أكلات من أعماق جبال القبائل

[روح مراد]

صباحكم سعيد كنت وعدت مرة في قسم دردشة ركن الطبخ أو في قسم الطبخ (و الله نسيت وين) أني كلما سمحت لي الفرصة نقدم لكم اكلة من تراثنا الغني و الثري و لكن شوية محرفة على خاطر تعلمتها محرفة الله غالب
الوصفة اللي هي بركوكس بالخرشف و الفول
رايحة نقدم الوصفة و بين قوصين نعطي التحريفات اللي اللي درتهم)
الخرشف في الأصل يستعملو خرشف الحدائق المنزلية يجي رقيق كيما القرنينة تقريبا و حلو المذاق ماشي كيما الخرشف الخشين اللي نشروه كنت حابة نصورلكم هذا الخرشف و لكن عجوزتي زربت و قاتو قبل ما نشوفها
المهم هذا الخرشف يتنقى و يتغلى في الماء و يتصفى
نكونو شمخنا الفول ليلة من قبل نقوه نحولو الخط الأسود هذاك اللي من فوق
في زمان يديرو الفول في القدرة و يزيدو عليه الماء و الملح و زيت الزيتون و الخرشف و حبة بصل و يخلو الفول يطيب يرمو عليه بركوكس و يخلوه يطيب و في الأخير يضيفولو زيت زيتون من فوق هذا أصل الوصفة نتاع قديم الزمان
التحريفات اللي درتهم أنا
غليت الخرشف و صفيته
في كوكوط قطعت بصلة رقيقة و قليتها مليح في الزيت ضفت لها 2 حبات جزر مقطفة دوائر و 2 حبات لفت مقطعة دوائرة و ملعقة طماطم مصبر + فلفل اسود و أحمر و ملح كي تقلاو مليح مرقت و خليت حتى غلا كان عندي فول منقي في المجمد رميتو في الكوكوط غلقت عليها 10 دقائق و كل شيء طاب طنت مرقت ما يكفيني باش يطيب البركوكس
انا ما عنديش البركوكس المفتول في الدار استعملت المحمصة المشرية في أكياس مغلقة كيما المقارون درت شوية خليتها غلات دقيقة ضقت الملح و غلقت عليها الكوكوط 8 دقائق و نقصت النار و خليتها الطيب مع إضافة شوية فلفل حار او هريسة أو اي شيء المهم الأكلة هاذي جي فيها الحار
سر في هذا المحمصة طيب بالخف أولا و ثانية و نبقاو محافضين على كمية المرق ما تتبخرش كي لقيتها طابت طفيت عليها و درتلها 2 ملاعق كبار زيت الزيتون
صدقوني غير لذيذة و بسيطة و مفيدة صحية جدا
http://www.djelfa.info/vb/attachment.php?attachmentid=116342&d=1449653887

[ريتاج 09]

امممممم يشهي بصحتكم

[انا هي رزيقة]

ما شاء االله عليك روح مراد طبق جميل جدا موالفة يما ديرو و تزيدلو القديد يجي اممم بارك االله فيك اختى و في ميزان حسناتك . بصح لوكان خير درتي الصورة مباشرة بش كامل الي يدخل يشوفها و تعم الفائدة

[روح مراد]

انا ما نقدرش ندير صورة مباشرة كيما حاولت ما قدرتش ممكن ضرك تدخل كاش وحدة و توضح الصورة

[ميمي2012]

تسلم الأيادي عزيزتي .
وفي انتظار جديدك المحرف ههههههههههههه

[ام و ابنة]

يعطيك الصحة
روووووووعة
كثريلنا من هاذ الوصفات بش نتعلمو خخخخ

[ميمي2012]

http://www.djelfa.info/vb/attachment.php?attachmentid=116342&d=1449653887

ما يكون الا خاطرك عزيزتي روح مراد

[روح مراد]

شكرا ميمي العزيزة
ام و ابنة هذا الوصفات كي ندبر مكوناتهم باش نقدر نديرهم في الحقيقة عجوزتي جابت الخرشف من البلاد و كي جات قالت لي هاذ الخرشف يوالم بركوكس اعطاتني الفكرة و أنا طبقتها و إنشاء الله نقدر نزيد ندير أكلات أخرى

[fadila34]

برك الله فيك فى ميزان حسناتك يممممممم بنين

[x ام رحاب x]

صباحكم سعيد كنت وعدت مرة في قسم دردشة ركن الطبخ أو في قسم الطبخ (و الله نسيت وين) أني كلما سمحت لي الفرصة نقدم لكم اكلة من تراثنا الغني و الثري و لكن شوية محرفة على خاطر تعلمتها محرفة الله غالب
الوصفة اللي هي بركوكس بالخرشف و الفول
رايحة نقدم الوصفة و بين قوصين نعطي التحريفات اللي اللي درتهم)
الخرشف في الأصل يستعملو خرشف الحدائق المنزلية يجي رقيق كيما القرنينة تقريبا و حلو المذاق ماشي كيما الخرشف الخشين اللي نشروه كنت حابة نصورلكم هذا الخرشف و لكن عجوزتي زربت و قاتو قبل ما نشوفها
المهم هذا الخرشف يتنقى و يتغلى في الماء و يتصفى
نكونو شمخنا الفول ليلة من قبل نقوه نحولو الخط الأسود هذاك اللي من فوق
في زمان يديرو الفول في القدرة و يزيدو عليه الماء و الملح و زيت الزيتون و الخرشف و حبة بصل و يخلو الفول يطيب يرمو عليه بركوكس و يخلوه يطيب و في الأخير يضيفولو زيت زيتون من فوق هذا أصل الوصفة نتاع قديم الزمان
التحريفات اللي درتهم أنا
غليت الخرشف و صفيته
في كوكوط قطعت بصلة رقيقة و قليتها مليح في الزيت ضفت لها 2 حبات جزر مقطفة دوائر و 2 حبات لفت مقطعة دوائرة و ملعقة طماطم مصبر + فلفل اسود و أحمر و ملح كي تقلاو مليح مرقت و خليت حتى غلا كان عندي فول منقي في المجمد رميتو في الكوكوط غلقت عليها 10 دقائق و كل شيء طاب طنت مرقت ما يكفيني باش يطيب البركوكس
انا ما عنديش البركوكس المفتول في الدار استعملت المحمصة المشرية في أكياس مغلقة كيما المقارون درت شوية خليتها غلات دقيقة ضقت الملح و غلقت عليها الكوكوط 8 دقائق و نقصت النار و خليتها الطيب مع إضافة شوية فلفل حار او هريسة أو اي شيء المهم الأكلة هاذي جي فيها الحار
سر في هذا المحمصة طيب بالخف أولا و ثانية و نبقاو محافضين على كمية المرق ما تتبخرش كي لقيتها طابت طفيت عليها و درتلها 2 ملاعق كبار زيت الزيتون
صدقوني غير لذيذة و بسيطة و مفيدة صحية جدا
http://www.djelfa.info/vb/attachment.php?attachmentid=116342&d=1449653887
تسلم ايدك راه باين بنين ايشهي

[روح مراد]

فرحتوني صحيتو تعيشو هذا بالمقارنة بواش راكم تحطو صفر على اليمين

[زهرة الريف*]

تسلمي اختي ومكانش قد التقليدي كله صحة وفوائد
بارك الله فيك وربي يرزقك لي في بالك

[سوسو المغتربة]

يعطيك الصحة عروستنا الحلوة يشهي مهما نجربو وصفات تبقى هذه الأطباق التقليدية عندها بنة لاتقاوم في ميزان حسناتك حبيبتي

[ibtihal18]

اييييييييييييييه على ماكلة زمان و من يديك حبيبتي روح يعطيك الصحة والله يشهي مع اني مش من هواة بركوكس احنا نديروه ناشف كيما التليتلي و بني عمو بالقديد و الفول

[القناعة كنز]

شكرا روح اممممممم يسخف بلا ما نشم الريحة

[omjoujou]

يعطيك الصحة اختي روح مراد تحطتيلي على الجرح هذا نقطة ضعفي خخخخ
متحرميناش من وصفاتك
لكي مني احلى تقييم

[ام اروى وعاصم]

روعة4444444444

[روح مراد]

شكرا حبيباتي و مازالني عند وعدي كلما توفرت لي المكونات نحطلكم حاجة
ابتهال أحنا كاين نوع آخر نتاع بركوكس يجي ناشف و لكن يجي بالسلق او البقول و الفول غير يكون عندي المكنوات نديرو إنشاء الله

[lilii7179]

حبيبتي رجعتيني الى ايام حلوة صح صح, انا قضيت جزء من طفولتي في اعماق القبائل و هاذ الاكلات رجعولي الحنين الى الماضي و بنة زيت الزيتون ممممممممممم . يعطيك الصحة, و زيديلنا من الاطباق هاذي

[روح مراد]

ليلي لا شكر على واجب أنا ما عشتش كامل في أعمق القبائل و إنما جدودي اللي عاشو في أعماق أعماق الجبال
و لكن جداتي كانو محافظين على بعض التقاليد و يما و بابا كي كبروا جاهم الحنين إلى الماضي و بداو يسترجعو بعض التقاليد و انا بطبعي نحب كل ما هو تقليدي مع التغيير طبعا
و عجوزتي كيف كيف من ناحية الكل محافظة على بعض التقاليد و لكنها تخلط برك في الوصفات طيب الوصفة التقليدية كيما تحب هي
ربي يقدرني و نزيد نجمع وصفات أخرين و نحطهم
إنشاء الله هذا الموضوع رايح يزدهر

[زهر التوليب]

اممممممممممممم هااااايل
يعطيك الصحة

[.1....2....1.]

يشهيييييييييييييييييييي حنونة ويعطاك الصحة

[روح مراد]

شهيتك في الجنة صبرينة

[حياة نور الدين]

يعطيك الصحة روح وربي يرزقك الدرية الصالحة

[روح مراد]

آمين حياة العزيزة ربي يحفظك

[جومانة الخنونة]

امممممم يشهي بصحتكم

[روح مراد]

الله يسلمك جمانة

[روح مراد]

الطبق الثاني رايح يكون كسكس تقليدي على أصوله طيبت و صورت و للأسف ما جبتش معايا التابلات للخدمة إنشاء الله يوم الأحد رايحة نحط الوصفة و الصورة

[جنة الفردوسْ]

يحيا الامازيييييغ

[القبايلية]

ربي يعيشكم
ماكاش أحسن من الأصالة و لازم نعواد نتفكرو كل الأطباق نتاعزمان راهو التقشف واشكون شاف بلاك نرجعو ليهم