من فضلكم

[آية هبة الله]

السلام عليكم ارجو منكم وصفة مسكوتشا تكون خفيفة وهشة ..أنا خطرة تخرجلي هشة خطرة تخرجلي ثقيلة

[fadila34]

وعليك السلام اختي شوفي بسكوي بليايورت والتفاح تاع اختي ا سيهام جربوه وقالو هايل وتقدير مدريش التفاح

[آية هبة الله]

شكرا حبيبتي fadela ...انا راجلي مايحبش قاع القاطو فيه اليايووت بغيتها كي تاع بكري كانت تجي علامة

[fadila34]

املا شوفى اختي عندي وحدا نستعمل فيخا من بكري لحد الان جي خفيفا وزاكية
5حبات بيض مقدرين ولاعدو كبار ديري4 افصلي الصفار عن البياض هذا البياض زيدلو شوية ملح وطلعيه مليح وحطيه جانب
الصفار+2كيسان سكروخلطيه بلبتور وزيدي كاس زيت وكاس حليب وخلطي مليح حتي يذوب السكرزيدي لافاني ورطل فرينة و2خميرة وحركي بلملعقة مليح ريح تولي ثقيلة اكمي البياض وزيذيه بشوية وحركي من الاسفل الى الاعلى وفرغي فى بلاطو الفرن مدهون والله غير جي تهبل انا نخدم بيها ليتارت اسمحلي كثرة الهدرة

[آية هبة الله]

شكرا حبيبتي يعطيك الصحة حنونة باينة تهبل شكرررررا

[ibtihal18]

اختي هذي الوصفة تاعي تع بكري
كاس سكر و 4 بيضات ضربيهم بالباثور غير بالعقل قيس ما يذوب السكر و بعدها زيدي فنجان زيت و فنجان حليب و خلطي بالفوي ولا بالفرشيطة و زيدي زاسث تع القارص و 2 لالوفير و 2 كيسان فرينة مي ما تعمريهمش مليح باش ما تجيكش تقيلة و سخني الفور كي تبداي تخدمي شعليه يسخن و حطيها تطيب

[محتاجة لعفو الله]

السلام عليكم ارجو منكم وصفة مسكوتشا تكون خفيفة وهشة ..أنا خطرة تخرجلي هشة خطرة تخرجلي ثقيلة
و عليكم السلام و رحمة الله و بركاته
انا ديما كل ما ندير الموسكوتشو بوصفة أمي ربي يحفظها اجي خفيفة و هشة ماكاش اللي داقها و ما عجباتوش
المقاديــــر :
4حبات بيض يكونو كبار دربيهم مليح بالباتوغ و فرغي عليهم كاس سكر مع مواصلة الخلط ثم كاس زيت و خلطي مليح ثم نصف كاس حليب مع مواصلة الخلط ثم لافاني و مبشور الليمون (اختياري) و خلطي و في الأخير 2خمارة مع 2كيسان و نصف فرينة و خلطيهم و فرغي الخليط في لمول تاع الموسكوتشو مدهون بالزيت و مرشوش بالفرينة .
صدقيني اختي جميع اللي يدوقها يقولي خفيفة مثل القطن و يطلبني في الوصفة ، جربيها و عينيك مغمضين .

هدا هو المول اللي قلتلك عليه
http://www13.0zz0.com/2011/08/02/01/232192438.jpg

[ام ايمان16]

يعطيك الصحة