ارجو المساعده

[مشكلتي]

اريد المساعده او نصيحه

بنتى عنها 16 سنة كانت نعمة التربية اساتيدة وين ما نروح يشكروها حتى قلت راها كبرت بنتى وراها تعرف صلاحها اااااااااااااااااااااااااااااااااااااااااااااااااا اه رانى مدمرة
عام لى فات فوتت الشهادة وما ربحتش كنت مراقبتها فى كلش لكن كى عاودت قالى با باها انتى سبابها خليها تقرى وحدها خليتها بدات تتمشى مع وحدة انا اى قتلها تمشى معاها لكن هد الوحدة من تحت الدواهى
المهم تعرفت على واحد وسلوكه مشبوه ومش مليح وتاع ادمان وكانت تخرج معاه وقت الدراسه وتقول زادونا الاساتذه سوايع
رغم اني نبهتها من قبل وقلت لها انه اذا صادف وتبعك خبريني نقول لباباك

حتى جانى لخبر من عند ناس الخير قالو اجرو شوفو بنتك مع من راها تخرج
رجعت لدار وانا فى دوامة وبديت نتفكر السوايع الزيادة اااااااااااااااااااااااااااااااااااااااااهلى هما من بدايت شهر اكتوبر
درك واش ندير وميفاش نتصرف معاها بديت نعسها ونراقبها هل هادا يكفي
بماذا تنصحوني

[- بصمة خير -]

اهم و انجح حل ليها
الدعاء
ديري قيام الليل
و ادعيلها
************
ربي يوفقك و يحفظلك بنتك
و ان شاء الله يدخل الموضوع اللي يقدر يفيدك بحلول
عملية

[amran6688]

تظاهري وكأنك غاضبة منها دون أن تذكري لها اسم الشخص

اعملي نفسك راك غاضبة وكأنك موش عاجبك تصرفها

ولاتحدثيها الا قليلا

وراقبي كيف تتصرف هل تترك هذا الشخص أم لا

لانها يبقالها اتخيرك انت او هو

وشيء واضح أنه ستختار أمها على أي واحد في العالم ودائما حدثيها

على طاعة الوالدين وش قال عليهم الله تعالى

والرسول /ص/ والعلماء حسب ماتعرفي دون أن تعرف القصد من ذلك

وشكرا

[•~ندية الجوري~•]

السّلام عليكم و رحمة الله و بركاته ...~
ــ

أختي الفاضلة أعانكِ الله و وفّقكَِ لكل خير

كلنا نعرف أنّ هذا العُمر حَرِج عند الأبناء
و المُربّي يحتاج إلى وعي سلوكيات أبنائه حتى يُحافظ عليهم
من الإنسياق وراء عواطفهم و حُبهم للإستقلاليّة و تجريب الجديد

و اهم ركيزة في التّعامل مع من هم في سنِّ إبنتكِ حفظها الله و أصلحها

أن لا تكون قسوة في التّعامل و لا ضغط كبير
فذلك ينتج عليه الكثير من العِناد
و الإصرار على إرتكاب الحماقات

واضح من كتابتكِ أنّكٍ أمٌّ طيبة تتسمُ بالهدوء
و الرّويّــة في التّعامل مع مشاكـــلِ أبنائها

لكي لا أطيلَ الكلام

أنتِ عرفتِ الدّاء .... و مُسبّباته
و الحمد لله أنّ الله لطف بكِ و عرفتِ ذلك و مُبكّراً

بلطافتكِ و رويّتكَِ المُعتادة ... أبعدي إبنتكِ عن صديقة السّوء

و صارحي ابنتكِ بمخاوفكِ عنها بطريقة غير مُباشرة
و القصص ما أكثرها
التي قد تردعها و تُبعدها عن ما ترغبه في طريقها هاته

لا تمنعيها بالقوّة او بالتّهديد
لأنّ ذلك يزيد من إصرارها

ثمَّ ما فهمتُه و الله أعلم
أنكِ كنتِ على علمٍ أنّ هناك شخص يُلاحقها
و هي الآن تُحادثه
قد يكون بضغطٍ و تهديدٍ منه ..رضخت
أو برغبةٍ منها لعيشِ مُغامرة
بذكائكِ اعرفي السّبب و عالجيه

و شاركيها نشطاتها و العِبادات

و أكيد أكيد
دُعاء الأم تُفتحُ له أبواب السّماوات

الله يجيب الخير
و يصلح الأحوال
.

[الجزائرية 2010]

نصيحة مني ماتراقبيهاش كوني انتي صحبتها وماتخليلهاش وقت فراغ باش تخالط البنات
الحمدلله طول حياتي نخالط البنات لكن ناخذ حذري منهم وهذا بفضل والدتي ربي يحفظها كانت ولا زالت لي كأخت وصديقة وكل شيء
لذلك نصيحة مني انا كتجربة عشتها امي جعلت من نفسها كل شيء نحتاجه في هاذ الدنيا ونصيحة من امي بحكم عندها تجربة تقولك حاولي تكوني صديفتها بالاخص فترة المراهقة انتي تقربي منها كثير وماتخليهاش تحس كانك امها فقط تغلط تعاقبيها صاحبيها وقربيها ليك

[•~ندية الجوري~•]

المهم تعرفت على واحد وسلوكه مشبوه ومش مليح وتاع ادمان


كــ إظافة ؛؛؛
قولكِ هذا ما جعلني أظنُّها تُسايره بغير رغبةٍ منها أو تهديدٍ منه

و كونه ذا سُمعةٍ سيِّئة و معروف عليه الإدمان ؛؛
هذا شيء وحده يبعثُ على القلق

فتّشي أشياءها خِفية عنها [ فقط لتطمئني ]
و لا انصحكِ أن يكون سلوكٌ دائم
لأنّه غير مُحبّب
******

و بما أنّك قلتِ انها فتاة صالحة مشهودٌ لها و الحمد لله
أكيد هي الآن تعيش حــالة من الصّراع النّفسي الدّاخلي
بينما تربّتْ عنه و ترعرعت عليه أفكارها و سلوكياتها
و بين ما تُمليه الصّديقة و المُحيط الذي كلّنا نعرفه
و ما حلّ به من إنحلال عندَ بعضِ شباب اليوم

هي تحاول السّير في هذا الطّريق حتى تُساير التّطوّرات و لا يُقال عنها مُعقّدة

قرّبيها لكِ أكثر ؛؛ و تفهمي احتياجاتها
و ما تمرُّ به ؛؛ صادقيها و صارحيها و افتحي لها الباب لكي تُصارحكِ
بما في داخلها
كوني لها اختً و أمّاً و صديقة و ذلك في حدود الإحترام و الطّاعة طبعاً

اصغي اليها كثيراً و افتحي مجال الحوار الدّائم معها
في كلّ جوانبِ الحياة و ما تهتمُ هي بــه

؛؛؛؛؛
أشغلي وقتها حالياً ؛؛ برنامجها لازم يكون ممتلئ
من غير الدّراســة ؛؛ أعطيها أعمال تقوم بيها في البيت
لتنشغل و تقضي وقتها
بعيداً عن كلّ المُشاهدات في التّلفاز و ما نعرفه جميعاً
من رومنسيات واهية تلوّث عقول الفتيات

و أخيراً
عليكِ أن تكوني حازمـــة معها بلطف
حتى تمرَّ بهذه المرحلة بسلام
و تصلي معها إلى سلوكٍ سوي

ــ

[kameljijeli]

السلام عليكم
هذا ليس وقت المراقبة والعسة, هذا وقت الحزم ياإمرأة, إبنتك في طريق الخطرومع صغر سنها يمكن أن يؤثر عليها صديقها المدمن ويفقدها أغلى ماتملك. أنصحك بالحزم معها, أجلسي معها وأخبريها بصراحة ما يجري والخطر المحدق بها, وإذا لم تسمع لك أخبري والدها مباشرة بدون لف ولا دوران. أنا حائر في هذا النوع من الآباء, يخافون التحدث حتى مع أبنائهم رغم خطورة الأمر,و أين هم من آباء الأمس من الحزم و الشدة عند اللزوم و حسن التدبير

[optimism]

السلام عليكم
هل هذا يكفي ؟؟؟؟؟
هذا يعود الى مامدى قابلية ابنتك للتغير,,,,,,,,,,,وانت ادرى
كما يقول المثل ,,,,,,,الحر بالغمزة والبرهوش بالدبزة
اذا لم تتغير ,,,,,,,فذلك لايكف
وانت ام ,,,,,,,,,,وابواب السماء مفتوحة لك للدعاء
سلام

[- بصمة خير -]

كيفاش نتم كل حاجة عندكم الدعاء كفيل بها ؟

وحدة تقول زوجي يخونني تقولون لها الدعاء !!

وحدة تقول ابنتي تخرج مع شخص منحرف تقولون لها الدعاء ؟

هذه مشاكل تحتاج الى تصرف ونصائح تطبيقية الدعاء دون الاخذ بالاسباب ما عندو ما يدير

مليحة اديا بنتها تخرج مع واحد تع ادمان وسلوك مشبوه وهي تكتفي بالدعاء !!!!!!!!!!!!

بل اهم وانجع حل هو الرقابة والتهديد باخبار الاب وزيارة المؤسسة التربوية من حين الى اخر للاطلاع على الاوضاع


يا أخي لو قريت ردي مليح
قلت لها
ان شاء الله يدخل للموضوع اللي يقدر يفيدها بحلول عملية لاني انا ماعنديش فكرة كيفاه تتصرف في هذا الموقف
بالاضافة للدعاء
و الدعاء يصنع المعجزات
حبيت تقتنع او ماحبيتش
ممكن تدعي و ربي يهديها كيفاه تتصرف في هذا الموقف
ممكن يصرا حاجة لبنتها تولي بنتها تفطن و تحبس
و ممكن و ممكن و ممكن
.............

[yasmine700]

ما لازم تنتظري باش تتصرفي راكي تقولي بلي راه تقولك زادولهم قرايۃ وهي منعرف وين تروح معاه بنتك في خطر انقذيها قبل فوات الاوان واخبري والدها ادا ما كانتش تخاف منك انا نعرف حالات كيما هاك وصلوا حت هربوا معاهم وخرجوا من الدار بنتك في هذا السن لازم يكون عندها قرايتها وبس ربي يوفقك

[AMINA.Z]

احكميها و قوليلها ارواحي نحكيو انا و انت
و قوليلها واش سمعتي و اسمعي منها كلش
اعرفي واش راهي حابة كي راهي تخرح مع واحد واش لقات عندو
و فهميها
بلي الطفلة بلا سمعة راهي قمامة
و الطفلة ماش معروفة باسمها راهي معروفة ببنت فلان و فلانة
خليها تحس بلي قادرة تكون سباب في ذل العائلة و فقدان سمعتها
شيء اخر ....اذا بنتك تلبس الفيزو و ما شابه ...اسمحيلي نقولك راكم سبب في هاذ الضياع
علاه هي من بين كل البنات دار بيها هاذ الانسان و قدر يوقعها
احكي معاها بحنانة
مي الخلاصة لازم تكون بصرامة
قولها راكي كبيرة و تعرفي واش قال ربي و واش قلت ...
حاحة اخرى الاحسن تخليك ديما على تواصل مع الاساتذة باه تعرفي البرنامج تاعها و ما تزيدش تكلحك بحكاية زادونا السوايع و اذا تحتمت اديها و جبيها
حتى تستعقل
ربي يفرج عليكم