مشاكل الموسم الدراسي 2009.2010

[بويوسف نزهة]

انا لا اقصد التشائم لكن الضغط الذي نتعرض له من جراء العطلة الجديدة(السبت) يقلقني فقد اصبح التوقيت الاسبوعي لا يتوفر على ساعة واحدة للفراغ وحسب رايي فان التوقيت القديم افضل بكثير فما رايكم؟وشكرا

[smsm-91]

شكرا لك نعم هو التوقيت شويا مش مليح بصح فيها ايجابيات
منها انو عندنا متسع للمراجعة لكن بعد ضغط في الاسبوع
انا من راي اضل وقت انو ينحولنا الثلاثاء العشوة ونعودو نقرو عادي اصلا منلاحظوش ضيق في الوقت لكن للاسف المسؤولين مش حاسين بالتلميذ
وش نقولو ربي يهديهم
والسلام عليكم

[الطموحة ملاك]

أنا تاني عندي 3 أيام نقرا فيهم 8 سوايع في النهار

[besma.gaga]

حتى أنا نقرى سمانة كامل 7 ساعات يوميا مع لي كور لي نديرهم نهار الجمعة و السبت و حتى الثلثاء لعشية منيش عارف كيفاش نضم روحي فالدار مع أنا نعيا تمتم ومنحملش

[besma.gaga]

لي عندو برنامج مليح فالدار stpيعاوني بيه

[السمسمه]

و الله انت محق بصح واش يعمل الميت في يد غسالو يا وليدي اصبر و كلش يجوز
http://www.adt4w.com/vb/imgcache/3579.imgcache

[بويوسف نزهة]

شكرا للردود و شكرا لموافقتي الراي.
وانا تطرقت لهذا الموضوع بسبب الضغط الذي اعاني منه شخصيا فحتي في ايام العطلة ادرس دروس اضافية واضن انا هذا يعود سلبا على تركيزي اما في الاسبوع فلدي يوم الاربعاء ادرس من8.00 الى 17.30 مساءا تصوروا لا فراغ يومي يعني اعود الى المنزل انام مباشرة وشكرا.

[karima.akram]

والله مللنا من هذه التغيرات التي لم تعد في صالح التلميذ حسبي الله ونعم الوكيل
كل عام بحاجة جديدة ولا تنفع حتى كلهم اصبح يشكي التلاميذ وحتى الاساتذة ان لم تكن هذه التغيرات لا تليق بمن َيدرسون ويُدرسون لماذا يضعونها لو تعلمو مامدى معانات تلاميذ الجنوب التي اصبحت الدولة لاتراعي لمعاناتهم وضروفهم الله يعلم بحالنا ويساعدنا ان لم نجد من حولنا مساعدة؟؟
ربي معنا وخلاص

[بويوسف نزهة]

شكرا لكي اختي كريمة ان عن نفسي لا ادرك مشاكل من الجنوب لاني من الشمال لكن مشاكلنا ايضا لا تقل عنكم فنحن نعاني ايضالا من جراء هذا التوقيت لكن اظن ان المسؤولين عندما يحسون بان هذا التغيير لم ينجح لان هذا اكيد سيؤثر سلبا علينا سيتنازلون عنه وتعود المياه الى مجاريها انشاءالله.

[cristio]

صح عندك الحق
من الثمنية تع الصبح حتى الخمسة ونص لعشية بزااف

[بويوسف نزهة]

شكرا على الرد

[lili2]

توقيت جديد بزاف مشارجي يخلينا ساعات التاية من11 الى 12 نعسانين ومنقدروش نركزوا مليح
انا عولت سبور سمانة نحضر وسمانة منحضرش بش نريح فيها ونراجع شويا الله يكون في عونا قد مايديروا ضغوط علينا ان شاء الله ننجحوا في باكلوريا

[sasasasasasasas]

نحن نقراو من 8الى17 كل يوم والايام الاخرى(السبت والجمعةوالثلاثاء مساء)الدروس الخصوصية
فاين الوقت للمراجعة والحفظ

[بويوسف نزهة]

صحيح اختي لا وقت حتى الخميس والاثنين لعشية حسدونا فيهوم نوكلولهم ربي.

[lossitta]

حتى انا في ميزيرية كبيرة نخرج من الدار 7 صباحا وندخل على 6 تاع لعشية هدي ماشي معيشة نروحو نرقدو وقتاش نراجعو وزيد الساعة من 12 الى 1 نقعدو بلا اكل لازم نشريو والمكان ايضا برا فالليسي ميخلوناش نقعدو غير البارح كي صبت الامطار خلاونا وربي عالم نهار الاحد لا يخليونا ولا لا وزيد الثلاثاء لعشية والجمعة والسبت دروس خصوصية وقتاش نرتحو ونراجعو
ربي يقدرنا وننجحوا ونتهناو من هاد الميزيرية يعني لقاو غير اصحاب 91 يجربو فيهم كيما يحبو

[بويوسف نزهة]

مرحبا اختي لوسيتا مجددا نحن فئران التجارب منذ بدانا مواسمنا الدراسية فبالاول التغيير الذي حصل في التعليم المتوسط(4سنوات)وبعد ذلك التوقيت والله حظ رائع هههه مشكورة اختي.

[10douda]

يا اخواني رانا كلنا محسودين الدفعة تاعنا لما وصلنا و دينا السيزيام قالك المتوسط اربع سنوا ت لما وصلنا للثانوي قالك الوضعية الادماجية لما وصلنا للسنة الثالثة ثانوي بدلو البرنماج والتوقيت

[بنت عمران]

احنى في الحقيقة نتعرض لضغط كبير و مننساوش كاينينتلاميذ يديروا دروس خصوصية يعني الأسابيع تولي مرتبطة ببعض ومعندوش وقت يتنفس فيه ، كل دقيقة بحقها

[amirlavigne]

انا جميع ايام الاسبوع 7 ساعات يوميا مع دروس الدعم
الا يوم الجمعة راحة كاملة
وبالتفيق للجميع

[بويوسف نزهة]

يا اخواني رانا كلنا محسودين الدفعة تاعنا لما وصلنا و دينا السيزيام قالك المتوسط اربع سنوا ت لما وصلنا للثانوي قالك الوضعية الادماجية لما وصلنا للسنة الثالثة ثانوي بدلو البرنماج والتوقيت
اختي حابين يخرجونا ادمغة زادولنا عام وذروك سوايع نشاالله نكونوا في المستوى هههههههههههههه.مشكورة اختي.

[بويوسف نزهة]

احنى في الحقيقة نتعرض لضغط كبير و مننساوش كاينينتلاميذ يديروا دروس خصوصية يعني الأسابيع تولي مرتبطة ببعض ومعندوش وقت يتنفس فيه ، كل دقيقة بحقها
مشكورة اختي انا عندي دروس اضافية والله ما عندي وقت نغسل شعري ههههه.مشكورة

[بويوسف نزهة]

اخي انت عندك يوم راحة حنا ماكاااااااااااانش هاذاك اليوم اشغال عمومية ههههههههههههههه.مشكورانا جميع ايام الاسبوع 7 ساعات يوميا مع دروس الدعم
الا يوم الجمعة راحة كاملة
وبالتفيق للجميع

[safioo]

والله يا خاوتي عندكم الصح الناس الكل راهم يعانيو من هدا وانا اولهم

[بويوسف نزهة]

والله يا خاوتي عندكم الصح الناس الكل راهم يعانيو من هدا وانا اولهم
اخي شكرا على الرد القيم لكن والله كلنا اولهم هههههههههههههههههه.مشكور مجددا.

[gzina24]

عندك حق في كل شيئ انا تاني معنديش الوقت خلاه نقرا 7 ساعات في النهار]:mad::mad::confused::confused::confused::confused: :confused:

[بويوسف نزهة]

[quote=gzina24;1913900]عندك حق في كل شيئ انا تاني معنديش الوقت خلاه نقرا 7 ساعات في النهار]:mad::mad::confused::confused::confused::confused: :confused:[/qu

اختي عندك الحق 7سوايع بزاف وحنا فالمؤسسة نتاعنا 8 سوايع من8سا الى 12سا ومن 13س الى 17سا والله غير بزاف الحصتين الاخيرتين ما نفهم والووووووووووووووووووووووووو.مشكورة اختي على الرد.

[bouya]

لا احنا التوقيت رجع كما كان طبعا بعد الاضراب والمعاناة
شكرا الله يكون في عونكم

[بويوسف نزهة]

اخي مبروك عليكوم والعقوبة لينا حنا مازال وبعد اضرا الاساتذة نظن راح يزيدولنا ساعات.مشكور اخي على الرد القيم

[amira1992]

السلام عليكم

أنا نصف داخلي و مشكلتي الأساسية هي/
نهار نقرا 8 سوايع مانقدرش نهز أدواتي. ألقاولي حل منا يخلص العام نولي معوقة

[sofiane_2052]

البرنامج يبدلوه ولا ميبدلوش كيف كيف كل واحد عندو سلبيات وايجابيات انا ثاني مقدرتش نراجع

[SKAF]

هذا المشكل ولفناه .المشكل الثاني هو الاضراب لي محبوش يحبسوه .وثاني نبداو نقراه فالعطلة تاع الشتاء

[بويوسف نزهة]

صحيح اخي نوالفوا مشكل يطلعلنا اخر بصح ذروك نوالفوه.مشكور