mohammeding
2015-11-12, 18:45
السلام عليكم انا سجلت هاد العام باكالوريا احرار لغات اجنبية خصص اسبانية علما اني لم ادرسها من قبل الا انني احب هده اللغة واقوم بدراستها كهواية هل يمكن ان انجح في شهادة الباكالوريا و ما هو برنامج المراجعة الدي تنصحوني به
وعليكم السلام ورحمة الله تعالى وبركاته
بما انك راك تقراها كهواية راح تلقى روحك فيها ان شاء الله
ان شاء الله ياربي تنجح
فيما يخص برنامج المراجعة حاول كيفاش تنظم وقتك كل مادة مدلها حقها فاللغات حل المواضيع لفاتو هكذا باش تكون عندك فكرة
تاني فاللغة العربية روح للقسم تاع اللغة العربية تلقى فيها مراجعة تاع الدروس
الرياضيات تاني حل المواضيع لفاتو وشوف في youtube تلقى دروس مفيدة
مواد تاع الحفظ حاول تفهم ودير ملخصات وحدك
والفلسفة راهي تعتمد على الفهم غير اقوال الفلاسفة احفظهم وتاني لازم تعرف كيفاش دير المنهجية
بالتوفيق