طورنو مقرمش ويتفتت في الفم رهييب

[Oum Habouba]

السلام عليكم ورحمة الله وبركاته
حبيباتي تحت طلبكن حطيت الوصفة باه ماتضيعش بين الصفحات وتكون مرجع لكن
هده الوصفة في الحقيقة هي لجدتي الوهرانية نهار اللي عطاتني مانكدبش عليكم قلت صوالح نتاع بكري مايصلحوش لدروك نظرا للتفنن نتاع القاطو ولكن صدقوني نهار جربتها قلتلها صح الرمش عمره مايكون فوق الحاجب و راه مهما تطول تبقى طرية
الوصفة كاملة
6حبات بيض+كاس وربع سكر+كاس ونصف زيت+3خمارة حلويات+لفاني+زاست ليمون+فرينة حساب متنشف(على الاغلب رطل فرينة )
نصف مقادير الوصفة واللي انا نستعملها
نصف كاس سكر+كاس قل اصبعين زيت+3بيض+2خمارة حلويات +لفاني+زاست ليمون+فرينة حساب ماتنشف بصح ماتيبسيهاش تبقى طرية
للطلي
صفار البيض +لفاني ليكيد
نخلط المقادير نتحصل على عجينة طرية نحلها على السمك اللي تبغيه غليظ او رقيق
قطعيه الاشكال اللي بغيتي انا ندير دوائر ونطليها بصفار البيض ولفاني ليكيد مضربين وندهن ونخطط بالفرشيطة او الشوكة
دخليها تطيب وحمريها كيما تبغي
صدقوني قررررررمشة رهيبة وتتفتت في الفم والتجربة خير برهان وانا مستحيل نغير فيها بصحتكم حبيباتي دعواتكم

http://cdn.top4top.co/i_113336eae61.jpeg (http://up.top4top.net/)


http://cdn.top4top.co/i_007e801c0d2.jpeg (http://up.top4top.net/)

هدا هو لافاني ليكيد اللي خدمت بيها

http://cdn.top4top.co/i_007e801c0d3.jpeg (http://up.top4top.net/)

[ام عبدو و ملاك]

ام حبوبة يعطيك الصحة يشهي بصح كيفاه تحطي الحبة في البلاطو كي يعود طري

[شوق الليالي]

44444444444444444444444444
ماشاء الله شهيتيني باين عليه قرمشة ولددددددددددددددة مممممممممم
كنت راح نبعتلك رسالة على وصفتو شهاني

[سوسو المغتربة]

حلوى رائعة وشكلها مغري تصديق كنت نشوف فيها كبيرة وكي قلتي نقص بالطابع فهمت بلي ماطيبتيهاش في لي مول

[ام و ابنة]

اممممممممممم يا فنانة
يعطيك الصحة و اكيد باذن الله نعملها هاذ ليامات
عجبتني كي ما درتيهاش خشينة انا نحبها رقيقة و مقرمشة
جزاك الله خيرا
موااح

[ناهدوران]

ام حبوبة يعطيك صحة ممتاز

[أم أمين2007]

يعطيك الصحة ام حبوبة
احنا نقولولها حلوة الطابع
فيها نكهة الطفولة
وانا نفضلها على الحلوة المملوءة ملونات ومنكهات اصطناعية

[ام نوردين]

يعطيك الصحة ام حبوبة الحبوبة تبان تشهىىىىىىىىىىىىىىىىى وتقرمشششششششششششش جاري التطبيق ان شاء الله تسلم ايدك

[hibatou ellah]

شكرا حبوبة الطيوبة تدخلي للقلب دون استئدان بارك الله فيك

[الرجاء الاماني المجد]

يعطيك الصحة حبيبتي

[أم ياسين الزهراء]

الله يعطيك الصحة هايل مع كاس حليب امممممممممم

[الأمنيات]

يعطيك الصحه

[lyzzabel]

ام حبووووبة تقولي طلييتي على قلبي من ويينتا راني نحوس علييها ممممم ،، تسلم ايدييييك و ايدييين جدااتك ربي يحفظك حبييبتيي

[omjoujou]

روووووووعة حبيبتي كروعتك قيد التجربب ان شاء الله
جزاك الله خيرا

[sofia dj]

ممممممممم تشهي يعطيك الصحة

[malek1608]

هايل بارك الله فيك و ربي يحفظ جداتك
لكن حبووووووبة شوفي صحي كأس زيت ناقص زوج صباع مش شبرين و لا الكاس لي درتي بيه فيه عشر شبار هههههههه
بوركتي و ربي يرزقك حسنى الدارين

[ام انفال الاء لجين]

ام حبوبة يعطيك الصحة
بارك الله فيك اختي
جاري التجريب بادن الله.

[reemooo]

يعطيك الصحة اختي
ان شاء الله نجربها

[انا هي رزيقة]

عجبتني بزاف ام حبوبة انا من محبي هذا النوع من الحلويات . الله غالب خدامة نحب غير الساهل بصح اكيد لازم يكون بنين و راح نجربها باذن الله و نوريلك التطبيق

[ام عز الدين]

باينة رائعة تسلم ايدك راح نجربها بحول الله ونردلك الخبر تقييمي

[oum islem]

يعطيك الصحة حبيبتي ام حبوبة يستاهل التطبيق قريبا جدا بارك الله فيك
ولك مني التقييم لان الموضوع يستاهل

[ام مريم الجزائرية]

الله يعطيك الصحة هايل

[*توبــــة*]

اممممممممم هااااااااايل حبيبتي
ولونو يهببببببببببببببل

يعطيك الصحة حبووووووووووبة

[ام محمد 4]

الله يبارك شباب جاري التجريب

[دائمة الشكر]

يعطيك الصحة ام حبوبة الحلوى المفضلة عندي امممممم

[oumraja]

شكرًا لك شكلها مغري بارك الله فيك

[ايمان نور الجزائر]

بارك الله فيك

[اسمهان79]

امممممممم مع كأس حليب سخون هاذاك ما نبغي
ربي يبارك في صحتك حبيبتي ويعطيك ما تتمناي
فقط ممكن نستغنى على الزازت
واحلي تقييييييييييم للقمر والطيوبة أم حبوبة

[Oum Habouba]

جزاكن لله كل خير شكرا على التشجيع كل وحدة فيكم باسمها انتن الاروع بردودكن الرائعة يا احلى اخوات

[.1....2....1.]

هااااااااااااااااااااااااااايل يا احلى انووووشة
تسلمييي على الوصفة وربي يحفظ جداتك امواااااااح

[امونة الشاوية]

يعطيك الف صحة

[أم ريتاج زهرة]

مشكورة على الوصفة حبيبتي يعطيك الصحة

[أم محمد تاج]

رووووووعة الله يعطيك الصحة

[fati13]

ماشاء الله يعطيك الصحة

[idron0]

بارك الله فيكي حبيبتي

[ام خليل المصطفى]

الله يحفظك والله كنت نحوس عليها

[idron0]

جزاك الله كل خير

[ام رويدة]

مممم يشهو ام حبوبة يعطيك الصحة والف شكر على الوصفة المميزة

[Oum Habouba]

شكرا حبايبي بارك الله فيكن جزاكن الله خير شكرا جزيل الشكر على التشجيع

[آسيا 27]

رائعة ما شاء الله عليك

[طيور الجنان]

هايل هايل جاري التطبيق انشالله

[غزة غزة]

تبان بنينة ويعطيك الضحة

[ام هدول]

ماشاء الله عليك وعلى جداتك ربي يحفضها

[Uaeec]

الله يعطيك الصحة

[ساجده 82]

سلام اختي حبوبه نقولك الصراحه نفس المقادير اللي نستعملها انا باش ندير لكروكي ويجيني رائع فقط كي يكون البيض صغير ندير 7 انا الباقي نفسه ههههههه وقيلا انا هي جداتك
يسلمووووووووووو

[om kamilia]

شكرا ام حبوبة رايحة نديرو ويمى تحبو

[ريتاج 09]

راني جربتو وخرجلي هايل و يقرمش

[tong2]

الله يعطيك الصحة حبيبة

[ام سراج وملاك]

http://up.1sw1r.com/upfiles2/9fl51253.png

موضوع يستاهل التثبيت راني حابة نجربو اكيد هايل بصحتكم ياغالية

[اسيرة في بيتها]

جربتو و خرج هأاااااايل راني ناكل فيه أمممم .يعطيك الصحة و ربي ينولك اللي في باللك

[حياة نور الدين]

يعطيك الصحة اختي نفس طريقتي يجي يدوب في الفم

[amouna.sem]

444444444444444

[ام ساجد]

يعطيك الصحة حبيبتي وربي يخليلك جداك

[انيسة21]

هدا وين جربتها خرجت ططططططططططططططططططططططوي والبنة احسن من لقاطو تاع الحانوت ربي يعطيك ويغنيك هدا علاواه كنت نحوس شكرااااااااااااااااااااااا

[sabrina206]

هايللللللل تسلم الأيادي أختي
ربي يحفظ الجدة البركة ديما أمين

[..بسمة أمل ..]

مشكووووورة بارك الله فيك

[انيسة21]

جربتو خرجلي اممممممممممممممممممممممممم ولا في الاحلام لي ما جربتوش راحت عليها راني شبعتك دعاوي خير

[أم أحمد محمد]

رائع شكراا

[ام خليل المصطفى]

شكرا ليك اختي جربته وجاني هايل خلاص اضفته لحلوياتنا نتاع القهوة بصح مالقيتش لفاني ليكيد باش نقدر نعوضها

[Oum Habouba]

بارك الله فيكم خواتاتي على الردود الطيبة
واللي جربوه وعجبهم نقولكم بصحتكم وشكرا على الثقة
وادا على استبدال لفاني اكيد ممكن بالقهوة او حليب يعني هو لازالة زنخة البيض ويحمر تاني تقدري تديري واش راكي موالفة تحمري بيه القاطو نتاعك

[Hanane 05]

بارك الله فيكي على الوصفة باينة بنينة

[ام رحوبة]

هابل يعطيك الصحة

[hiba beba]

حتى انا جربتو فعلا رهيييييب و يقرمش قرمشة رهييييبة فقط درت شوية تعديل في النكهة اولا لانو ما عنديش لافاني ليكيد و ثانيا لانو زوجي يحبو بنكهة القرفة ايييه القرفة شوية في العجينة و شوية مع الصفار للطلي جربوها و الله نكهة رههيييبة خخخ يعطيك الصحة ختيتي ام حبوبة

[أم لجين هيثم]

هايل يعطيك الصحة

[ام انفال الاء لجين]

جربته خرجلي روعة و ضاعفت المقادير قطعلي الله يبارك
درت فيه عطر الليمون و عطر القهوة خرج وحد الذوق روعة و بنة الليم تشميها من بعيد
بارك الله و فيك يالحبيبة.

[دائمة الشكر]

يعطيك الصحة ام حبوبة
جربتو وجاني روعة يتقرمش الله الله ربي يفرحك

[aya33]

4444444444444يعطيك الصحة

[chiraz16]

يعطيك الصحه ربي يخليتك جداتك

[LINA 97]

ما شاء الله بارك الله فيك.

[OME INES]

بارك الله فيك

[مسلمة81]

بارك الله فيك

[ام اماني77]

اممممم يشهي بارك الله فيك اختي ام حبوبة

[القناعة كنز]

شكرا ام حبوبة جربتو وجا يهبل اممممممممم

[Esprit f]

ممممممممم يا ويلي مع غرفية حليب والقرررررررررررمشة ولا أطيب
شكككككككرا على الوصفة الراااائعة اختي بارك الله فيك

[أم أحمد محمد]

يشهي شكرااا

[nesrine rahmani]

نعم وصفة زمان شكرا لك و لجدتك .

[مريم عبدالله]

شكرا جزيلا

[مريومة الاطرش]

ياسلاااام روعة شكرااااا

[amani38]

بارك الله فيك و يسلم يديك
رااااائع .. هادا تين تصلت للطورنو اللي نبغيه .. مقرمش و يتفتت منحبش الطري
ربي يفرحك ان شاء الله و يخليلك الجدة الكريمة

[hiba0991]

يعطيك الصحة و اكيد باذن الله نعملها هاذ ليامات

[تهاليل]

ماشاء الله عليك اختي روعة الله يبارك ومشكورة

[اللهم ارزقني عفةمريم]

روعة يعطيك الصحة

[غربة أهل السنّة]

وعليكم السّلام ورحمة الله وبركاته
جزاكِ الله خيرا وبارك الله فيكِ،، على العكس أختي هذه الحلويات
حتّى لو كانت قديمة لكنّها رآئعة
أنا شخصيا أحبّ الوصفات البسيطة و الخالية من الملونات الغذائية
و النّكهات الإصطناعية
لكِ منّي أجمل تحيّة
اللهمّ صلّ وسلّم وبارك على محمّد وعلى آله وصحبه أجمعين

[أ م ساجد وسيم]

يعطيك صحة باين شباب

[celia16]

يعطيك الصحة ,جزاك الله خيرا

[khonfossa]

روووووووعة حبيبتي كروعتك قيد التجربب ان شاء الله

[oumserine]

merci pour cette bonne et belle recttte

[ماماخالد]

يبان يشهي يعطيك الصحة

[abtal]

جزاك الله خيرا

[فاتي تيارت]

هذ قالاة ماش طورنو

[اكرام ايمان]

روعةةةةة والله مليح

[omarenesmailen]

روعة كتير
تسلم الايادي

[(( هبة الرحمن ))]

يعطيك الصحة حبيبتي
أنا نديرها ديما للقهوة ونخلط النصف ندهنه بصفار البيض والنصف بالقلاصاج كيما بكري ونخلط في الأشكال : قلب - دائرة - نجمة -.......
تعرفي أنا عندي مشكل في القريوش ماينجحليش كيما اللي نشوفه في المحلات شباب ومورق .

[Oum Chanez et alaa]

اول حاجة جربتها فى هدا المنتدى الرائع هى هادى ..... و كانت ناجحة .... اعتمدتها الان.... شكرا لصاحبة الوصفة.

[**وحدها غريبة **]

شكراااااااا علي الوصفة بارك الله فيك

[نصيرة16]

رووووووووووووووعة شكرا ليك

[نهر التسنيم]

الله يبارك ماشاء الله اكثر من رائع

[أ م ساجد وسيم]

الف شكر ليك على لوصفة

[ماماخالد]

اله يبارك 444444444444444

[sissi525]

الله يعطيك الصحة