طلب صغيير نتمنى ماتبخلونيش

[ريرينا]

السلام عليكم و رحمة الله و بركاته
عندي طلب صغير نتمنى تقدروا تعاونوني , حبيت طريقة تحضير كريمة اللي يحشوا بيها قاطو الفواكه راهي تجي كي شغل كريمة زبدة و فيها جينواز مرحية نظن يخلوها تيبس و ممبعد يرحيوها بصح ماشي عارفة المقادير و الكيفية بالضبط , شكرا مسبقا ان شاء الله تقدروا تعاونوني (خاصة صحاب العاصمة بزاف يخدموا قاطو الفواكه تحفة ما شاء الله ) و ربي ينول كل وحدة اللي في بالها ان شااء الله , سلااام

[ملاك ملاكي]

عذرا منك اختي والله العظيم ما عندي فكرة على الخلوة لي حابتيها ولكن شهيتيني وشوقتيني ليها
نتمنى الاخوات وكي قلتي بالضبط العاصميات يفيدوك ويفيدونا
عذرا منك اختي
بالتوغييبييق

[ام ايمان16]

للاسف مانعرفش طريقتها
شفتها يديروها في الفواكه بعجينة اللوز وديرو حبة كبيرة والداخل تبان قهوية مدورة كيما قلتي جينواز ولامنعرف واش؟
ان شاء الله يفيدوك الاخوات

[ام ايمان16]

شوفي هاذاالفيديو لفارس جيدي يخدم فيها
https://www.youtube.com
/watch?v=rKWAZwuhVWw

اكتبيهم ولسقيهم بايخرجلك اليوتوب

او اكتبي في قوقل قاطو الفواكه
قناة سميرة - فارس جيدي الفواكه بعجينة اللوز

[ام ايمان16]

وصفة منقولة


http://4.bp.blogspot.com/-EUOL8QHQjoE/VRB6VtOogzI/AAAAAAAAAKk/53uuW58rpcs/s1600/%D9%81%D9%88%D8%A7%D9%83%D9%87.jpg

المقادير و المكونات

كيلة لوز مرحي ناعم
كيلة من السكر الناعم
ماء زهر
2 بياض بيض
فانيليا
ملون غذائي



الحشو

عسل
بسكويت مطحون
لوز مرحي



طريقة تحضيرحلوة الفواكه بعجينة اللوز

1-حضري الحلوى بخلط كل المكونات الجافة و اضافة بياض البيض تدريجيا لها و ادخالها جيدا في الخليط حتى تتحصلي على عجينة ملساء
2-حضري الحشو بمزج كل المكونات مع بعض
3- بالنسبة للتلوين فكل فاكهة و الملون الخاص بها مثلا حب الملوك بالأحمر البرتقال بالبرتقالي ،الليمون بالأصفر و هكذا
4-ضعي كمية من عجينة اللوز في يدك و ضعي داخلها الحشو وشكليها بالفاكهة التي ترغبين بها
5-دعيها تجف و زينيها كما تريدين

[ام ايمان16]

http://www.djelfa.info/vb/showthread.php?t=653074

[أم أسرار]

أختي الكريمة صبت هذ الحشو إن شاء الله يساعدك

pour la farce : (bniwen)

chapelure de biscuit (2 paquet de maria)

3c as de cacao

3 cas de sucre glace

100 g de beurre

confiture d abricot

[raboha]

ختي اللي راكي تحوسي عليها ساهلة و نعرفها
طيبي جينواز عادي اللي معتامداتو و لا شوفي وصفة من المنتدى
ثم ارحيه مليح و خلطيه بكريمة الزبدة أنا نمدلك عبر صغير
250غ زبدة طرية يعني بحرارة الغرفة + 250غ سكر رطب هنا مكثرتش السكر باش ميجيش حلو متنسايش بلي الجينواز حلوة و عجينة اللوز ثان
ضربي الزبدة مليح حتى تولي بيضاء ثم ضفي السكر رطب و زيدي ضربي مليح و عطريها بالذوق اللي حباتو و حسب الفاكية
ثم خلطي معاها الجينواز اللي رحيتيه و حطيه فالمجمد ثم جبديها و ديري كرات بالحجم اللي بغيتيه و رجعيهم فالمجمد حتى تجي تخدمي الفاكية تاعك يعني كي تجي تخدمي بيهم يكونو جامدين باش تتحكمي فالشكل
إن شاء الله نكون أفدتك و هذي الحشوة بنييييييينة بزاف خير من تاع البسكويت و تجي خفيفة

[ريرينا]

شكرا جزييييييييلااااا ليكم أخواتي ربي يحفظكم و يسهللكم أموركم و ينول كل وحدة فيكم ما تتمنى ان شاء الله , شكرا لكل من ساعدتني بوصفة و الف شكر للي اعتذرت لعدم توفرها عندها, ان شاء الله اذا درت القاطو اللي في بالي نزلوا في المجموعة , سلاااام

[melissa lola]

اختي الكفتة او الفاكهة يحشوها بكريمة الزبدة مخلطة بالجينواز مرحي انا ندير خبزة مول ونرحيها تجي خفيفة وروعة