العروسة المصدومة

[مشكلتي]

السلام عليكم
ما علاباليش مين نبدا و الا واش نقول على واش صرا لأختي الحبيبة لي راهي مصدومة من الزوج لي داتو و القصة بدات من فترة الخطوبة لي كانت أختي عاملة عقد شرعي و مدني يعني كانت زوجتو مي كان ما يحبش يهدر معاها في التيليفون و كي تعيطلو في الليل يرد عليها و يقوللها راني عيان و حاب نرقد و من بعد تلقاه مكوناكتي في الفايسبوك و ضرك ما عندهاش حتى 20 يوم ملي جاز عرسها مسكينة جات لدارنا قعدت 4 أيام و كي روحت لدارها لقاتو نسى الفايسبوك تاعو مفتوح و اكتشفت كوارث لقاتو في غيابها كان يكوناكتي طول الليل مع فتاة و اكتشفت أن الفتاة هي بنت خالتو و المشكلة في الكلام لي كان يدور بيناتهم ....كلام إباحي لأقصى الحدود و تبادل صور خليعة واكتشفت أنه تفاهم معاها يتلاقاو في آبارتومو و التاريخ يعود لايام الخطوبة و اكتشفت أيضا أنو في الليلة لي قبل عرسو بات سهران في الفايسبوك مع نفس الفتاة و كالعادة كلام خليع مثل ما يحدث بين الزوج و زوجته و يقوللها في عبارات الغزل و أنو يحبها هي و تزوج شكليا فقط .......
و الله أختي المسكينة عندها يومين و هي تعيطلي و تبكي تبكي ما لقات واش تدير و مازال ماواجهاتو بالحقيقة وراهي تضل غير تبكي مع العلم أن أختي جميلة جدا و صغيرة في السن و كان عندها الكثير من الخطاب لكن قدر الله و ماشاء فعل ..........

أنا نصحتها تغافلو و تدي صور الفتاة الخليعة لي بعثتهم لزوجها و تعطيهم لأخيه الأكبر و هو إنسان ملتزم باش يعيط عليه و يبهدل الفتاة . و نصحتها تحط موضوع الطلاق كمشروع مستقبلي إذا ما تغيرش زوجها لأن أختي بكل صراحة عنها إمكانيات جسمانية و مؤهلات علمية تخليها تقدر تعيش مع إنسان أحسن .
نتمنى من الأخوات المشرفات ما ينقلوش الموضوع لقسم دردشة البنات لأني أريد معرفة رأي الإخوة الرجال هنا هل هذا الصنف من الرجال بإمكانه أن يتغير .......

[مــحــمــد]

الله المستعان ولا حول ولا قوة إلا بالله

[sad_man]

لا حول ولا قوة إلاّ بالله العلي العظيم
الله يهدي ما خلق
قولي لأختك تقوي ايمانها بالله و تدعيه باش ربي يجعلها سبب في هدايتو و قبل ما دير أي حاجة تصلي عليها صلاة استخارة و تتوكل على الله
هذا ابتلاء ربي بلاها بيه لازمها الصبر و قوة الإيمان
حتى إذا فكرت في الطلاق تصلي صلاة استخارة إذا كان فيه خير ليها ربي يسهل
يا ربي يفرج عليها و اهدي زوجها آمين

[(( هبة الرحمن ))]

هداه الله
نصيحة من أختك في الله : أعلم أن ما حدث صعب ، تحدثي إليها ولتعتبر أن الأمر تحديا لإثبات النفس وهذه أول مشكلة تواجهها في حياتها الزوجية إما الهزيمة أو الانتصار ، هي عروس جديدة في شهر العسل عليها أن تستميل قلب زوجها وتغنيه عن الفايس بوك دون أن تشعره بذلك ، كان ذلك في فترة الخطوبة أعلم أن الأمر لا يجوز لكن لم يكن متزوجا والشيطان عليه اللعنة تمكن منه .
أتمنى أختي العزيزة أن تطلبي من أختك أن تتغلب على ما رأت ولا تتركه يؤثر على علاقتها بزوجها أو تنفر منه لأن ذلك سيبعده أكثر .
حذارِ أن تفضح زوجها أما أخيه أو أي شخص آخر ربي ستّار فلتستر عليه ،سيكرهها حتما.
( كاين اللي تشوف زوجها مع امرأة بأمّ عينيها ولا تستسلم لتأخذه أخرى على طبق من فضة)
ربي يهديه ويبعد عنه بنات الحرام .

[أم سلوى]

احسن فترة للطلاق.....لانه اذا كان اسرع كان مفيد..
هذا الشخص لم يحترمها منذ البداية فكيف تكون الايام الاخرى.....
المهم شيئ لا يسكت عنه اذا سكتت..سيكون ما حصل معاها قليل..

[وصال سلام]

شوفي الدنيا هذي كل واحد ووش كتبلو ربي كاي ن لي يتزوجو وعاشوا في العسل في اول ايامهم وبعد مدة لا اعرف كم انقلبت الموازين

وكاين كيما اختك المسكينة لي ربي يفرج عليها بداو كيما هكا ومن بعد ربي هداهم وكانت مرتو هي عينيه لبقية حياتو

هنا الامر اصعب واصعي على اي واحدة وخاصة راهي عروسة جديدة والطلاق مش ساهل والله الناس تاكلها لكن تحاول تهدي راجلها للطريق المستقيم وتاجل مشروع الطلاق والاولاد
تعتبرها منافسة وخليها هي تفوز براجلها وتكون ذكية على البنت الاخرى وتدعي ربي يهديه ويسخرهولها

المراة مسكينة ديما الضحية وديما هي الخاسرة عظمنا عظم شقى
هي دير النية في الهبال ودير روحها ماعلابالها والو وتحاول تجذب راجلها ليها مش تطلق الماء على اللبطيخ وتخلي بنت ,, تديه وهي تتفرج هو الامر صعيب لكن بقوة الارادة والدعاء ولازم تكون ذكية وووو تعود هي اميرتو
ربي يفرج عليها ويسخرلها راجلها ياااااااااااااااااارب وتتمسك بربي
الدنيا صعييبة بزاااف
كيما يقولو كون ذيب لا ياكلوك الذيابة

[(( هبة الرحمن ))]

كيف تتحدثون عن الطلاق ، من أول عاصفة تهدم البيوت ،
الطلاق برأيي في مثل هذا الموقف هروب وجبن ، عليها أن تحارب وتحافظ على بيتها ، إن لم تكن هذه البنت في الفيس بوك ستكون أخرى في الشارع ووووو،
أليست هذه العروس أنثى ولها سلاحها فلتجعله يركع إن كانت حقا امرأة وفحلة ماشي تطلق .

[أم عبد الكريم]

احسن فترة للطلاق.....لانه اذا كان اسرع كان مفيد..
هذا الشخص لم يحترمها منذ البداية فكيف تكون الايام الاخرى.....
المهم شيئ لا يسكت عنه اذا سكتت..سيكون ما حصل معاها قليل..

وعلاه تصبو الزيت على النار ......هو راه مزوج بيها ماشي ببنت خالتو هاذي ....وعلاه تخلي وحدة تافهة تنيحيلها راجلها تحرمها السعادة و هي مازلت عروس ......
انا في راي تستاصل المشكل من الجذور تهدر معاه اذا كان متفهم و واعي و تواجه بواش لقات و تشوف ردة الفعل نتاعو كيفاش راح يتصرف ................و تحتفظ بالصور نتاع الطفلة هاذي اذا لزم الامر تهدر اموا مع والديها يحكموا فيها

[balkice sanam]

أختي أنصحك تتصلي بأحد المشايخ هذا أفضل فالموضوع ليس سهل
المشكلة ليست في الجمال لأن من لا يغض بصره و لا يخاف الله لن ينفع معه شيء
و لا يملىء عيني بني آدم غير التراب
اللهم أجرها في مصيبتها

[ManouraHilwa]

اللهم صل وسلم على سيدنا محمد ارى ان هذا الزوج قابل للتغييلر والله اعلم

[القائدة]

احسن فترة للطلاق.....لانه اذا كان اسرع كان مفيد..
هذا الشخص لم يحترمها منذ البداية فكيف تكون الايام الاخرى.....
المهم شيئ لا يسكت عنه اذا سكتت..سيكون ما حصل معاها قليل..
:19::19::19:
اتفق مع هذا الراي
تطلق الان احسن من ضياع شبابها مع شخص غير جدير بالاحترام و الثقة خاصة اذا تكسرت العلاقة بشكل قوي هكذا فصعب صعب اعادة تصليحها فالتشققات باقية باقية
اما من يقول المجتمع لا يرحم و الطلاق صعب وووو ! واش ماذا بيك تعيش في الوحل و تسكت و تصبر علاجال الناس !!!!!!!
وين هو ربي في قلوبكم ام فقط الناس الناس !
اذا هي لجات الى ربها فلن يخيبها ابدا ، هي مظلومة و الله كتب على نفسه لينصرن المظلوم و لو بعد حين ، فأين نحن من هذه الآية ؟

[وصال سلام]

هداه الله
نصيحة من أختك في الله : أعلم أن ما حدث صعب ، تحدثي إليها ولتعتبر أن الأمر تحديا لإثبات النفس وهذه أول مشكلة تواجهها في حياتها الزوجية إما الهزيمة أو الانتصار ، هي عروس جديدة في شهر العسل عليها أن تستميل قلب زوجها وتغنيه عن الفايس بوك دون أن تشعره بذلك ، كان ذلك في فترة الخطوبة أعلم أن الأمر لا يجوز لكن لم يكن متزوجا والشيطان عليه اللعنة تمكن منه .
أتمنى أختي العزيزة أن تطلبي من أختك أن تتغلب على ما رأت ولا تتركه يؤثر على علاقتها بزوجها أو تنفر منه لأن ذلك سيبعده أكثر .
حذارِ أن تفضح زوجها أما أخيه أو أي شخص آخر ربي ستّار فلتستر عليه ،سيكرهها حتما.
( كاين اللي تشوف زوجها مع امرأة بأمّ عينيها ولا تستسلم لتأخذه أخرى على طبق من فضة)
ربي يهديه ويبعد عنه بنات الحرام .

كيف تتحدثون عن الطلاق ، من أول عاصفة تهدم البيوت ،
الطلاق برأيي في مثل هذا الموقف هروب وجبن ، عليها أن تحارب وتحافظ على بيتها ، إن لم تكن هذه البنت في الفيس بوك ستكون أخرى في الشارع ووووو،
أليست هذه العروس أنثى ولها سلاحها فلتجعله يركع إن كانت حقا امرأة وفحلة ماشي تطلق .

سبحان الله يا اختاه نفس طريقة تفكيري ووش راح نقوللها وش كتبتي كااامل بكل كلمة كنت راح قولها وانما تعبت من الكتابة الطويلة

صاحبة المشكلة اختك تعتبرها معركة ولازم تربح فيها وراجلها باين عليه مادياتو الدنيا شوية
وناقص شوية دين مع انو ماقلتيلناش شحال في عمرو باين مازالو في طيش وهذي نزوة عابرة راح يفطن مع الوقت
لازم تصبر وتحاول ترجع راجلها للطريق الصحيح على وجه ربي وعندها اجر كبير

نقولكم واحدة نعرفها زوجت بيه تاع حباس وتاخ شراب ووو
وعدللاتو وقلباتو راجل من الجامع مايزيدش ودارتلو الدار بدراهمو هو
الخير مرا والشر مرا
المرا هي لي تعدل الراجل
اعتبريه ابتلاء من عند ربي وماتستسلمش

[القائدة]

وعلاه تصبو الزيت على النار ......هو راه مزوج بيها ماشي ببنت خالتو هاذي ....وعلاه تخلي وحدة تافهة تنيحيلها راجلها تحرمها السعادة و هي مازلت عروس ......
انا في راي تستاصل المشكل من الجذور تهدر معاه اذا كان متفهم و واعي و تواجه بواش لقات و تشوف ردة الفعل نتاعو كيفاش راح يتصرف ................و تحتفظ بالصور نتاع الطفلة هاذي اذا لزم الامر تهدر اموا مع والديها يحكموا فيها

اما غريب موقفك !
اي سعادة اللي تتكلمي عنها !؟
الطفلة من قبل مايدخلها كان خادعها ، داخل معاها بالخدع
هي لو كانت تحترم ذاتها كإنسانة و امراة حرة لا تقبل بشريك مزيف مثله و الدنيا مستمرة و الحمد لله و الرب واحد و اللي عطاها هذا يعطيها خير منو و لكن المشكلة هو ان الناس يشوفوا عند رجليهم فقط و ناسيين ان الله واسع كريم .

[thorpe]

تواجهو وتحاول تفرزها معاه باي شكل واذا شافت بلي ماهوش يستجيب
تطلب الطلاق وانتهى الامر
ربي يسهل

[amira19]

ياااااا لطيف اكيد راهوووو يتلاقاها و يزني و هادا زاني و الشرع قال الزاني لاينكح الا زانية ... رايي انوو تتجه لامام متفقه ف الدين و تحكيلوووو و هو يشوووور عليها
انا لو منها ما نسكتش لانوووو مادام زاني مع لخرى قادر يدير كلش
ماقادرهاش و هي عروسة رايح يقادرها من بعد؟؟؟
كاين حل اخر تصور كل مكالماتهم و تديهم لام الطفلة و تخليها تخلى على راسها باه يترباوو بنات كيما هادي
قولها تشرب حبوب منع حمل حالياااا لانو زواجها على المحك
ربي يفرج عليها مسكينة راني حاسة بيها

[قطوفها دانية]

والله غاضتني مسكينة اي عروسة كيما هي راهي تدلل وتتعزز تعاود وهي انكسرت

قادرة ترجعو ليها ولطريقي ربي بطرق هي ادرى بيها

ولكن اذا مااستجابش راهي العشرة زايدة وتصعاب مع ظروف الحياة

ننصحها بعدم التسرع في الانجاب

ربي يكون معها غاضتني

[أم معاذ أم معاذ]

الحمد لله الذي عافانا مما ابتلاها به
حقيقة لو أنا مكانها ما نبقاش معاه لأنه ليس كفؤا لي

لم أصن شرفي لأبقى تحت عصمة زاني و نسوانجي

[ام ايمان16]

رايي ان هاذا الراجل نذل وماعندوش ضمير وماشكيتش يولي لصلاحو لانو المدمن باش يتعلاج يشوفوه وين وصل لمرحلة الادمان تاعو هل عندو ادمان جزئي او كلي

لكن هاذا الراجل ادمانو على الفسق راه كلي يعني مكفاهش يهدر فقط مع بنات راه تجاوز الحدود بكلام الاباحي وممكن راه تعداها للزنا المحرم مدام راهم يتواعدو؟ومعامن ؟مع بنت خالتو؟وبعد شهر من زواجو
لاه ماتزوجتلابنت خالتو هذي وخلى المسكينة هذي يجيبلها ربي مكتوب من جيهة اخرى
حرام عليه

ونقول للعروسة هذي باين ايضا بللي جايحة لانو تقريبا اكتشفتي قبل عرسك انك مداوم على الفايسبوك وماتحققتيش من واش راه يدير فيه ؟وهل كان يبانلك صالح ولا طالح ؟اذا كنتي عارفة بللي طالح لاه كملتي تزوجتي بيه؟

وضرك وقعت الفاس في الراس
عندك 3 خيارات
ياترضاي بالذل هاذا وديري روحك ماشفتيش راجلك واش راه يدير وتعيشي وخلاص

او تكوني قوية وتعرفي تقلبي الموازين وتعرفي كيفاش تخلي زوجك يبتعد عن الفايسبوك هاذا واذاامكن تنحي النت من داركم كامل اذا ماتحتجوهاش في فايدة
وتعرفي تصرفي مع زوجك باش مايزيدش يشوف برا
مع انو هاذي صعيبة سورتو كي راه مع بنت خالتو ؟؟؟؟؟؟؟؟؟

يبقالك حل اخر هو تطلقي ضرك احسن من بعد لانو حياتك مع مدمن هاو الاشياء احتمال كبير حتى وتركهم فترة ممكن بعد فترة اخرى يرجع ليهم وممكن يهديه ربي ومايرجعش
يعني راه تبني حياتك على الريسك والمخاطرة

ربي يجيبلك الخير

[طيور الجنان]

اختي نصيحتي توجهي الى فقيه في الدين هو الانسب لطرح قصتك لاننا نحن
المتزوجة تقولك حافظي على زوجك و تغلبي على هذا المشكل
الغير متزوجة مازالت ماجربتش و تقولك بعزة النفس اتركيه فورا
والله اعلم.
المهم اشربي حبوب منع الحمل مؤقتا لا يجب ان يربطك به ولد قبل ان تبيني طرقك هكذا و لا هكذا.
وبنت خالتو هذي ربي ينتقم منها هي و هو حسبنا الله ونعم الوكيل.

[FELLA BIO]

ربي يسرلها امرح يفرج عليها ويجعل لها من هذا الامر مخرجا انه ولي ذلك و القادر عليه

[مناد بوفلجة]

السلام عليكم

رأيي أن ترفع عليه قضية خلع

الحياة مع أشخاص مثل هؤلاء لا تساوي شيء
حتى و لو كان بيته مصنوع من الزبرجد والدُّر والياقوت

أشخاص مثل هؤلاء إحتمال تغيرهم ضئيل جدااااا

فالطبع عندهم يغلب التطبع

و مهما حاول إظهار غير ذلك ، فتأكدي أنه شخص آخر بداخله
و طبعه الرديء يسري في جسده كما يجري الدم في عروقه

و ربي يفرج

[----------]

الله المستعان
مؤسف جدا حالنا
اكثري من الدعاء و وكلي امرك لرب العالمين

[الطيب الجزائري34]

التفكير في الطلاق بعد زواجها اصبح في المرحلة الاخيرة
تحاول ان تخبر زوجها بالمشكلة بغرض الاصلاح
الاحتفاظ بالصور ثم تتصل بهذه الفتاة و تهددها بالفضح
تستعمل وسيط ذو ثقة للتوصل الى حلول دون ان يذاع الخبر بين الاهل
لا تنسي ان هذه الظاهرة منتشرة .. لكن الصدمة كانت عليها كبيرة لانها عروس جديدة
......كل مبتلى ..
يبقى الاختيار يلعب دور كبير في الزواج
فترة الخطوبة فترة مهمة يجب ان يتساءل الانسان عن كل شئ في الشخصية الاخرى و يحاول ان يمحص تلك المحطات التي تنذر بمشاكل في المستقبل
لي ما يخاف ربي صعيب .... ربي يهدينا و يهديه .

[أم ريتاج زهرة]

ربي يفرج عليها السكينة و الله ما ساهلة عليها و من رايي تامبريمي التصاور نتاوع بنت خالته هذه و تروح تفضحها عند أبوزها و لا خوها لأن أمها أكيد تخبي عليها الفضيحة و تبيين كلش و تحبسه عند عده و المهم ما تخرجش هي الخاسرة و ما تخليهمش يتهناو ياك هي مرى كيفها كيما قالو الأخوات راهي في حرب و عليها بالإنتصار

[mino 13]

الطلاق ماشي حل حاليا فى هده قصة
انا اقترح تروح لاخيه وتتحدث معه لكن بدون اخد الصور ووتقول له ان يقوم بنصح اخيه ربما يعود الى رشده
ايضا ادا قام هدا زوج بعلاقة مع قريبته انا افضل ان تتجنب اختك اي علاقة جسدية مع زوجها لانها قريبته ربما بها مرض معدى **اقول ربما ** يجب اخد احتياطات كلها

الله يهديه لكن ادا لم يتوب ولم يرجع الى طريق الصحيح فالطلاق هو افضل حل خصوصا يكون هناك فرصة لاختك بزواج مستقبلا
بالتوفيق

[أمّ عبد الودود]

أعرف أن الأراء اختلفت كما هو الحال مع أختك فرج الله همها
كل ما تقدم به الأعضاء يراودها وفي كل مر يخطر ببالها حل
لكن أرجو منها أن لا تفعل أي شيء الآن لأنها في حال يرثى لها
لا تخبر أحدا بما وجدته بل تشكو أمرها إلى خالقها الذي يبده مفاتيح القلوب
أنصحها بقيام الليل وتدعو الله عز وجل وتلح في الدعاء ولا تتوقف حتى تطمئن نفسها لما يوفقها الله إليه
أن كان هذا الزوج سيتغير حاله ويهده الله فاللهم عجل له بالهداية
وإن كان سيكون شرا لها في دينها ودنياه فاللهم عجل بفراقه
الله وحده يعلم الغيب أختي لذلك نلجأ إليه
وتتذكر هذه الأية الكريمة ستعرف حقا من يخرجها من هذا
الهم ((أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاء الْأَرْضِ أَإِلَهٌ مَّعَ اللَّهِ قَلِيلًا مَّا تَذَكَّرُونَ }
فرج الله همها عاجلا غير آجل