لي مولفة تقشر العدس تدخل تنصحني

[sousoubella]

انا ليوم جربت الطريقة تع تسلقي العدس و ممبعد تقشريه و ترميه في الصوص و لكن واجهتني مشكلة في تصفية حبات العدس من القشور معرفتش كيفاش ؟نحيتلو غير شوية بالغراف مي بزاف قعدو مع العدس ورولي كيفاش ندير الله يجازيكم كل خير

[ام دارين]

انا نخسلو ومن بعذ نشمخو في ماءيكون سخون ونحكو بيذي

[sousoubella]

انا نخسلو ومن بعذ نشمخو في ماءيكون سخون ونحكو بيذي

كي تحكيه كيفاه تفصليه عن القشور ؟ و اعطيني الوصفة كاملة تعيشي كيفاه طيبيه

[ام بلسم]

السلام عليكم انا نقيه ونلوح فوقو ماء يغلي وشوي نخله تم نحكو مليح بيدي ونزيدلو الما القشور وحدهم يطلعو سيحيهم وعاودي حتى يوليو مايخرجوش تكوني موجد مرق عادي توم بصل طماطم حب وملق مصبر وقلي مليح ولوحي توابل الفلفل اسود وملح وجومبو وزنجبيل والمون العدس دواه الكون ومرقي ولوحي العدس ومادابك لا عندك الكرافص والسناري وكتري الماء لا مكتلرتيش تحلى تلقايه خبزة

[sousoubella]

السلام عليكم انا نقيه ونلوح فوقو ماء يغلي وشوي نخله تم نحكو مليح بيدي ونزيدلو الما القشور وحدهم يطلعو سيحيهم وعاودي حتى يوليو مايخرجوش تكوني موجد مرق عادي توم بصل طماطم حب وملق مصبر وقلي مليح ولوحي توابل الفلفل اسود وملح وجومبو وزنجبيل والمون العدس دواه الكون ومرقي ولوحي العدس ومادابك لا عندك الكرافص والسناري وكتري الماء لا مكتلرتيش تحلى تلقايه خبزة

شكرا ي اختي
مي انا درتلو هاكا ماحبوش يطلعو القشور قاغدو تحت مع الحب و زيد كتريلوا الماء جا مايه الزغلي والماء يغلي :
و كي كثربلو الكمون حسيت فيه المرورية
والله غير غاضتني عمري العدس و مانعرفش تطيبو

[sousoubella]

116 مشاهدة وغير 02 جاوبوني
ربي يهدينا انشاء الله و شكرا للاخوات لي جاوبوني

[ماروكو الكبيرة]

اختى انا تانى نديرو بنفس طريقة الاخت ام بلسم

[sousoubella]

اختى انا تانى نديرو بنفس طريقة الاخت ام بلسم



عاودي اشرحيهالي بالتفصيل الممل تعيشي

[ام حمزة22]

السلام عليكم
اختي الكريمة شوفي هاد الرابط تلقاي فيه طريقتي في تقشير وتحضير العدس
http://www.djelfa.info/vb/showthread.php?t=1879776

[جيجلية]

السلام عليكم

انا في راي من الاحسن ما تقشريش العدس على خاطر يقولو الحديد يجي اكثر في القشرة

اما إذا حبيتي تقشريه عملية سهلة جدا تحطيه في الماء فالليل والصباح ان شاء الله حكيه باليد والقشور يطلع من فوق صفيه وعاودي حطي الماء وصفي حتى

يخلاص القشور ثم لوحيه فالمرقة

[أم ياسين الزهراء]

كنا بكري نقشروه بصح دوقى بطلت لان كلش راهو في القشرة الافضل ماتقشريهش

[ماريا205]

اختي من الأفضل ما تقشر يش العدس خاطر فيها فوائد
انا ضرك ما عدتش نقشرو

[sousoubella]

السلام عليكم
اختي الكريمة شوفي هاد الرابط تلقاي فيه طريقتي في تقشير وتحضير العدس
http://www.djelfa.info/vb/showthread.php?t=1879776
شكرا اختي ربي يحفظك انشاء الله

[sousoubella]

السلام عليكم

انا في راي من الاحسن ما تقشريش العدس على خاطر يقولو الحديد يجي اكثر في القشرة

اما إذا حبيتي تقشريه عملية سهلة جدا تحطيه في الماء فالليل والصباح ان شاء الله حكيه باليد والقشور يطلع من فوق صفيه وعاودي حطي الماء وصفي حتى

يخلاص القشور ثم لوحيه فالمرقة
شكرا اختي على النصيحة و ممكن تمديلي الوصفة لي راكي معتمدتها في العدس

[sousoubella]

اختي من الأفضل ما تقشر يش العدس خاطر فيها فوائد
انا ضرك ما عدتش نقشرو
انا ثاني ما كنتش نقشروا بص قالولي كي تقشريه يجي ذائب و المرقة خاثرو وبنينة جربتها مانجحتليش ممكن الوصفة تاعك