ألم كبير بسبب زوجي2

[مشكلتي]

السلام عليكم ورحمة الله
انا صاحبة موضوع *ألم كبير بسبب زوجي*
اشكر كل من شاركني برايه ونصحني جزاكم الله خيرا

الحمد لله اني قدرت نفوت مرحلة الالم الكبير والغضب الشديد اللي كنت فيه .....بعد ما عيطلي راجلي هدرنا وطلب مني السماح عدة مرات وقالي ماتربطيش روحك بالشي هاداك ومجرد فراغ وغلطة وبربي ان شاء الله ماتتعاودش......بينتلو باللي بالنسبة ليا هاديك خيانة على خاطر اي قريب فسدت علاقة كاملة وقلتلو انا علابالي باللي بزاف الرجال يديرو هاكا بصح انت ماشي كيفهم ماعرفتكش هاكا عرفتك تحبني ومتربي وتخاف ربي وانت اللي موالف تنصحني وتحثني على العبادة و قراءة القران وقلتلو باللي راني خايفة نخسر الانسان اللي حبيتو ومانيش حابتك تخسر علاقتك مع ربي ومعايا على خاطر تبدى بحاجة صغيرة وتتطور لحوايج كببار بزاااف منها الادمان وعلاقات محرمة
المهم هو قالي بربي ان شاء الله ماتزيدش تتعاود انا نكدب عليكم لوكان نقوللكم امنتو 100/100 بصح عندي مازال عندي ثقة فيه (يا رب مايخيبش ظني مرة اخرى)..... المهم قفلنا السيرة حتى نهار تجي ونحكيو مليح ....
اللي قالولي لازم تروحي معاه نقوللكم باللي ماشي بيدينا ممكن في الاشهر الجاية بربي ان شاء الله نروح

مشكورين جزيل الشكر بارك الله فيكم

[ام رضوان]

الحمد لله
ربي يصلح بيناتكم ويهدي سركم
اختي ماتنسايش الدعاء ادعي ربي يحفظ بدنو ويحفظ سمعو وبصرو
وكي تقولي ماكيش مامناتو عندك الحق بصح وكلي ربي على جميع امورك.
ودائما كي تتكلمي معاه قبل ما تقفلي الخط قولي
استودعك الله الذي لا تضيع ودائعه .وراه هذا الدعاء عندو اثر كبييييير
ربي يجمع بيناتكم في اقرب الاجال. امين

[الزوجة البارة]

أختي هذا مش مشكل كبير بالنسبة ليك انتي المشكل مع ربي اكبر و اعظم هو غلط و اكيد حس بالغلطة تاعو و عمرو العياط و الزعاف ميحل المشاكل خاصة انو الراجل بعيد و سعات يجيوه دعوات من هذا القبيل من اصدقاء او حتى برامج
حاولي تلمي شمل نفسك و متزيديش تجبديلو خلاص على الموضوع هدا و اذا جبدلك هو قوليلو وعدتني انك حرمت منهم و ربي شاهد عليك و باب و قفلناه راح وحدو يتعض
و متنسايش الدعاء ليه ربي يثبتو على الحق ان شاء الله و يهنيكم اختي

[أم شروفة]

الحمد لله رجعت المياه لمجاريها

[طيور الجنان]

ربي يكون معاك اختي و الحمد لله كي رجعتو كيما كنتو و انشالله غلطة و ماتتعاودش عليك بالدعاء و الاستغفار

[ايمان4]

الحمد لله على كل حااال ربي يوفقكم و يدوم عشرتكم اقفلي الموضوع و قولي له صايي لا ما نجبدو الموضوع مرة ثانية انا واثقة فيك و متاكدة 100 / 100 انك مش رايح تخيب ظني ابدا

[عثمان الجزائري.]

الحمــــــــد لله

[*جزائرية مسلمة*]

وعليكم السلام ورحمة الله وبركاته
الحمد لله نسأل الله لنا و له الهداية والثبات ..آمين

[oum imane83]

مكانش الي مايغلطش كل انسان خطاء وخير الخطائين التوابون
ربي يصلح بيناتكم وويديم المحبة والوئام بينكما وتحافظو في زوج على زواجكم ..

[(( هبة الرحمن ))]

أمني زوجك أختي حتى ترتاحي
ربي يهنيكم.

[ام محمد اسلام الله]

الحمد لله ختي والله رانا في وقت الله يجيب الخير ختي

[kokiimed]

جميل جدا
شكرا

[عبد الله 22]

السلام عليكم قد يتكرر الامر لكن المهم هو ان تخرجه من هذا الوحل بالتدرجية ولتنظري لها حتى من جانب اخر يقول صلى الله عليه وسلم: ((الدين النصيحة، قلنا: لمن يا رسول الله؟ قال: لله ولكتابه ولرسوله ولأئمة المسلمين وعامتهم)). أعتقد ان لو كل واحد فينا كان يقدم النصح لم وصلنا إلى هذا الانحطاط الاجتماعي ؛ والزوجة والصالحة هي من تساعد زوجها على تقليل الذنوب والتقرب أكثر من الله بالتوفيق في مهمتك

[MAHA26]

الحمد لله ربي يهنيك و يفرج همك و إن شاء الله كيما يرجع إستقبليه بحب كبير عندك تبيني أنك فقدت ثقتك منه و راح تشوفي
إن شاء الله تولي معاه وين يخدم وتتحل المشاكل

[Oum Habouba]

اختي الله يهديكم ويهدي سركم ويتبتكم على الحق
بارك الله فيك عجبتيني تصديتي للمشكلة وماهربتيش منها وخليتي دارك هدي هي المراة الصالحة الدكية والمسلمة
استقبليه بالحب والحنان حتى هو يتالم في نفسه ويندم اشد الندم والله غفور رحيم ادا ربي يغفر للقاتل والكافر حتى يتوبو انت مسلمة وصالحة اغفري لزوجك هداك راه الستر نتاعك حافظي عليه

[*أمة الرحمن*]

السلام عليكم ورحمة الله
انا صاحبة موضوع *ألم كبير بسبب زوجي*
اشكر كل من شاركني برايه ونصحني جزاكم الله خيرا

الحمد لله اني قدرت نفوت مرحلة الالم الكبير والغضب الشديد اللي كنت فيه .....بعد ما عيطلي راجلي هدرنا وطلب مني السماح عدة مرات وقالي ماتربطيش روحك بالشي هاداك ومجرد فراغ وغلطة وبربي ان شاء الله ماتتعاودش......بينتلو باللي بالنسبة ليا هاديك خيانة على خاطر اي قريب فسدت علاقة كاملة وقلتلو انا علابالي باللي بزاف الرجال يديرو هاكا بصح انت ماشي كيفهم ماعرفتكش هاكا عرفتك تحبني ومتربي وتخاف ربي وانت اللي موالف تنصحني وتحثني على العبادة و قراءة القران وقلتلو باللي راني خايفة نخسر الانسان اللي حبيتو ومانيش حابتك تخسر علاقتك مع ربي ومعايا على خاطر تبدى بحاجة صغيرة وتتطور لحوايج كببار بزاااف منها الادمان وعلاقات محرمة
المهم هو قالي بربي ان شاء الله ماتزيدش تتعاود انا نكدب عليكم لوكان نقوللكم امنتو 100/100 بصح عندي مازال عندي ثقة فيه (يا رب مايخيبش ظني مرة اخرى)..... المهم قفلنا السيرة حتى نهار تجي ونحكيو مليح ....
اللي قالولي لازم تروحي معاه نقوللكم باللي ماشي بيدينا ممكن في الاشهر الجاية بربي ان شاء الله نروح

مشكورين جزيل الشكر بارك الله فيكم

الحمد لله اختي يبدو انك مقتنعه ولو قليلا خلي قلبك كبير شوفي احنا شحال نغلطوا وشحال نعملوا معاصي وربي اللي اكبر شأن وأعظم منا وليس كمثله شيء سبحانه يغفر ويسامح بل يفرح بنا بعد مانندم ونتوب وكيف نحن يااختي ادا لمست توبة صادقة في زوجك وانه يحبك وبالفعل نادم فكوني معه وبقربه وساعديه على دلك ساعديه على ان يمشي في الطريق الصحيح وان يثبت على دينه انت بعيده عنه وهدا خطأخليك بجانبه وبقربه حاولي تكوني وين ما يكون زوجك وهدالاصح وكوني الزوجة الصالحة المثاليه التي تساند زوجها في السراء والضراء اعطيه فرصة اعلم انه جرحك عميق لكن كل شيء يهون في سبيل الله وفي مرضاته سبحانه انت لك الاجر والثواب لانه سترافقين زوجك وتسانديه لكي يمشي في السبيل الصحيح ويبتعد عن كل محرم قربك يختلف عن بعدك حتى وانه بعيد عنك ويخدم بعيد تواصلي معه بشكل دائم وادعيله ربي يهديه ربي ان شاء الله يكون معك ويستجيب و انظري الى المقابل والنتائج المرضية لو انك كنت زوجة تقف الى جانب زوجها وتعينه على طاعة الله فيرضى الله عنك ويجزيك كل الخير ويمنحك كل السعادة ويبدل الحال الى افضل واجمل ..اسعدك الله ووفقك لكل مايحبه ويرضاه اختي