مشكلتي

[مشكلتي]

السلام عليكم ورحمة الله وبركاته
انا انسانة عاملة كل ما يخطبني شخص يرفضوه اهلي اذا كان مليح ولا ميش مليح
دائما نفس الرد اما يجي الرفض من ابي ويخيرني اذا قبلت يقلي انا قتلك ميش مليح وروحي معاه انا مانحضرش ونفس الشئ بالنسبة لامي واخوتي
الخاطب لي يجي يعيبوه والله تعبت انا حابة استقر دائما ندعي ربي يرزقني زوج صالح
وانا في سن الثلاثين من العمر مانيش صغيرة راني حايرة كيفاش نتعامل معاهم
مانيش حابة ندير حاجة بلا رضاهم

[نورالهدى بيولوجيست]

مادام بديتي بكلمة عاملة فربما مالك هو السبب!!!!!

رانا كلنا عاملات و نهار لي تجي الفرصة الزينة واحد ما يخليها بالعكس

اذا كانوا اهلك ناس طبيعيين فاكيد يحبولك غير الحاجة المليحة بالاك هاذ الناس لي خطبوك مايليقولكش

اختي توكلي على ربي سبحانو و اذا اراد الشيئ فيقول له كن فيكون لذلك احسني علاقتك بالحي القيوم و اشكيلو و راه يفتح عليك في اقرب فرصة

و علابالك ان اهلك و اراءهم بيد الله سبحانه و تعالى

بشرينا قريبا بزواجك :)

[كمال22]

الله يرزقك الزوج الصالح

[متمنية]

ربى يرزقك الزوج الصالح امييييييييين

[ibtihal18]

ربي يرزقك الزوج الصالح التقي اختي و ربي يفرج عليك لا تقنطي من رحمة الله و ربي يهدي اهلك لان يستقرو على راي واحد لمصلحتك

[ام رضوان]

السلام عليكم
ربي يكون في عونك ويفك كربك.
على ما اظن ان راتبك هو السبب كاين اهل الله يسمحلهم يشوفو في بناتهم خزينة تاع مال ويخافو يفقدو هذا المال.
اختي حاولي تتكلمي مع امك وهي توصل الكلام لابوك اوجدتك اواحد من كبار اهلك الذي تثقين فيهم اختي ما تستحيش راكي تطالبي بحق من حقوقك والعمر راه يجري ويفوت.
قولي لها بانك لن تتخلي عنهم وانك سوف تبقي تساعديهم بشهريتك وشوفي معاهم بالاك يتنازلو ويقبلو.
وماتنسايش اختي صلي وادعي ربي وما تياسيش.
ربي يرزقك بابن الحلال عاجلا غير اجل.امييييييين

[صدّام الجزائري]

وفقك الله ... نسأل الله الزوج الصالح لجميع شباب المسلمين :)

[نور لاتراه]

السلام عليكم ورحمة الله وبركاته
انا انسانة عاملة كل ما يخطبني شخص يرفضوه اهلي اذا كان مليح ولا ميش مليح
دائما نفس الرد اما يجي الرفض من ابي ويخيرني اذا قبلت يقلي انا قتلك ميش مليح وروحي معاه انا مانحضرش ونفس الشئ بالنسبة لامي واخوتي
الخاطب لي يجي يعيبوه والله تعبت انا حابة استقر دائما ندعي ربي يرزقني زوج صالح
وانا في سن الثلاثين من العمر مانيش صغيرة راني حايرة كيفاش نتعامل معاهم
مانيش حابة ندير حاجة بلا رضاهم
اقنعيهم باللتي هي احسن
عن رغبتك بطريقة ذكية
فهذا حقك

[de alger sheryfa]

اختي ما تقلقيش روحك
اللي مكتوبلك تشوفيه عن قريب ولا عن بعيد
اصبري و اتوكلي على الله

[blanche rose]

عزيزتي
بعض الوالدين ما فهموش معنى بر الوالدين
بدل بر الوالدين أصبح عبادة الوالدين
واي معارضة تعتبر عصيان

ما نطولش عليك حبيبتي
حلك بيد الله عز وجل
تقربي اليه كثيرا
استغفري كثيرا
قولي حسبي الله ونعم الوكيل كثيرا
قولي الحمد لله كثيرا

اقرئي اذكار الصباح والمساء
صلي
قوي علاقتك بالله عز وجل وسترين انك ستتزوجين برجل صالح ان شاء الله قريبا

لا تنسي
بشرينا لما يوافق والدك
وتصرالو كي بابا
قاللهم ما فقتش كيفاش وافقت ههههه

ربي يسعدك

[غربة أهل السنّة]

وعليكم السّلام ورحمة الله و بركاته
لا حول و لا قوّة إلّا بالله
أختي من حقّكِ أن تتزوّجي،،، أختي يجب أن تطلبي ذلك من والديك
بكل إحترام ... ما هذا الذّي يحدث في أمّتنا؟؟؟
أنتِ الآن في الثّلاثين،،، ماذا ينتظرون لكي يوافقوا ؟؟؟
بعد عام او عامين قد تقلّ فرص الخطوبة
والمرأة أيضا قد تفتن في دينها و هي في حاجة للزواج و ستر نفسها
أظنّ -والله أعلم- بأن أهلكِ يرون أنك عاملة و لستِ في حاجة للرّجل
فالكثير من الأولياء -هداهم الله- يفكّرون هكذا
لكن أنت يجب أن تفكّري في مستقبلك
والديك قد يرحلون عن هذه الدّنيا و إخوتكِ أيضا
و تبقين أنتِ مع العمل و تضيّعين حياتك فقط في العمل
هذا ليس صوابا ،،، المرأة أو الرّجل سواء
مهما بلغوا في هذه الحياة من النجاح في شتّى ميادين الحياة إلّا أنهم يبقون في حاجة
للإستقرار و الزّواج و العيش في دفء الأسرة
أسأل الله تعالى أن يرزقك زوجا صالحا يكفيك شرّ العمل
و تسعدين معه