واش رايكم

[مشكلتي]

السلام عليكم ورحمة الله تعالى وبركاته
اليوم بالصدفة تلاقيت صاحبتي الانتيم ل5 سنين واحنا كفكيف لقيتها تزوجت وراهي بالحمل و الله تشوكيت راني نقول انتيم صح في الاونة الاخيرة ماكناش نتلقاو كنت انا لنبادلر نعيط و مرة نقولها نخرجو مي هي لالا قلت اعليش كل واحد وظروفه تخيلو مي با رفعت الهاتف وقالتلي راكي معروضة للعرس مع انها قالتلي انتي اللولة وزيد تقولهالي وانا اصلا ظروفي ماتسمحليس نخرج في الليل مالا انا كيشفتها اليو قلتلها كلشي مروك ماردتليش مباشرة قلتلي ونتي ماكان والو قلتلها والو قالتلي مازلكي صغيرة حتى انها ماحولتش تقولي نسيت ولا اي حاجة والله ماني حسودة مي حسستني باني هكدك عيني تعمرو بالدموع وكي جات رايحة واش قالتلي متانساس عيطيلي شغل هي ماعنهاش باش تعيط هدا غير مثال راني دايما نتشوكا في العباد مع اني والله معاملتي طيبة مع الغاشي مرات نحس روحي جايحة علاش يتعاملو هكدا صحابتك وحدة تلقاك في الطريق تبدل عينها وحدة ماترفدش عليك البورطابلوحدة تضحكلك في وجهك وتقول فيك في غيابك وكل وحدة كيفاش لدرجة اني وليت نحس روحي مكروهة بين الناس وبعض الاحيان نتمنى باش تكون عندي صاحبتي لنقدر نحكي معاها كلش رجعت للدار هابطلي المورال و ضايقة فيا علابالي الشكوة الى الله لكن ماباليد حيلة
ربي اشرح لي صدري و يسر لي امري واحلل عقدة من لساني يفقه قولي

[طيور الجنان]

حنونة ماتتشوكايش مازلت تشوفي في الدنيا هذا ماكان والو ماديريش في بالك كاين ناس مايحبوش يهدرو تبانلهم بللي يحسدوهم و يغيرو منهم و نقولك حاجة اللي بدلك بالفول بدلو بقشورو.

[blanche rose]

يااااه

مازلت في البداية عزيزتي

هذه الأمور ما عادت تصدمني
صدقيني المهم في أيامنا هذه هو أن يبعدوا شرورهم عنك فقط..

أما الباقي فلا تهتمي له

حبيبتي تريدين صديقة؟؟
الانترنت أفضل
تعرفي على فتاة لا تعرفينها ولا تعرفك وستسمعك وتساعدك في حل مشاكلك وتفكر فيك أفضل ممن هن قريبات منك

ولا أقصد تواصل مباشر...او شات ..او ماشابه.يكفي في المنتديات

هذا ما استنتجته الآن..

أما صديقات الواقع فاجعلي حديثك معهن عام فقط

لا تنتظري الكثير من أحد حتى لا تنصدمي..

افعلي الخير ولا يهم إن لم يفعلوا مثلك..

ربي بسعدك

[thorpe]

توخدي رايي امسحي رقمها وما تزيديش تعاملي معاها نهائيا لانها بهذه التصرفات الجافية هي من ارادت خسرانك
فهذه عداوة بصراحة
اعتدت عليك بجرح مشاعرك
وربي سبحانو يقول
فمن اعتدى عليكم فاعتدوا عليه بمثل ما اعتدى عليكم

خطيك منها نهائيا حتى واذا حاولت تتواصل معاك ما تتواصليش معاها
ربي يجيب الخير وين وصل وقتنا

[minina2601]

السلام عليكم ورحمة الله وبركاته
وسعس خاطرك حبيبتي وننصحك ان تنسي الامر نهائيا علاش لانه مكاش حل اخر ونحكيلك على نفسي لانو صرالي تقريبا نفس الموقف فما كان على الا ان محوت رقمها ومزدتش فكرت فيها والله ارتحت ولو صادف يوم والتقيتها راح القي السلام عليها عادي كاي فتاة اخرى اعرفها وبالتالي ربحت الدنيا الاخرة ان شاء الله تحية طيبة لك اختي

[minina2601]

وبما انك انسانة طيبة ماشاءالله عليك استغلي هاد الفرصة القيمة باش تمثلي الاسلام احسن تمثيل وهذا شرف ليك اليس كذلك؟وانشاء الله ربي يلاقيك خير بالناس الطيبين بارك الله فيك

[أم عبد الكريم]

هاذو هوما الصحابات نتاع وقتنا هاذا تحكيلها سرك من غدوة تعايرك بيه متقلقي روحك متعمري راسك بيها....،صاحبتك هي امك و اختك و الباقي مكان والو متزيديش تعيطيلها هكا تتهناي

[missara15]

ما تشوكاي ما والو مع الوقت توالفي حنا رانا تقهمنا من هاد المواضيع انا كاين اخبار سمعتهم من الفيسبوك و ان لا خبر ... قالك الا من عندي و عندك تنطبع ويلا من عندي برك تنقطع و نتي وكلي ربي و تلهاي بروحك و بوالديك و خوتك و خليك من الغاشي الراشي

[اسعى لرضى الله]

ديري كما انا صحاباتي كامل فتهم منحكي حتى مع وحدة دكا ابار عندي صحبتي انتيم تاع الصح تحكيلي كلش ونحكيلها كلش اما لغاشي معندي مندير بيه وزيد تربحي راحتك

[GOFRANEKRABI]

يا حسراه ياختي ، تعيشي وتشوفي وتسمعي كتر انا واش كانو عندي صحابات ، بكري كنت حاطة بلي نبقاو متلايمين ، بصح دنيا غرارة ، ولعباد تتبدل فيسع ،، ليوم معاك يضحكولك غدوة يهدرو فيك ، ونتي ﻻخبر ، ليوم واش خلاني وحدي من زوجي واوﻻدي ، معندي حد ، ساعات نقول انا لي صافابا وساعات نقول نعمة من عند ربي ، منمنشر في حد منربح عيب حد ، طيشي عليك ، حنونة متمرضي روجك ، لي باعك بيعيه ، من والديك وخواتاتك وخوتك ، متندمي على فراق حد ،

[وصال سلام]

شوفي لي قالوه كااامل راهو هو الصح

الصحابات مافيهم فايدة كلهم نتاع صلاااااح ومصلحتهم وبس انا يااااااااااااااهوا وين سيبريمتهم من حياتي ولقيت صحابات هنا في المنتدى اصدق واخلص من الواقع والله

عندي كعيبات برك راني معاهم واكثريتهم من المنتدى
ماعدتش نقلق روحي ابدا تكويت كثيييييييييييييييير
نوورمال ماتقلقيش روحك الطيب في هذا الوقت يحقروه هزي روحك على الناس دوكا يقيموك راني بديت نطبق فيها

ونخليك مع وش قال نزار قباني

114621

[مرتضى 1100]

السلام عليكم ......اعطيك نصيحة لا تحكمي على صديقتك صارحيها اولا فربما لها أسباب ....تذكري قصة الخضر و النبي موسى عليهما السلام .

[biks]

السلام عليكم

في الحقيقة أنا أستغرب من بعض الفتياة و هن يقلن: صديقتي intime لأنه حسب تجربتي الشخصية لا توجد صداقة حقيقية و إنما نفاق متبادل بين الصديقات و الأصدقاء.

ألا تعلم الفتيات بأن الغيرة موجودة عند الجميع نساء و رجال بدون إستثناء، فرجاءا لا تكوني مصدومة أو أي شيء آخر.

[AMINA.Z]

يبدو بانك لحد الان لم تجدي صديقة بمعنى الكلمة
لا عليك انسي امر هؤلاء
و كوني دائما طيبة و سياتي اليوم التي تجدين فيه صديقة جيدة
لا تياسي
شخصيا لا املك اخوات ...و لكن صديقاتي مميزات و انا احبهن و اصبحن اخوات لي
لذلك ارى الصداقة شيئا جميلا يستحق البحث عنه. بالتوفيق

[AhmedKesmia]

من أقوال الشافعي في الصديق:
إِذا المَرءُ لا يَرعاكَ إِلّا تَكَلُّفاً فَدَعهُ وَلا تُكثِر عَلَيهِ التَأَسُّفا
فَفِي النَّاسِ أبْدَالٌ وَفي التَّرْكِ رَاحة ٌ وفي القلبِ صبرٌ للحبيب ولو جفا
فَمَا كُلُّ مَنْ تَهْوَاهُ يَهْوَاكَ قلبهُ وَلا كلُّ مَنْ صَافَيْتَه لَكَ قَدْ صَفَا
إذا لم يكن صفو الوداد طبيعة ً فلا خيرَ في ودٍ يجيءُ تكلُّفا
ولا خيرَ في خلٍّ يخونُ خليلهُ ويلقاهُ من بعدِ المودَّة ِ بالجفا
وَيُنْكِرُ عَيْشاً قَدْ تَقَادَمَ عَهْدُهُ وَيُظْهِرُ سِرًّا كان بِالأَمْسِ قَدْ خَفَا
سَلامٌ عَلَى الدُّنْيَا إذا لَمْ يَكُنْ بِهَا صديق صدوق صادق الوعد منصفا