زوجي سبب تعاستي

[مشكلتي]

السلام عليكم
حابة نستشيركم في امر زوجي كرهلي حياتي حابة نطلق بصح مالقيتش شكون يساندني خايفة نتسرع في قراري
هوانسان عصبي بزاف حقود وقلبو اسود كل ما ندير حاجة حتى لوكان صغيرة ما يخليليش حتى لو نعتذر هذو عامين زواج كل يوم وانا نبكي يغلط ونرجع ليه رانا نستناو في نتيجة التلقيح وانا اليوم درت التحليل ولقيت روحي حامل ما خلانيش نفرح بهذا الخبر نكد عيا من قبيل وانا نبكي مع انو سبب تاخر الحمل منو بصح هكذاك ماوش راحمني منذ قليل قالي كي تروحي لاني *في دارنا لانو الطبيب اغطاني الراحة *
تسلكيها غالية الي لبارح شنفتي عليا قدام داركم ماعرفت كيفاش ندير نعندو ونكبروها ولا نصمطو ساعدوني ربي يخليكم
مانيش حابة نسمع دارنا بالمشاكل تاعي لانهم ماشي ناقصين

[قاصِرَةُ الطّرْف]

السلام عليكم
لا حول ولا قوة إلا بالله ..واقع متعب ...و مزعج ...كفلم الرعب و ربما اشد رعبا ...يا أختي حوالي ان تصبري و لا تكبري الموضوع و لا تزيديه فوق حجمه ... حاولي ان تكوني ريحا فيها بردا و سلاما على النار التي تخرج من لهيب غضب زوجك ...لا تنظري لجانبه السلبي دائما ...يعني ألا تتذكرين منه شيء جيد وطيب ؟ ..حاولي ان تحتوي غضبه بذكاء و لا تخربي بيتك بسهولة ...كوني ذكية ..فإن لم تستطيعي حاولي ان تجدي حَكَمًا من اهلك و اهله ليصلح بينكما بالتي هي احسن ..فإن لم يصلح الحال إستخدمي بقية الأوراق ...فإن لم تجدي نفعا ...ففك الرابطة الزوجية هي ابغض الحلال عند الله و الحمد لله شرعها الله لنا عندما تستحيل العشرة الزوجية ..وفقك الله و يسر الله أمركما ...و الله اعلم

[طيور الجنان]

اختي العزيزة ماتخربيش حياتك و ماتسمعي حتى واحد اصبري وانشالله يكون هاذ الحمل رابطة وصل بيناتكم بالاك كي يشوف وليدو و لا بنتو يتهدن و انت تاني اختي دوك كي يوليو عندك ولاد تشوفي ليهم ماتبقايش ديري عليه. ربي يجعل السكينة بيناتكم ادعي ربي و اكثري من الاستغفار .

[أم ريتاج زهرة]

يا أختي ربي يهنيك و حل الطلاق خليه الحل الأخير و إنشاء الله ما توصليلوش و راكي قلتيها( مانيش حابة نسمع دارنا بالمشاكل تاعي لانهم ماشي ناقصين) الصبر مفتاح الفرج و الطلاق مش مليح و خصوصا راكي في إنتضار مولود جديد نتمنى من كل قلبي يرزقك الذرية الصالحة و إنشاء الله كي يشوف البيبي قدامه يتكالما بالتوفيق أختي و الله يسمعنا سماع الخير عليك حبيبتي طمنينا عليك أختي سلام

[نور الملاك]

الله يهديه ويصلح أحوالكم أختي متتسرعيش الطلاق ماشي ساهل ان شاء الله هاد البيبي يكون وجه خير عليكم

[جيجلية]

السلام عليكم ورحمة الله وبركاته

اختي ربي يصلح حالك مع زوجك ويجعل بينكم المودة والرحمة

احنا ما نقدروش نحكموا على زوجك من هدرتك لأن الانسان دايما ما يشوفش صفاته السيئة ويضع الكاميرا على الآخر

اختي بلاك انت تاني تنرفزيه بتصرفاتك حاولي تتعرفي على اسباب نرفزة زوجك وتجنبيها

اغمريه بالحب والاهتمام

[أم أسماء وعبد الرحمن]

السلام عليكم ورحمة الله اختي انصحك بالصبر و الدعاء خاصة فرج الله كربتك

[نسيم الريح ش]

ادعي ربي يهديه ويحنن قلبه عليك ربي يصلح حالكم

[souadamina]

صمتييييييييييييييييييييييييييييييييه وماتعانديهش وعيشي حياتك بالطول والعرض وافرحي بالحمل نتاعك .

[blanche rose]

السلام عليكم

عزيزتي كلنا مررنا بمشاكل زوجية..
كل وحدة فينا تقول أنا درت المستحيل لكن هو لا..الخ

أنا شخصيا مريت بمشكل كبير..لكن الحمد لله فرجت

في السنوات الأولى أنتمنا في مرحلة تعارف
والمشكل الرئيسي في هذه المرحلة هو سوء الفهم

القلوب تسود بسبب سوء الفهم

مثلا
تحكيلو حكاية على وحدة وراجلها..يقول راهي تمعني عليا وتقعد نقطة كحلة في قلبو..

وبدل ما يحكيلك عن استياؤوا يولي يتصرف تصرفات عنيفة معك وعصبية كردة فعل

بخصوص التشناف اللي قالك عليك
ايه
هذا سوء فهم ثاني

نتي تحاولي تبيني بلي غايضك الحال هو يفهمها تشناف..

المفروض نشوفو رواحنا فالمراية كي نزعفو باش نعرفو ازواجنا كيفاش يشوفونا ههههه

قالك كي تجي نتفاهمو
قوليلو طيب يا شرير..بدلع طبعا هههه
ابعثيلو مسجات رومنسية

ما تخليهش يغلي وحدو..وفي بالو شنفتي وتكبرتي عليه..

حاولي تلقاي الطريقة باش توصلي لقلبو..

دارلك حاجة مليحة اشكريه
حتى لو جابلك خبز..

لوكان جات نيتو سيئة معاك ما يقبلش بفكرة التلقيييييح
أصلا ما يحبش ذراري منك

يقول نطلقها ونجيب أخرى أحسن


عن تجربتي الشخصية ..عرفت أن ما حدث لي من مشاكل تأديب من الله عز وجل
فبعد زواجي عشقت زوجي بجنون..وقل ايماني
وهذا خطأ..
يجب أن يمتلأ القلب بحب الله أولا وبعده الزوج..الخ

حبي لزوجي لم يشفع لي عنده
لأن الله عاقبني بأن يلاحظ كل الناس عشقي له إلا زوجي..


في تلك الفترة شغلت نفسي بالانترنت و
كانت أغلب المواضيع ..الله يغار إن رآك تحب غيره..

وبما أني مشتركة في عدة صفحات ومجموعات ثقافية ودينية..كانت تصلني مواضيع متنوعة..

في كل منها درس..

خلاصة كل تلك الدروس أن كل شيء بيد الله..
وبيد الله أن يجعل القلوب تحبك أو تكرهك..

بعد فترة من الضغوط والانهيار والتفكير..
اكتشفت أن لا الحكمة ولا الحب و لا ولا تنفع إن لم يرد الله ذلك

فمهما كانت الحلول لن تنجح
لسبب واحد أن الله لم يأذن بذلك..

اكتشفت أني فشلت..واعترفت أني فشلت
وعلمت أن خطئي الكبير أن ايماني نقص..

وحبي لزوجي جعلني لا أرى سواه..
وحتى حبي له في فترة ما توقف.. بسبب صدمتي..

يئست تماما وعدت لله عز وجل بقلبي لا بالعبادة فقط

فالايمان يشترط حضور القلب
انكسرت أمامه
اعترفت بضعفي..بخطئي..
صليت..استغفرت..قرات القرآن.. الأذكار
تصدقت
لم أحس أن ممسك الصدقة محتاج..بل أحسست أنني المحتاجة لأن يمسكها..

دعوت الله بقلب منكسر معترف..
بعد شهووور ..كدت أفقد الأمل فيها

كشف الله من أرادوا بنا شرا وابعدهم
وجعل بيننا المصلح
وجعلنا نقرا ونسمع ما يفيدنا
وهدأ النفوس..

الآن عندما يمتلئ قلبي حبا لزوجي أقول في قلبي..أنت أولا إلهي..وحبي لزوجي نعمة أنت من أعطاني اياها لأعيش بسعادة

أتعلمين
بعد كل ما حدث بيني وبين زوجي.. عادت المياه لمجاريها..وما مررنا به بقي في الذاكرة نعم لكن كدرس.. كذكريات فقط..

عودي لله عز وجل واقرئي المواضيع التي تتحدث عن كيفية كسب الزوج..

ايماننا جميعا بين قوة وضعف
فعندما تحدث لي مشاكل او امرض او او..أعرف أنني مخطئة أو مقصرة في أمر ما..

الله رؤوف كريم..
اتكلي عليه وسوف ترين
ربي يسعدك

[خالد عنابي2]

عليكي الاستعانة باخصائي او اخصائية نفسية تفيدينها بكل التفاصيل لكي تفيدكي بالطريقة المثلى في التعامل مع زوجك

ان لم تنفع تلك الطريقة فلا حل سوى الفراق .

[ام سارة18]

اختي نقولك صبري شوية الاعوام اللوليين نتاع الزواج ديما فيهم مشاكل العقلية ماشي كيف كيف بالك انت تحبي حاجة هو يكرها مبعد تعرفو بعضاكم مليح ومع الاولاد ان شاء الله تنشغلو وينقصو المشاكل والطلاق اخر حل

[balkice sanam]

السلام عليكم

عزيزتي كلنا مررنا بمشاكل زوجية..
كل وحدة فينا تقول أنا درت المستحيل لكن هو لا..الخ

أنا شخصيا مريت بمشكل كبير..لكن الحمد لله فرجت

في السنوات الأولى أنتمنا في مرحلة تعارف
والمشكل الرئيسي في هذه المرحلة هو سوء الفهم

القلوب تسود بسبب سوء الفهم

مثلا
تحكيلو حكاية على وحدة وراجلها..يقول راهي تمعني عليا وتقعد نقطة كحلة في قلبو..

وبدل ما يحكيلك عن استياؤوا يولي يتصرف تصرفات عنيفة معك وعصبية كردة فعل

بخصوص التشناف اللي قالك عليك
ايه
هذا سوء فهم ثاني

نتي تحاولي تبيني بلي غايضك الحال هو يفهمها تشناف..

المفروض نشوفو رواحنا فالمراية كي نزعفو باش نعرفو ازواجنا كيفاش يشوفونا ههههه

قالك كي تجي نتفاهمو
قوليلو طيب يا شرير..بدلع طبعا هههه
ابعثيلو مسجات رومنسية

ما تخليهش يغلي وحدو..وفي بالو شنفتي وتكبرتي عليه..

حاولي تلقاي الطريقة باش توصلي لقلبو..

دارلك حاجة مليحة اشكريه
حتى لو جابلك خبز..

لوكان جات نيتو سيئة معاك ما يقبلش بفكرة التلقيييييح
أصلا ما يحبش ذراري منك

يقول نطلقها ونجيب أخرى أحسن


عن تجربتي الشخصية ..عرفت أن ما حدث لي من مشاكل تأديب من الله عز وجل
فبعد زواجي عشقت زوجي بجنون..وقل ايماني
وهذا خطأ..
يجب أن يمتلأ القلب بحب الله أولا وبعده الزوج..الخ

حبي لزوجي لم يشفع لي عنده
لأن الله عاقبني بأن يلاحظ كل الناس عشقي له إلا زوجي..


في تلك الفترة شغلت نفسي بالانترنت
وكانت أغلب المواضيع ..الله يغار إن رآك تحب غيره..

وبما أني شتركة في عدة صفحات ومجموعات ثقافية ودينية..كانت تصلني مواضيع متنوعة..

في كل منها درس..

خلاصة كل تلك الدروس أن كل شيء بيد الله..
وبيد الله أن يجعل القلوب تحبك أو تكرهك..

بعد فترة من الضغوط والانهيار والتفكير..
اكتشفت أن لا الحكمة ولا الحب و لا ولا تنفع إن لم يرد الله ذلك

فمهما كانت الحلول لن تنجح
لسبب واحد أن الله لم يأذن بذلك..

اكتشفت أني فشلت..واعترفت أني فشلت
وعلمت أن خطئي الكبير أن ايماني نقص..

وحبي لزوجي جعلني لا أرى سواه..
وحتى حبي له في فترة ما توقف.. بسبب صدمتي..

يئست تماما وعدت لله عز وجل بقلبي لا بالعبادة فقط

فالايمان يشترط حضور القلب
انكسرت أمامه
اعترفت بضعفي..بخطئي..
صليت..استغفرت..قرات القرآن.. الأذكار
تصدقت
لم أحس أن ممسك الصدقة محتاج..بل أحسست أنني المحتاجة لأن يمسكها..

دعوت الله بقلب منكسر معترف..
فكشف الله من أرادوا بنا شرا وابعدهم
وجعل بيننا المصلح
وجعلنا نقرا ونسمع ما يفيدنا
وهدأ النفوس..

الآن عندما يمتلئ قلبي حبا لزوجي أقول في قلبي..أنت أولا إلهي..وحبي لزوجي نعمة أنت من أعطاني اياها لأعيش بسعادة

أتعلمين
بعد كل ما حدث بيني وبين زوجي.. عادت المياه لمجاريها..وما مررنا به بقي في الذاكرة نعم لكن كدرس.. كذكريات فقط..

عودي لله عز وجل واقرئي المواضيع التي تتحدث عن كيفية كسب الزوج..

ايماننا جميعا بين قوة وضعف
فعندما تحدث لي مشاكل او امرض او او..أعرف أنني مخطئة أو مقصرة في أمر ما..

الله رؤوف كريم..
اتكلي عليه وسوف ترين
ربي يسعدك




ماشاء الله
ربي يجعل ما كتبتي في ميزان حسناتك
لأن الكل يستفيد ليس فقط صاحب المشكلة

[balkice sanam]

كيما قالولك متتسرعيش الحياة ليست سهلة اصبري و تعلمي كفاش تتعاملي مع زوجك و حاولي البحث عن مفاتيحه

[صفاء الروح]

ربي يصلح لحوال

[lمنال]

شوفي اختي الاعوام الاولى من الزواج دائما تقع فيها مشاكل بين الزوجين حتى ولو كانو من قبل يحبو بعضاهم انا انقلك على طريقة كنت انديرها باش ما تقعش مواجهة راكي عارفة بلي ساعات كي تتكلمي مع واحد باش تفهمي منو ما يخليكش تتكلمي ومن بعد الواحد يقلق و يبدا يتفوه بكلام من بعد يندم عليه شوفي اذا كان راجلك عندو ايمايل وتعرفي انه ديما يدخل يشوف الامايل انتاعو واذا لا ابعتيلو ميساج في الموبايل انتاعو وانا انفضل الايمايل باش تكتبي في راحتك واش اتحبي دائما كي تبدي تكتبيلو قوليلو بانك تحبيه وووووو انخليك انتي وخيالك ومن بعد تقوليلو واش راهو مقلق بدون ما تجرحيه وما تنسايش تقوليلو اذا راكي انتي قلقتيه في حاجة بدون قصد يقولهالك بالاك انتي مكيشي واخذة بالك وفي الاخير زيدي ذكريه بانك تحبيه
ونزيدك حاجة وحدة اخرى ما تنسيش راكي حامل وهرمونات المراة في هاد الفترة راهي متغيرة و انتي تاني راكي تكوني حساسة اكثر من اللزوم حاولي انك ما تعانديهش و حسيه راكي تحني عليه ماش خاطي بالكلام راهي الافعال ساعات تكون اكثر
ربي يفرج عليك اختي وان شاء الله راهي مرحلة وتفوت ما تستعجليش للطلاق خاصة وانتي الان حامل كلنا مرينا بمشاكل اول الزواج يكذب عليك اللي يقول عكس هاذا الكلام لكن كل واحد راهو مسكر بابو وساكت
اكثري من الاستغفار على الاقل الف مرة في اليوم والدعاء في االسجود وادعي وقولي لا اله الا انت سبحانك اني كنت من الظالمين لانه ثبت للرسول صلى الله عليه وسلم وصى بقول هاذا الدعاء والاستجابة من عند الله اكيدة كوني واثقة ان الله سيستجيب لكي
ان شاء الله كنت خففت عليك بعض من الالم ربي يوفقك وما تنسيش اتفرحينا باخبار سارة ان شاء الله ;)

[blanche rose]

ماشاء الله
ربي يجعل ما كتبتي في ميزان حسناتك
لأن الكل يستفيد ليس فقط صاحب المشكلة

اللهم آمين يا رب أجمعين
الزوج كي يكون عصبي ويمكر مع زوجته وووو معناه غايضو الحال منها هنا لازم تحاول تحوس على الخطأ اللي ارتكباتو

مع الوقت رايحة تعرف واش يزعفو وواش لالا وهو تاني

لكن كيما قلت قبل كل شيء لازم تقوية الايمان
أتمنى أن تبشرنا صاحبة المشكلة بخبر مفرح عما قريييب
ربي يحفظك حبيبتي

[نور لاتراه]

السلام عليكم
حابة نستشيركم في امر زوجي كرهلي حياتي حابة نطلق بصح مالقيتش شكون يساندني خايفة نتسرع في قراري
هوانسان عصبي بزاف حقود وقلبو اسود كل ما ندير حاجة حتى لوكان صغيرة ما يخليليش حتى لو نعتذر هذو عامين زواج كل يوم وانا نبكي يغلط ونرجع ليه رانا نستناو في نتيجة التلقيح وانا اليوم درت التحليل ولقيت روحي حامل ما خلانيش نفرح بهذا الخبر نكد عيا من قبيل وانا نبكي مع انو سبب تاخر الحمل منو بصح هكذاك ماوش راحمني منذ قليل قالي كي تروحي لاني *في دارنا لانو الطبيب اغطاني الراحة *
تسلكيها غالية الي لبارح شنفتي عليا قدام داركم ماعرفت كيفاش ندير نعندو ونكبروها ولا نصمطو ساعدوني ربي يخليكم
مانيش حابة نسمع دارنا بالمشاكل تاعي لانهم ماشي ناقصين
اعطاك الله هدية
وترين حياتك جحيم لانك ربطي كل الصفات السلبية به
بالتاكيد لم تكن هذه نظرتك في البداية
قيمي نفسك واين مكمنالخطا وحاولي معالجته
لماذا الهرب من اول تحدي
الحوار ودهاء المرا يغير مالا تتصورينه

[AMINA.Z]

بالنسبة لي
ان لم تكن الخيانة و الاساءة الجسدية و النفسية المستمرة .. فالطلاق ليس حلا اوليا
فارى ان الباقي يمكن تحمله و محاولة اصلاحه
ان كان عصبيا ...فالاحسن تجنبه في لحظات غضبه و عدم مواجهته و معاندته.
ان اتهمك فقابلي اتهاماته بالصمت و ان اصر عليك لتجيبيه فقولي له ربي يهديك و اتركيه.
هدفك الاول الان هو الحفاظ على صحتك من اجل ابنك ....و زوجك عليه ان يتعلم كيف يحترمك و كيف يمسك غضبه ....كوني صبورة فقط و التزمي الهدوء الصمت ( باختصار حطيه في الثقيل ....مي واجباتك ديريهم باه ما يحكمش عليك اي غلطة)
ربي يفرج عليك

[radia25]

اختي صفي نيتك وخليك انسانة مؤمنة وقنوعة واكيد الناس كامل فيها عيوب والصدامات هادو يصراو دايما بين الازواج ومبعد ترجع الحياة عادية
انت برك تحملي شوية وشوفي للايجابيات في العلاقة تاعك معاه واكيد مع الوقت تفرج وانت تاني راجعي نفسك وكيما قدرتي تحاسبيه حاسبي روحك تاني سعات احنا نقفلو عقولنا ونبقاو نعسو برك في الطرف الاخر وننساو بلي احنا تاني طرف في العلاقة على بيها انا نقول تريتي وما تهدميش الحياة الي بيناتكم وانا متاكدة بلي يحبك كيما انت تحبيه ربي يهدي سركم ويرزقكم بالذرية الصالحة

[مومي23]

يا اختي واحد ما يقدر يدبر عليك في امر مثل هدا
صعب واحد اقلك طلقي
صعب جدا
لكن توكلي على الله و فكري جيدا ادا الانسان هدا مافيه حتى صفة ملاحة مايصرفش عليك يبخلش مايقدركش مايحترمكش
انا افضل ان الزواج ينتهي احسن ما يكثرو الاولاد و روحو ضحية
وفقك الله

[القائدة]

يا ريت تنتبهوا لكيفية كتابة ان شاء الله
و ليس انشالله !

اما صاحبة المشكلة
فعلا وضعك لا تحسدين عليه
لو كنت في ضروفك هذه غيررررر حامل لقلت لك تطلقي منه ، طبعا بعد تجريب كل المحاولات معه دون نتيجة إيجابية
و لكن مع حمل جديد صعيبة شوي
نامل ان يكون حملك سببا في تليين طباع زوجك و تغيره نحو الأفضل
في الوقت الحالي حافظي على حملك لكي لا يسقط ، لان التلقيح مش سهل و قد يسقط بكل سهولة (طبعا بمشيئة الله فبيده الامر كله )
و في نفس الوقت ، اذا هو نقراز بزاف و يقدد الراس ماتعانديهش خليه يهدر و يعيط حتان يتعب و يسكت ، و كي يضربوه الخيوط رح يحسم على روحو ، و نتي كيما قالت احد الأخوات عيشي حياتك في دار باباك كولي مليح خاصة الحوت مفيد للجنين حتى يتماسك ، و بيض عرب ، و الكيوي و البنان و اشربي حليب الناقة يعني قلشي روحك في داركم و امشي معاه غير بالعقل حتان يتريقل . و لقدر الله لقدر الله طاح البيبي عاودي فكري في علاقتك معاه يا يسقم روحو يا الطلاق .