ياخياتي علموني نطيب بركوكس

[سيليا22]

السﻻم عليكم اخواتي الكريمات ممكن تحطولي طريقة تحضير بركوكس كانت حاطاتو الغالية الهرانية لكنها كاتبة الوصفة في الصور والصور ماحبوش يطلعو

[لجين امنيتي]

يا اختى من اى جهة انت من الجزاءر كى اعطيكى الوصفة

[نعمة الله15]

يا اختاه البركوكس ساهل وانا من الغرب وهران والبركوكس ديري فيه كل الخضار وكل التوابل بأنواعها وتطحنيها الخضار كيما حريرة ومن بعد كتري القصبر والتوم هما لي يزينوا البركوكس وطبعا تشريه واجد غير ترميه في مرقى لي طحنتها وان شاء الله نديره ونحملك الصور باْذن الله

[ماروكو الكبيرة]

نحن فى الشرق نديرو
بصلة مرابية وحمص مشمخ ملح فلفل اسود خضر بطاطا جزر جريوات خليع قطع الدجاج هريسة طماطم مصبرة ونقليوهم مليح ثم نديرو الماء ونخليوها طيب
من جهة نفورو البركوكس ثلاث مرات
ثم نجمروه

[ام حمزة22]

السلام عليكم

شوفي اختي الكريمة راني مصورة مراحل تحضير البركوكس ب2 انواع بالحليب والتاني احمر بالحار مالقيتش الوقت لي نحط فيه الصور في موضوعي ولي هو اطباقي اليومية البسيطة
بادن الله الايام القادمة نحطهولك

وقبل دالك تفضلي طريقتي وان شاء الله تعجبك

بركوكس صوس حمراء بالحار ..... في قدر تحطي بصل و حميصة و حشيش مقطفة اي حشيش الشوربة و شوية جلبانة و حبة جزر وحبة قرعة وحبة بطاطا وحبة لفت قطعيهم رقاق نضيف التوابل لي هي فلفل عكري وفلفل اكحل وقرفة وملح وراس حار النوع لي تفضليه ونضيف الزيت ونخلي الكل يتقلة وبعد ما يتقلاو نمرق القدر ونضيف طماطم مصبرة وبعد ما يغلي نضيف مقدار كاس غير مملوء من البركوكس ونخليه يغلي حتى يطيب مليح ثم نضيف حشيش شوربة ونطفي الفرن ا

اما طريقتي 2 هي بركوكس بالحليب نفس المقادير لي درناها فالصوص حمراء الا الحشيش وفلفل عكري والحار ما نضيفهمش ونضيف للمرق بعد ما يغلي مقدار2كؤوس من البركوكس
وبعد ما نمرق ويطيب البركوكس نضيف كاس حليب يغلي غلية ونطفي الفرن
اختي الكريمة جربيهم وما تندميش راهو رووووووعة

تحياتييييييي
سلااااام

[سيليا22]

مشكورات اخواتي يعطيكم الصحة وربي يبارك فيكم الاخت لي سالتني انا من اي منطقة انا من الغرب الجزائري وهران