عقدني الحمص

[sousoubella]

عندي مشكلة مع الحمص دايما يجيني قاسي الله يفرج عليكم وروالي كيفاش نديرلو باه يجني ذائب

[ام ايمان16]

كيفاش تديريلو باش يجيك قاسي؟

[ام ايمان16]

انا الحمص دايما نشمخو في الليل وغدوا نغسلو ونخبيه في صاشيات ونديرو في الكونجيلاتو وكي نحب نطيب منو نجبدو طول نديرو في الكوكوطة واش راح نطيبو مرقة ولا مع الكسكس ولامع اي حاجة ندير كلش مع بعض بالخضر واللحم والحمص ونخليه يطيب يطيب هو اللحم كيف كيف نلقاه ذايب


او كي نشمخو في الليل غدوا نغسلو ونديرو في كوكوطة فيها الماء نغلق عليها مدة 45د ونحل عليه
ساعات نلقاه طاب ساعات نلقاه نص طياب يعني الوقت لي حليتي فيه الكوكوطة

وهنا نصفيه ونخبيه في صاشيات في الكونجيلاتو ونتعامل معاه بانو طايب ونهار نحب ندير منو يعني نطيب المرقة قبل باللحم او الجاج حسب الوصفة لي رايحا تديريها وكي تقرب طيب الطبخة نحي الحمص الطايب من الكونجيلاتو ونديرو مباشرة في المرقة يغلي ربع ساعة ونطفي عليه نلقى الحمص ذايب زبدة

ان شاء الله نكون افدتك

ملاحضة اخرى


كاين لي يحبو يستعملو البكاربونات ايضا باش يطيبلهم الحمص لكن انا مانستعملهاش لاني ماحسيتش روحي نحتاجها
وانتي شوفي الطريقة لي تساعدك

[sousoubella]

كيفاش تديريلو باش يجيك قاسي؟

نشمخو يليلة كاملة و ممبعد نتيبو مع خميرة تاع الحلوة مي مايجينيش ذائب

[الجواهر]

انا ثاني كان يجيني قاسي حتى نبهتني امي ربي يرحمها بان النار لازم تكون قليلة باش يطيب الحمص و فعلا منذ ان صرت نطيب الحمص على نار خفيفة صار الحمص يطيب .. و للامانة انا نقوي النار و قبل ما يبدا يغلي الماء نقص النار و نخليه يطيب و المدة اكثر من ساعة

[ام ايمان16]

نشمخو يليلة كاملة و ممبعد نتيبو مع خميرة تاع الحلوة مي مايجينيش ذائب

راني حطيتلك طريفتي ان شاء الله تفيدك

انا ثاني كان يجيني قاسي حتى نبهتني امي ربي يرحمها بان النار لازم تكون قليلة باش يطيب الحمص و فعلا منذ ان صرت نطيب الحمص على نار خفيفة صار الحمص يطيب .. و للامانة انا نقوي النار و قبل ما يبدا يغلي الماء نقص النار و نخليه يطيب و المدة اكثر من ساعة

ماشكيتش النار عندها دخل في طياب الحمص
لاني دايما نطيب الحمص على نار قاوية مللي نحطو حتى نطفي عليه نلقاه طايب في 45د في ماء ماء وحدو
لاني نحب نطيبو وحدو ومن بعد نخبيه باش نلقاه واجد في اغلب الاحيان ونديرو غير مع الاخير في الطبخات حسب الوصفة

ونهار طيبت الدوبارة البسكرية كان لازم حمص جديد بالماء نتاعو
شمختو ليلة كاملة وصباح بدلتلو الماء وحطيتو يغلي بماء جديد ساعة كاملة نار قاوية لاني احتجتو طايب بزااف لانو ماراحش يزيد يطيب في الدوبارة
حليت عليه لقيتو طايب درتلو لاصوص وكليناه طول تقول زبدة

[قطوفها دانية]

الماء عندو دور اختي جربي شمخيه في ما سعيدة يعني أو ماء منبع مكن ماكمم ماشي مليح

[جنة الفردوسْ]

انا نشريه واجد

[toto sari]

سخني الماء فاتر من بعد حطي الحمص وزيدي شوي سكر وخلية يتشمخ ليلة كامل

[ام عبدو و ملاك]

شوفي اختي شمخيه في ماء دافيء و زيديلو ساشية خميرة نتاع قاطو

[ibtihal18]

هههه انا تاني عقدني يا اختي عندي وحد الما ما يطيبش والو الحبوب راني سوفريت معاهم بصح نقلك انا العدس نشمخو بالخميرة تع القاطو و الحمص كيف كيف مرة ما خليتوش يبات ليلة كاملة شمختو الصباح سخنت الما مليح و حطيت الحمص و زدتلو باكي لوفير و فالعشية طيبتو جا هايل صح ما جاش ذايب بصح طاب مليح و طري على الاقل تقدر تاكلو هذا هو الحل

[ام قصي]

السلام عليكم
انا انشمخو في ماء دافي او سخون مع رشة ملح وشوية اخميرة القاطو
الغدوة انصفيه وانخبي لراحا نستعملو امع العجائن في ساشيات انتاع البيض و لراحا انطيبو حمص انديرو وحدو
طريقة في الحمص ايجي بنة واطياب
نحط الحمص ماء دافئ انقطع لبصل وشوي ملح ونغلق اعليه الكوكوط وا>ا كنت مزروبة انزيد مغرف قهوة خميرة بعد ساعة ملاحظة الماء ايكون بزاف باه متنشفش ويتحرق كي اتحلي شوفي ا>ا طاب ديري الدرسة وا>ا مزال اغلقي اعليه
الدرسة راس ثوم امهرس كمون و 3امغارفزيت الزيتون واغلقياعليه من بعد اتشوفيها طاب والمرقة قد قد
قصيبصلة رقيقة طماطم رقيقة دبشة كصبر زيت الزيتوناشوي قارس
امممممممم ايهبل

[أم اسيل]

اختي انا نشمخوا في ماء دافي وملعقة خل والغدوة نطيبوه مع الملح ونقسموا في ساشيات صغار وكي يجيك قاسي حطي معاه علفة ولا زوج انتاع تمر يطيب حالة حتى اللحم القاسي واللوبيا تقدري تحطي معاهم علية تمر

[رميسا ريمي]

ممكن نوعية الحمص ماتكونش مليحة كاين هاداك النوع االصغير اصله مايطيبش .

ممكن راكي تخليه يتشمخ بزاف

[sousoubella]

يعطيكم الصحة يالحراير كل وحدة بإسمها ربي يحفظكم ونشاء الله راني نطبق نصابحكم و نرحعلكم بالخبر

[idja]

طريقتي المجربة و الناجحة جدا
شمخي الحمص ليلة كاملة او حتى ٢٤ ساعة بعدها اغسليه مليح بالماء و حطيه ف كوكوت و ديريلو ماء بارد (من الحنفية) و خليه على النار حتي يغلي تطلع رغوة بيضاء نحيها بالمغرف و اغلقي كوكوت و طيبيه مدة ٤٥ د الى ساعة على نار متوسطة . بعدها صفيه خليه ينشف شوية و خبيه في ساشيات ف المجمد. كي تحتاجي اجبدي شوية شليها بالماء و كي قريب يطيب الماكلة ديريه و خليه ١٥د و يجيك اممممممممم بنيييين

[lina23]

انا تاني كان يجيني يابس بصح مرة طيبتو مع شوية خميرة تاع قاطو وما درتلوش الملح غير 10 دقايق قبل ما نطفي طاب كي الزبدة

[ميساء ميساء]

دائما اضيفي الحمص لما يغلي المرق
كيما نقولو اذا ظفتيه للمرق وهو دافي يقرزن
ممكن تظيفي البيكاربونات او خميرة الحلوي

عن نفسي نشمخ الحمص ليلة في الما و منبعد نشلو ونقطرو و في علبة للمجمد

[ahlk39]

السلام عليكم رنخيه امليح