ماذا افعل معه

[مشكلتي]

السلام عليكم ورحمة الله وبركاته

أنا فتاة ادرس بالمراسلة في السنة ثالثة ثانوي يعني الباك
في المراسلة الوزارة مخصتلنا موقع نقراو فيه
ونقدروا نبعثوا رسائل خاصة لبعضانا
العام الماضي كنت ثانية ثانوي وحكيت مع واحد واعطاني رقمه وعيطتلوا بالماسكي وهو من نفس مدينتي ويعرفني في الوجه ويعرف دارنا
بصح انا مانعرفوش
وكي رحنا نعقبو شهادة اثبات المستوى جاء شافني واقفة مع واحد ماهدرش معايا وانا مانعرفوش
انا عمري قتلوا نحبك ولاّ ......وحده هو يلي حبني
المهم العام هذا درتلوا حجب اتصال على خاطر حكى لطفلة وهي حكاتلي
زاد بعثلي مع طفلة باه نحي الحجب زدت درتلها ليها حجب
زاد بعثلي مع واحد قالي مشيت معاك بالنية وانت مع هاذاك وانت تاع مادة وزاد كتب رقم الهاتف بالرغم كنت نعيطلوا بالماسكي
والهاتف تاع أمي وقالي الحجب مايحكمنيش نقدر نعيطلك في أي وقت

انصحوني واش ندير الله يرضى عليكم رايحة نهبل
وشريحة الهاتف مانقدرش نكسرها لأنها تابعة للشركة ووالدي يرجعها


أرجو من الإدارة وضع موضوعي فقد كتبته سابقا لكنّه لم ينشر

[مراد سابقا]

انت داخلة في علاقة محرمة وتقولين لنا ماذا افعل باختصار انهي كل شيء وما ادراك لربما يسجل مكالماتك ومبعد يفضحك

صح ناقصات عقل ودين

[خالد عنابي2]

اسلوبكي في التعاطي مع المشكلة هو الخاطئ
قيامك بعمل الحجب له ثم الحجب للوسيطة التي بعث معها الكلام فهم منه انكي تهربين منه وهذا ما جعله يسعى ورائكي
انزعي الحجب وان عاود الاتصال بكي اخبريه باسلوب مؤدب انكي اخطئتي في وضع الحجب وانه تصرف لاداعي له لكن يجب ان تتوقفي عن الكلام معه وتمني له ان يجد الفتاة التي تناسبه وتفهمه

[نورسين.داية]

بلوكيه ما أسهلها و نزيد نبعثلو مساج راني بلوكيتك

[رحمةز]

السلام عليكم اختي
نصيحتي ليك كملي قرايتك واستخدم الموقع لما وضع له فقط .....
لاداعي لاقامة علاقات مشبوهة..وعلى فكرة ماكانش صداقة بين الرجل والمراة فلا داعي للكذب على انفسنا
اما فيما يتعلق برقم الهاتف عادي تجاهلي اتصالاته وراح يمل مع الوقت لما مايلقاش استجابة وتفاعل منك.
ونصيحتي ليك اختي التاي بقرايتك وبس والعلاقات المحرمة بعدي عليها وديري في بالك اذا والديك ماشافوكش رب راه يشوف فيك .
واحذري اصدقاء السوء

[نور لاتراه]

السلام عليكم ورحمة الله وبركاته

أنا فتاة ادرس بالمراسلة في السنة ثالثة ثانوي يعني الباك
في المراسلة الوزارة مخصتلنا موقع نقراو فيه
ونقدروا نبعثوا رسائل خاصة لبعضانا
العام الماضي كنت ثانية ثانوي وحكيت مع واحد واعطاني رقمه وعيطتلوا بالماسكي وهو من نفس مدينتي ويعرفني في الوجه ويعرف دارنا
بصح انا مانعرفوش
وكي رحنا نعقبو شهادة اثبات المستوى جاء شافني واقفة مع واحد ماهدرش معايا وانا مانعرفوش
انا عمري قتلوا نحبك ولاّ ......وحده هو يلي حبني
المهم العام هذا درتلوا حجب اتصال على خاطر حكى لطفلة وهي حكاتلي
زاد بعثلي مع طفلة باه نحي الحجب زدت درتلها ليها حجب
زاد بعثلي مع واحد قالي مشيت معاك بالنية وانت مع هاذاك وانت تاع مادة وزاد كتب رقم الهاتف بالرغم كنت نعيطلوا بالماسكي
والهاتف تاع أمي وقالي الحجب مايحكمنيش نقدر نعيطلك في أي وقت

انصحوني واش ندير الله يرضى عليكم رايحة نهبل
وشريحة الهاتف مانقدرش نكسرها لأنها تابعة للشركة ووالدي يرجعها


أرجو من الإدارة وضع موضوعي فقد كتبته سابقا لكنّه لم ينشر
لن اكون مثالية
ولن اعلق بالنقد على القصة
لان هناك سيتولى الدور
المهم الحل
استغفري الله كثيرا
وحاولي ان تستدركي مغفرة الله فباب التوبة مفتوحا ان كانت توبتك نصوحة
عسى الله يسترك لكي تبدا حياة مستقيمة

[الجواهر]

كيفاه يعرفك ؟ هل تضعون اسماءكم الحقيقية ام ماذا ؟
و هل انت تعرفينه بالوجه ؟؟ انا لم افهم القصة جيدا .. تنقصها بعض التفاصيل لتكون واضحة
المهم ان الرجل يهدد الفتاة التي تقيم علاقة معه حين تريد ان تنهي العلاقة حتى ترضخ له ... و كل ما تحكي معاه يزيد الامر تعقيد اذن لا تردي على اي رسالة و لا تخافي منه مارايح ادير والو .. ينبح كي الكلب و يسكت ..عسى ان تكون القصة عيرة لنا جميعا و اقصد النساء

[Minawapa20]

ما فهمتش ، المهم ربي يهدينا و خلاص .. هدا النوع ما يحشمش و يبقى هكا ..يقلق فيك خاصة كي زدتي رفضتيه .. الافضل قولي لباباك

[mino 13]

تجنبيه
حسب رأيي هدا الانسان لن ياتي منه عند اي خير
حتي لو حاول محادثتك قول له انك لا تريدين التحدث معه لانه لا تربط به اي علاقة ولا تريدين تحدث معه اصلا

[AMINA.Z]

التهرب ليس حل
انت تقولين بانه فهمك خطئا و اعتقد انك تحبينه و الان يظن انك تخونينه
ههههه يا لسذاجة المراهقين خفة عقولهم
المهم
اخبريه بانه فهمك خطئا و بانك لا تريد اي صلة به و اعتذري لان دردشتك معه في البداية كانت سببا في تعلقه بك.
و يا اختي نصييييييييحة
اخطيك من التواصل مع الشباب ..لانو النتيجة راح تكون ديما هاك ...يا انتي تتكلحي يا هو يتكلح.

[yassino13]

لي راكي تقولي عليها صحبتك خدعاتك و اعطاتلو رقمك انتيا متناقضه خطر محباش تحكي معاه و ديرلو حضر و من بعد تحكي لصحبتك عليه

[ملكة في المنفى]

كان الله في عونك اختي ربي معاك ماتخافيش منو و ثان

[ملكة في المنفى]

ولا داعي للقلق والتفكير خليه يدز معاهم ويندب

[(( هبة الرحمن ))]

أعتقد أنك صغيرة في السن ، فأسلوبك في التعامل مع المشكلة يوحي بذلك

لا تحملي الكرة الأرضية فوق رأسك ، عادي ما تحكيش معاه وخلاص راح يكره ويمل ويبحث عن أخرى .

[القائدة]

اختي كيما قالولك الإخوة هالشي محرم و مانيش رح نزيد على كلامهم و نصائحهم ، راكي عارفة صلاحك و عارفة الصح من الغالط .

[سالوني]

السلام عليكم
ما بني على باطل فهو باطل منذ البداية
فطريق الحرام لن يؤدي إلا لمثيله
بعكس طريق الحلال
أنا لا أفتي لست من أهل الإختصاص
ولكن الواقع أكبر دليل وخير اثبات
هداك أختي وهدانا أجمعين لصراطه المستقيم