عاونوني فالمحاجب هلكني الفشل

[سمو آلأميره]

السلام عليكم حبيباتي

راني على وجه زواج العقوبة لكامل العواتق

المهم بيني و بين العجاجن عداوه و خطيبي بسلامته باتني يعني من عشاق العجين :confused:

مارانيش حابه نتبهدل

جربت شحال من مره المحاجب ما نجحتليش

يا ريت تعطوني الطريقه و بالتفصيل الممل و خاصة نوع السميد و ياريت بالمقادير خاطرش ما نعرفش الما ادا كافي ولا لالا

المهم راني نستنا فيكم ما تبخلونيش :sdf:;)

[sousoubella]

السلام عليكم ختي
شفت معاناتك مع هذا نوعية تاع لعجينة و حابيت نساعدك بحكم الخبرة تاعي انا اول حاجة تعلمتها هي لمسمن و لي يشوفني نخدم فيه يحير و يقول الله يبارك و يخرجلي كي الورقة تع الماصة المهم دوك نعطيك طريقتي الي علمتهالي جدتي الله يحفظها
في جفنة حطي السميد يكون رقيق مليح و رايح لون تاعو الى الاصفر هذاك هو المخير زيديلو قيس كمشة تع يدك فرينة و الملح و شمخيه لازم تتحصلس على عجينة شادة روحها بلاكي تجريها ديريها في ساشي و خليها ليلة كاملة في الثلاجة
في صباح اجبديها خليها برا حتى تخرج منها البرودة تع الثلاجة و تولي تقدري تعجنيها
مبعد بداي تعجينها على الناشف حتى تبدا تتطرطق تم ابداي شمخي يدك و اعجني مليح حتان تملاس و ترطاب و تولي قادرة باه تقرصيها
مبعد قرصيها بزيت و خاليهم حتان يطللقو رواحهم و هذا شي يتعلق بشحال طرتي لعجينة تاعك
اي اذا زودتي الماء راهم مايتولوش و يطلقو و العكس صحيح
بصح بالكي تجري لابات راهي جامي تصلحلك
و انشاء الله نكون افادتك
و تفضلي هذا الرابك انشاء الله يفدك
http://www.djelfa.info/vb/showthread.php?t=1892149
و ماتنسايناش بدعوة الخير

[سمو آلأميره]

السلام عليكم ختي
شفت معاناتك مع هذا نوعية تاع لعجينة و حابيت نساعدك بحكم الخبرة تاعي انا اول حاجة تعلمتها هي لمسمن و لي يشوفني نخدم فيه يحير و يقول الله يبارك و يخرجلي كي الورقة تع الماصة المهم دوك نعطيك طريقتي الي علمتهالي جدتي الله يحفظها
في جفنة حطي السميد يكون رقيق مليح و رايح لون تاعو الى الاصفر هذاك هو المخير زيديلو قيس كمشة تع يدك فرينة و الملح و شمخيه لازم تتحصلس على عجينة شادة روحها بلاكي تجريها ديريها في ساشي و خليها ليلة كاملة في الثلاجة
في صباح اجبديها خليها برا حتى تخرج منها البرودة تع الثلاجة و تولي تقدري تعجنيها
مبعد بداي تعجينها على الناشف حتى تبدا تتطرطق تم ابداي شمخي يدك و اعجني مليح حتان تملاس و ترطاب و تولي قادرة باه تقرصيها
مبعد قرصيها بزيت و خاليهم حتان يطللقو رواحهم و هذا شي يتعلق بشحال طرتي لعجينة تاعك
اي اذا زودتي الماء راهم مايتولوش و يطلقو و العكس صحيح
بصح بالكي تجري لابات راهي جامي تصلحلك
و انشاء الله نكون افادتك
و تفضلي هذا الرابك انشاء الله يفدك
http://www.djelfa.info/vb/showthread.php?t=1892149
و ماتنسايناش بدعوة الخير



يعطيك الصحة اختي ربي يخليك

[جَمِيلَة]

السلام عليكم ورحمة الله وبركاته
أهلا أختي سمو الأميرة
أولا ربي يكملك بالخير واتمنى ن تتمكني من إتقان العجينة
هي في الحقيقة سهلة فقط تحلي ببعض الثقة، أنا أستعمل
دقيق رقيق ممتاز وفرينة -لابل-
كيلتين دقيق بكيلة فرينة، نخلطها مع بعض نضيف الملح ونبل بالماء، حتى تصبح متماسكة انتبهي لا يجب أن تكون جارية
بعدها اتركيها ترتاح قدر ما تستطيعين في مكان بارد تجنبي الاماكن الدافئة،
بعدها قومي بتدليكها جيدا على الناشف حتى تصبح طرية
وتصدر طرطقة، بدون تقطيع فقط تدليك هنا تبلي بالماء وتدلكي شيئا فشيئا حتى تحصلي على عجينة مطلوقة لكن من الأفضل أن لا تبالغي في
ذلك لا يجب أن تكون سائلة اجعليها متوسطة، ثم ضعي الزيت في يديك وكوريها وادهنيها جيدا بالزيت وغطيها جيدا جيدا ثم اجعليها ترتاح حتى تنزل وتصبح سهلة الفرد
بالنسبة لطريقة وضع الحشو أنا أفضل بسط العجينة وطيها مثلما نطوي المطبقات -المسمن كما تسمونه- لا تنسي رش الزيت قبل الطي لتحصلي على التوريق، لكن قبل آخر طية ضعي الحشو حسب الرغبة بعدها أكملي الطي
لتحصلي في النهاية على شكل مربع
بالنسبة للطهي أنا أضع طاجين من الفخار تحت الطاجين الحديدي -أشعلي النار بأقصى ما يمكن ولا تخافي- هذا يجنبك الاحتراق وستحصلين على اللون الذهبي
هذا كل شيء
أتمنى أن تنجحي في صنعها بالتوفيق
تحياتي

[Basketteuse]

اي جاتك الباتنية هههه خلات عليك ههههه
المهم نعطيك الوصفة اللي نديروها كامل الباتنية، دقيق رطب وملح و اضيفي الماء حتى تتحصلي على عجينة طرية اعجني بلا ما تقطعيها وزيدي الماء بالشوي واعجني مليييح حتى تولي طرية جدا ، ديريها كريات صغار قيس الخوخة ههه ، وحطيهم في سطح مدهون بالزيت وادهنيهم بالزيت وغطيها ببلاستيك وخليها ترتاح ساعة او اكثر ، من بعد لازم تشوفي كاش فيديو في اليوتوب باه تفهمي التيكنيك مليح ، ومع الوقت تتعلمي ان شاء الله

[سمو آلأميره]

يعطيكم الصحه حبوباتي