مسااعدة من الاخوات في الصابلي

[الامل في الشفاء]

السلام عليكم
كي ندير الصابلي بالمارغرين يجيني محبب يعني العجينة ما تجيش ملساء وتتكسل وما تحكمليش الشكل وبلا ما نعجنها وكي يطيب يجي معجن بصح كي نديرو بالزيت يجي هايل علاه
وعندي سؤال على التشاراك الحشو ندير 3كيلات كوكاو بكيلة سكر احرش و نلم بالمزهر وتجيني الحشوة يابسة حجرة علاه

[ام رويدة]

اولا اختي الصابلي اذا جاتك العجينة تاعو تجعد وتتعبك في الخدمة اكيد البيض بزااف
والزبدة باش ماجيكش محبحبة لااازم تكون بحرارة الغرفة يعني طرية ماشي من الثلاجة
ولازم تخلطيها مع السكر قلاص ملييييح سواء بيدك او الباتور حتى تولي مرهم
وعموما نظن المشكل في الاساس في الوصفة
واكيد نوعية الزبدة لازم تكون نوعية مليحة
اما التشاراك الحشو تاعو انا ندير ٣كيلات بنص كيلة او اقل شوية لان السكر بزاف ييبس الحشو

نتمنى نكون افدتك اختي تحياتي

[Oum Habouba]

سلام عزيزتي كل اللي قالتو العزيزة ام رويدة صحححح
اتبعي هادو النصائح وان شاء الله تنجحي

[ام زهر]

عزيزتي الزبدة تكون داقية كيم قالولك البنات ام على الحشو تع الكوكاو لازم اكون الكوكاو مشي محمص او مقلي ديريه ابيض بتوفيق

[الامل في الشفاء]

اولا اختي الصابلي اذا جاتك العجينة تاعو تجعد وتتعبك في الخدمة اكيد البيض بزااف
والزبدة باش ماجيكش محبحبة لااازم تكون بحرارة الغرفة يعني طرية ماشي من الثلاجة
ولازم تخلطيها مع السكر قلاص ملييييح سواء بيدك او الباتور حتى تولي مرهم
وعموما نظن المشكل في الاساس في الوصفة
واكيد نوعية الزبدة لازم تكون نوعية مليحة
اما التشاراك الحشو تاعو انا ندير ٣كيلات بنص كيلة او اقل شوية لان السكر بزاف ييبس الحشو

نتمنى نكون افدتك اختي تحياتي
شكرا على المرور بصح البيض ندير 3حبات و نستخدم بلاط و بحرارة الغرفة ونخلطها مليح مع السكر مع هذا جامي جاني مليح

[fadila34]

اختي انا مقارين تاع بلاط جربتها مهيش مليح لصابلي فيها الماء

[ام رويدة]

شكرا على المرور بصح البيض ندير 3حبات و نستخدم بلاط و بحرارة الغرفة ونخلطها مليح مع السكر مع هذا جامي جاني مليح

ايه ٣حبات بزاااف
شوفي نعطيك طريقتي وجربيها
٢٥٠غ زبدة فلوريال او لابل
حبة بيض و٢صفار
كاس سكر قلاص
نص كاس ميزينة
مغرفة قهوة خميرة الحلوى
فاني
تخدمي الزبدة والسكر والفاني مليح ادا عندك باتور احسن ضفي البيض وزيدي خلطي ملييح حتى يولي عندك خليط متجانس ومبعد ضفي النواشف اللي هي الفرينة والميزينة والخميرة ولمي العجينة فقط بلا ماتعجني..حلي وشكلي كما تحبي
نتمنى تجربيه وتلقاي النتيجة

[الامل في الشفاء]

ان شاء الله نجربها و نرجعلك الخر

[.1....2....1.]

السلام عليكم
كي ندير الصابلي بالمارغرين يجيني محبب يعني العجينة ما تجيش ملساء وتتكسل وما تحكمليش الشكل وبلا ما نعجنها وكي يطيب يجي معجن بصح كي نديرو بالزيت يجي هايل علاه
وعندي سؤال على التشاراك الحشو ندير 3كيلات كوكاو بكيلة سكر احرش و نلم بالمزهر وتجيني الحشوة يابسة حجرة علاه

حنونة بالنسبة للصابلي الزبدة اخدميها مليح مع البيض يعني خلطيهم مليح ومن بعد زيدي البيض
بالنسبة لي نديرو بلابال ويجي هااايل
اما الحشو ديري ثلاث كيلات كاوكاو بكيلة سكر و2مغارف سمن ولمي بماء الزهر حتى تتحصلي على عجينة طرية اعجنيها مليح حتى تتداخل المكونات في بعضاها
السمن ميخليش الحشو ييبس وعن تجربة
بالتوفيق