نجحت ونحاوني بالمعريفة ادخلو شوفووووووووووو [الأرشيف] - منتديات الجلفة لكل الجزائريين و العرب

مشاهدة النسخة كاملة : نجحت ونحاوني بالمعريفة ادخلو شوفووووووووووو

minna

2015-11-30, 18:58

السلام عليكم حسبي الله ونعم الوكيل
انا فوتت مسابقة في الجامعة قالولي باني انا الناجحة لكون الحاضرين غير 20 كانو الكل متخرجين بعدي وانا عندي خبرة اكتر منهم 7 سنوات ومتخرجة 2001
لكن بعثو المسابقة الى الوظيف العمومي نحاوني وحطوني ف المرتب الرابع
وحطو ناس اخرين قبلي اعرفهتم تخرجو بعدي وليس لديهم خبرة
ارجوكم ساعدوني كيف افعل الطعن وينا مكتب نروح ليه في الوظيف العمومي ولمن نشكي ليك ياربي
وكيفاه ندير والله غاضتني

sab-lam

2015-11-30, 19:10

ديري طعن في النتيجة سقسي في المؤسسة لي جوزتي فيها بصح لازم تزربي قبل ما يخلاص آجال الطعن و ماشي غير نتي تاني وحدة نعرفها قالولها جبتيه و كي خرجت النتيجة ماكاش اسمها ربي وكيلهم و انا لي نورمالمو راني نجحت طبعوني في القائمة الاحتياطية مرتين الله لا تربحهم ..... اجري على روحك ختي بصح ما تطمعيش بزاف لانو المعريفة كي تكون من فوق فوق تديري واش تديري ما تقدريلهمش

faisel101

2015-11-30, 20:33

ربي يجبر بخاطر قلبك ويعوضك بكل خييير

راني حوستلك على العنوان وين ديري طعن أو الفاكس ولقيت حالة مشابهة لحالتك ولقيت واحد كتب هذا الجواب وإن شاء الله ينفعك

المديرية العامة للوظيفة العمومية
رقم 32 نهج سويداني بوجمعة. المرادية. الجزائر
هاتف : +213 (0) 21 69 11 91/92/93 فاكس : +213 (0) 21 48 28 92
اخي انصحك بتقديم الطعن على مستوى الوظيف العمومي لولايتك مع تسليم نسخة الى الجهة المنظمة للمسابقة اذا لم يتم الرد عليك في حدود 20 يوما تقدم بشكوى الى المحكمة الادارية و ان شاء الله اذا كان عندك حق تجيبو باذن الله
غير ما تسمحش في حقك و اضرب عليه وما تخليش فرصة لهاذوك لي راهم يتلاعبوا بمصيرنا على اساس الرشوة و المعريفة
بالتوفيق

hakim-medea

2015-11-30, 21:02

انصحك بعمل فوضى و تهديد المسؤولين باللجوء الى القضاء و نشر الفضيحة في الجرائد
هذا حقك و الله معك بإذن الله يرجعلك

كواسر 09

2015-11-30, 22:10

و عليكم السلام و رحمة الله تعالى و بركاته

20 مترشح فقط ؟ في أي مسابقة و أي مديرية . لأننا تعودنا على المئات والالاف من المترشحين في المسابقات
.
و بخصوص استفسارك لم تحددي شكون اللي نحاك هل الادارة منظمة المسابقة أم الوظيف العمومي .... لأنه في بعض الأحيان الوظييف العمومي يجد بعض التجاوزات و بعض الاخطاء و يمكن له حتى الغائها
.

الشيء الذي أنصحك به أن تتوجهي الى الوظيف العمومي لتستفسري و بعدها يبانلك واش لازم تديري

minna

2015-11-30, 22:27

شكراااااااااااااااااا لكم جميعا
الاخ الي سقسي على المسابقة راني فوتها في ولاية سكيكدة شهر اوت واحد مسمع بيها وكان بوست واحد علي بيها المشاركين مكانوش بزاف
ممكن تعطوني معايير الانتقاء و سلم التنقيط في هادا امسابقة اعلام الي dea نو في الجامعة بدلولي خلاه معايير الانتقاء
لانو تزور النتائج كان في الجامعة وليس في الوظيف العمومي وانا بادن الله راح ندير الطن في الوظيف العمومي وممكن تقولولي واش هادي المحكمة الادراية هل هي توكيل محامي او مادا

chouaib.fcb

2015-12-01, 02:06

اول مرة نشوف طفلة تتحقر ربي يجيب الخير ان شاء الله

minna

2015-12-01, 16:50

اليوم روحت للجامعة نستفسر لقيتهم محسبوليش الخبرة حطولي الا 4 نقاط وانا خدمت 6 سنوات
وحطولي على الاقدمية 2 نقاط وانا متخرجة 2001
من فضلكم اعطوني سلم التنقيط
و هل خبرة تاع لاداس لا تحتسب
و الي نجحت في البوست محبوش يهدرولي عليها لانو اكيد متخرجة بعدي وداتو معريفة
انصحوني تعيشو حابة نروح نطعن في الوظيف العمومي كيفاش ندير

ammar0505

2015-12-01, 18:12

pilott

2015-12-01, 18:32

اختي بالنسبة لنقطة اقدمية الشهادة تحتسب كالتالي: 0.25 للعام في حدود النقطتين يعني حتى وتكوني متخرجة ف 1990 لن تتجاوز النقطة 2 فهمتي..اما بالنسبة لشهادة الخبرة المهنية بالنسبة للداس والله مراني متأكد ...ننصحك تروحي لمديرية الوظيف العمومي لولايتك واطلبي محضر النجاح باش تعرفي تنقيطك مليح. لانه قانونيا لازم يتعلق محضر النجاح النهائي ف الجامعة فيه التنقيط .

brahim1984

2015-12-01, 18:50

للعلم الطعن له فترة محددة بشهر من تاريخ الاعلان على النتائج ربي يوفقك

AKSACLI

2015-12-01, 19:22

نعم لازم ديري طعن لكن اذا ربي راه كاتبلك هذا المنصب مكان حتى واحد غادي يديه حسبنا الله ونعم الوكيل :sdf::mad::mad::mad::mad::mad::mad::mad::mad::mad: :mad::mad::mad::mad::mad::mad:
اكثروا من استغفار

minna

2015-12-01, 20:03

نصيحة مني اختي لا تشتكي في ولايتك لانه لا كلب يعض خوه كل شيء مخدوم ارسلي شكوى الى ادارة الوضيف العمومي في العاصمة والى وزارة التعليم العالي والبحث العلمي فيها ملف ترشحك كاملا واكتبي اسمك خارج الضرف المرسل وانشاء الله سوف يتم الرد عليك ولا تسكتي عن حقك وان تطلب الامر رفع دعوى قضائية ضد هذه الادارة واستعيني بمحامي لتوجيهك ....لا تسكتي عن حقك انهم كلاب والسكوت عن الحق شيطان اخرس

اعطيني عنوان الوظيف العمومي تاع العاصمة
وكيفاه نرسلهم الملف تاعي ومعاه طعن او شكوي ويعني راح يدرسو لموضوع ولا غير اطيشوه وميوصلش وميشوفوهش

نعم انا متاكدة بلي مكتوب ربي
لكن الشي الي غاصني التلاعبات والمعريفة واني نسكت على حقي عيني عينك والي دات البوست متستاهلوش

faisel101

2015-12-01, 20:08

minna

2015-12-01, 22:43

راني حطيتلك الفوق عنوان الوظيف العمومي ورقم التلفون والفاكس بصح تبالي مريتي عليها مرور الكرام ...

لالا قريت حظيتلي غير الظيف العمومي العاصمة ني مقرها بالضبط ني والو ومكانش الهاتف والفاكس

على العموم شكرا لكم جميعا

nounou-19

2015-12-01, 23:28

بخصوص الخبرة حدودها 4 نقاط فقط كل عام بنقطة...اما اذا كانت المسابقة في مكان عملك(مثلا تخدمي في مديرية الفلاحة وجا منصب في مديرية الفلاحة ) الخبرة تحتسب على 6 نقاط وليس 4 ...وحسب كلامك فانت لاتعملين في الجامعة لذا اقصى حد للخبرة 4 نقاط .
ايضا اقصى حد لنقاط اقدمية الشهادة 2 نقطة ،كل عام ب 0.25 ..انت تخرجتي سنة 2001 = تقريبا 14 سنة = 2 نقطة .
ايضا معدل السنة الاخيرة ينقط كالاتي 10 = 0.5 نقطة ، 11 = 1 نقطة ، 12 = 1.5 نقطة ، 13 = 2 نقطة ، 14 = 2.5 نقطة ،معدل 15 او 16 او 17 او 18 او 19 = 3 نقطة
ايضا المقابلة عليها 3 نقاط.

nounou-19

2015-12-01, 23:30

الاخت
ماهو معدل الناجح الاول في المسابقة ؟ وماهو معدلك انت في المسابقة ؟
ايضا ماهو معدل سنتك الاخيرة في دراستك؟

lahcen tggt

2015-12-01, 23:44

السلام عليكم
لذيك حلين، الأول هو تقديم طعن عند مفتشية الوظيفة العمومية للولاية نتاعك و إذا لم يؤخذ بعين الإعتبار قدمي شكوى للمديرية العامة للوظيفة العمومية و كآخر حل و أحسن حل هو رفع قضية للمحكمة الإدارية و إذا صح تستاهلي رح تفوتي بإذن الله

اخوكم محمد

2015-12-03, 10:51

سبيل

2015-12-03, 13:29

اختي ربي معاك و لكن اظن ان معدلات كشوف النقاط هي التي احد تث الفارق فكما تعلمين انه في الاونة الاخيرة اصبح الطلبة يتخرجون بمعدلات مرتفعة عكس ما كان في السنوات الماضية و ربي يوفقك ان شاء الله

نعم مثلما قال الأخ و هناك أيضا نقطة المقابلة
انت قلت انك نجحت في الأول هل رأيت كشف النقاط الأولي أم لا لتعرفي كم أعطوك في المقابلة و هل تغيرت النقطة أم لا
وكذلك هناك جامعات ترتب التخصصات حسب الأولوية عند اعلان المسابقة فهل كان هناك ترتيب للتخصصات ام لا
عليك التوجه للجامعة و طلب نسخة من النتيجة النهائية الخاصة بكل المترشحين
وهل فعلا لا يوجد مترشح آخر له خبرة
ان أردت لن أحسب لك المعدل قولي لي معدل آخر سنة و كذلك هل الخبرة كانت في الجامعة و في نفس التخصص او رتبة أقل
وكذلك التخصصات المطلوبة option ان كانت مذكورة
ربي يفرج عليك ان شاء الله

MOURADTA

2015-12-03, 14:49

قد يكون السبب المعدل كما تعلمي المعدلات الان بالنظام l m d مرتفعة جدا مما يعوضهم بسنوات الخبرة
اما الاقدمية بالنسبة للشهادة ليس عليها الكثير 0.25 للسنة في حدود 2 نقطة
وبالتــــــــــــــــــــــــــــــوفيق .

صمت الرجوله

2015-12-03, 18:27

اعطيني عنوان الوظيف العمومي تاع العاصمة
وكيفاه نرسلهم الملف تاعي ومعاه طعن او شكوي ويعني راح يدرسو لموضوع ولا غير اطيشوه وميوصلش وميشوفوهش

نعم انا متاكدة بلي مكتوب ربي
لكن الشي الي غاصني التلاعبات والمعريفة واني نسكت على حقي عيني عينك والي دات البوست متستاهلوش

اختي واش دخل الوظيف العمومي نتاع العاصمة ...حطي طعن علي مستوي الوظيف العمومي لولايتك و ماتخافيش ان شاء الله يؤخد بعين الاعتبار ..عندي صاحبي كان عندو نفس حالتك و دار طعن و اصبح هو الناجح الوحيد يعني المعريفة او الخطا يكون على مستوى الجامعة
بالنسبة لمعايير الانتقاء
تنقيط معايير الإنتقاء: حسب المنشور رقم 07/2011 المؤرخ في 28/04/2011

كيفية حساب معدل النجاح كيفية حساب معدل النجاح في المسابقات على اساس الشهادات: دراسة الملف فقط

- من(0 إل 2 نقطتين) : حسب تطابق الشهادة مع متطلبات الرتبة(0.5 - 1 - 1.5 – 2(

- مسار الدراسة والتكوين معدل السنة الأخيرةمن (0.5 إلى 3 نقاط(

1 ــ معدل من 10ــ 11ويقل تعطى لكنصف نقطة

معدل من 11 ــ ويقل 12نقطة واحدة

معدل من 12 - ويقل 13نقطة ونصف

معدل من 13- ويقل 14نقطتان

معدل من 14 - ويقل 15نقطتان ونصف

معدل يساوي أويفوق 15ثلاثة نقاط

2 ــدراسات مكملة للشهادة: " ماجستير ، …." تعطى لك نقطتان - نصف نقطة عن كل سداسي في حدودنقطتين -

3ــأقدمية الشهادة تاريخ الحصول على الشهادةكل سنة تعطى لك 0.25 في حدودنقطتين.

4 ــالخبرة المهنية" شهادة عمل " ان وجدت في نفس القطاع كل سنة نقطة في حدود06 نقاط، أما خارج قطاع نقطة عن كل سنة فيحدود 4 نقاط، في حينيتم تنقيط الخبرة المهنية في منصب شغل أدنة من المنصب المراد شغله فتحسب 0.5 أي نصف نقطة عن كل سنة في حدودنقطتين فقط

5 ــالمقابلة الشفويةمع المفتش يراعى فيها الهندام والنظر والاجابة السليمة و…. تعطى لك من (من 0إلى 3 نقاط(

بالنسبة للاسئلة الشفهية فهي عادية ولا تحتاج لتحضير : سنة تخرجك ,تخصصك,الخبرة المهنية عمل سابق قمت به ,عازب متزوج ,السن , مكان الاقامة ….إلخ ، كما ان الهندام وطريقة التحاور مع اللجنة هامة ويقيم عليهاالمترشح.

و الله اعلم

minna

2015-12-03, 18:46

السلام عليكم
نشكر كل من ساندني
انا محضر النجاح شفتو واعطاوني حقي بالكامل لكن الي نجحت كان معدلها 10 ومتخرجة ف 2006 وداتووووووووووو معريفة كبيرة من طرف الوظيف العمومي هي بنت ,,,,,
وكشفهم ربي خلي ياكلو لحرام ف كروشهم حسبي الله ونعم الوكيل
انا معدلي 11 مدولي نقطة
و 2,5 لجنة و تطابق 2 واقدمية 2
الخبرة 4 نقاط لكوني بدلت مكان العمل

والي داتو حسبنا معدلها ؟؟؟
وعندما روحت للوظيف العمومي لقيت الي نجحها يخدم تم
وف الجامعة قالولي انا الناجحة لاني انا الي فتهم بالنقاط و فالاخير قالولي داتو فلانة معريفة

فهمتو بلادنا كيفاه حسبي الله ونعم الوكيل

غليزاني 26 سنة

2015-12-03, 19:01

يا اختي ما تسكتيش على حقك لازم تفضحيه صاحب هذا العمل و يلفا سكتي على المنكر انت تكوني مشاركة فيه
لازم توصليهم للمحكمة او اي شيء يفضحهم
لاز بالدليل و الوثائق الثبوتية يلا مكانش ارسليهم للجريدة او القنوات الخاصة

nounou-19

2015-12-03, 19:24

الاخت
معدل 10 هل هو معدلها العام (بالاقدمية +الخبرة +المعدل السنوي الاخير + تطابق الاختصاص) ام معدل السنة الاخيرة ؟
اذا معدلها ككل فانت معدلك 11.5 ، اما ان كان معدلها للسنة الاخيرة فسيكون هناك تساوي بينكما،وسيرجع لاصحاب الحقوق من ابناء الشهداء وغيره لتقرير الاول

وعلى حسب المعلومات التي قدمتيها سيكون هناك تساوي في النقاط بينك وبينها
نقاطك
1 للمعدل+4 للخبرة+2 اقدمية+2 تطابق+2.5 مقابلة = 11.5
منافستك
0.5 للمعدل + 4 للخبرة + 2 اقدمية + 2 تطابق + 3 مقابلة = 11.5
هذا ان اعطوها 3 في المقابلة وكان عندها خبرة 4 سنوات

nounou-19

2015-12-03, 19:29

بعد خبرة في مسباقات التوظيف على اساس الشهادة
لو يريد اي احد ان ينجح احد على حساب الاخر،فاللعب كله في نتيجة المقابلة
انت اعطوك 2.5 في المقابلة وكان بامكانهم بكل سهولة اعطائك 0.5 او 1 كما فعلوا معي عدة مرات ولايكنك فعل شيء
فنتيجة المقابلة غير قابلة للطعن

اعتقد ان الناجحة يا اما ان لها معدل للسنة الاخيرة احسن منك او انها تمتلك خبرة اكثر منك وتعمل في نفس الجامعة التي بها المنصب