كيف هي الحياة في الدرك الوطني

[NasredineDZ]

السلام عليكم شباب
اليوم اطرح عليكم سؤال بسيط ولكن يتكرر دائما وبالرغم من ان العديد منكم اجاب عليه مئات المرات فانا لم اسمع اجابة عنه حتى الان فاتمنى ان القى عندكم اجابة

كيف هي حياة رجال الدرك الوطني
كم هي رواتبهم مثلا رتبةSergent
وهل الجيش افضل من الدرك


شكرا

[kokiimed]

جميل جدا
شكرا

[lahcen0102]

ياو نصيحة في سبيل الله
ياو المؤسسة العسكرية غير خطيك عاود bacالف مرة وماتدخلش millitaire والله العضيم الا ندمت انا ضربت 7 ايام وشته كي داير تنوض صباح بكلام سوء وترقد بكلام السوء انا جامي كميت املا منين دخلت انا2 بكي تاع دخان كميتهافي نصف يوم
عاود الباك وماتنحشلكش عيش حياتك حر مشي مقيد

[iscomadrid]

يا خو كل واحد و الظروف ديالوا ماناش كل ولاد الوزراء كاين لعايش حياتوا و كاين لي يتمنى ايعيشها و زيد الخبزة صعابت في هاد الوقت و سعداتوا ليصاب خدمة و لوكان يا ربي جندي شد فيها بسنيك و مديرش على الهدرة ..." و رزقكم في السماء و ما توعدون "

[ابن الاسلام 88]

واحد ما يكذب عليك خويا نصيحة مني لاكان ما لقيتش خدمة روح الدرك خير أنا نعرف من يحفظ الستين وراهو فالجيش كيما تحط روحك تلقا روحك روح دير مستقبلك ورد شوية من الخير تاع والديك وابعثهم للحج

['مــــــــــــرجان نينو']

االدرك أفضل بكثير من الجيش من ناحية الأقامة والسكنة

واحد مايدوخك الرزق بيد ربي سباحنه وتعالى .

ولكن عندك تتحشالك وخاصة مع هذا السلك خمم فيها مليح لأنه والله ماهي ساهلة .

سوف احاول ان اضوح لك .

فيما يخص الراتتب الشهري اختلاف بسيط جدا بينهم

من ناحية العمل الدرك افضل بكثير على الجيش يعني عملهم في الاغلب مع الشعب او في الطرقات

ومن ناحية العطل الجيش افضل من الدرك و ناحية نظام العمل فالدرك اصلب وانظم على الجيش .

وانسى باه تدخل لولايتك ابدا .

ونصيحة لوجه الله اخطيك منهم في 2 . اذا قدرت ادفع في الشرطة لأنه افضل بكثير منهم في 2

على الاقل تقدر تدخل لولايتك وتعيش نوعا ما حيات مستقرة وذا ماحبتش تكمل تقدر تستاقيل وتروح

ربي يكون في العون ان شاء الله

[STING]

نفس نصيحة الاخ الدرك افضل و لكن اخطيك منهم لزوج و ادا كنت مهتم بسلك الامن فالافضل هي الشرطة
انا واحد من الناس و رغم ان الوضع المادي سيئ و سيئ جدا و لكن واش هي الفايدة مين نعيش ف سجن ب 4 فالشهر
الانسان يخدم باه يعيش و بالنسبة لي معيشة الدرك و الجيش مش معيشة تقدر تقول عايش ف سجن

فالنهاية هي حرية شخصية انصحك بالشرطة

[hoho2016]

نوع عمل ضباط الصف متى موعد الدفع لولاية الجلفة 2016 ؟

[ابراهيم العادي]

كتير من الشباب يغترون بالراتب الشهري الذي يظنونه مغريا حقا ...اعلم انه وبالتجربة دراهم الكاسكيطا كلها مربية متعرف وين تروح وزيد راك تخدم على الناس ونتا انسى باش تعيش حياة طبيعية ..نقطه اخيرة الدراهم اللي متتمتعش بيهم بالحلال ماشي دراهم

[leon1991]

السلام عليكم
ممكن كاش واحد عنده خبرة في مجال الشرطة يفهمني عمل ملازم أول في الشرطة وهل يستطيع العمل في الولاية نتاعه

[سعدودي]

بتوفيق ربي يجيب الخير

[sniper veto]

أخي الكريم شوف اذا كنت من النوعية التي تحب المغامرة و الاكتشاف و كل خطرة تخرج بهدة نصيحتي غير أخطيك من النظام , كمل قرايتك و اذا كانت ظروفك عادية ما تتقلقش على الدراهم يا خويا الرزق على ربي