غسالة سامسونغ هبلتني

[الامل في الشفاء]

انا تاني عندي مشكل مع الغسالة راهي مهبلتني عندي سامسونغ بيضا 8 كيلو ما تخرجليش الحوايج نظاف ما عرفتش منين بلاك من مسحوق الغسيل نستعمل aigle ويبقاو البقع في الملابس ولا انا ما نعرفش نشغلها مليح حبيت تنصحوني واش ندير واش من ماركة نتاع مسحوق ولا مبيض نستعملو معاه وكيفاش نشغل الغسالة:sdf::sdf::sdf:

[hafidha20010]

انا نستعمل لوشا بصح البقع صعاب باه يخرجو لكان نتاع زيت حكي عليهم صابون الطرف لكان بقع اخرى شمخي الحوايج لفيهم بقع وحدهم وديري معاهم مزيل البقع راه كاين انواع وانواع منبعد ديريهم في المشينة وغسلي نورمال
انا جانلي ربي الخطأ ماشي في الماشينة ربما في البروغرام المستعمل لأن الماشينات الكل ادورو كيف كيف

[الامل في الشفاء]

واش.من.بروغرام.نشغل

[ibtihal18]

غسالتك مثل غسالة والدتي و هي اوثوماتيك و تع الصح ماهيش تخرج الحوايج و جربنا جميع انواع المسحوق ما نفع والو انا غسالتي مش اوثوماتيك عادية و نغسل بمسحوق داوني و تخرجلي الحوايج روعة والله ما فهمت المشكل وين انتي شوفي راجلك يشوف كاش واحد سبيسيال يجي يريقلهالك
ربي يعينك

[fatyph2012]

السلام عليكم عندي نفس المشكل غسالتي سامسونق 7كغ اوتوماتيك اسعتملتها كل انواع المساحيق نفس النتيجة الحوايج ما يخرجوش مليح في اغلب الاحيان ندير غسلة بيدي بصابون الجيراف ثم نعقبهم في الغسالة يخرجولي احسن او نقوي درجة الحرارة

[كوسيم]

ياأختي ديري كيما دير ماما تغسلهم الغسلة الاولى بيدها و الثانية بالماشينة و ربي يخفف عليك

[Rati Ne]

انا تاني عندي غسالة سامسونج 7كغ اتوماتيك كل مرة او كيفاش اليوم شريت مسحوق اومو و نجرب انا نظن كي تنفحلها تخرج منين داك ندير غير شوية مسحوق الرخيص في السوق يخرجو و منين داك نفششها ما تخرجش

[Rati Ne]

ياأختي ديري كيما دير ماما تغسلهم الغسلة الاولى بيدها و الثانية بالماشينة و ربي يخفف عليك

يا اختي هدا عذاب انا وليت الطراشن نعجز نغسلهم بيدي

[Rati Ne]

السلام عليكم عندي نفس المشكل غسالتي سامسونق 7كغ اوتوماتيك اسعتملتها كل انواع المساحيق نفس النتيجة الحوايج ما يخرجوش مليح في اغلب الاحيان ندير غسلة بيدي بصابون الجيراف ثم نعقبهم في الغسالة يخرجولي احسن او نقوي درجة الحرارة

فهميني واشنو هدا الصابون الجيراف ما نعرفوش و الحوايج كامل تغسليهم بيدك و تعاوديلهم

[radia25]

انا ندير اريال وندير الغسيل السريع نعاودهم 2 مرات ويطلعو رايعين خير من الي ديري بروغرام القطن 2سوايع والقش ما يخرجش
وتاني افرزي القش قبل ما تحطيه واكيد البقع الي صعاب يبقاو لاشتا تحكي بيدك وكاين تاني صابون الطرف سائئل مخصص للمشينة انا نستعملو مع القش الابيض

[الامل في الشفاء]

واش.اسمو.صابون.الطرف.السائل وين تحطيه و اذا كان تغسلي بيدك وش فايدة المشينة
اليوم غسلت فيها وزدت في درجة الحرارة بانولي بلي خرجو الحوايج و الي عندها تدبيرة تفيدنا بيها

[kiki12]

تاني نفس مشكلة ماشينة اختي سامسونج كانت بكري حتا الاومو متشللوش مليح.بصح ظرك ماراهيش تشتكي منها .نسقسيها و نردلك الخبر باذن الله.ماما عندها كوندور اوتوماتيك تاع حديد تاني ماتصفيش القش ..عجبتني خير ال semi automatique يعني تاع بلاستيك اللي فيها زوج جوايه تصفي القش كي الحرة الله يبارك.صح فيها الشغل بصح تصفيييي..و سلفتي شرات كوندور اوتوماتيك بصح بلاستيك مش حديد قاتلي هاااايلة و تصفي الحوايج ..
جربي اختي زيدي للقش كيما قالتك الاخت صابون الطرف سائل كاين doriflor

[radia25]

تاني نفس مشكلة ماشينة اختي سامسونج كانت بكري حتا الاومو متشللوش مليح.بصح ظرك ماراهيش تشتكي منها .نسقسيها و نردلك الخبر باذن الله.ماما عندها كوندور اوتوماتيك تاع حديد تاني ماتصفيش القش ..عجبتني خير ال semi automatique يعني تاع بلاستيك اللي فيها زوج جوايه تصفي القش كي الحرة الله يبارك.صح فيها الشغل بصح تصفيييي..و سلفتي شرات كوندور اوتوماتيك بصح بلاستيك مش حديد قاتلي هاااايلة و تصفي الحوايج ..
جربي اختي زيدي للقش كيما قالتك الاخت صابون الطرف سائل كاين doriflor

هادا هو اختي الصابون الي نهدر عليه انا عندي كوندور اوتوماتيك عندي معاها 4سنين جامي شكيت منها تخرج القش وتشلل مليح خطراش كاين فيها برنامج الي يحدد عدد التشليلات
وكيما قلت قبل استعملي برنامج الغسيل السريع خير من برنامج القطن

[الامل في الشفاء]

هادا هو اختي الصابون الي نهدر عليه انا عندي كوندور اوتوماتيك عندي معاها 4سنين جامي شكيت منها تخرج القش وتشلل مليح خطراش كاين فيها برنامج الي يحدد عدد التشليلات
وكيما قلت قبل استعملي برنامج الغسيل السريع خير من برنامج القطن

شكرا اختي نجرب ونرجعلك الخبر شحال المدة في السريع تديري

[radia25]

[quote=الامل في الشفاء;3994707415]شكرا اختي نجرب ونرجعلك الخبر شحال المدة في السريع تديري[/quoteا
اختي الغسيل السريع يستغرق 30 حتى 40 دقيقة

[أم آدم و دارين]

شوفي أختي أنا غسالتي سامسونغ 7 كغ تخرجلي القش مليح و الحمد لله شوفي واش ندير
1- نفرز القش الأبيض و الوردي نغسلهم وحدهم و الملابس الملونة نغسلهم وحدهم
2- ما نكثرش كمية الملابس داخل التمبور فوق النصف يكفي
3-نعمل الصابون مباشرة مع الملابس و ما نعملوش في القجر المخصص له لأنه مع تعدد الإستعمالات يتبوشا و تعود المشينة تخرجلك الماء من هاذاك القجر
4-نغسل في المود إكسبراس اللي يدوم 29 دقيقة لأنو المود أوتوماتيك اللي يدوم ساعتين و الماشينة تدور خسارة في الماء و الكهرباء فقط و النتيجة وحدة.
5-إذا كان عندك ملابس ما لازملهاش العصر مثل معاطف الكاشمير ديري sans essorage باه مايفسدولكش نحي القطع نتاعك اللي ماكيش حابة تعصريهم و من بعد باه تعصري القش اللي يبقالك في المشينة ديري essorage رايحة تعصرلك القش اللي بقى
6-بالنسبة لمخاد لا وات البيض باه ديزانفاكتيهم أغسليهم في 90 درجة و زيديلهم شوية لاجافال في القجر رايحة تتحصلي على نتيجة مرضية و يخرجو بيوضة بياض ناصع
هذا واش راني متفكرة أي إستفسار راني هنا
دمت في رعاية الله

[الامل في الشفاء]

شكرا اختي بصح الباب ما يتفتحش كي تكون المشينة تدور و الجافيل قالولي ما يستعملش في المشينة اوتوماتيك

[صوفيا 77]

نفس مشكل عندى متخرجليش

[أم أولادي]

والله نفس المشكل عدي

[zahra13]

يا اختي العزيزة عندي نفس المشينة لمدة 6 سنوات جربت كل انواع المساحيق اريال اومو تاست ..نفس النتيجة ولكن الآن بديت نستعمل هاد الطريقة والغسيل كان هايل
1-اكل لملابس لي فيها طاشات نفركها بصابون الحجرة في 1 دقيقة برك
2-ما نكثرش الملابس يعني تقريب مملوءة.
3- نستعمل الدورة السريعة لربح الوقت مع مسحوق عادي الي جي على خاطرك ولكن مع 3 تشليلات .
4-واخيرا اذا حبيتي اضافة بالنسبة للخمارت والجلابات الأقمصة ديري soupline البنفسجي قليلا فقط.تحصلي على حوايج نظاف في سرعة قليلة ودون ان تشري المساحيق الغالية.
موفقة.

[ورود الجزائرية]

أنا مازالني مع الماشينة تاع النيلو .....ان شاء الله يشوف ليا راجلي ويشريهالي

قولوا آمين

[**أمة الرحمن **]

الحمد لله عندي سامسونغ و ندير عاسول لوشا و تخرج الحواااااااااااااااايج يشعلوا ..... بصح نديرها 2 ساعتين و بالماء الساخن ما تديريهاش غسل سريع لخاطر الغسل السريع للحوايج اللي لبستيهم مرة اة مرتين فيهم غير حاشاك العرق برك ..... انا صباح غير نوض نديرها 2 ساعتين و نخليها كل يوم عندي دورة تع ملابس و الجمعه ما نغسلش ..
و الحوايج البيوضا ديريهم في ماء دافيء و جافيل و صابون الطرف حكيهم شوية بيديك اومبعد شليهم و دبربهم في الماشينة رووووووووعة
جربي لوشا الحجم الكبير و 2 ساعنين و تشوفي النتيجة
شكرا

[أم عروة]

انا عندي سامسونغ ساعمل بنصائحكم

[الامل في الشفاء]

شكرا.لكل.الاخوات.على.المشاركة.راني.ندير.نصائحكم.بع ين.الاعتبار