الاستخارة

[مشكلتي]

السلام عليكم ، حبيت نسقسي على نتائج صلاة الاستخارة كيفاه نعرفها؟ و النتيجة تبان فالاول ولا طول؟ تبان حتى النهار الاخير تاع العرس؟ خطبني شخص و الامور مشات عادي ( ما سهلت ما تعطلت) . راني قريب نعقد معاه بصح راني موسوسة ، ساعات نقول بالاك مشي هو مكتوبي و ذرك نبطلو، ندعي في ربي و نقول نبطل ليوم خير من غدوة وانا عاقدة و نولي مطلقة!! صليتها عدة مرات ما بانلي والو وما حسيت بوالو و ما نمت والو..... كي راهي تمشي الحالة معنتها هو نصيبي؟ لو كان ماشي هو مكتوبي كون ربي دار سبة و حبسنا من قبل؟ مفهمتش كيفاه نعرف النتيجة؟!! لوكان نعقد و نبطل تدخل في القضاء و القدر ولا بنتيجة الاستخارة لي مافقتش بيها!!؟ حتى وليت نتكلم مع خطيبي لقديم (قالي حاب نرجع ليك و مقتلوش بلي راني مخطوبة) قلت كي نبطل من هذا و مايكونش فيه الخير نلقى هذاك. حابة نصائح مش تعليقات قاسية،اذا معليش يحذف الموضوع ، شكرا

[مراد سابقا]

سبحان الله خيانة

وفي نفس الوقت تستخيرين الله

متى اجتمع الإيمان والخبث في نفس واحدة مستحيل

[abdoguat]

إنت باينة حابة تبطلي و ترجعي لخطيبك لقديم ردي بالك حتى كان بطلتي راكي درقتي عليه حاجة كبيرة أنك مخطوبة
عندك مالخيانة و الغدر راي الدنيا دوارة و ش ذنب خطيبك لي نواك لحلال و حابك تكوني مرتو

[مجرّد إنسان]

الإستخارة تكون مع الصفاء والصدق ولا تكون مع الحيلة وسوء السريرة
يجب أن تتوبي إلى الله وتقطعي كل علاقاتك الغير مشروعة مع الرجال سواء خطيبك القديم أو الجديد
واللي حاب يتقدم لخطبتك يجي على الباب ويتكلم مع وليك
أمّا اختيار الزوج فيكون على أساس الدين والخلق
إذا جائكم من ترضون دينه وخلقه فزوجوه

[aya33]

السلام عليكم شوفي ختي الجواب راهو عندك لوكان صح خطيبك 1 راهو حاب يرجعلك ومتقبلك لوكان نتي مخبيتيش عليه خطبتك من شخص اخر لانك علابالك بلي راح يتراحع عن راي نتاعو ؟وتاني واش ذنب خطيبك في الوقت الحالي نتي مكيش معاه بصفى والنية كيما يقولو وهدا مجرد راى وربي يكتبلك لي فيه الخير

[عبد الله 22]

السلام عليكم ن عفوا على هذا الكلام لآ اقصد التجريح لكن من خلال كلامك نيتك خيبة مع الرجلين و تأكدي [ان صاحب النية الخايبة يدفع الثمن مضعف في الغالب ستفقدين هذا الخاطب ولن يرجعك الثاني في كل الأحوال الزواج يبنى على حسن النية بالتوفيق

[ابراهيم داود]

لي تعليق فقط على الفهم الساذج جدا لصلاة الاستخارة البعض يعتقد بطريقة سخيفة ان لصلاة الاستخارة امارات مباشرة على شكل حلم او رؤيا او انقباض في القلب... صلاة الاستخارة تعني تفويض امرنا لله عز وجل والاعتراف له اننا غير قادرين امام عظمة قدرته... لكن مع الاخذ بالاسباب بشكل مسبق وبعدي اي لابد ان ياخذ الانسان بالاسباب الواقعية قبل اداء الصلاة مثلا ان يتقصى عن الشخص الذي يريد الارتباط به وسأل عن اخلاقه... وبعد اداء الصلاة لا بد ايضا من استعمال عقولنا والبعد عن معصية الله.... انت كمن يريد شرب اللبن لكنه يخفي الاناء (شاتية اللبن ومدرقة الطاس) تريدين الانفصال عن الخطيب الثاني لان الخطيب القديم كما سميته افضل وتبحثين عن تبرير لفعلتك باختلاق اعذار واهية

[زبدة ذايبة]

سبحان الله !!!!!!!

حكمتني الدوخة وانا نقرا في الشي اللي كتبتيه

وكتاه كانو بنات الرجال ونساء الرجال يعقد عليها شخص وتهدر مع واحد آخر

الأول لوكان جا فيه الصلاح مايخليكش وديرلك الشوايع تاع خطبها وخلاها

خلاك للقيل والقال تاع الناس

وزيد يعيطلك في التليفون ماتقوليلوش راك مخطوبة لراجل آخر

وزيد هذا اللي راه خاطبك ماقلتيلوش بلي خطيبك الأول يحوس يجي يخطب ؟؟؟؟؟؟

يعني خاينتهم في زوج

وفوق هذا راك عاصية لرب العالمين "لايخطب المسلم على خطبة أخيه"

وتروحي تستخيري؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!

واش من بيت راكي رايحة تبنيه انت ؟؟؟؟

بيت الخيانة؟؟؟؟؟؟؟؟؟؟؟؟؟؟

بيت الغدر؟؟؟؟؟؟؟؟؟؟؟؟؟؟؟؟

وتستخيري !!!!!!!!!!!!!!!!!!

علامش تستخيري ؟؟؟؟ باش تخدعي الأول ولا الثاني ؟؟؟؟؟؟؟

اتق الله في نفسك وفي الراجل اللي راه ناويك زوجة

[ايمان نور الجزائر]

السلام عليكم
الاستخارة لازم تكون بقلب صافي ونية طيبة
وانتي يا اختي ما حاكمة لا منا لا ملهيك
عليكي اما تكملي مع الخاطب الحالي وبعدي الطريق الاخرى وتتوبي الى الله وتدعي ان يعفو عنك
واما ان تفسخي مع هعه الخطوبة وتخلي ولد الناس
العاقبة صعييييييييييييييييييبة ردي بالك

[blanche rose]

لم أجد ما أقول
كلامك خطير

خيانة
لو تركت الثاني ورجعت للأول وسمع أنك انخطبت ولم تخبريه سوف يتركك مرة أخرى.. ويستحيل أن يثق بك



ما شعورك اتجاه هذا الرجل؟
ما دمت محتارة معناها لا تحبينه!!
وما دمت لا تحبينه ولا يهمك فلماذا ستتزوجينه؟؟

ما معنى الزواج بالنسبة لك؟
ان لم تكن لديك مشاعر ولو بسيطة اتجاهه فهذا أمر خطير..

ربي يهديك

[بشـرى]

أختي الخيانة شيء لا يغتفر أبدا
في الأول كنت سأقول لك توكلي على الله واستمري في اجراءات الزواج ودعك من الوساوس ، لأن من استخار يقدم على الفعل فإن كان خيرا له تسهلت له الأمور وإن لم يكن فيه خير كان العكس ..... لكن عندما اكملت قراءة قصتك لم أجد ما أقوله لك صراحة غير الدعوة لك بالهداية ، أظنك تريدين سببا لتتراجعي عن الزواج بهذا الخاطب وترجعي للخاطب الأول ، لكن ألا ترين أنك تخدعين الإثنين وتخدعين نفسك أيضا !!!!!!

[نور لاتراه]

هناك من يرى الاستخارة كانها وحي
حاشا
هي سكينة وطمانينة مقرها القلب
ان كانت النية صافية

[أم ريتاج زهرة]

اسمجيلي اختي على كلامي القاسي
مخلطتها بين زوج رجالة و تروحي ديرياستخارة نتي ماراكيش فاهمة روحك اختي الكريمة اللي يقابل ربي في صلاته لازم يكون صافي و نية ماشي تحكي منا و ملهيه و تحوسي تستاخري و ناس بكري قالو اللي حبها كامل خلاها كامل و نتي ما رايحة تدي لا الاول و لا الثاني بهذا التخمام نتاعك يا اختي تفاحة في اليد خير من عشرة في الشجرة و الخطيب الاول كن كان حابك جامي يفرط فيك اقبلي بمكتوبك و الزواج مشي لعبة يجي النهار اللي تفطني و يا ريت قبل فوات الاوان بالتوفيق اختي

[خالد عنابي2]

حبيت نسقسي على نتائج صلاة الاستخارة كيفاه نعرفها؟ و النتيجة تبان فالاول ولا طول؟ تبان حتى النهار الاخير تاع العرس؟

مرة على مرة اضربي طلة حتان تلقاي l'affichage فالطابلو

ام ضرك يحطوه

[خالد عنابي2]

سبحان الله العظيم

خاطبينها 2 وبالخدعة ماقالتش للثاني وحاكمة فيهم في 2

تحبي انتي يديرهالك واحد يخطبك انتي وخطب وحدة اخرى معاك ومبعد يخير لي تعجبو فيكم ؟

ومنين رح تجيك صلاة الاستخارة ؟

انتي الايمان تاعك طافي خلاص بارة وحدة فالريزو مكانش والشيطان مداير غرفة عمليات في راسك

سي نورمال

[الطيب الجزائري34]

الاستخارة هي ان تفوضي امرك الى الله
ان كان فيه خير فسترين سهولة في هذا الطريق وان كان عكسه فان الله يريد لك خير منه

اما حديثك مع خطيبك الاول فانسي امره فانه لا يجوز و هو يعتبر خيانة
ولياخذ الانسان اموره ببساطة يتوكل على الله و يمشي في الطريق بصدق و صراحة و شفافية يبارك الله له في كل امره . ( الانسان يتخذ الاسباب كأنها كل شئ ثم يعود الى الله وكأنها لاشئ )

[تراب77]

السلام عليكم

استغفري الله و توبي من هذا كله....

انتي ارجعتي الى نفسك الاختيار و لم تتركي الله سبحانه و تعالى يختار لك ..و ذلك يظهر في انك اخترتي الخيانة و الغدر و هو وقوع في الذنب ..واضح.. و هذا لا يرضاه الله ..... و بقولك ايضا // انك ستبقي واحد حتى ترجعين اليه في حالة ذهاب الاخر.//.فما يقوله لسانك مهم جدا جدا جدا.. و الله سميع عليم..الانسان يمسك لسانه هنا عن قول ما ليس بصواب....

..................
الاستخارة اعتقاد جازم انك لا تعلمين الغيب و اين هو الخير لك .. وان الله سبحانه و تعالى هو وحده من يعلم و هو وحده من بيده كل شيء.
الاستخارة معناها ان ندعو الله تعالى وحده وبعدها نقطة الى السطر .ليحدث ما يحدث..اي لانتحسر و لا نشك و لا يزعزعك شيئ في ذلك الامر و مهما بدى لك انك ضيعته... و .الانسان يذهب في مساره مطمئن و كله رضى.. ........// لا تحسر و لا فزع و إلا فلماذا الاستخارة من اساسه ان لم ترضي بما سيكون .//

.............................
نتيجة الاستخارة لا تاتي و تظهر ابدا في اشارات هكذا الغدر و الخيانة...هذا من نفسك انتي و لم تصبري و لم تصدقي و لم تقرري الاخلاص و الصفاء
./ الله سبحانه و تعالى هو من يساعدك و يقدر لك كل خير.. بنيتك . و صدقك و اخلاصك

و الصدق ترافقه دوما قوة لا نراها

و لا يوجد اشد اذية من الغدر و الخيانة.

[AMINA.Z]

باينة يا اختي خطيبك هاذا ما حابتوش
و راكي غير تخممي في الانفصال
بعني ماكيش مرتاحتلو
اما حكايتك مع خطيبك الاول
خليني نقول
كنتي خطيبتو ..خلاك و زاد راح حوس و دار مع بنات و زعما عرف قيمتك و حاب يرجعلك
و انتي ما درتي حساب كرامتك و كرامة والديك اللي هانها كي خلاك و ما درتي حساب الراجل اللي خاطبك و ما درتي حساب لربي ...و تسناي في نتيجة الاستخارة !!!!!!!
ربي يهدي ما خلق

[سالوني]

السلام عليكم

أنا أميل كثيرا لما قاله الأخ "ابراهيم داود" في كلامه منطق شرعي مضبوط
فالإستخارة ليست إشارات وأحلام كما يتداولها بعض الناس حتى صارت عادة لديهم

أختي أنا لن أزيد عما قيل لك سوى أن تحسبيها جيدا
إن كان الخاطب الأول يريدك لما تركك أو أنت تركتيه؟
أكيد هناك أسباب جعلت كلا منكما يترك الآخر

ثم ليعوضك الله عن ذلك أرسل لك خاطبا آخر
أنا لن أشيد بأخلاقه لأني لا أعرفه فأنت أدرى بذلك

قلت أنه قرب موعد العرس هذا دليل على أنكما متفقان طول هذه المدة
فما لذي تغيّر؟

طبعا طرف ثالث دخل على الخط
هنا انقلبت الموازين فصارت المقارنات بين الخطيبين

ربما الأول كان يجيد التلاعب بالألفاظ والمعاني على عكس الثاني
الذي ربما هو جِدِّي في علاقته معك
وهذا ما حبَّبَك فيه من جديد وأشعل نار الغرام مرة أخرى

ربما أنت مع الشاعر الذي يقول:
وما الحب إلا للحبيب الأول
أنا أقول تبقى المودة والإحترام كوننا إخوة في الإسلام بغض عما حصل بينكما

إن عودتك للحديث مع خطيبك السابق ما هو إلا باب من أبواب الشيطان والعياذ بالله
وما فتحه إلا ليخرّب عليك سعادتك مثلما فعل المرة الأولى

ولهذا لا تنجرفي وراء عواطفك وحكّمي عقلك جيدا
فهنا العقل هو سيّد الموقف

ولا تتركي نفسك للوساوس

وإن لم تجدي مخرجا لوساوسك وأفكارك غير المتزنة ما عليك سوى
أن تجلسي مع نفسك جلسة صفاء
وفكري فيما مرّ عليك وضعي نقاطا على الحروف برويّة

وإن استعصى عليك ذلك وخرج الأمر عن السيطرة فإن
منقذك هو دعائك وتضرّعك لله سبحانه وتعالى
بأن يفرّج عنك هذا الهمّ الذي أصابك

ولتعلمي بأنك في امتحان ويجب عليك الفوز به بأقل الخسائر
بمعنى أن ترضي ربّك فيما تفعلين
فمن سار على نهجه ما كان أحد ليضلّ أبدا
وإن حاول أرجعه الله إليه وهذا عائد لنيّته الصادقة مع ربّه

ربما أطلت في الحديث عليك بهذا الكلام الكبير
هذا رأيي لما نراه في الواقع الذي يعتبر خير دليل وبرهان على أحداث كهذه
والتي نهاياتها معروفة للجميع

ختاما أقول لكي
"احغظي الله يحفظك"

والسلام عليكم

[ام رضوان]

السلام عليكم.
انت انسانة انانية باتم معنى الكلمة.
لقيتي اللي يلمك بعد ما تركك الخطيب الاول .
وذرك تعينلك مليح والديري في الاستخارة وقاعدةتتكلمي معاه وانت في رقبة راجل واحد اخر .تخيلي كون خطيبك هو اللي راه يخون فيك واش تكون ردت فعلك .
راه ينطبق عليه المثل اللي يقول
حاب اللبن ومتخبي بالطاس
يعني حابة ترجعي للخطيب الاول ومتخبيا بالاستخارة وتستناي في نتائج الاستخارة
قالك دير النية وارقد في ثنية.
صفي نيتك راكي بهذه اتصرف ماتحكمي لا لخطيب الاول لا الثاني .
قادر يسمع الخطيب الاول ويروح يفسد عليك مع اىثاني وتطفر فيك
امالا اخطييييييييييييك.