نحوس نسقسيكم على الدوبارة البسكرية

[ام ايمان16]

السلام عليكم

نحوس نسقسيكم على الدوبارة البسكرية واش هي طريقتها بالضبط والسررتاعها وين

وهل كي نغليو الحمص وحدو بعد مانشمخوه الماء لي غلا فيه الحمص هو لي كون المرقة نتاع الدوبارة؟

ممكن الطريقة بالتفصيل للي تعرفها ؟

[أم ياسين الزهراء]

كاين تاع ام كوثر ادخلي للبروفيل انتاعها تلقاي الوصفة ومنبعد نزيدلك تاع ام اياد

[rose de sable s]

ماء لي طاب فيه هو مرق دوبارة

[rose de sable s]

لصوص مطيبش ادا عندك اسال راني هنا

[الزوجة البارة]

اختي على حساب علمي انا نسكن هنا في بسكرة
السر تاع الدوبارة في الخلكة انتاعها و لكن مهما ديريها في الدار متجيش كيما تاع المحلات تاع الدوبارة
شوفي هوما تلقايهم حاطين عدة اطباق كبيرة بلا منهدرو على الحمص اول الفول الي كل من الحمص و الفول يكون في ماه الي طاب فيه اكيد
و من باعد كي يصبلك من الحمص مثلا بماه يزيدلك مغرف تاع لوش من هريسة مدوبة في شوية ماه و تاني طماطم مصبرة مدوبة تاني في ماء و طكاطم حب مقطعة رقيق مش مرحية و زيد طرشي حار قارص و خليط التوابل هنا في بسكرة اهم تابل هو راس الحانوت و صدقيني مدقتش كيفو في دزاير اكل يخدموه بطريقة روعة و زيت الزيتون و شوية كمون و دبشة اكيد ونتي تخلطي بالصحة و الهناء

[ام ايمان16]

يعطيكم الصحة اخوات
ايه نحوس نديرها ومافهمتش طريقتها بالتفصيل
ممكن تقولوهالي راني شمخت الحمص ومن بعد واش ندير؟
وهل يديرو معاها الفول اليابس ولا الحمص برك
وكيفاش يديرو لاصوص؟

[ام ايمان16]

اختي على حساب علمي انا نسكن هنا في بسكرة
السر تاع الدوبارة في الخلكة انتاعها و لكن مهما ديريها في الدار متجيش كيما تاع المحلات تاع الدوبارة
شوفي هوما تلقايهم حاطين عدة اطباق كبيرة بلا منهدرو على الحمص اول الفول الي كل من الحمص و الفول يكون في ماه الي طاب فيه اكيد
و من باعد كي يصبلك من الحمص مثلا بماه يزيدلك مغرف تاع لوش من هريسة مدوبة في شوية ماه و تاني طماطم مصبرة مدوبة تاني في ماء و طكاطم حب مقطعة رقيق مش مرحية و زيد طرشي حار قارص و خليط التوابل هنا في بسكرة اهم تابل هو راس الحانوت و صدقيني مدقتش كيفو في دزاير اكل يخدموه بطريقة روعة و زيت الزيتون و شوية كمون و دبشة اكيد ونتي تخلطي بالصحة و الهناء

يعني الحمص يقعد بماه لي غلى وطاب فيه

ومن بعد يحطوه في طبسي لي ياكلو فيه باش يزيدو يديرو الهريسة والطماطم والتوابل؟

[ام ايمان16]

كاين تاع ام كوثر ادخلي للبروفيل انتاعها تلقاي الوصفة ومنبعد نزيدلك تاع ام اياد

حوست في مواضيع ام كوثر لقيت حمص المطاعم ماشي الدوبارة؟:mh31::mh31:

[rose de sable s]

كايم لي يدير حمص و كاين لي يدير فول
انت طيبي حمص مليح حتان نشوفية قريب يدوب وقي نص طياب ديرولو ملح
ديري لصوص طماطم حب و ثوم تربيهم او تسكرفجيهم +طماطم مصبرة +بهرات(في بسكرة يتباع بهرات تبنن اكل) +هريسة فلفل حار+دبشة مقطعة+ضوية ملح تهلطهم او تمحريهم باه يطلع حرارة فلفل شوية مرق حمص خاثر تخلطي +زيت زيتون

[rose de sable s]

ماء لي يطيب فيه حمص هو مرق لي تزيديلو لصوص
و لصوص مطيبش

[rose de sable s]

السلام عليكم اليوم جبتلكم الدبارة البسكرية و لكم المقادير.
المقادير.
1كلغ فول ذات النوعية الجيدة . 2مغارف قهوة من مادة الحمض التي تستعمل في تحضير المثلج الحامض krèponi. و عاء بلاستيكي للترناخ. مقدار مغرف اكل كربنات. 4 فلفلات يابسين حمر حارين. ثوم. زيت زيتون. هريسة . فلفل حار مقطع رقيق. طماطم علب. طماطم مرحية. طماطم مقطعة الى قطع رقيقة. دبشة . فلفل بومنقوع او الطرشي كما يسماء في بعض الولايات الاخرة . قارص. و الكمون الاخضر ارطب.
طريقة التحضير.
اولا نرنخ الفول في البلاستيك. من الساعة 13h00 بعد الزوال الى غاية 18h00 مساء. ثم نغير الماء و نغسلو و نعاود ماء جديد و كربنات جديدة و هذا الى غايت 23h00 ثم نغير الماء و ندير ماء جديد و كربنات جديدة. ويبقى هكذا حت الصباح. و في الصباح نحطو ايطيب بالماء تاعو و الكربنات تاعو . ونزيدلو كمية الحامض و الفلفلات اليابسين. و سنات ثوم باش تعود السوس تاعو بنينة لانو طاب بالماء لي بات فيه من الحادي عشر ليلا حت الصباح . اما الملح فهو ممنوع حت ايطيب الفول تماما ثم نقدر نزيد الملح و يغلي شوي فقط يدخلو الملح . و الان الفول تاعنا راهو خلاص طاب.
طريقة التقديم.
نحط في صحن التقديم زيت الزيتون حوالى مغرف اكل و نصف. و نزيد الهريسة . الطماطم علب. الطماطم المرحية و المقطعة الى قطع صغيرة. و الفلفل الحار مخلط مع الثوم المقطع الة قطع صغيرة جيدا. نتحصل على كتلة من هذا الخليط. اذا نفتح هذه الكتلة في شوي من الماء لي طاب فيه الفول. اضن هذا مفهوم. و بعد ما نتحصل علة صوص ثقيلة نزيد نلوح الفول فقط دون صوص. و نحاول نخلط الخليط جيدا و نزيد قليل من الكمون الاخضر و قليل من الزيت الزيتون . و نزيد نلوح شوي الدبشة. و نزين الصحن بالقارص و البمنقوع و يقدم . هنيئا مريئا بالصح و الهنا هذه الدبارة البسكرية الحقيقية الاصيلة .بالتوفيق للجميع مع تحيات الشاف ناصر توني

[rose de sable s]

https://www.youtube.com/watch?v=GPFnGJ25ats

https://www.youtube.com/watch?v=4Rg4-V-aLMM

[rose de sable s]

انت ادا عمدك حمص مرنخ طيبيه

[ام ايمان16]

ايه عندي حمص شمختو بالصح نطيبو فيالليل باش يكون واجد للعشا ونديرها ان شاء الله

يعطيكم الصحة

[rose de sable s]

راهو في ليل يثقل من احسن غداء

[ام ايمان16]

راهو في ليل يثقل من احسن غداء

علبالي من الافضل في لغدا لكن راجلي مايجيش للغدا يسمى لازم نديرها للعشا :1:

[أم ياسين الزهراء]

عندك هدو

تاع ام كوثر هي نفسها الدوبارة

http://www.djelfa.info/vb/showthread.php?t=1198208

وهدي نتاعي


http://www.djelfa.info/vb/showthread.php?t=1447475


وهدي تاع ام اياد

http://www.djelfa.info/vb/showthread.php?t=1263000&highlight=%CF%E6%C8%C7%D1%C9+%C8%D3%DF%D1%ED%C9


وكاين بزاف وصفات انت ديري دوبارة بسكرية دوق يخرجولك الوصفات

[منى 92]

سلام
حكمي الفول شمخيه في الماء ليلة كاملة ومبعد في الصباح بدليلو الماء وطيبيه وزديلو ورق رند وفلفل احمر وكمون وخليه يطيب مليح
ومن جهة اخرى حضري لصوص
طماطم وفلفل وتوم وكروية ديرهم في المهراس ومبعد زديلو الطماطم المصبرة والزيت وكي يطيب الفول زديلو هادي لصوص وخلطي والملح تاني وفي الاخير دير زيت زيتون
وبصحة وعافية

[منى 92]

كي يطيب خليه الماء نتاعو وفرغي فيه لاصوص وحركي وزيدي التوابل والهريسة ووو وووو

[منى 92]

نفسها بالحمص تاني

[ام ايمان16]

شكرا ام ياسين
راني زدت لقيت هاذي
http://www.djelfa.info/vb/showthread.php?t=953515

ضرك نقراهم كامل وندير المفيد والخلاصة نتاع الوصفة

لانو كل واحد وكيفاش يطيبها
كاين لي غلي الحمص وحدو
وكاين لي غليه مع الملح او البيكاربونات
وكاين لي غليه بالتوابل

نجرب ونشوف واشمن خالوطة رايحة تخرجلي ونحطهالكم ان شاء الله هههههه

[ام ايمان16]

سلام
حكمي الفول شمخيه في الماء ليلة كاملة ومبعد في الصباح بدليلو الماء وطيبيه وزديلو ورق رند وفلفل احمر وكمون وخليه يطيب مليح
ومن جهة اخرى حضري لصوص
طماطم وفلفل وتوم وكروية ديرهم في المهراس ومبعد زديلو الطماطم المصبرة والزيت وكي يطيب الفول زديلو هادي لصوص وخلطي والملح تاني وفي الاخير دير زيت زيتون
وبصحة وعافية

كي يطيب خليه الماء نتاعو وفرغي فيه لاصوص وحركي وزيدي التوابل والهريسة ووو وووو

نفسها بالحمص تاني

شكرا منى على الوصفة



نجرب واش قلتولي بالحمص ونشوف :mh31:

لانو ماعنديش الفول اليابس بالقشور

عندي الفول اليابس بلاقشور؟يسمى مايصلحش فيها؟

[منى 92]

لالا مايصلحش بلا قشور ا

[ام ايمان16]

يعطيكم الصحة اخواتي كي عاونتوني باش ندير الدوبارة
راني درتها لبارح وعجبتني وعجبت زوجي
وجبتلكم طبسي معايا

http://1.bp.blogspot.com/-ncviZk0NY1s/Vk14P0cazOI/AAAAAAAABoo/0jrbnBtcl-8/s320/Photo2608.jpg

بارك الله فيكم

[الزوجة البارة]

بصحتك حبيبتي راهي تبان بنينة مع انو تاع بسكرة تكون زايدة حمورية برك
عندي تنويه فقط
هنا في بسكرة كاين الي يدير دوبارة مخلطة يعني فول و حمص و كاين الي يدير فول برك او حمص برك
شوفي الفول اليابس يبيتوه ليلتين في الماء مع التغيير كل ليلة و المرة القانية يزيدولو كربونات هدي الحلية باش يجي الفول طايب و شاد روحو و الغدوة راكي تبدلي الماء و تحطيه يغلي حتى يطيب
و لاصوص متغليش مع الفول او الحمص لاااا
كي يطيب الفول و يكون سخون او الحمص طبعا او النوعين ادا حبيتي و تحطي في الصحن تصبي لاصوص و تحركي عمرهم ميغليو جميع و بالصحة و الهناء

[ام ايمان16]

بصحتك حبيبتي راهي تبان بنينة مع انو تاع بسكرة تكون زايدة حمورية برك
عندي تنويه فقط
هنا في بسكرة كاين الي يدير دوبارة مخلطة يعني فول و حمص و كاين الي يدير فول برك او حمص برك
شوفي الفول اليابس يبيتوه ليلتين في الماء مع التغيير كل ليلة و المرة القانية يزيدولو كربونات هدي الحلية باش يجي الفول طايب و شاد روحو و الغدوة راكي تبدلي الماء و تحطيه يغلي حتى يطيب
و لاصوص متغليش مع الفول او الحمص لاااا
كي يطيب الفول و يكون سخون او الحمص طبعا او النوعين ادا حبيتي و تحطي في الصحن تصبي لاصوص و تحركي عمرهم ميغليو جميع و بالصحة و الهناء


بارك الله فيك اختي
غدوا راه نعاود نديرها بناءا على طلب زوجي قالي عاوديها واليوم جابلي الفول اليابس باش نزيدو معاها

يعني راح نضطر نبيتو هاذي الليلة برك وغدوا صباح نطيبو هو والحمص ونخلطهم ونديرهم في زوج

يعني نقدر ضرك كي نشمخ الفول نديرلو خميرة كيميائية باش يسهل في طيابو غدوا؟

والحمورية راجلي ماحبهاش حمرا بزااف يقولي باش ماتجيش ثقيلة

ولاصوص ماطيبتهاش خليتها نية وزدتها في طبسي الحمص بالمرقة تاعو كي طاب.


لكن سؤال :هل عندما ناكل البهارات بدون طهو هل يكون ذلك صحي؟ لان لاصوص ماتطيبش؟

[الزوجة البارة]

بارك الله فيك اختي
غدوا راه نعاود نديرها بناءا على طلب زوجي قالي عاوديها واليوم جابلي الفول اليابس باش نزيدو معاها

يعني راح نضطر نبيتو هاذي الليلة برك وغدوا صباح نطيبو هو والحمص ونخلطهم ونديرهم في زوج

يعني نقدر ضرك كي نشمخ الفول نديرلو خميرة كيميائية باش يسهل في طيابو غدوا؟

والحمورية راجلي ماحبهاش حمرا بزااف يقولي باش ماتجيش ثقيلة

ولاصوص ماطيبتهاش خليتها نية وزدتها في طبسي الحمص بالمرقة تاعو كي طاب.


لكن سؤال :هل عندما ناكل البهارات بدون طهو هل يكون ذلك صحي؟ لان لاصوص ماتطيبش؟
شوفي وين ناكل الدوبارة يحكمني عداب الضمير نقول التوابل نية بصح نقول في نفسي ياخي مرة برك مش كل يوم راهي متضرش متكثريش العكري بزاف هو الي يحرق المعدة و شهية طيبة