اليك هذه الوصفة لعلها تفيدك وانا نعرف وحدة جارتنا 20 سنة ثم انجبت والحمدلله

توصلت لعلاج نفع الله به اربعة من الحالات الخمس اللاتي جربنه

العلاج بسيط جدا

وسهل ومدته قصيره

وهو يستخدم لـ ( التكيس - ضعف التبويض - البطانه المهاجره - انسداد الانابيب - جميع امراض العقم لدى النساء - وجميع امراض الارحام )للعلاج شروط

ومن شروطه التوكل على الله والجزم الكامل بأن الله هو الشافي

وان ماحصل وماسيحصل هو من الله

الشئي الثاني

قرآءت سورة مريم يوميا بعد منتصف الليل بعد ركعتي منتصف الليل او التهجد

ولمدةسبعة ايام

العلاج

احضار زيت زيتون اصلي ( معصور على البارد ) مقروء فيه بسورة مريم والانبياء والمعوذات والكرسي

والفاتحه 0

احضار برواز الابره ( حقنه )

الطريقة

قومي بأخذ 3 الى 5 ملم من الزيت من خلال البرواز ثم قومي بحنه داخلشاب الرحم

ويفضل ان تكون مستلقية على ضهرك

يستخدم لمدة 6 ايام

وفي اليوم السابع يشرب مقدار ملعقة كبيرة من زيت الزيتون على الريق
منقوووووووووووووو من طبيب اعشاب وشيخ

والسلام عليكم اذا انجبتي ان شاء الله لاتنسيني من الدعاء بارك الله فيك

[fifi.bf]

السلام عليكم ورحمة الله تعالى وبركاته
كبري قلبك حنونة مع عجوزتك اغلبية تع لعجايز هك مديري والو في بالك وشدي في ربي برك الي خلق ما يضيع وربي يرزقك بالذرية الصالحة ان شاء الله عن قريب
سلام

[djaz]

ربي يرزقك بالدرية الصالحة أختي
وما تتقلقيش من عجوزتك هو أمر عادي صدقيني

[أم عماد الدين]

السلام عليكم أختي الفاضلة


قبل كل شيء عليك أن تتذكري أن الله عز وجل هو لي يرزقنا بالذرية

عليك بكثرة الإستغفار

عليك بكثرة الدعاء



كان فضيلة الشيخ المعروف (صالح المغامسي) حفظه الله تعالى يقول إن من ابتلي بالعقم عليه وهو ساجد أن يتلو تلك الآية العظيمة: { رَبِّ لَا تَذَرْنِي فَرْداً وَأَنتَ خَيْرُ الْوَارِثِينَ> }الأنبياء89 ويرددها (40) مرة وهو ساجد في صلاة النافلة ...... ويردد ذلك بنية طلب رزق الذرية..ويستمر عليها كل يوم
لماذا بالتحديد (40) مرة?: لأن الله تعالى ذكر ذلك العدد في بعض الآيات القرآنية ومنها وعده سبحانه تعالى لموسى عليه السلام: (وَوَاعَدْنَا مُوسَى ثَلاَثِينَ لَيْلَةً وَأَتْمَمْنَاهَا بِعَشْرٍ فَتَمَّ مِيقَاتُ رَبِّهِ أَرْبَعِينَ لَيْلَةً ) الأعراف142وحيث قال الشيخ المغامسي حفظه الله:.. التجارب كثيرة .. وذكر أنه أوصى اثنان من الرجال بهذا الدعاء.. و اتصلوا عليه وبشروه بأن الله رزقهم بالذرية فسبحان الله
وتذكر إنما الأعمال بالنيات

و بحكم عملي

رأيت نساءا دام عقمهن 20سنة والله الرازق

وكثيرا من النساء تحمل ولكن يسقط الحمل و.....و...


لو كان نجي نعاودلك منكملش



عاى هذا الأساس خلي إيمانك بربي سبحانو قوي و شدي فيه على خاطر حتى شدة ما دامت والله خير الرازقين



دعواتي لك بالذرية الصالحة يا رب


امين