شكون تعرف كيفاش يطيب برق عينو تقولي

[ام ايمان16]

السلام عليكم

شكون تعرف كيفاش يطيب برق عينو تقولي

حوست في النت ومالقيتش

[nazjo]

سمحيلي ياختي ماعرفتش واش تقصدي ببرق عينو

[ام ايمان16]

سمحيلي ياختي ماعرفتش واش تقصدي ببرق عينو

اهلا اختي
هو راس بوزلوف يطيب محمر بزااف في الكوشة مشوي وكي يطيب يقعدو عينيه يبرقو ههههههههههه
على هاذي يسموه برق عينو :1:

كاينين لي يبيعوه برا كيما الجاج يقسمو البوزلوف على زوج بالطول ويديرولو لبهارات ويربطوه ويحمروه في الكوشة
وانا نحوس نطيبو في الدار

[حبيبة امها]

ههههه جلبني العنوان تفضلي طريقتي اختاه جربيه ورديلي خبر

في الاول حضري التوابل لفاح وكمون وتوم غبرة وفلفل عكري حلو او حار مثل ما تفضلي وكمية من طماطم علب كمية قليلة فقط قدار ملعقة صغيرة فقط وملعقتبن صغار زيت وتملحي الزلوف تاعك تحكيه بالتتبيلة جيدا وتخلبه يبات فيها ليلة كتملة غذا حطيه في كيكوطو وحطي قيس نصف كاس ماء فقط ولما يغلي الماء اقفلي ودلي النار اتركيه يطيب على نار دليلة خلاص لمدة ساعة على حساب حجم الزليف لما تلقاي اللحم طرات خلاص وطابت حطيه في مول يدخل للفرن وتركيه يتحمر عى نار الفرن وليس الشواية رايح يجيك رائع امممممم
نتمنى تعجبك الوصفة

[كوسيم]

شكــــــــــــــــرا

[ام ايمان16]

شكرا ليكم

عندي راس خروف مسلوخ وحابة نديرو محمر في الكوشة
هل لاكم نغليه قبل في الكوكوط ام نتبلو طول ونديرو في الكوشة

[oum rahma]

السلام عليكم ان شاء الله راكي لاباس تفاحة
شوفي طريقتي تاع الراس فلفوغ ( كون تعمليه مباشرة فلفوغ يقعد قرن بش يطيب )
راس يكون مشوط ومغسول ، ومقسوم
نحطو في لكوكوت مع ماء فقط ونقفل عليه لمدة عشر دقائق ونحل نلقا لما هاذاكا ولى اكحل
نطيشو تسمى كي شغل زدنا نظفناه وتخلصنا من طعمة مش مليحة
بعد لمرحلة هاذي نعاود نحطو فلكوكوط ونحط الماء والملح (يحب لملح بش يجي بنين )
ونحط كعبة بصل مقسومة جوانح وتوابل كمون وفلفل اكحل ولى ابيض مهم توابل
كيما تحبي وكعبات ثوم مقسومين وممكن حتى كعبة طماطم مقسومة ،،، هاذم راح يعطوه بنة
نقفل لكوكوط ونخليه قرابة ربع ساعة يعني كي قريب يطيب ، مانخليهش يطيب تماما بش يكمل طيابو فلفوغ
نحل لكوكوط ونحط الراس ، مالفة نزيدلو حبيبات بطاطا لي تجي صغيرة نحطها كاملة ، وتحطيلو شوية من الما
لي طاب فيه ماخي مملح وفيه توابل وبصل
ودخليه للفور يكمل طياب وفي نفس الوقت يتحمر
يجي روعة روعة روعة
وبالصحة والراحة

[الاء هبة الرحمان]

انا نستعمل نفس طريقة ام رحمة وكى نحب نحمرو فى الفور تحطى مغرف مارغرين وزيديلها عصير نصف حبة قارص ودبشة وخلطى حتى تولى كريمة واطلى البوزلوف تاعك ودخليه للفور يتحمر ويولى لونو كالجاج محمر واكيد البنة مانحكيلكش

[ام ايمان16]

يعطيكم الصحة
بالصح لاه مايطيبش ثمثم يخي مسلوخ ومافيهش االلحم بزااف وزيد مقسوم على زوج وصغير وماهوش عاصي واش راح يطول في طيابو غير شوية لسان ولغلوغتو برك ههههههههههههههههههه

يعني نورمالمو بالكثير ساعة يطيب ويتحمر

[oum rahma]

تفاحة راني عدلت مشاركتي غلطت ههههه
نقصد مشوط ومغسول مش مسلوخ ، وعلاه سلختيه نص البنة فالجلدة تاعو
لحم الراس قاسي بالسيف لا يطيب بلاغاليلغ ولى بلا لغاليغ هههههههه

[آسيا 27]

بفضلك اختي هاذي اول مرة نسمع بهاذا برق عينو ان شاء الله يفيدوك

[ام ايمان16]

تفاحة راني عدلت مشاركتي غلطت ههههه
نقصد مشوط ومغسول مش مسلوخ ، وعلاه سلختيه نص البنة فالجلدة تاعو
لحم الراس قاسي بالسيف لا يطيب بلاغاليلغ ولى بلا لغاليغ هههههههه

ماسلختوش خخخخخخخخخخخخخخخ
قلت لراجلي جيبلي برق عينو طايب وواجد جابولي مسلوخ وقالي طيبيه وحدك هههههههههه
وهو مايكلوش انا لي نحبو برك:1::1:
راني درتلو الشرمولة وخليتو يشرب ولعشية نطيبو ونشوف كيفاش يخرج :mh31::mh31::mh31:

بفضلك اختي هاذي اول مرة نسمع بهاذا برق عينو ان شاء الله يفيدوك


اهلا اختي رانا كامل نتعلمو ونسمعو الجديد:1::1:
واذا تحبيه استناي ننطيبو ونحطولك تشوفيه برك :1::1::1:لانك ماتقدريش تاكليه حتى تجربيه وتطيبيه :19::19:

[ام ايمان16]

اخوات راني طيبت برق عينو لي حبت تشوفو هاني جبتولكم

http://4.bp.blogspot.com/-q3DYjhw8hcE/VlQplZFZfbI/AAAAAAAABrY/yebo2giSGPk/s320/Photo2691.jpg

[MALOU 33]

شكرا على الموضوع

[شمس الملوك]

بصحتك اختي انا ساعات ندير في الكوكوط وساعات كي يكون راس صغير ومقسوم على 2 ندير في اكياس الشواء بعد مانتبل ويطيب مليح و يجي محمر و مايطولش

[ام ايمان16]

بصحتك اختي انا ساعات ندير في الكوكوط وساعات كي يكون راس صغير ومقسوم على 2 ندير في اكياس الشواء بعد مانتبل ويطيب مليح و يجي محمر و مايطولش

بالصح اكياس يجيو صغار واذا حشرتي فيهم يتقطعو
تقدري تديري فيهم نص راس مجمول ولا تزيدي تقسميه

[جنة الفردوسْ]

جامي سمعت به

[ام ايمان16]

جامي سمعت به

بزاف اكلات مانسمعوش بيهم لاختلاف المنطقة لي نسكنو فيها على باقي المناطق
لكن الانترنت قربت المسافة وخلاتنا نتعلمو اطباق ماكناش نعرفوهم من قبل
شكرا لمرورك

[شمس الملوك]

السلام عليكم غاليتي ام ايمان الراس قلتلك يكون صغير ومقسوم على زوج يجي في الكيس عادي كيما هذ ا راني طيبة فيه بصح عينيه مايبرقوش ههههه جربيه راه يطيب هايل
http://www.m5zn.com/newuploads/2015/11/09/jpg//36a1a373348aca3.jpg

[ام ايمان16]

السلام عليكم غاليتي ام ايمان الراس قلتلك يكون صغير ومقسوم على زوج يجي في الكيس عادي كيما هذ ا راني طيبة فيه بصح عينيه مايبرقوش ههههه جربيه راه يطيب هايل
http://www.m5zn.com/newuploads/2015/11/09/jpg//36a1a373348aca3.jpg


وعليكم السلام
يعطيك الصحة اختي شمس راه طابلك هايل
يعني تبلتيه وهو ني ودرتيه في الاكياس وحطيتيه في الفور ؟شحال الوقت حكملك فالفور ؟
وباش تبلتيه
هل الراس لي ستعملتيه مسلوخ ولا مشوط برك؟
لانو راه باين فيه شوية اللحمة ماشي كيما نتاعي جابولي مسلوخ فيه عيرلعضم هههههههههههه كي طاب ملقيت مانكل فيه وحدي وماشبعنيش ههههههههههه

[شمس الملوك]

حبيبتي الراس مشوط وني تبلت ببصل مرابي ثوم توابل كسبر فلفل اكحل فلفل احمر الحلو و الحار ورقة رند اللي عندك وحبةطماطم مرابية ملعقة طماطم مصبرة دبشة شوية زيت وفنجان ماء تخلطي واجهني اراس مليح بالخليط ولوحي كل طرف في كيس وضعيه يطيب مدة تقريب ساعة او اقل المهم كي تشوفيه طاب نحيه راح تلقايه حماروطاب مليح يكون مام طري كيما لنطيبوه في لكوكوط واذابغيت زيدي حلي الكيس وشعلي من فوق يحمار انا هذ المرحلة مادرتهاش هذ المرة ساعات نديرهاومرات لا