الشك يقتلني ساعدونيييي2

[مشكلتي]

سلام شكرا لكل لي ردو على موضوعي و الله كاين ردود ما شاء الله تبرد على القلب
http://www.djelfa.info/vb/showthread.php?t=1889816

بزااااف نصحتوني نقلها توريلي صورة العقد هدا الشي مستحييييييييييييل للاسف

هاد المراة بعد ما واجهت خطيبي(( و هو انكر قالي بلي راهي كانت صديقة في الفيسبوك فقط )) بعثتلي رسالة قاتلي اسمحيلي راني نكدب عليك ع خاطر فلان راهو مجرد صديق ع الفيسبووووك و حكيت هكداك على خاطر سؤالك جاني بيزار

و مبعد بدلت اسمها ع الفيس و مبعد مسحت صورها و مبعد بلوكاتو مرة وحدة
انا هاد الامر زاد اكدلي بلي كاينة حاجة مخبية و الا علاه تبلوكي الفيس تاعها على جال حكاية مكانش منها؟؟؟؟ هو قالي تحبي نروحو للقنصلية تتاكدي’؟
هادا الشي كامل صرا بعد يوم من المشكلة

يا خاوتي والله راني نحبو لدرجة ميتصورهاش لعقل كون منحكيش معاه نمرض جاتني صعيبة نخليه على جال حكاية معنديش عليها دليل لكن و الله كون يوم نتاكد منها والله و الله مايزيد يشوف ضفري و قتلو بلي راح نزين نيتي لكن كون تطيح في ايدي ما نمدلكش فرصة اخرى

انا فوضت امري لربي و تمنيت كون لقيت واحد هنا يفهم في القانون يفهمني كيماه ندير باه نتاكد هل نروح للقنصلية ؟

شكر مسبق لكل من يمر من هنا

[oum Haroun]

انت خطيبته ولا ماكومش عاقدين في البلدية اطلب منه تعقدو لان لو كان متزوج مايقدرش يعقد عليك القانون الفرنسي لا يسمح بتعدد الزوجات حتى المقمين في فرنسا (بدون جنسية)
ولا كان مزوج بها انصحك بالانسحاب لانه حتى لو كان هو حاب يخدم كواغط و اطلق صعب جدا تستناي حتى تولي عجوز ابني حياتك مع انسان صادق معك فرنسا ماتردش الروح

[طيور الجنان]

اختي نصيحة فقط ماتتسرعيش بالزواج قبل ماتتأكدي.ان شاء الله يجيبلك ربي مافيه خير

[مناد بوفلجة]

كوني متأكدة أنه إن قام بعقد زواج مدني في فرنسا

فسيتم تسجيل ذلك في السفارة الجزائرية هناك

و يتم بعدها تدوين ذلك في شهادة ميلاد الشخص
عبر شبكة الحالة المدنية في الجزائر
تاريخ زواجه ، إسم الزوجة

إذا أردتي التأكد من تلك القصة يكفي سحب شهادة ميلاده من البلدية في مدينتك

و إنتهى الأمر

[الجواهر]

اجراءات تسجيل العقد في الخارج تطول و الى ان تظهر الحقيقة امامك حلان اما المشاكل و الشك و تكسار الراس و في الاخير يحدث الانفصال و اما الصبر ..صبر ايوب حتى يذوب الثلج و يظهر المرج كما يقول المثل و في رايي ان تصبري و لكن كوني حذرة في علاقتك معه يعني ماتحرقيش روحك بالدخلات و الخرجات هو يروح لا قدر الله و يخليك مع كلام الناس .. تصرفي بحكمة

[بشـرى]

حتى وإن كان خطيبك لم يتزوج تلك المرأة يبقى في الحكاية إن
أنا أنصحك بالتريث في عقد الزواج والإكثار من الإستخارة ، وأسألوا جيدا عن الخاطب ، فهذه حياة وعشرة عمر

[loubna87]

ربي يكون في عونك ختي . صعيبة بزاف . في الأول قالت لك زوجي ز مدلت لك الدلائل و دوك قالت لك لا و بلوكات كل شي . غموض يسود القضية و كل هذا ليس واضحا . زيدي تأكدي

[زبدة ذايبة]

ماراكيش رايحة تتخذي قرار حاسم في هذه اللحظات للأسف

راكي رايحة تبقاي هكذا حتى تكون عندك القوة باش تتخذي القرار الصائب والصحيح وهو أن تتركي هذا الرجل ؟؟؟؟

الشي اللي راكي تديري فيه الآن هو أنك راكي تبحثي على دليل برائته ليس إلا

بالتالي ستواصلين في مشروع الزواج بسبب العاطفة العمياء

ستصطدمين بالواقع الحقيقي فأنت الآن لاترين سوى بعيون الحبيبة التي لاتستطيع أن تترك (الرجل)

للأسف واقع الزواج مختلف كل الاختلاف عن هذا الذي تسعرين به.

لاداعي للشك إذن والبحث

عاطفتك هي من يقرر .

المهم انت جربي تواصلي معاه ومددي فترة الخطوبة ممكن تظهر أشياء كانت غايبة عنك

لكا صدقيني لن تصلي لنتيجة إذا بقيت عاطفتك مسيطرة على عقلك

لأنك حتى وإن شاهدت عقد الزواج بها فستقولين :

إمرأة كبيرة في السن تزوجا بسبب الطموح وسينفصل عنها وسأكون إلى جانبه

الواقع لايبنى بالأحلام والعواطف ياابنتي

شوفي لمصلحتك مع زوج يحترمك ويحترم أسرتك

وليس مع زوج يهينك حتى قبل أن تكوني له زوجة

خليك من كلام المسلسلات والأفلام " الحب وما الحب" هذا كامل كلام فارغ

راح يطير الحب مع السقلة "الكف" الأولى اللي يعطيهالك لما توقفي في طريق طموحو

وياريت يتوقف الأمر على كف واحد فقط.

[أم عبد الكريم]

إذا أردتي التأكد من تلك القصة يكفي سحب شهادة ميلاده من البلدية في مدينتك

و إنتهى الأمر

اردت فقط التعقيب ......انا عندي 4 سنوات زواج و شهادة ميلاد نتاع زوجي مخرجش فيها متزوج ...نحن في الجزاىر كلشي ممكن

[Basketteuse]

يا اختي تريثي، ولا تتسرعي يجب ان تعملي تحقيق دقيق، الزواج ليس لعبة! انا زوحي حكيتله حكايتك،بحكم انه مقيم في فرنسا قاللي يمكن يتزوج بيها عادي في فرنسا ومايخرجش في شهادة الميلاد هنا! وقالي قادر راهو عايش معاها بدون زواج يعني زنى والعياذ بالله، وقالي الكثير يعملو هك من اجل اكتساب الحنسية، يعني خطيبك هذا جاتو فرصة مع عجوزة ماحبش يفوتها، يعني اذا صلحتلو باي باي عليك، واذا ماصلحتش راهو عندو باه يتوانس! افيقي يا اختي لا تضيعي حياتك من احل حب في قلبك ، الاحسن انك تشوفي اخوك الأكبر يحققلك بسرية تامة !
ونزيد ننصحك اختي ديري صلاة الاستخارة ، ربي هو اللي عالم

[abdoguat]

يا أختي أنا أنصحك بما أنك تحبينه و هو خطيبك يعني الأقرب أنه يكون يحبك
و لا أظن أنه تم زواج فلمدة قصيرة (عزايز فرنسا ما يمنوش فساع) يمكن كان ناوي وإنت لحقتيه
يا أختي صارحيه قوليلو أحكيلي لي كنت ناويه ومهما واش يكون نسامحك بشرط متعاودش هكذا يحكيلك
متحصريهش للكذب ومنبعد تقولي زاد كذب عليي
إن شاء الله تعياي تقوليلو (روح إشري لحليب لولدك راه جاع )
إن شاء الله غير الخير

[ام البنوتة]

اختي لي قالولك لوكان يكون عقد معاها ما يقدرش يعقد معاك راهم غااالطين..
العقد تاعو اذا كان صح راه دارو في فرنسا و كي يعقد معاك راه يديرو في الجزائر
ردي بالك تدخلي في متاهة كيما دخلوها لي قبلك
سقسي في القنصلية و حلي امورك بالعقل ماشي بالعاطفة خاطر من بعد تندمي و مايفيدكش الندم

[نصيرة الإسلام]

السلام عليكم

أختي انا مع رأي من سبقوني في انك تكوني حذرة و لا تتبعي العواطف لأن هذا زواج و ليس لعب
:
و أنا اقول ....لنفترض أن قصة زواجه بهذه العجوز لم تكن أصلا و ان ما يقوله صحيح ( انها صديقة فقط ) حسنا ؟
:
يعني مجرد أن عجوز فرنسية صديقة لخطيبك ( هذا يدعو للشك) ..و مجرد أنها كذبت عليك في الأول ( هذا يعني تاني هي عينها فيه و ربما هو كذلك ) يعني اسالي نفسك (ان كانت حقا صديقة ما الذي دعاها للكذب و و ),,و مجرد انها حاولت ان تصلح الامر و وصل بها الامر إلى إغلاق الفايس بوك ( يعني راه هدر معاها اكيد و طلب منها تعاود ترجع فهدرتها معاك حتى لا تشكين في الامر) ..ثم هو طلب منك تجي معاه تتأكدي ( و حتى يقطع شكك نهائيا) ..و الله أختي الامر بكامله يدعو إلى الشك و الريبة ,,يعني واحد لي عاقل و يفهم ما تفوتش عليه مثل هذه الكذبة ( و لكن يقال الحب اعمى) لهذا أنت مازلت لم تدركي الامر ( و هو يستغل ذلك كونك تحبيه)
:
و الله اعلم يمكن يكون عنده حق و ربما هو فقط يمضي الوقت في الدردشة معها ( و إن كان هذا ايضا لا يجوز)
:
و لهذا اختي أنصحك كالبقية ....حذار ثم حذار ثم حذار ..حاوولي تمديد فترة الخطوبة و كوني ذكية ,اطلبي منه تفسير للقصة و ان التمستي منه الكذب و الخداع و التهرب ,( فلا تظهري له انك تشكين فيه لانه سيزيد من حرصه ان كان حقا يخدعك .. و من جهة اخرى تحري في علاقاته )
:
و استخيري الله و اكثري من الدعاء في أن يريك طريق الصواب و يبعد عنك البلاء
:
ربي يفرج عليك اختي
و السلام عليكم

[ام ايمان16]

قصتك معقدة بزااف وكيما قالولك لازم تدي وقت بزااف للتفكير والتاكد من صدق خطيبك
لانو لو سمح الله كان يكذب عليك وتمكن من اقناعك بالعكس وتزوجتم فكوني واثقة انه سيواصل الكذب عليك في الكثير من الامور ويكون من السهل اقناعه لك بماانه استطاع ان يقنعك بامر كبير يخص زواجه او عدم زواجه

فتريثي كثيييييييييييرا قبل الاقدام على الزواج مادمتي مازلتي في بر الامان ولا تدعي امر العاطفة تتحكم فيه وممكن تخلي خطيبك يقتنع انك تحبيه ولن تتركيه مهمها فعل لك

اذا كنتي تبحثين عن المجال القانوني فيوجد هنا قسم قانوني اذا اردتي

http://www.djelfa.info/vb/showthread.php?t=695530

[نور لاتراه]

ثقي بالله
فان احسنتي به الظن لن يخيبك

[rima1979]

تريثي اختي

[hawa19]

استخيري اختي و اكثري من الدعاإء

[ذكرى أبي]

أنا على حساب الحكاية نظن بلي كان عايش معاها concubinage على جال الجنسية ما شي عقد زواج باين ، و المرا قاتلك زوجي لاخاطر حشمت تقولك عايشة معاه برك، على بيها قالك أرواحي معايا للقنصلية و شهادة الميلاد ماراح يبان فيها والو.
و هذا خطيبك وينتا راهو معول يتزوج بيك ؟ وكي تتزوجو يديك معاه ولا يخليك هنا ، إيلا يديك و راكي متأكدة أمالا نحي الوسواس من راسك بالاك على جال الكواغط برك .
ويلا رايح يعقد عليك و يخليك هنا ، يجوز بيك الوقت كي يجي و عندو لخرا لهيه هاذي ما ننصحكش بيها رايحة تغبني روحك.
رأيي الأخير قولي لباباك ولا لخوك يدبر راسو يسقسيه ولا يسقسي كاش واحد في فرنسا

[براءة سامية]

في هذه الحالة عليك ان تبقي معه و تتحرين الامر بسرية تاامة .