استفسارات ستساعدني لتحديد مستقبلي

[Yara Rayana]

مرحبا اخواني انا احتاج للاستفسار عن موضوع مهم لاحدد هدفي في هذا العام الاخير و المهم في الثالثة ثانوي ..

انا لم اخدد هدفي بعدا ماذا ساقرر ان افعل عندما انجح ان شاء الله

شعبتي هي علوم تجريبية،.

حقيقة لم اعرف ماذا سيكون حلمي و كيف ساحقيقه لكن لاحظت ان علم النفس يعجبني و اريد الاستفسار عنه

اي توجيه في الجامعة لعلم النفس او الطب النفسي و من لديه معلومات عنها ؟؟؟

من فضلكم شاركوني بمعلوماتكم لاعرف عنها كل شيء ..

ماذا سادرس في هذا التخصص و كيف ساصل له ؟؟

انا انتظر الردود المهم ^_^ و شكرا لكم :mh92:

ماهو المعدل الذي يجب ان اعلم عليه لاتمكن من التوجه له ؟؟

[azpak]

أختي لها شهادة في علم النفس...
والباك نتاعها جاباتو ب 10 عادي
باقي الأسئلة ظرك نسقسيها ونقلك
بالتوفيق

[Yara Rayana]

أختي لها شهادة في علم النفس...
والباك نتاعها جاباتو ب 10 عادي
باقي الأسئلة ظرك نسقسيها ونقلك
بالتوفيق

شكرا و سقسيها علاها و كيفاه دارتها المهم وانا تخصص داراتو و فاها خدمة و لا لا ؟

[azpak]

قالك كاين جامعات تدي الباك تقراى علم اجتماع وامبعد تتفرع علم النفس
وكاين جامعات تقرا علم النفس ديراكت...
القراية نتاعو ساهلة ومليحة وممتعة
بالنسبة للخدمة لازمك معريفة
كاين واحد صاحب بابا قالها خيري السبيطار لي حبيتي نتي
السلاك نتاعهم كيما يقول هو 5 ملاين ولا 6 ممانعرف
مي المشكل كي وصلنا للرسمي قالك لازم تمدلنا قعبات
علابيها راي مازات ماحبتش تتخدم
وربي يعاونك

[bac2016]

انا صحبتي تخدم تشغيل و شباب في المستشفى و السنة كملت الماستر 2 تحكيلي كيفاش يقراو عجبتني و لو كان تفتح عند روحها و تكون شاطرة تنجح خصوصا فيما يتعلق بالاطفال تفيدك في حياتك و لو كان ديري في بالك الدكتورة تنفتحلك افاق مليحة لان مجال الابحاث النفسية مستمر كيما على التوحد ادمان المخدرات عند المراهقين ......
من ناحية الخدمة ماشي ساهل تحكمي منصب عمل دائم
انا ادا تسمعي ليا ديري الحاجة اللي تبغيها بزاف و انجحي فيها
موفقة ان شاء الله

[♥لَيْلَىّ♥]

بالتوووووووفييق

[wmis]

سلام عليك نتمنالك تنجحي بشهادة تقدير حتى و ان كنتي حتختاري فيما بعد تخصص ادبي انا حسب ما اعلم انك في المستقبل ماتلقايش فرص العمل ابالنسبة الي نختار حاجة نلقا فيها المستقبل فيما بعد لكن على ما اظن ركزي على الباك بمعدل مقبول باه مبعدا لكان بدلتي رايك ماتلقايش روحك خدمتي على10 و معندكش الاختيار لتخصصات اخرى نتمنالكم النجاح

[pérah tova]

سعادتك في يد الله
فـ لا صديق ينزعها،
و لا عدو يمزقها،
و لا قريب يتحكم بها،
فأنت: لم تُخلق لأجلهم..
(تبتسم و لك حسنَة ، تمرض و لك أجر، تصبر و لك من بعد الصبر يُسر، تُحسن و لك ضِعف إحسانك، الحمدلله على نعمة الإسلام و كفَى بها نِعمة. مَنْ أدامَ الحمدَ تتابعت عليه الخيراتُ
و مَنْ أدامَ الاستغفارَ فُتِحَت له المغاليقُ. أسعدكم الله سعادة الدارين