كل وحدة تجاااوب بصراحة ....*****

[**أمة الرحمن **]

السلام عليكم
اليوم حبيت ندير سؤال لكل ربة منزل ممممممممممممممممممممم
علا قداش تنوضي صباح ؟؟؟ يعني وقتاش يبدا نهارك ؟؟؟؟
احم احم نبدا بروحي ...... انا نوض ديما على 7.15 صباحا أو 7.30 صباحا ؟؟ وأنتم يا شطوووورات ؟؟؟

:mh31::mh31::mh31::19::19::19::19::19::19::19::19:

[الزوجة البارة]

انا نوظ مع صلاة الفجر نصلي و نروح للكوزينة نطيب الفطور يجي زوجي نفطرو و يبدى نهاري

[آلاء النايلية]

احم ... على 9 ... الله غالب نسهر و نبات قاعدة مع البيبي و لو كان منرقدش مليح نمرض .. مع العلم اني في وسط عايلة كبيرة و خدمت الدار عليا ... :d

[ام متين]

انا نوض على 4.15او4.30 ونبقى في بلاستي حتى4.45

[ريهانة]

انا النوض على 7.00 نتاع صباح ونوجد روحي للعمل

[**أمة الرحمن **]

مممممممممممممممم راكم شاااااااااطرين الله يباااااااارك

[Rati Ne]

انا هاذ اليامات راني نوض على 6ونص تاع الصبح من تم يبدا نهاري

[الرجاء الاماني المجد]

انا نبدا على 6 صباحا

[hafidha20010]

العاملة لازم تنوض على 6 على أقل تقدير وخاصة اذا كانت ام لأطفال يدرسون
اما النهوض لصلاة الفجر فذاك يتغير بتغييره مثلا في الشتاء يبدأ النهار بصلاة الفجر اما في فصل الصيف فننهض للصلاة ونعود للنوم بكل صراحة

[محبة رسول الله]

انا نصلي الفجر ونرجع شوية ههههههههههههه و00: 7 نوض ويبدأ يومي

[غزالة1]

السلام عليكم
في الحالة الطبيعية يعني بدون مرض ننهض بين 4و30 الى 5 صباحا:rolleyes:
في حالة المرض يمكن ان اكمل الى 7:D:D
سلام:mh31::mh31::mh31:

[hanouna09]

مع صلاة الفجر

[**أمة الرحمن **]

الله يبااااارك راكم شااااطرييييين رب يوفق كل وحدة فينا ان شاء الله العاملة تتوفق ورب يعينها على بيتها و عملها و الماكثة في البيت كذلك انا ماكثة في البيت و الحمد لله .

[oumhana]

السلام عليكم أنا نوض على 6 وبحكم أنا عامله يبدا نهاري من ثم.

[lolo303]

السلام عليكم
قبل مانزيد نوض مع صلاة الصبح
والان مع وليدي الصغير خطرا 6 وخطرا 7 وخطرا 8
ههههه على حسابووو هو وسهراتو ربي يعين كل الامهاااات التربية ماهي ساهلة.

[Oum Habouba]

السلام عليكم
في ايام الدراسة نوض على السبعة نجهز القهوة ونحضر بناتي للمدرسة والعطلات على التامنة ونصف حتى للتسعة انتقم من اسبوع التبكار
:d:d:d

[ام آدم]

الله يبارك يعجبوني بزاف لي ينوضو بكري
لكن عندي سؤال آلآخر
على قداه ترقدو

[رحمةز]

ماعنديش وقت محدد ولكن نوض من لفراش على 7 عدى البجمعة والسبت8 9 عطلة راك علابالك هههههههههههه

[**أمة الرحمن **]

الله يبارك يعجبوني بزاف لي ينوضو بكري
لكن عندي سؤال آلآخر
على قداه ترقدو

ما قلتيلناش على قداش انت تنوضي؟؟؟ انا نرقد على 23.00 عادة خطرات على 23.30 و انت يا فحلة ؟؟

[ام اروى وعاصم]

من الصبح وما نوليش نرقد

[ام هدول]

احم ....احم.... انا ربت بيت يبدى نهاري على 6 نصلي نوجد لفطور في هاده الاثناء يكون زوجي ناض يصلي ويوجد روحو باش يروح للخدمة ونفطرو مع بعضانا على7 نوض ولادي باش يوجدو رواحم ويفطرو ويروحو يقراو كي يخرجو كامل نبدي نهاري بالاشغال العادية تاع البيت.........

[نسمة صبح]

موضوع رائع و في الصميم ههه

انا كنت كارثة ههه 11
بصح الحمد لله درك نوض مع الفجر و منوليش و كي يغلبني الرقاد 8 و نص لوكان نفوتها نتقلق خاطر يفسد رقادي نرقد قبل 00 لاازم و الا الصباح راك عارفين

لاثراء الموضوع كل وحدة تحط الطريقة اللي خلااتها تنوض بكري و ترقد بكري

و قولونا كيفاش تبداو الشغل عندي مشكل ف النقطة هادي صباح كامل مكسلة قدام النت بحكم نقعد وحدي ف الدار و الزوج يرجع مساءا بصح حابة نوالف شغل الصباح
تقبلو مروري

[جومانة الخنونة]

انا نوظ على 7غير ربع

[djazia87holi]

صرااااااااحة اختي درك ولادي يقراو نوض 6 ونص مي نهار الجمعة والسبت منزيدش من 7 ونص ودرك سايي والفت نوض 6 ونص نبدا في شغل الدارقولي 10 نكمل كلشي خاطر راجلي يتغدي بكري لازم 11 يكون كلشي واجد والحمد لله درك الامكانيات متوفرة عليك وعلى شطارتك اجري مع الوقت بلا مايجري ويخليك حاصلة نوض الصباح اول شي نفطر الدراري من بعد ندير الحوايج في للماشينة كل يوم مايكونوش بزاف من بعد نبدا في الغدا دراكت في نفس الوقت الغدا على النار والحوايج فيةالمشينة راني مع المناج نتاع الدار ونكمل سوا سوا الوقت عندي اهم حاجة مشكورة على الموضوع

[djazia87holi]

وعلى الرقاد الصح الصح انا ناقصة نوم نرقد 11 نتاع الليل مي نهارات لي نعود مريضة مايجينيش النوم قولي زوج نتاع الليل مي الصباح كي نسمع صوت الرفاي نكره عمري مي ولادي سبق من النوم

[*فاتن*]

انا نرقد على دايما مابين 12 و 1 و الصباح نوض على 7 و ساعات على 8 و كاين حالات طارئة على 4 تاع الصباح كي وليدي يجيه لهبال و ينود يلعب على الفجر

[Kati70]

سلام انا نوض على 5.30 انا و بنتي نصليو الفجر و تروح هي تقرا في ا لجامعة بعيدة 20 كلم لازم تلحق الباص و بعدها ما بقاش رقاد نبدا نهاري كلعادة

[randa3]

اأنوضو على 06:30 والرقاد على 11 وساعات 12 تاع الليل

[omelbanin]

انا نوض على 5:30،ومنو يبدا نهاري.

[كوثر التائبة]

نوض نصلي ونعواد نرقد حتى 7 باش نوض ويبدأ نهاري

[كوثر التائبة]

والرقاد على 12 وكي نرقد تغيدني عمري بزاف صوالح في قلبي منقدرش نديرهم لضيق الوقت

[ملك 25]

على حساب السهرات مع البيبي كي مرقد بكري نوض على 7 و كي نبات ساهرة نوض 9 ربي يقدرنا و يعينا و يعطيلنا الصحة

[ورود عربية]

النوم ليلا على الساعه ض0 1 غالباااااا


الاستيقاظ على الساعة السادسة غااااالبا ايضا

[أريج13]

ايام العمل يكون الاستيقاظ على الساعة06:00 صباحا اما ايام العطل استيقظ على الساعة 07:00
انام غالبا على الساعة 10:00 ليلا

[نصارنصار]

نوض على 5 و يكفينيش الوقت عاملة و ام ل4 اطفاال

[Asmaa.B]

نهار نروح نخدم نوض على 6:15 و نهار نقعد في الدار على 7:30

[.kleil safia]

انا نوض علي 6 نهار لي يكون عندي جامعة نوض باش ندير الميناج ونهار لي منقراش على 8 ولا 8.30

[sidahmed13]

شكرا، شكرا، شكرا

[أم شروفة]

انا مادام اطفالي صغار .نستمتع بالتصباح...بالرغم من اني نحاول نوض لصلاه الفجر ....نوض مع 8 .او 9 ....ويبدا نهاري الطويل ....ونطول ما نرقد ...احيانا ل2 باش نرقدو

[انين القدس]

بحكم اني خدامة 6 انتاع الصباح انوض

[Oum Chanez et alaa]

a 6h 30m...nesali ndir kahwa ... newajed leftour pour midi ...nedaf lebyout w la cuisine w SDB.... w nerouh nakhdam à 8h00 nekoune fi el bureau.

[جزائرية و افتخر آسية]

أنا كل يوم كيفاش 6"30 7 8

[riheb razane]

انا دوك مازال مرقتش انا عندي لي بيبي الله ابارك راني سهرانا معاهم ربي اقدرني والله اتعبت ادعولي وهده هي حياتي ونوض الفجر انصلي انوجد الحليب لي بيبي وراجلي نحطلو القهوة بالفطير ولا ندير موسكتشو على السريع انا والقوستو ولا راكم تعرفو كرواسون ونغلي البيض ونحط كنفيتشور الزبدة نستقهواو هو اروح وانا نغسل هدو الفناجن والبيبروات انبدل لي بييبي توعي ونغسللهم ونعاود نولي نرقد الله غالب بحكم شغلي نخدمو فالليل تصبح الدنيا تشعل وانا ساكنة وحدي الله ابارك معنديش لي قلقني بناتي انديرهم تحتي ونرقد وعلى 10 او 11 انوض نعطيلهم القوتي وراني نوجدلهم فالفطور خاطر راجلي ميفطرش فالدار يخدم ابعيد وفالييل منداك والله ادن عليا الفجر وانا نيضا الله ابارك راني نربي في زوج بنات وحدة ترقد والاخرى تنوض والله منداك انشوف الضباب وعينيا يحرقوني من نقص الرقاد ربي اعين كل ام

[شريعتي]

على السابعة و العطلة على 8.00 او 8.30

[هاجر الأمل]

نصلو الفجر ونولو نرقدو وحد نص سويعة هههههه..نوض علا حساب زوجي 07.45...هذا هو الرافاي تاعي...والويك اند علا التسعة ههههههه

[Sii]

مع صلاة الفجر ولكن شغالاتي نبداها على 8 ولا 8:30 لاني انا وزوجي فقط وداري صغيرة

[Sii]

نرقد بين 11 و منتصف الليل هدا اذا مشربتش التاي ولا قهوة هههه بصح لكانةشربتهم نتعذب عذاب كبيييير ههه

[kahina maam]

moi à 05h:45mn