حطموني الناس . وعلاه

[مشكلتي]

خاوتي حاب نستشيركم في موضوع
انا تعرفت على وحدة في الخدمة يعني خدامة معايا لاكن بعد مدة عرفت بلي مطلقة . المهم صراولها مشاكل حتموها تطلق . أنا في الحقيقة عجبتني ياسر و مكانش عندي مشكل في مطلقة و لا مهيش هي متربية ياسر و حكما حدها في الخدمة . من الخدمة للدار . و أنا منكذبش عليكم كنت نراقبها ياسر و لقيتها صح خاطيها . مشفتش منها خير الخير خاطيها قع .
مشكلتي ناس برا ميرحموش مين نسقسيهم نروح للدار ميؤوس . و أنا منكذبش عليكم عرفت قبلها آلاف البنات و مشي متزوجين و داروا العجب . حتى راسي حبس مقدرتلهمش راهي معاك و تلعب مع قاع الغاشي .
. أنا المهم ناوي نخطبها إن شاء الله .
مي هدرت الناس تعيي يجي واحد يهدرلي فيها و أنا علابالي بلي ختو دايرة ..... وعلاه ميرحموش بنات الناس
نجي نقدم يفشلوني . حتى وليت نخاف منها
واش تنصحوني يا خاوني . منيش حاب نضلم الطفلة و الله حاب ندير بها الدار .

[rose de sable s]

ياك انت متاكد من اخلاقها لما تسمع لكلام ناس
قلهم انها من كبائر قذف محصنات
انت استخر الله و شوف واش يرتاح لك الناس مخلاو حتي وحدة ول واحد ربي يسهلك

[خالد عنابي2]

تستاهل اكثر من هك

وعلاه تسمع لهدرة الناس ؟

لي يسمع لهدرة الناس راهو غالط لان كل همهم في هذه الحالات الدخول من باب النصح وتبوء سلطة للتحكم في مسار الاخرين واسقاط عيوبهم القبيحة عليهم واشفاء غليلهم وحقدهم

لكان تسمع هدرة الناس ماتفراش دير النية وتقدم الى الامام احب من احب وكره من كره

[ريهانة]

صلي صلاة الا ستخارة وادا قلبك راهو مرتاحلها تقدم ليها في الحلال لانو مش كل مطلقة يعني مهيش مليحة وكون تراعي لكلام ناس متقدمش ولا خطوة ربي يهديهم
ونشالله ربي يكتبلك فيها الخير

[رَكان]

هدرة الناس ...يا ويلي من هدرة الناس ...
أولا من هم الناس برأيك ؟؟؟
طيب سأختصر عليك ...
إختر من الناس من تسمع لهدرتهم يكون طيب القلب غير حسود متريث راجح العقل ...واستأنس برأيه ..
ثم مادمت أنت متأكدا من أخلاقها وسلوكها ..فعلام تقليب وجهك ذات اليمين وذات الشمال مشرعا جهاز الإستقبال عندك لكل من هب ودب ؟؟؟
هي امرأة مطلقة ..قد يكون توجسك من هاذ الجانب ولم تخبر به ربما تتخوف نظرة الناس لك بعين النقيصة ...
لكن عليك التريث أنت أولا قبل الإقدام عل الخطوة ...
أكان ما يدفعك الى هذا الزواج هو الإعجاب فقط بالسيدة ؟اعجاب المظهر قصدت يملأ قلبك ...تأكد أنه الى زوال ..وأن مشروعك سيفشل حتما يوما ما...يوم تسترجع أنك ارتبطت بإنسانة مرت بتجربة فاشلة ..والقصة معروفة عند كثيرين ...أما اذا كان ما ملأ قلبك اعجابا عقليا ...فتقدم واعزم وخير البر عاجله ...

[طيور الجنان]

يا اخي ان كانت مطلقة فهذا ليس عيبا ابدااا فلربما تطلقت لاسباب لو قالتها لك لاعجبت بها اكثر لا تسمع لكلام الناس راح يضيعوك ومن قال لك لو خطبت فتاة اخرى ماش راح يهدرو عليها هاذو هوما الناس واحد مايحب الخير لخوه الا من رحم ربي طبعا.
اذا كنت تعرف اخلاقها و متاكد منها مادام تعمل معاك راهو نصف وقتها تشوفها و تقدر تعرفها مليح توكل على الله و ربي يوفقك انشالله

[thorpe]

خويا
صح هدرت الناس راهي تقلق الانسان
لكن صدقني ماشي كامل الناس كيما راك تتصور
يعني من هاد الناس كاين الصادق وكاين المليح
ماشي معناه انو انت عجباتك صايي
ممكن عندهم حق هاد الناس وانت رغبتك راهي غالبتك باغي تديها
نعطيك حاجة اديها مني
مادام لحقو وهدرو فيها الناس راهي كاينة حاجة من وراها
اخطيك منها الاحسن يديها انسان مطلق مثلها باش ما يكونوش عايشين بحساسية
حتى وكون تديها انت رايح هي تعيش حاسة انك درت فيها مزية وتحس نفسها ثقيلة عليك حتى واذا هي ما تقولكش
كاين بزاف بنات ما هدروش فيهم الناس اختر من بينهم واخطيك من هاذي

ربي يوفقك

[orchid violet]

انا اتعجيب عندما اسمع ان اسمع امراة مطلقة يهدرو عليها الناس ....يا عباد ربي الناس ماشي كيفكيف كل واحد ظروفها و كل واحد يحطها في بلاصة الاخت او الام او ...كاين اسرار البيوت لا يعلم بها الا الله ...
بالنسبة لسوال الاخ ..استخر الله تعالى و سقسي عليها مليح ...و ان شاء الله يكون الخير ...لا تسمع لكلام الناس الناس غير تهدر و تهدر و ماهيش حتحبس

[اسعى لرضى الله]

يا اخي الناس هدرتهم اي متدي متجيب ويشتيو يحكيو في اعراض الناس انا في رايي على حساب وش حكيت قدم اخطبها وتوكل على ربي ميهمش لا مطلقة لا والو المهم يكون الدين والخلق وزيد حتى وخليتها ورحت تخطب وحدة خرى راح يحكو فيها ثاني ويقولك اي فيها وفيها متشوفش للناس وشوف واش شافت عينك وصلي صلاة الاستخارة وتوكل على ربي لا تبعت هدرة الناس مترتاح في حياتك

[rafik73]

يا اخي اعطيك مثال حي امي تزوجت ثلاث مرات يعني طلقت مرتين وثلاثتهم عزاب هل وصلت الفكرة وزيد ماشي غير هي برك صراة فيها وكان بكري يختارو ليناسبهم ولاينضرون الي هل هي مطلقة ام لا المهم في وقنا هدا الكثير يتحسسون من هدا الجانب لكن ادا كنت واثق مننفسك ومناخلاقها ومنشعورك نحوها فلا تكن ضالما لها ولمشاعرها

[GOFRANEKRABI]

وعليكم السلام اخي ، اخي الناس ماعمرهم يحبسو الهدرة يهدرو فالمليح وفالحاير ، نتا زيد سقسي عليها مليح بصح سقسي لي قريب ليها ، لي يعرفو العايلة تاعها كيما الجيران ، وصلي لستخارة ، يتوضحلك الامر اكثر ، وربي يوفقك ،

[Med7008]

للأسف نظرت المجتمع للمطلقة على ان المرأة هي دائما سبب الطلاق
في حين ان للرجال نصيب كلي او جزئي في فشل زواج ما
يعني الكل ينظر ان المطلقة هي الظالمة و المطلق هو المظلوم .... الله يهدينا
الله ييسّر الخير لكليكما

[مناد بوفلجة]

كن متأكد أنك إن إستشرت كل من هب و دب من أجل فعل ما
فلن تقوم به ما حييت

[yasmine700]

ارضاء الناس غايۃ لا تدرك . دير شا في راسك مادام هدا الشيء يريحك ما علابالك بحتي واحد المهم راحتك وسعادتك انت مراكش رايح دير الحرام باش تحشم انت راك ناوي الحلال وربي يوفقك

[blanche rose]

عرفت الاف البنات صحا ديكابريو معرفتكش

وعلاه ماتديش وحدا ملي عرفتهم جاي لوحدا متربيا


بصح مانعرف انا تبانلي لي تزوجها تكون تشبهالك حتى لو كنت حاسبها بنت فاميليا

تشبهلو فنوع القلب ماشي الأفعال
إذا طيب يديها طيبة وإذا خبيث يديها خبيثة..

أخي صاحب الموضوع
بعض الرجال أقصد أشباه الرجال..كي ترفض المطلقة تعمل معاهم علاقة يحلفو ما يخلوهاش تتزوج ويشوهولها سمعتها..

وراك علابالك برأي مجتمعنا بالمطلقة..

المهم رأيك أنت
ما رأيك بها؟؟
ما احساسك؟؟
ماهي الفكرة التي أخذتها عنها؟؟

إذا أنت الناس حيروك قبل الزواج..
فغيرك طلقوا نساءهم بسبب كلام الناس..

أتريد أن يكون قرارك سليم؟؟
تقرب لله عز وجل
صل
استغفر
احمد الله كثيرا
سبح
أذكر
اقرأ قرآن
...الخ
لينير الله بصيرتك.. وتتخذ القرار السليم..

ربي يسعدك

[قطوفها دانية]

السلام عليكم

اذا كنت من الان مشرع وذنيك للناس ويأثروا فيك لدرجة التردد والدليل جيت حطيت موضوع وتقول حطموني

وذكرت كلمة الناس اكثر من مرة في موضوعك

نصيحة

لا تتزوج بها

لا الناس لن توقف عن الكلام بمجرد الزواج بها
بل
راح يزيد الحال

وانت رايحة تهبل
وتهبلها

ا

[القائدة]

روح روح أخطب ما تسمعش للناس انهم في ضلاله ربي يهديهم
منذ متى المطلقة لا تتزوج ؟ منذ متى
قديما كانت الثيب تتزوج عادي مطلقة او ارملة
و لتعلم ان زوجات رسول الله صلى الله عليه و سلم كلهم كلهم كلهم ثيبات الاااا واحدة فقطططط هي البكر ( عائشة رضي الله عنها و عن ابيها )
يعني شوف كيف رسولنا تزوج الثيب و هو القدوة و المثال الذي يحتذى به
كما ان في القرآن الكريم حينما خاطب الله رسوله في سورة التحريم قدم الثيبات على الأبكار ، و هذا لا يعني أنهن خير من الأبكار و انما اكرمكم عند الله اتقاكم ، و لكن حتى نفهم ان في هذه الحياة الدنيا ينال الرجل الثيب و البكر اما في الجنة فله الا البكر .
( عسى ربه ان طلقكن ان يبدله أزواجا خيرا منكن
مسلمات مؤمنات قانتات تائبات عابدات سائحات ثيبات و ابكارا )
الله يسهلك و يثبتك على الحق

[..بسمة أمل ..]

السلام عليكم اخي

شوف يا خويا لي (يدير

على هدرت الناس مايعيشش)

هاذ العبارة خليها ديما في مخك

يستحيل انك تسقسي انك تسقسي

على انسان و يشكروهلك الناس لازم

تلقى و احد يقلك فيه و فيه

ودير في بالك بلي ( الكمال لله عز

وجل) معناها لازم الانسان يغلط

ميكونش كامل مكمل

راح نقلك رايي ونديرك في مكان

خويا لوكان جيت خويا نرفض فكرة

انك تتزوج مرا متزوجة قبلك مدامك

قادر تجيب طفلة صغيرة ومش

مزوجة علاه تحتم روحك

نقلك علاه نرفض لانو المجتمع نتاعنا

كي تتزوج بيها يقولو ايه وفلان

زوجها مطلقة وباين عندها الزهر

وباينة كاش ماهي دايرتلو حاجة

و ..... ممكن تعتبرني بالغت بصح

شفت نفس الحالة

ويبقاو يشوفو فيها ديما حاجة

ناقصة وتخاف مع لوقت بلاك تندم

............

انا و الله فرحت لهاذ الانسانة بلا

مانعرفها وقلت وكان غير تتزوجها

وتداويلها جراحها بلاك راها تحوس

على راجل يونسها و يحس بيها

شوف خويا انا نقلك شوف روحك

انت وطاقتك الا كنت عارف روحك

ترفد على جالها وتعيشها في

جو يلائمها وعمرك ما تحسسها

بلي راك درت فيها مزية اتزوجها

واكيد اجرك عند مولاك

ايا اعفس على قلبك و متديرش

على هدرت الناس

ربي يسهلك ويرزقك بالزوجة

الصالحة لي تتمناها ومتنساش

مدام ماشافت عينك حتى غلطة

منها اديها وخلي الناس يغيطو

سلام جميل

[يوسف سرار]

ياخو نصيحة منا كلنا

أخطيك من كلام الناس و خليك في نيتك
إذا راك متأكد من أخلاقها و طبيعتها و شخصيتها
أتقدم ليها

[أثيلة]

السلالم عليكم و رحمة الله و بركاته
يا اخي الناس كامل هكا يكرهو بعضهم وواحد مايرضى لخير لاخرى انا نقولك اذا راك صح ناويها اتوكل على ربي و ماتخافش و مدام راح تقبل تتزوجها انا متأكدة انو راح تديرك كلشي في حياتك و تنتورلك حياتك و ماتخليك تشوف نهار اسود ،،، لاني فتاة و نعرف الفتاة واش تدير خاصة في حالة اذا كانت مطلقة او ارملة

سلام و تقبل مروري