ضائعة انصحوني

[faithfulgirl]

السلام عليكم أنا طالبة في المجال التقني هندسة كهربائية لدي وقت فراغ (لاني أعدت السنة في الجامعة ) أريد ملء وقتي و في نفس الوقت أمورتنفعني مستقبلا ماذا تقترحون علي تكوينات أو أي عمل

[سبيل]

أقترح عليك دراسة اللغة الانجليزية بهدف الحصول على شهادة اتقان اللغة تحتاجيها في المسابقات مستقبلا مثل التوظيف في azal او مراكز البحث اوالعمل في اخدى الشركات الاجنبية

[سالوني]

السلام عليكم

لما لا تدرسين إعلام آلي برتبة تقني سامي مثلا في التكوين المهني أو في مؤسسة خاصة حتى تزيدي من مهاراتك إن كان لديك نقائص تكملينها وإن كانت مدة الدراسة طويلة فاختاري المدة التي تناسبك

أو أن تبحثي عن عمل في وقت الفراغ كبائعة مثلا في حانوت نتاع القش ولا مكتبة ولاّ تغسلي مواعن في بيزيريا هههههههههههههههههههههههه كاين بنات شفتهم يخدموها من جهة تملي الفراغ ومن جهة دجيبي مصيريفة

أنا عندي ياسر ملّي سقدت قرايتي وظركة راني نعمر في الفيد بالقراية في التكوين المهني، كل ما يخرجش اخنصاص جديد كل عام ندخل فيه، نسقد هاذا وندخل في لاخر

تقدري حتى أنت تروحي تشوفي واش كاين في التكوين من فروع وتخيري واحد فيهم تقرايه وخاصة مع بداية راس العام لجديد سواء حاجة جديدة ولا كاينة من بكري

وإذا أنت من محبي الحرف اليدوية تقدري تعلمي فيه خياطة ولا حفافة .... نتاع 6 شهر بركة

بلاكي دقولي واش قاعدة تخرّف هاذي، أنا قرايتي في الجامعة وهي دقولي روحي للتكوين، راهي نورمااااااااااااااااااااااااااال
وبالعكس ظركة ولات قراية التكوين خير من الجامعة

وإذا ما علابالكش بلي نسبة الطلب عليهم في المسابقات راهي 70%

ههاذا الشيئ اللي قوتهولك راني قاعدة ندير فيه وانت ورغباتك يا Miss faithfulgirl


وكنصيحة املي وقت فراغك بما يفيد أحسن من ضياع الوقت فيما لا يسمن ولا يغني من جوع


بالتوفيييييييييييييييييييييييييييق

[saadtaa]

قال عليه الصلاة والسلام "نعمتان مغبون فيهما كثير من الناس، الصحة والفراغ"

[saifi10]

نصيحة اختي دراسة اللغة الانجليزية انا لدي ليسانس الكتروتقني , تم تقديمي الى عدة مقابلات للعمل فمعظم الشركات الخاصة والتي لديها اجر جيد فيطالبو الانجليزية حتى وادا كنت بدون خبرة لان قليل جد من يملكون دبلوم تقني و شهادة ويتقنون الانجليزية , نصيحة التي تمنيت ان كان قالهلي شخص لما كنت ادرس .