صابلي أو غريبية؟....المهم اممممم رااااائع

[ماريا.م]

السلام عليكم ورحمة الله وبركاته

درت اليوم هاذ القاطو وكي عجبني قلت نشارككم الوصفة
في الحقيقة هو مزيج بين الصابلي والغريبية ،يقرمش لكن
مايقهمش كيما الغريبية
http://cdn.top4top.co/i_1b64fceee01.jpg http://cdn.top4top.co/i_1b64fceee02.jpg
المقادير:
نصف كاس سمن ذايب نديرو في الثلاجة يعاود يجمد
نصف كاس زيت
كاس غير شوية سكر رطب
حبة بيض + 1 صفار
كاس لوز بقشورو محمص ومرحي رقيييق
4 ملاعق فرينة محمصة
ملعقة صغيرة خميرة كيميائية
فرينة

الطريقة :
نخلط السمن والزيت والسكر ملييييح حتى يولي المزيج كريمي أبيض

http://cdn.top4top.co/i_2f4d447c0c1.jpg

نضيف باقي المكونات بالترتيب
نضيف الفرينة حتى نتحصل على عجينة متماسكة
أنا شكلتها بطريقتين :
الأولى طبعتها بهاذ المول

http://cdn.top4top.co/i_69e4cdbbe61.jpg

والثانية حليتها بالحلال وطبعت أشكال مختلفة

http://cdn.top4top.co/i_efc74a5c3c1.jpg

دهنتها ببياض البيض وذرذرت عليها اللوز محمص ومرحي خشييين
طيبتها 15 دقيقة تقريبا على 160 درجة
والشكل الأول كي طابت درتلها معجون ولوز محمص في الوسط

* ممكن تعوضو السمن بالمرغرين طرية،،، واللوز بالكوكاو أو أي مكسرات تحبوها،،، والمربى بنوتيلا أو كراميل
*هاذ القاطو مايجيش حلو بزاف ،،،اللي تحب الحلاوة تدير كاس معمر سكر

نتمنى تجربوها وتعجبكم لأنها فعلا بنييينة وتذوب في الفم

في أمان الله

[wissem173]

يعطيك الصحة... تبان بنينة.. عجبني الشكل الاول...

[شمس الشتاء]

هايل يعطيك الصحة ساطبقه قريبا ان شاء الله

[أم باسم]

يعطيك الصحة يالحبيبة متقون وبنين اكيد قيد التجريب نقدر نديرو بالمغارين؟ لاني مانحبش السمن في القاطو ؟:19::19::19:

[om kamilia]

شكرا ماريا على الوصفةة هايلة باذن الله نجربها

[ماريا.م]

يعطيك الصحة يالحبيبة متقون وبنين اكيد قيد التجريب نقدر نديرو بالمغارين؟ لاني مانحبش السمن في القاطو ؟:19::19::19:
الله يسلمك اختي ،جربيه وقوليلي رايك
وأكييييد تقدري تديريه بالمارغرين ،أنا كنت موجدة السمن باش ندير غريبية ، لكن لأنها ميدومة بزاف بدلت الوصفة

[ماريا.م]

شكرا ماريا على الوصفةة هايلة باذن الله نجربها
الله يسلمك اختي ،،،في انتظار تطبيقك
أسعدني مرورك

[ماريا.م]

يعطيك الصحة... تبان بنينة.. عجبني الشكل الاول...
الله يسلمك اختي.....شكرا على المرور

[ماريا.م]

هايل يعطيك الصحة ساطبقه قريبا ان شاء الله
الله يسلمك اختي،اسعدني مرورك....في انتظار التطبيق

[ام نوردين]

ماشاء الله روووووووووووووعة باين بنين الله يجازيك كل خير وشكراا على الوصفة

[سرور2]

شكرااختي هايل باذن الله نجربو وصفة ساهلة ومقادير كاينة في كل بلاصة بلاك نبدل الشكل برك

لوسمحتي هاذي الكمية وشحال خرجتلك من حبة

[ماريا.م]

ماشاء الله روووووووووووووعة باين بنين الله يجازيك كل خير وشكراا على الوصفة
بلا مزية اختي....شكرا على كلامك الطيب

[ماريا.م]

شكرااختي هايل باذن الله نجربو وصفة ساهلة ومقادير كاينة في كل بلاصة بلاك نبدل الشكل برك

لوسمحتي هاذي الكمية وشحال خرجتلك من حبة
الله يسلمك اختي ،،،اما على العدد والله ماحسبت ، المهم عمرتلي زوج بلاوات تاع الفور

[حسيبة2010]

يعطيك الصحة القاطو يشهههههههههههههييييييييي ويبان بنين انا نحب بزافles gateaux secs ودائما نبحث على وصفاتهم...

من فضلك واش من سمن استعملتي لاخطرش خرجلك الخليط الأول أبيبببييييض شباااب
بارك الله فيك و مزيدا من الوصفات الطيبة

[ماريا.م]

يعطيك الصحة القاطو يشهههههههههههههييييييييي ويبان بنين انا نحب بزافles gateaux secs ودائما نبحث على وصفاتهم...

من فضلك واش من سمن استعملتي لاخطرش خرجلك الخليط الأول أبيبببييييض شباااب
بارك الله فيك و مزيدا من الوصفات الطيبة
الله يسلمك اختي، ان شاء الله كي تجربيه يعجبك كيما عجبني لأني أنا ثاني نحب نشرب قهوة غير بـ les gateaux secs
والسمن استعملت مدينة

[lilii7179]

يعطيك الصحة باين بنين و ساهل و presentable في نفس الوقت . صراحة عجبني اللي فيه المعجون خاطر ديما نشوف المول هذاك و نحب نشريه و مبعد نقول واش رايحا ندير بيه. باذن الله نجربو

[lilii7179]

قوليلي المقادير اللي حطيتي شحال حبة تخرج؟

[idron0]

جزاك الله خيرا

[ماريا.م]

يعطيك الصحة باين بنين و ساهل و presentable في نفس الوقت . صراحة عجبني اللي فيه المعجون خاطر ديما نشوف المول هذاك و نحب نشريه و مبعد نقول واش رايحا ندير بيه. باذن الله نجربو
الله يسلمك ليلي ،راني شفيت عليك ،انت اللي عطيتيلي الوصفة تاع رولي الدجاج اللي عجب ناس دارك هههههه ،ياك مانيش غالطة؟؟؟
بالنسبة للقاطو،هو صح اللي بالمعجون شباب لكن صراحة أنا عجبني الشكل الثاني في البنة ، لأن اللوز اللي مالفوق عطاه قرمشة وذوق راائع....واللي ماعندهاش هذاك المول تقدر تستعمل أي طابع متوفر عندها
وشحال خرجلي ماحسبتش ،المهم عمرلي 2 سنيوات تاع الفور،يعني اكثر من 40 حبة

[ماريا.م]

جزاك الله خيرا
شكرا اختي على الدعاء ،اسعدني مرورك

[x ام رحاب x]

الله ايفرحك وصفة ساهلة واقتصادية ربي يجازيك خير تسلم ايدك

[ام فضيلة]

يعطيك الصحة اختي راه اممممممممممم يعطيك الصحة

[omomnia15]

يعطيك الف عافية والله كنت حاصلة حابة حاجة سامبل تسلمي

[*توبــــة*]

اممممممممم هايل هايل حبيبتي

شفتو لبارح مي لقيتك كتبتي يتبع ... قلت كي تكمليه

ونشكرك حنووووووونة

يعطيك الصحة

[الجمان]

يعطيك الصحة هايل

[ماريا.م]

http://up.3dlat.com/uploads/3dlat.com_13899141085.gif

[om_hadil]

رووووووعة يعطيك الصحة .،.. جااااري التجريب

[ماريا.م]

رووووووعة يعطيك الصحة .،.. جااااري التجريب
الله يسلمك اختي ،شكرا على الثقة وبصحتك مسبقا

[أم شيماءْ]

امممممممممممممم عجبتني الوصفة نطبقها ان شاء الله
تسلم اديك :19::19::19:

[جازيا ام البنات]

شكرا حبيبتي على الوصفة ساجربها في القريب العاجل تبان بنينة:19:

[oumhana]

الله يبارك إن شاء الله نجربها بانتلي خفيفة وطريه يعطيك الصحة و في ميزان الحسنات

[ام سهام 02]

[size="6"]هاااااايل عجبني يعطيك الصحة /size]

[yukimaroua]

بارك الله فيك

[شمس الملوك]

يعطيك الصحة وجزاك الله خيرا

[Oum Habouba]

بارك الله فيك اختي حفظتها عندي جزاك الله خيرا

[oum islem]

من شكله باين خفيف وبنين
بحول الله نجربو في أقرب وقت
جزاك الله خيرا

[سنا القمر]

بارك الله فيك عندي نفس المول ساجربها ان شاء الله

[ام احمد اسامة]

هايل يعطيك الصحة

[lamis.imen]

جزاك الله خيراااااا

[ibtihal18]

ماشاء الله تحفة
بارك الله فيك

[ام محمد اسلام الله]

اممممممممممممممم يشهي يعطيك الصحة

[badreatika]

الله يبارك فيك على هذه الوصفة

[أم الخير2]

يعطيك الصحة... تبان بنينة

[lyzzabel]

يعطييك الف صحة و عاافية حبييبتي ماارياا الوصفة رااااائعة تسلمييييي :19:

[حسيبة2010]

الله يسلمك اختي، ان شاء الله كي تجربيه يعجبك كيما عجبني لأني أنا ثاني نحب نشرب قهوة غير بـ les gateaux secs
والسمن استعملت مدينة



بارك الله فيك على الإجابة

[zouzou99]

ماشاء الله روووووووووووعة باين بنين الله يجازيك كل خير

[ilham360]

شكرا باين بنين

[فاصلة]

يعطيك الصحة بالهنا

[زهرة الريف*]

مليح يسخف عجبني وبإذن الله نديرو إن شاءالله

[عائشة نور الايمان]

يعطيك الصحة

[برنسيسة هنو]

الله يعطيك الصحة

[سالوني]

باين عليه يهبل سرتو كي حطيتي صور لطريقة التحضير

تاكلوا بالصحة والهناء

[oumraja]

شكرًا لك تبان روعة اممم