العروسة المصدومة 2

[مشكلتي]

السلام عليكم
أنا صاحبة موضوع العروس المصدومة
http://www.djelfa.info/vb/showthread.php?t=1887151
أشكر كل من تفاعل مع مشكلة أختي و نصحها بنصيحة لوجه الله ...
المهم اليوم زدت هدرت مع أختي و قالتلي دارت دواس كبير مع راجلها و قالتلو علابالها راهو يهدر مع بنت خالتو في الفايسبوك مي ما بينتلوش بلي راهي عارفة واش راهو صاري بيناتهم و هو أنكر كامل بلي راهو على علاقة بيها و دارتلو درس في الأخلاق و قالتلو بلي يقدر الشيطان يلعب بيك و تلحق للزنى و قالتلو بلي عقوبة الزاني المحصن في الدنيا الرجم حتى الموت و ما بالك في الآخرة و زادت قالتلو بلي حتى الصلاة لي راهو يصلي فيها ما نعرف إذا مقبولة بما أنها ما تنهاهش على المنكر المهم هو قعد يحلفلها بأغلظ الأيمان أنو ماخانها مع حتى وحدة ووعدها أنو يبلوكي لي زامي تاوعو لبنات و ما يزيد يكوناكتي مع حتى وحدة ........
الله أعلم في نيتو مي أختي بقات مشوكيا و قالتلي انها كرهاتو .......

[طيور الجنان]

اختي هكذا خير على الاقل خرجت واش في قلها و عطاتو درس على واش يدير و هو ماعلابالوش.
والله كامل اثرت فينا قصتها عروسة مسكينة وفي الشهر الاول كانت تكون من اسعد النساء بصح ربي يفرج عليها ان شالله عاجلا غير اجل ااااميييين

[أم محمد علي]

الدعاء أختي
مكاش كيفوا خاصة في الثلث الأخير من الليل

[ibtihal18]

الدعاء ثم الدعاء تدعي ربي يهديه و ربي يثبتو بعد الهداية و ربي يصلح بيناتهم

[Chaima h]

ربي يفرج عليك و على اختك

[ام رضوان]

السلام عليكم
اولا اختى ربي يكون في عون اختك راهي حالتها تقسم القلب. راهي كلمة مصدومة قليلة عليها
انا رايي انو اختك تخلع هذا الشخص مش تطلب منو الطلاق هكذا باه تذلو قد ما سببلها كل هذا الالم
الاخوة والاخوات اللي يقولولها اصبري وادعي ربي على واش تصبر هي تقول مشاهد خليعة وزنا النظر وزيد وزيد وانتو تقولو تصبر .
يخي مش عندها معاه عشر ولاد وخايفة عليهم؟
ذرك احسن لانو مستححححححححححيل ولو بعد 100سنة تنسى واش شافت وراح تصاب بالاكتاب وتدهور صحتها
وراهي كل ما تشوفو تتفكر هذاك الكلام والصور.....الخ
احسن لها تنسحب من اول الطريق خير من تلصق بالاولاد
ولي فيه نقة ما يتنقى.
ربي يكون معاها ويخرجها من هذه الازمة سالمة غانمة اميييين.

[lechelekmounir2014]

قبل أن تطلبو منها طلب الخلع لازم تعرفو الوسط اللي عايشة فيه

[blanche rose]

عجزت عن الكلام
أمر صعب وصعب جدا
انعقد لساني
ربي يعينها..

[blanche rose]

بخصوص الصور
تحملهم وتبعثهملها..اي لبنت خالتو.. وحتى لاحدى أخواتها وليس لأمها..لا تموت من الصدمة..

طبعا..بلا ما تبين بلي هي اللي يعثتهم..


وما تصلحش تمدهم لاخ راجلها..
وتنتظر ردة الفعل بينهما

تأجيل الحمل.. لحين الفصل النهائي في الأمر

[سجل أنا جزائري]

أختي الأيام تداوي الجراح صح وش دار حاجة كبيرة و تقيس و غرو الشيطان بزاف

لكن بالك هذا ابتلاء من رب العالمين ليك زيدي أصبري معاه ز ادعي بالك ربي يهدي و يفيق بعمرو و يتوب و يصبح أنسان اخر و متنسايش القلوب عند الله يغيرها مثل ما يشاء

صح ذرك كرهتيه و من حقك هذا الشي لكن مع الأيام ان شاء الله و اذا تسقم ت نساي هذا شي و ما تبعيش ناس اللي تقولك طلق و اخطيك من دعاء ناس هذي تحب تخرب الديار مش تبنيها و تحاول تصلح

طلق يجي اذا خلاص مكش حل و السيد ميؤوس من أمرو

[AMINA.Z]

الخيانة دواؤها الطلااااااق
حيروني لي يقولو اصبري ....هذا حيوان واش تقعد دير معاه ????
و الرجال اللي راهم يتفلسفو و يقولو اصبري ....كون كانت هي اللي غلطت ..كنتو راح تقولو لراجلها اصبر او ابتلاء و ادعي ربي يهديها .....باراكات من الظلم و التجبر
كون انا على جال والديا برك ...نقعد في دارو و نعيشو غرباء لمدة عام و نطلق و اذا ما قبلش ..الله لا يردو ليوم قبل غدوا
يا لطيف استرنا