عـــــــــــاجل لكل شخص متمكن في الســيــــاقة

[نتــــــــــاشا]

السلام عليكم ورحمة الله تعالى وبركاته
اقبلت على امتحان الكرينو ولم انجح بسبب انطفاء السيارة ( كـالاتلي) ، يا خاوتي مافهمتش علاه طفتاتلي زوج خطرات ؟؟؟؟ اين هو المشكل؟
يرجى منكم افادتي بالشرح المفصل باش نتطفاش السيارة في امتحان لكرينو ؟ وبارك الله فيكم

[نتــــــــــاشا]

من فضلكم اجابة انا جد محبطة

[wassimo]

هل السيارة ديازال ولا ايسونس في الكرينو تستعملي سرعة 1 وسرعة خلفية (مارش اريار )
اولا يجب تشغيل محرك السيارة في وضع النقطة( البامور)
ثانيا كي تكوني رايحة تديماري دوسي على لومبرياج الى اقصى حد و ديري السرعة 1 او المارشاريار
ومن بعد اشارة الخروج ومن بعد نزلي المكبح اليدوي ( الفرامان )
ثم اذا كانت السيارة بنزين لازم تاكسيليري شوي وتنقصي لومبرياج شوي
اذا كانت السيارة مازوت وكنتي في طريق مسطح ابداي تنقصي غير في لومبرياج بشوي بدون استعمال لاكسيراتور
وعندك الوقت المهم عندك تتنحشالك وتطلقيه ضربة وحدة
واذا كانت الطريق مهترئة (لابيست) او في حفرة لازم تعملي مثل سيارة البنزين
ونصيحة دائمة اكدي على الفرامان
وتاني دائما ما تغلقيش لاديريكسيون كامل خلي شوي باش ما تكاليش
وكي تشوفي الطوموبيل ترعد في اي وقت خروج او دخول هبطي شويا اومبرياج وزيدي في لاكسيراتور ومن بعد ابداي تنقصي في لومبرياج ولا تنسي غير بشوي لان مهندس السياقة ينتظر لكن لا يسامح

[سفيان الميلي]

كلنا مررنا بتلك التجربة في بداية الأمر
التعليم النظري في رأيي لن يفيدك كثيرا
يجب عليك ان تكثري من التعليم التطبيقي
عن طريق سياقة سيارة صحاب مدرسة تعليم السياقة
فأنت لك الحق في 12 ساعة سياقة عند صاحب المدرسة إن لم تخني الذاكرة
كثرة السياقة تجعلك أكثر تمرّسا من الدراسة النظرية

[القائدة]

لأنك ماعرفتش كيفاش تدير توازن بين لاكسيليراتور و لومبرياج ، كي تاكسيليري ما ترفدش رجلك في سع من لومبرياج لازم تنحيها بالعقل ارفعها شوي شوي مش خطفة وحدة

[نتــــــــــاشا]

يعيطكم الصحة خاوتي ربي يجازيكم ، انا والله موالفة نديرها ماشاء الله ونجيبها سواسوا وجامي كالاتلي الطونوبيل كي لحق نهار الامتحان كالاتلي والله غير غاضتني روحي ، برك حبيت نعرف كي تطفالي لازم نعاود من جديد ندير بوان مور ؟؟ و واش هي الامور اللي لازم نديرهم باش متطفاش انا فهمت من كلامكم بلي لازم منحيش رجلي -اكرمكم الله- من لومبرياج بسرعة ننحي برك بلعقل - وهل لي فران عندهم علاقة بطونوبيل كي تكالي تعيشو فهموني مليح وجزاكم الله كل خير

[wassimo]

نعم الفرامل عندهم علاقة بالكالاج كي تفريني بلا اومبرياج وكي تديماري والفرامان طالع

[نتــــــــــاشا]

نعم الفرامل عندهم علاقة بالكالاج كي تفريني بلا اومبرياج وكي تديماري والفرامان طالع

يعطيك الصحة خويا بصح انا درت لومبرياج قبل لفران ، المشكل كي ديماريت بقيت موازنة بين لومبرياج ولاكسيليراتور مافهمتش علاه دارتلي هكاك ؟ و حبيت نعرف كي تكاليلي اسكو ندير بوان مور ونعاود ملول ولا نوضها وهي بروميار؟ وشكرا بزاااااف

[wassimo]

ونزيد نقولك حاجة انت مخسرتيش لانك متعرفيش خسرتي لاك تخلعتي لازم كي تطلعي قدام لانجنيور تخدمي نورمال كيما موالف وانساي الناس ولانجنيور وديري واش تعلمتي بكل ثبات

[wassimo]

في الكرينو ماشي كيما برا برا تخدمي كيما تعرفي لا يهم الترتيب ولا يهم كيفاش تنوضي الطوموبيل الا بامور ولا بروميار اما امام لانجينيور لازم اول حاجة تديريها لما تكالي ترفدي فرامان من بعد ترجعيها بامور من بعد ترقدي وتنوضي من جديد اما برا تقدري تنوضي وهي بروميار مي لازم تضغطي لومبرياج الى اقصى حد والا تنوض وتزيد تكالي هههههه وتبدا السركالة ولاصونات موراك ويزيدو يتلفوهالك

[نتــــــــــاشا]

ونزيد نقولك حاجة انت مخسرتيش لانك متعرفيش خسرتي لاك تخلعتي لازم كي تطلعي قدام لانجنيور تخدمي نورمال كيما موالف وانساي الناس ولانجنيور وديري واش تعلمتي بكل ثبات

صح يا خويا والله غير عندك الحق الخلعة هي السبة لولة لي خلاتني نخسر ومع كي زادت طفات الخطرة لولة خلاااص زدت خلعت اكثر والله لضرك مزالني خايفة تعاود تطفالي المرة الجاية

[wassimo]

ربما ايضا كالاتلك لانك كنتي غالقة كامل لاديريكسيون ولا الطوموبيل كانت سخونة بزاف

[نتــــــــــاشا]

في الكرينو ماشي كيما برا برا تخدمي كيما تعرفي لا يهم الترتيب ولا يهم كيفاش تنوضي الطوموبيل الا بامور ولا بروميار اما امام لانجينيور لازم اول حاجة تديريها لما تكالي ترفدي فرامان من بعد ترجعيها بامور من بعد ترقدي وتنوضي من جديد اما برا تقدري تنوضي وهي بروميار مي لازم تضغطي لومبرياج الى اقصى حد والا تنوض وتزيد تكالي هههههه وتبدا السركالة ولاصونات موراك ويزيدو يتلفوهالك

هههههه والله غير صح انا ديجا اليوم كرينو برك وراني تخلعت graaaaave فمابالك مع الغاشي ويصونيو والله تتلفلي كامل
و المشكل اللي ميربحش المرة لولة ويصرالو شوك يبقالو هاك الشوك هكذاك والخوف مننفس الخطا في المرة المقبلة

[نتــــــــــاشا]

ربما ايضا كالاتلك لانك كنتي غالقة كامل لاديريكسيون ولا الطوموبيل كانت سخونة بزاف

الله يسترك خويا ويعطيك ماتتمنا فهمني واش معنتها هاذي لاديركسيون كيفاش نغلق لادركسيون ؟؟؟ هههه اسمحلي عمبالي راني هبلتك

[wassimo]

هههههه شكون قالك هادي انا تاني خسرت المرة الاولى في الكرينو مي موراها ربحت وما بقاتلي حتى شوك بالعكس جاتني ساهلة على خاطر ديت نظرة من قبل كيما نقولو تاستيت الماناج ونحيت الخلعة اللي تجيك في المرة الاولى

[نتــــــــــاشا]

هههههه شكون قالك هادي انا تاني خسرت المرة الاولى في الكرينو مي موراها ربحت وما بقاتلي حتى شوك بالعكس جاتني ساهلة على خاطر ديت نظرة من قبل كيما نقولو تاستيت الماناج ونحيت الخلعة اللي تجيك في المرة الاولى

هههههههههه بالاك نتا يا خويا عند ال courage انا والله خير عندي القلقة والخلعة بزااااااااف ربي يستر وصح عندك الحق الواحد كي يجوز خطرة على الاقل يعرف كيفاش الاجواء ، ويعيشك خويا واش معنتها لاديركسيون كيفاش نغلقهااسمحلي عمبالي راني هبلتك

[wassimo]

الله يسترك خويا ويعطيك ماتتمنا فهمني واش معنتها هاذي لاديركسيون كيفاش نغلق لادركسيون ؟؟؟ هههه اسمحلي عمبالي راني هبلتك



ههههه نورمال رانا فارغين شغل كشما رانا نديرو رانا مقصرين برك اموا تستفادي وتجيبيلي الفال هههههههه
كي تدوري الفولون الى اقصى حد تما راكي غالقة لاديريكسيون وتحسي الفولون تفيبري في يدك لازم ديما تخلي شوي واذا غلقتي لاديريكسيون لازم تعمري الموتور مليح باش ما تكاليش

[نتــــــــــاشا]

ههههه نورمال رانا فارغين شغل كشما رانا نديرو رانا مقصرين برك اموا تستفادي وتجيبيلي الفال هههههههه
كي تدوري الفولون الى اقصى حد تما راكي غالقة لاديريكسيون وتحسي الفولون تفيبري في يدك لازم ديما تخلي شوي واذا غلقتي لاديريكسيون لازم تعمري الموتور مليح باش ما تكاليش

والله لوكان جيت تسكن قداامنا غير انت اللول اللي تاكل الفال ماشي خسارة فيك يا خويا ،
صار هاي هي لاديركسيون والله انا ليوم دورت الvلـون حتى للطرف وزيد طونوبيل خفيفة هايك هي طفات ضربة وحدة هههه

[مانقراش]

انتي تحكمي اللومبرياج و الفران في وقت واحد و تقوليلي كالاتلي
et on plus
تخدمي بال accélérateur في الكرينو :confused:
و تزيدي تهدري :confused::confused:
لو كان راني في بلاصة ال ingénieur نطردك :mh92::mh31:

[نتــــــــــاشا]

انتي تحكمي اللومبرياج و الفران في وقت واحد و تقوليلي كالاتلي
et on plus
تخدمي بال accélérateur في الكرينو :confused:
و تزيدي تهدري :confused::confused:
لو كان راني في بلاصة ال ingénieur نطردك :mh92::mh31:

ههههههههههههه مالا بيمن يخدمو تمشي طونوبيل بلجنون؟؟؟ ياك لازم لاكسيليراتور اواااه نتا راك مبحر اكثر مني :mh31:

[webaminesat]

يعيطكم الصحة خاوتي ربي يجازيكم ، انا والله موالفة نديرها ماشاء الله ونجيبها سواسوا وجامي كالاتلي الطونوبيل كي لحق نهار الامتحان كالاتلي والله غير غاضتني روحي ، برك حبيت نعرف كي تطفالي لازم نعاود من جديد ندير بوان مور ؟؟ و واش هي الامور اللي لازم نديرهم باش متطفاش انا فهمت من كلامكم بلي لازم منحيش رجلي -اكرمكم الله- من لومبرياج بسرعة ننحي برك بلعقل - وهل لي فران عندهم علاقة بطونوبيل كي تكالي تعيشو فهموني مليح وجزاكم الله كل خير

بالاضافه لواش قالو الاخوة اذ كنتي تلبسي الطالون اخطيك لانو مايساعدكش فالسياقه هذي فقط نصيحه
وبالنسبه للسؤال تاعك اسكو ديري بوان مور ولا لا كي تكاليلك السيارة
تقدري تعفسي على لومبرياج وتنوضي ديركت لكن هذي ما ديريهاش لانك في امتحان وهذا مخالف وبالتالي الخساره المباشره
احسن شئ هو امبريي رجعيها بوان مور ومن بعد نوضي السياره
وان شاء الله ربي يوفقك

[نتــــــــــاشا]

بالاضافه لواش قالو الاخوة اذ كنتي تلبسي الطالون اخطيك لانو مايساعدكش فالسياقه هذي فقط نصيحه
وبالنسبه للسؤال تاعك اسكو ديري بوان مور ولا لا كي تكاليلك السيارة
تقدري تعفسي على لومبرياج وتنوضي ديركت لكن هذي ما ديريهاش لانك في امتحان وهذا مخالف وبالتالي الخساره المباشره
احسن شئ هو امبريي رجعيها بوان مور ومن بعد نوضي السياره
وان شاء الله ربي يوفقك

يعطيك الصحة يا خويا لالا والله مانلبس طالو وجامي نلبسو وانا درت كيما قلتلي امبرييت وعادوت نوضت وشواني لانجينيور
مي والله مفهمت علاش طفاتلي زوج خطرا طاحلي لمورال

[wassimo]

والله لوكان جيت تسكن قداامنا غير انت اللول اللي تاكل الفال ماشي خسارة فيك يا خويا ،
صار هاي هي لاديركسيون والله انا ليوم دورت الvلـون حتى للطرف وزيد طونوبيل خفيفة هايك هي طفات ضربة وحدة هههه
ههههههه راني نقصر ختيتي لعزيزة كي تربحي انت هديك هيا فرحتنا متنسايش برك تبشرينا كي تربحي وهداك هو فالنا

[نتــــــــــاشا]

ههههههه راني نقصر ختيتي لعزيزة كي تربحي انت هديك هيا فرحتنا متنسايش برك تبشرينا كي تربحي وهداك هو فالنا

الله يسلمك يا خويا ربي يحفضك ان شاء الله وكي نربح باذن الله نحط رد هنا ادعيلي برك وربي يعطيك ماتتمنا

[رَكان]

السلام عليكم ...
تحبي نصيحة في الصميم ومن مجرب خبير ...
السيارة تكالي لسببين .
1 ــ عدم قدرة القدمين مع بعض على إحداث التوازن بين l'accélérateur وl'embrayage
2 ــ التوتر والقلق ما يذهب التركيز فتحدث اللخبطة فتفقدين ذلك التوازن الذي كنت متمكنة منه ...
شوفي معي ..
من ينصحك بالتحلي بالشجاعة وضبط النفس أبدا غير فعال ذلك ..
الحل عندك هو ممارسة الرياضة ..أقصد بالرياضة ..ممارسة السياقة لمزيد من ساعات التدريب ..عليك بذل المال من أجل ذلك ..فكلما زاد عدد ساعات الممارسة عندك كلما تحول الأمر بالنسبة لك الى ما يشبه الروتين وحين الإمتحان ..لن تحتاجي أبدا للتركيز متى تضغطي على المبرايج ومتى تسحبي قدمك من دواسة السرعة ...
لايمكننا قيادة الدراجة قبل أن نسقط عديد المرات ...تذكري ذلك وبالتوفيق لك ..

[wassimo]

هههههههههه القيادة ليست رياضة بل هي عكس الرياضة السياقة هي فن وينصح للسائقين ممارسة الرياضة اكثر من غيرهم لانهم لا يمشون على الارجل

[رَكان]

هههههههههه القيادة ليست رياضة بل هي عكس الرياضة السياقة هي فن وينصح للسائقين ممارسة الرياضة اكثر من غيرهم لانهم لا يمشون على الارجل

السلام عليكم ...
ضحكت من كلامي حين نصحتها بممارسة الرياض ؟
لاتكن عجولا ثم أنني لاأحب الضحك في غيرمقامه ..ولا أحبذ أيض القراءة السطحية لللمكتوب ...
هل بلغك من الفهم أنني نصحتها بممارسة الرياضة لتقوية عضلات الرجلين ؟؟؟
ثم الله على المعلومة الحصرية بأنه على السائقين ممارسة الرياضة كونهم لايمشون كثيرا ..
شوف معي ..
حينما حدثتها عن الرياضة قصدت بالأمر ترويض حركة القدمين على احداث التوازن بين دواستي الأكسلراتير والمبرياج ...هل وصلت الفكرة ؟؟؟؟؟؟؟؟؟؟

[نتــــــــــاشا]

السلام عليكم ...
تحبي نصيحة في الصميم ومن مجرب خبير ...
السيارة تكالي لسببين .
1 ــ عدم قدرة القدمين مع بعض على إحداث التوازن بين l'accélérateur وl'embrayage
2 ــ التوتر والقلق ما يذهب التركيز فتحدث اللخبطة فتفقدين ذلك التوازن الذي كنت متمكنة منه ...
شوفي معي ..
من ينصحك بالتحلي بالشجاعة وضبط النفس أبدا غير فعال ذلك ..
الحل عندك هو ممارسة الرياضة ..أقصد بالرياضة ..ممارسة السياقة لمزيد من ساعات التدريب ..عليك بذل المال من أجل ذلك ..فكلما زاد عدد ساعات الممارسة عندك كلما تحول الأمر بالنسبة لك الى ما يشبه الروتين وحين الإمتحان ..لن تحتاجي أبدا للتركيز متى تضغطي على المبرايج ومتى تسحبي قدمك من دواسة السرعة ...
لايمكننا قيادة الدراجة قبل أن نسقط عديد المرات ...تذكري ذلك وبالتوفيق لك ..

يعطيك الصحة يا خويا فعلا نصيحة في الصميم والله وصفك للحالة تنطبق تماما على حالتي يوم الامتحان ، توترت كثيرا والقلق جعلني لا احس بقدماي _ اكرمكم الله _ بقيت نترعد ودخلت معرفتش كمل واش راني ندير وعلى الاغلب فقدت الموازنة بين لومبرياج ولاكسيليراتور . مع الطونوبيل خفيفة بزاااف هاذيك هي ربي يجازيك خويا لكن برك حبيت نسأل هل من طريقة فعالة يوم الامتحان حتى نحافظ على التوازن مع العلم والله ما طفاتلي ابداااا ايام الدروس مع استاذ السياقة لكن قدر الله وماشاء فعل شكرا وبارك الله فيك

[wassimo]

السلام عليكم ...
ضحكت من كلامي حين نصحتها بممارسة الرياض ؟
ليس ضحكا عليك انما ضحكت معك لا اقصد الاساءة فلا تغضب :1:
لاتكن عجولا ثم أنني لاأحب الضحك في غيرمقامه ..ولا أحبذ أيض القراءة السطحية لللمكتوب ...
ارى انك غاضب لانني ضحكت ربما لانك فهمت انني ضحكت عليك انا دائما اضحك اقرأ ردودي الاولى :mh31:
هل بلغك من الفهم أنني نصحتها بممارسة الرياضة لتقوية عضلات الرجلين ؟؟؟
كلامك كان مبهم انت لم توضح جيدا لكن اسف انت تفهم ما في راسك لكن نحن نفهم ما في السطور على كل حال اسف لااني لم افهمك جيدا واشكرك لانك وضحت لنا ومنك نستفيد ;)
ثم الله على المعلومة الحصرية بأنه على السائقين ممارسة الرياضة كونهم لايمشون كثيرا ..
ليست حصرية بل هي معروفة جدا وشائعةة لدرجة ان جدتي التي لم تدرس ولا يوم هي من نصحني بها :d
شوف معي ..
حينما حدثتها عن الرياضة قصدت بالأمر ترويض حركة القدمين على احداث التوازن بين دواستي الأكسلراتير والمبرياج ...هل وصلت الفكرة ؟؟؟؟؟؟؟؟؟؟
نعم وصلتني ونعم الفكرة :19:

[biologie2001]

ممكن لانك لم توفقي بين لاكسيليراتور و لومبرياج..... هزيتي رجلك من لومبرياج مباشرة

[3ab2ou]

من نهار ولدت و انا نسمع بومور بومور اليوم عرفت بلي بومور تعني point mort هههههه شكرا اللي نــاتاشا

[نتــــــــــاشا]

ههههههههه العفو يا اخي على الاقل انفعناك كي عرفت معلومة لبوان مور

[azizabdo17]

قولي بسم الله و رديلنا بالخبر

[أبو اسحاق الجلفاوي]

شوفي بالاك صاحب مدرسة السياقة كاش ما راه دايرلك في السيارة باش تخسري بزاف . ههههههههههه

ــــــــــــــــــــــ
الخلعة هي سبب المشكل ككل والخلعة تأتي من عدم ثقتك بنفسك والثقة تنعدم بسبب عدم إتقانك جيدا للسياقة .
فتمرني بكثرة على السياقة قبل الامتحان ستنجحين بإذن الله .

ــــــــــــــــــــــــــ
بالاضافة عندي استفسار : لماذا عند ذكرك للأقدام تذكرين جملة ـ أكرمكم الله ـ
ربما هي السبب وراء خسارتك وعدم تفاهم الرجلين مع بعضهما البعض هههههههههه
دعيها ستنجحين بإذن الله .

موفقة إن شاء الله .

[نتــــــــــاشا]

شوفي بالاك صاحب مدرسة السياقة كاش ما راه دايرلك في السيارة باش تخسري بزاف . ههههههههههه

ــــــــــــــــــــــ
الخلعة هي سبب المشكل ككل والخلعة تأتي من عدم ثقتك بنفسك والثقة تنعدم بسبب عدم إتقانك جيدا للسياقة .
فتمرني بكثرة على السياقة قبل الامتحان ستنجحين بإذن الله .

ــــــــــــــــــــــــــ
بالاضافة عندي استفسار : لماذا عند ذكرك للأقدام تذكرين جملة ـ أكرمكم الله ـ
ربما هي السبب وراء خسارتك وعدم تفاهم الرجلين مع بعضهما البعض هههههههههه
دعيها ستنجحين بإذن الله .

موفقة إن شاء الله .

ههههههههههههه لالا مسكين ماراهو دايرلي والو المشكل راه فيا انا لي نتخلع وحدي ونتوتر علابيها خسرت مع العلم في التدريب مع صاحب مدرسة السياقة جامي طفاتلي مي كتبها ربي
اما بخصوص لفظ اكرمكم الله والله برك ضفتها على جال لقدر هههههههههه والرجاين متفاهمين خاوة خاوة
يعطيك الصحة على المرور والكلام الطيب

[أبو اسحاق الجلفاوي]

كاش نجاح نباركولك ولا مازال ؟

[Mounia Bouzit]

هل من جديد؟
أغلب الظن أن مشكلتك الخوف و الخلعة مثلما تفضل به الزملاء الأعضاء إضافة إلى عدم التحكم في الدوس على الآمبرياج و الأكسيليراتور ربما من جراء الخلعة يجب معرفة مقدار رفع الرجل عن الآمبيرياج باش ما تكاليش هزي بالشوي برك رجلك من الآمبرياج حتى يبلغ تقريبا النص فقط و ليس الكل و لا ترفعي رجلك دفعة واحدة و في نفس الوقت رجلك الأخرى تكسيريلي بالشوي. بالممارسة تعتادين على ذلك و يصبح الأمر بسيطا جدا لوكان يكون عندك أحد يعلمك في الدار يظهرلي يكون ذلك أحسن حتى تتنحالك الهيبة و إذا ما كانش لا بأس
الحذاء الذي تختارينه للسياقة يلعب دورا كبيرا في ذلك اعرفي كيف تختارين حذاء ملائما لا يعيقك في عملية الدوس و تدربي به دائما و يوم إجراء الامتحان لا تستعملي غير الحذاء الذي تعودت السياقة به

[Mounia Bouzit]

نتمنى سماع أخبار طيبة

[فارس المهندس]

ادا كانت السيارة ديازال
الامر سهل لا يحتاج توازن بين الامبرياج و الاكسيليراتور
يكفي وصع السرعة في 1 و ترك الامبرياج ببطئ حتى تتحرك السيارة 3 او 4 امتار تم اكسيليري
ملاحظة ادا كان لفراناما طالع راح تكالي سيارة ( هده خطا شائع)

ادا كانت السيارة ايسونس
يجب توازن امبرياج مع اكسيليراتور وهده تتعلمه من كثرة السياقة فقط
ولف طبعا ههه
بالتوفيق

[نتــــــــــاشا]

السلام عليكم ورحمة الله وبركاته

يعطيكم الصحة خاوتي لعزاز بزااااااااف على النصائح تاعكم و الدعم ، راني نجحت فلكرينو ولله الحمد ونهار لثنين هاذي راح نجوز كوندويت ادعيولي بالتوفيق، للاسف مكانش عندي انترنيت علبيها مدخلتش نقوللكم ، شكرا ليكم كااااااااامل للمرة الثانية وربي يجازيكم بالخير

[mohRline]

عليك بإكثار المحاولات هذا هو الحل الأمثل ان لن أقل الوحيد
وفي النهاية امتحان السياقة هو كباقي الامتحانات ولكن يتطلب الصبر
موفقة بإذن الله

[غصن زيتون]

اختي كلنا مرينا بهدا المرحلة واتدكر جيدا عندما كانت لي اول سياقة في مدرسة تعليم السياقة وقالي نوض وديمري فارتبكت وخطرفي بالي اول فكرة اني نسحب ملفي ونبطل

[nadirkorichi]

في البداية كلنا عانينا المشكل ،لكن زال بمجرد تعودك علي الامر،

[benmohammed67]

موفق في المرة القادمة

[mercedes benz arena]

اجابة جد سهلة و بسيطة

ديري في بالك اختي شحال ما تاكسيليري السيارة ما تكاليش و كلما كانت الكسيراتور ناقصة بزاف قادرة تكالي بسهولة

[أبو اسحاق الجلفاوي]

السلام عليكم ورحمة الله وبركاته

يعطيكم الصحة خاوتي لعزاز بزااااااااف على النصائح تاعكم و الدعم ، راني نجحت فلكرينو ولله الحمد ونهار لثنين هاذي راح نجوز كوندويت ادعيولي بالتوفيق، للاسف مكانش عندي انترنيت علبيها مدخلتش نقوللكم ، شكرا ليكم كااااااااامل للمرة الثانية وربي يجازيكم بالخير


الحمدلله على نجاحك في الكرينو ... واش درتي في الكوندويت ؟ عندك أسبوع من اللي جوزتيه وما سمعنا حتى خبر .

إن شاء الله تكوني نجحتني وجبتيه وتكون سنة 2016 سنة جديدة مليئة بالنجاح والسعادة عليك وعلى الجميع يا رب .

[نتــــــــــاشا]

الحمدلله على نجاحك في الكرينو ... واش درتي في الكوندويت ؟ عندك أسبوع من اللي جوزتيه وما سمعنا حتى خبر .

إن شاء الله تكوني نجحتني وجبتيه وتكون سنة 2016 سنة جديدة مليئة بالنجاح والسعادة عليك وعلى الجميع يا رب .

السلام عليكم واش راك خويا ابو اسحاق ؟ الله يسلمك ربي يحفضك خويا ولعقوبة لكل شخص معندوش بيرمي ان شاء الله يجيبو ، الحمد لله يااااربي الكوندويت ثاني ربحتها المرة اللولة ولله الحمد والشكر والله غير تهنيت ، ان شاء الله 2016 يكون عام خير وفرح عليك وعلى االامة الاسلامية يااارب واسفة على التأخر في الرد كان عندي ظروف وبارك الله فيك

[biloux2013]

نتي شفتي طفل باش يمشي جرى ......ماكانش منها وحدة وحدة وربي يوفق وضرك عندك تجربة حتى وفاشلة مي تتسمى تجربة الاسباب كانت يا نسيتي الفراناما فالعفسة راحي فالتوازن بين لومبرياج ولاكسليراتور لي نوصيك بيها الثقة فالنفس ازدمي على الموقف وكانما راكي ديري فالفريت اوملات هههههههها وربي يوفق

[amirrs]

لا تخافي أختي جميعنا مررنا بها

[sam_16]

ان شاء الله 2016 يكون عام خير وفرح عليك وعلى االامة الاسلامية

[monsaf12]

لازمك تعرف دير توازن بين لامبرياج و لاكسيريلاتور