كل مترشح حر انا احتاجك

[Creative chaos]

السلام عليكم ورحمة الله وبركاته


معكم هاجر اعدت الباكالوريا العام الفائت 7.74 قريب ل 08 ندرس نظامية .


محتاجه ارائكم وخبراتكم ونصائحكم الي في بالكم كامل حطوها لخطرش محتاجتها عمري محسيت نفسي مشوشه هاك

انا حابه نبطل عامي يعني نقرى حرة وبما اني مسجلة نظامية مشكل انهم يلحوني بعيد انتهينا منو
كملت الفصل الاول فوق قلبي نروح غير محتومة كيما يقولوا كف وركلة ومزالت مبديتش نقرا اختبارات الفصل الاول جات مع وفاة جدي السمانه الي قبل الاختبارات اسبابي باش نبطل كثيرة ومتنوعه والموضوع قيد الدراسة من بعد نتيجه الباك الحاجه الوحيدة الي اجلتها هيا الاستخارة .
الموضوع بصفة عامه مريحني اذا بطلت نسجل تكوين نركز على الجانب الديني ندي فترة نقاهة لانو نفسيتي تعبت من حاجه اسمها باك وفعليا ماعادش عندي نفس الاهتمام الاول بيه يعني ظالمة نفسي كي نروح ونجي بلا فايدة لانو قراية العام الي فات عكس السنة الشوق راح كلش الحاجه المليحه انو الخلعه راحت عادت اللامبالاة .

مانيش مفرطة في باكي بصاح اكيد مش حابه نضيع وقت اكثر ونظلم نفسي وانا حاسة انو امكانياتي احسن في الدار
ياسر قالولي نبقى ونكمل عامي بصاح مطقتش تخنقت من الليسي وفكرة اني نبدلوا مش مقبولة لخطرش الوالد ميقبلش
باختصار حابة نحي خياراتي الامنة على جيهة ونخاطر مع اني عارفه اني مش رايحه ندم لانو هذا قرار عن قناعة .
عارفه مشكل الفيد تجي لمبعد لهذا انا مصرة على فكرة التعليم الذاتي ياسر حوايج حابه نتعلمها واجلتها بحجه الوقت وبحجه القراية .


اعطوني رايكم بكل صراحه كفاش الوضع كمترشحين احرار كاينه حاجه اخيرة السبور الي سقسيت الاستاذ قالي تقدري تجي خطرات برك ونحطلك النقطه يعني نبقى مسجلة في الليسي و المستشارة قاتلي ديري ملادي وجربي وفعلا اني بديت من اليوم .لكن المشكل اني حابه نخرج باش نقدر نسجل تكوين انا راني علبالي بلي الف واحد متمني بلاصتي ويحلوا على الاعاده لكن مش هاذي الحاجه الي نحوس عليها .

عاونوني براي او نصيحه او دعوة وش كان يكون .جازاكم الله خيرا.

[خاتون ملكة الزمان]

انا ادرس حرة وارى ان الامر ممتع في اجتياز الباكالوريا احرار لانو رح تعتمدي على نفسك فقط والمعلومة اللي تتحصلي عليها ماتخرجش من ذاكرتك ابدا والباك اللي تديه يكون بجدارة لانو كنت انت تمثلي الاستاذ والتلميذ في نفس الوقت وبربي لوكان تجربي تجربة الدراسة حرة تفهمي قصدي مليح واي حاجة اختي انا راني معاك

[Manal Mokhtari]

لا أختي نظامية أفضل انا حرة لا أستطيع دراسة في المدرسة استغلي الفرسة لديك أستاذ يوجهك تطرحي الاسئلتك في اي وقتك من رايي دراسة في المدرسة افضل

[أم سلوى]

لا تتركي فرصة النظامية...استمتعي بللدراسة وحبها كي تنجحي..ثم انك قريبة جدا...لكن اضبفي امصداقية لمراجعتكحكي تتحصلي على 11 او 12 او 14. فستفرحين...كثيرا في النهاية

[fanouse]

2okhti rani n3awd libre w lguit rohi b1 khir 3la f lycée !dek nti ou wech ysa3dek! mais aw mab9ach lelbac abday ta9ray 9bel meyfout lwa9t w tendmi
aya bn crg nchlh

[عبق الامل]

اختي هاجر انا قريت موضوعك اكثر من مرة حسيت بلي انا لي نحكي على خاطر نفس الشيء حصل معي قبل وغلطت الغلطة لي ركي تخمي تعمليها الان ولحد الساعة انا محبطة ومش قادرة نبدا نقرا رغم كل المحاولات
انا بطلت لقراية بعد الثلاثي الاول وانا مقتنعة بلي الدراسة بالبيت افضل مي كان كل شي عكس توقعاتي العام خلاص وملحقتش نكمل على خاطر كانت عندي نقائص بزاف
وعلى كل حال ننصحك كملي هذا العام بما انك بديتيه وابذلي اقصى مجهودك بش متندميش منبعد واي خيار اخر خليه بعد البكالوريا وتاكدي بلي ربي سبحانو مراحش يخيبك وكل لي يصرا راه بارادتو وطبعا لصالحك
اسمحيلي طولت عليك اختي اتمنى لك كل التوفيق

[zac jeune]

شوفي يا ختي اكي محظوظة كي راكي نظامية انا نصحك ديها برايي ماتروحيش تقراي فالمدرسة بصح زايري فالدار واقراي ليكور بيا وزيري فيهم وان شاء الله تدي الباك ربي يوفقك ان شاء الله :19:

[Creative chaos]

اشكر الله كل من رد على موضوعي
جازاكم الله الف خير وكتب الله لامنياتكم بان تحدث وغفر الله لي ولكم


الحمد الله وبه نستعين لقد اتخذت قراري وساكمل دراستي وساتحصل على التخرج هذه السنه ان كتب الله لي ذلك ولن اؤجل امنياتي واهدافي ولكنها كلها ستتحقق باذن الله .

اسال الله لي ولكم بالتوفيق .

دمتم .

[bac2016]

السلام عليكم ورحمة الله وبركاته



معكم هاجر اعدت الباكالوريا العام الفائت 7.74 قريب ل 08 ندرس نظامية .


محتاجه ارائكم وخبراتكم ونصائحكم الي في بالكم كامل حطوها لخطرش محتاجتها عمري محسيت نفسي مشوشه هاك

انا حابه نبطل عامي يعني نقرى حرة وبما اني مسجلة نظامية مشكل انهم يلحوني بعيد انتهينا منو
كملت الفصل الاول فوق قلبي نروح غير محتومة كيما يقولوا كف وركلة ومزالت مبديتش نقرا اختبارات الفصل الاول جات مع وفاة جدي السمانه الي قبل الاختبارات اسبابي باش نبطل كثيرة ومتنوعه والموضوع قيد الدراسة من بعد نتيجه الباك الحاجه الوحيدة الي اجلتها هيا الاستخارة .
الموضوع بصفة عامه مريحني اذا بطلت نسجل تكوين نركز على الجانب الديني ندي فترة نقاهة لانو نفسيتي تعبت من حاجه اسمها باك وفعليا ماعادش عندي نفس الاهتمام الاول بيه يعني ظالمة نفسي كي نروح ونجي بلا فايدة لانو قراية العام الي فات عكس السنة الشوق راح كلش الحاجه المليحه انو الخلعه راحت عادت اللامبالاة .

مانيش مفرطة في باكي بصاح اكيد مش حابه نضيع وقت اكثر ونظلم نفسي وانا حاسة انو امكانياتي احسن في الدار
ياسر قالولي نبقى ونكمل عامي بصاح مطقتش تخنقت من الليسي وفكرة اني نبدلوا مش مقبولة لخطرش الوالد ميقبلش
باختصار حابة نحي خياراتي الامنة على جيهة ونخاطر مع اني عارفه اني مش رايحه ندم لانو هذا قرار عن قناعة .
عارفه مشكل الفيد تجي لمبعد لهذا انا مصرة على فكرة التعليم الذاتي ياسر حوايج حابه نتعلمها واجلتها بحجه الوقت وبحجه القراية .


اعطوني رايكم بكل صراحه كفاش الوضع كمترشحين احرار كاينه حاجه اخيرة السبور الي سقسيت الاستاذ قالي تقدري تجي خطرات برك ونحطلك النقطه يعني نبقى مسجلة في الليسي و المستشارة قاتلي ديري ملادي وجربي وفعلا اني بديت من اليوم .لكن المشكل اني حابه نخرج باش نقدر نسجل تكوين انا راني علبالي بلي الف واحد متمني بلاصتي ويحلوا على الاعاده لكن مش هاذي الحاجه الي نحوس عليها .


عاونوني براي او نصيحه او دعوة وش كان يكون .جازاكم الله خيرا.


السلام اختي انا الهدرة اللي راكي تحكي فيها جزت عليها من سنوات انا العام الاول الباك جبته 7.36 و العام الثاني 12.16 صح ما هوش معدل ممتاز لكن التحسن كان ممتاز ب4.8 درجات انا وقتها قلت نقعد في الدار نقرا لكن الادارة منعتنا و صراتلنا مشاكل كبار و ليت كارهة نروح الى الليسي خصوصا بعد ما عرفت بان الليسي نتاعنا اخد اسوء نسبة في نتائج البكالوريا على مستوى الولاية -هكا قالنا المدير-بصح خممت نزير في الدار و نرتاح في الثانوية و المواد الادبية ما طليتش عليهم خلاص بصح في الباك تفكرت الفكرة اللي هدرتهالنا الاستادة -الفلسفة-و استفدت بيها واش نقولك انت قراي وحدك و ادا ما فهمتيش حاجة اسالي الاستاد. و الله احساس رائع نهار تحسي مستواك طلع في القراية و الاستاد يعطيك تمرين ونتي تكمليه في 10 دقائق و طلعي راسك تلقاي الغاشي مازال حاصل يحاول فيه فكري باجابية النظامي فيه اجابيات منها ايضا تتحصلي على المستجدات انا راني حرة نحس روحي راني في عزلة ما نعرفش كامل الجديد والحر صعب تنظيم الوقت لانك محاطة بالمغريات
و عسى ان تكرهوا شيئا و يجعل الله فيه خيرا كثيرا و الله المستعان