قلبي موجوع

[مشكلتي]

السلام عليكم اخوتي الكرام مشكلتي اني اعاني في صمت رهيب و احيانا احس بالضيق بصدري كون مشكلتي ليس لها حل و كذا لم اجد صدر حنون ليخفف عني .. ماساتي منذ الطفولة على مر الزمن احاول التاقلم مع الواقع واصلت الدراسة وتخرجت من الجامعة و صبت عمل مستقر و سافرت الى العديد من الاماكن و اقمت علاقات محترمة مع كثيرمن الاصدقاء و الصديقات ملتزمة بديني غير انني اعاني في صمت كلما اصلي اتضرع للرحمن باكية و اساله الفرج و كلما اختلي بحالي ابكي بكاء شديد ..قلبي راح ينفطر ما قدرتش نصبر والله عييت من هذه الحياة .. كي نشوف صحاباتي و ناس نعرفهم مهنيين و بولادهم يغيضني حالي تغيضني روحي غير نبكي ...و الله نطلب ربي يريحني من هذه الدنيا .. مجتمع ظالم و حقار

[mrmilano1984]

يااختي ماتقلقيش كاين رجال انواع وانواع وانواع صدقيني انا عندي شخص اعرفو يحوس علي وحدة تاع زواج ودار ودراري ودرلو دار وتكون محجبة وملتزمة ومتخلقة وطيع راجلها وتحترمو اكيد تلقاي الراجل فقط كي تكون العقليات كف كف تلفاي الرجال انواع كما النساء انواع انتي مشكلتك اكي حابة تتزوجي صراحة نحس بيك ومش عيب ابدا صح قريتي وحدمتيي لصح تحسي حاجة خاصاتك حنان الراجل والاولاد وهدا لاياتي الا بالراجل والزواج

[YASMINE SILA]

ادعي ربي قي الثلث الاخير من الليل و اكثري من الاستغفار و ربي يفرج باذنه تعالى

[AMINA.Z]

مهما كان للزواج و الاولاد من اهمية
لكن هذا لا يعني ان تنكري فضل الله عليك لحد الان النعم التي وهبها لك من دون الناس..و تتمنين الموت فقط لانك لم تتزوجي و لم تنجبي !!!!
يا اختي هاذي دنيا و عمرو الانسان ما يدي واش يحب كامل .....و خاصة الزواج هو ليس بعلم دقيق ...عندي و عندي و عندي علاه ما تزوجتش ? الزواج رزق يؤتيه الله لمن يشاء
فعليك بالدعاء و الرضا بقضاء الله و قدره.

[طيور الجنان]

اختي ربي يفرج عليك و يرزقك الزوج الصالح اللي يعرفةقيمتك و يهنيك و يرزقك الذرية ربي الذرية الصالحة ااااميييييين

[biologie2001]

اختي ربي يفرج عليك و علينا كامل ..... الزواج راه مكتوب ربي و ادا مكتبلكش ربي الحمد لله ماراهيش نهاية العالم ... عيشي و ديري الخير و تصدقي ... الدنيا فانية

[mina2015]

سلام عليكم ، أختي العزيزة نحبك تفهمي حاجة واحدة في هذا الدنيا هذه الحاجة بالذات بيد ربي سبحانه حاولي أنك تقنعك روحك بيها و تقوي إيمانك بربي سحانه و تصبري و تفوضي أمر لربي تشوفي كيفاه يفرج عليك و يحطلك السكينة في قلبك .

[aissambayern]

ربي يفرج عليك و علينا كامل

[نور لاتراه]

السلام عليكم اخوتي الكرام مشكلتي اني اعاني في صمت رهيب و احيانا احس بالضيق بصدري كون مشكلتي ليس لها حل و كذا لم اجد صدر حنون ليخفف عني .. ماساتي منذ الطفولة على مر الزمن احاول التاقلم مع الواقع واصلت الدراسة وتخرجت من الجامعة و صبت عمل مستقر و سافرت الى العديد من الاماكن و اقمت علاقات محترمة مع كثيرمن الاصدقاء و الصديقات ملتزمة بديني غير انني اعاني في صمت كلما اصلي اتضرع للرحمن باكية و اساله الفرج و كلما اختلي بحالي ابكي بكاء شديد ..قلبي راح ينفطر ما قدرتش نصبر والله عييت من هذه الحياة .. كي نشوف صحاباتي و ناس نعرفهم مهنيين و بولادهم يغيضني حالي تغيضني روحي غير نبكي ...و الله نطلب ربي يريحني من هذه الدنيا .. مجتمع ظالم و حقار
ادعي الله في ظلمات الدجي
ناجيه
فبيده الامر سبحانه

[انا فلسطيني]

اختي الله يفرجها عليك

وغيرك موجع كمان .

غيرك موجع من اسباب كثيرة
اختي احكي الحمدالله ع كل شي

[ام رضوان]

السلام عليكم
الاخت راهي قالت من الصغر وهي محتاجة صدر حنون يمكن راهي مرت بظروف قاسية او مشاكل خلاتها دايما تحس بنقص شيء معين في حياتها
هي لم تقل ابحث عن زوج اولماذا لم اتزوج ...الخ الزواج ليس هومفتاح السعادة راه كاين متزوجين ومتزوجات وعايشين احلك الحياة.
اختي انصحك اول شيء بتقوى الله والتقرب اليه والبعد عن المعاصي والله الذنوب تزيد في معانات الشخص.والدعاء والاستغفار شفاء
ثانيا اخطيك من درت اصدقاء في ديننا ماكانش صداقة بين الرجل والمراة
خيري صديقات اللي يقربوك من فعل الخيرات وترك المنكرات وان لم تجدي فصاحبي نفسك كي تغيضك حاجة احكيها بينك وبين نفسك وكي تفرحي كذلك
ادعي ربي في سجودك وفي ساعة الاستجابة انو يرزقك بالصحة والامان وراحة البال
وان يبعد عنك وساوس الشيطان
يارب فرج كرب المكروبين وهم المهمومين برحمتك يا ارحم الراحمين.اميييييييييين

[samahsamah]

مهما كانت مشكلتك ادعو الله ان يفرج عنك

[oum Haroun]

ربي افرج اختي شدي في ربي

[RB59711]

هوني عليكي يا أختي راهي الدنيا كيما هاك واحد ما راح يصيبها كيما بغاها والحمد لله المولى عزوجل انعم عليك بالكثير والدنيا محل ابتلاء قبل كل شيئ وحتى الي راكي شايفتهم متهنيين وما ادراكي انتي مافي قلوبهم . المه ربي يهنيك ويعطيك راحة البال .

[نورالهدى بيولوجيست]

ياريت لو افدتينا بشحال عمرك؟

يا اختي كل شيئ بيد الله و حياتنا (سعادتنا او حزننا) من صنع افكارنا خليك متفائلة مهما كنتي في بيئة تدعو للتشاؤم

مارانيش نحكيلك في مثاليات لكني مريت بلحظات صعبة في حياتي و راني عارفة وش راني نقول :)

اختي احسن دواء لما انت فيه هو تقوى الله و فعل الخير اذا كانت حالتك المادية لاباس ننصحك بالصدقة انا جربتها و لها مفعول عجيب

كاين شيئ اخر بالنسبة للتأخر في الزواج انصحك بهذا الفيديو (دعاء تيسير الزواج لبناتكم الشيخ عبد الحميد كشك) حوسي عليه تلقايه

و اذكرك دائما:

ضاقت ..
ولما استحكمت حلقاتها
فرجت..
وما ظننتها تفرج

ربي يفرررررررج عليك اخيتي

[aroua]

حبيبتي من خلال عنوان موضوعك اقسم بالله ان قلبي توجع
لكن صديقتي ليكن في علمك اننا نعاني جميعا من مثل هذه المضايقات لكن حبيبتي تذكري من هن مثلك ولا يعملن ماكثات بالبيت ,من هن يتيمات ولا يعملن ,من هن مريضات واملهن الشفاء لاغير ,انظر الى من هن اقل منك وفي مثل حالتك
صديقتي استعيني بالله فلست وحدك من يعاني كما يمكنك ان تتصلي بي انا على الخاص فسأحكى لكي حالي لتخففي من ضيقتك .
عليك باعمال الخير , اجمعي ماعندك من ملابس لاتستعملينها واسألي عن من هن بحاجة ماسة اليها وسترين احساس رائع بفرحة المحتاج.
يوم الجمعة اشتري مجموعة من قرورات المياه وخذيها الى المسجد ,وانوي بها في قلبك بالفرج
اكثري من الدعاء والله المستعان حبيبتى...

[cherif abdou]

اختي الكريمة لاتقنطي من رحمة الله =ورزقكم في السماء وماتوعدون= اعلمي لن تتوفى نفس حتى تستفي رزقها' طبعا من حقك ان تقلقي ولكن كل شيء سطره الله لنا وكتب لنا رزقنا' وانت اختي الكريمة لن تتزوجي الا بالرجل الذي قدره الخالق لك-فلانة وفلان لبعضهما البعض-انا حقا اتساءل كيف لعين تذرف الدمع طمعا في رحمة الله ولسان لهج بذكر وطلب الاعانة من الله ان لايستجاب لها 'اعلمي ان تدبير الله لنا خير من تدبير انفسنا -و بشر الصابرين- اسال الله العظيم ن يفرج كربنا'

[bilal best]

الزواج رزق و كل حاجة رزق .......حنا رجال و مصبناش خدمة مستقرة و حابين نتزوجو والله غالب.....نصبرو وربي يجيب لخير

[نسيم الريح ش]

اللله يفرج

[الطيب الجزائري34]

ربي يفرج عليك و يسعدك
الحمد لله هي دنيا فقط و دار فانية و لهذا لا تقنطي من رحمة الله . ما دمتي في طاعة الله فابشري ان شاء الله يعوضك احسن ما في قلبك و كل المسلمين .

[asmar@]

ادعي ربي في الثلث الاخير من الليل و اكثري من الاستغفار و ربي يفرج باذنه تعالى

[زنوبيا86]

حبيبتي اللي من عند ربي يا محلاه المهم الصحة