ذاهب للمحكمة العسكرية. استفسار بسيط رجاءًا

[zizo92]

رحت لمركز الخدمة الوطنية أعطوني برية للمحكمة العسكرية
حبيت نعرف برك واش رايح يمر علي كي نروح وهل راح يمدولي موعد ولا يعطوني الحكم مباشرة مع العلم أني ماعندي لاكفالة ولاملف طبي. فقط البرية اللي مدوهالي في مركز الخدمة الوطنية
فهل راح يعطوني برية مباشرة لمركز الخدمة الوطنية باش يخدمولي استدعاء، أو حتى يديرولي موعد وقداش يطول هذا الموعد

[haled Fr]

راح يعطوك موعد أخي
مدته شهر أو شهرين نسيت قداه بالضبط

[haled Fr]

تدخل تعطيهم لاكارط فالباب يقلك فوت للصالة الأولية احط تيليفون والفلاش ديسك والمفاتح ...
apres تروح لصال داتونت قبل ما تدخل تمدلهم رسالة التوجيه ولاكارط وتستنا
انا مدة ربع ساعة عيطولي كتبولي دات في رسالة التوجيه ويقولك ارواح في لا دات هاذي

[haled Fr]

نصيحة للإخوة هنا
كفالة بعد التحقيق ماقبلوهاليش في مكتب التجنيد لا اعرف السبب رغم انني الطفل الوحيد في العائلة
المهم هناك من يقول بسبب الفحص الطبي وهناك من يقول يجب ان يكون الوالد متوفي
راهي صعيبة الكفالة لأنه في المحكمة كي يمدولكم البراءة بعد التحقيق راهي براءة من العصيان فقط وليست اعفاء
ويعطوكم برية الى مكتب التجنيد وهوما يدرسو الملف سواء كفالة او ملف طبي

[haled Fr]

خويا روح اليوم قبل غدوة باه تستفيد من الوقت
بويسك راح يعطوك استدعاء
هادي صراتلي انا وجميع من اعرفهم
المحكمة العسكرية بقسنطية

[myguideisislam]

اخي هل يجب ان تكون عاصي للحصول على استدعاء المحكمة العسكرية ارجو الافادة الله يسهل علينا اجمعين

[zizo92]

بارك الله فيكم

اخي هل يجب ان تكون عاصي للحصول على استدعاء المحكمة العسكرية ارجو الافادة الله يسهل علينا اجمعين
نعم يجب أن تكون عاصي

[said kako 04]

لي صديق ذهب الى مكتب التجنيد بالولاية ومدولو برية باش يروح الى المحكمة العسكرية بالبليدة ومعل رايح غدوة ولكنه :
-من ضحايا المأساة الوطنية(الارهاب)
-ليس له اي مستوى تعليمي

--------من كان في عون أخيه كان الله في عونه---------------

[رفيق اللغة]

السلام عليكم اخوتي..انا اني رايح للمحكمة العسكرية و مدي معايا دوسي مديكال ...فهموني كيفاه يدرسو الدواسا و كيفاه يدزونا للمستشفى العسكري؟و كي تعود مقبول الدوسي و لا مرفوض وين يبعثوك؟الرجاء الاجابة لان الامر ضروري...شكراعلما اني من مواليد 1987