علاجنا في بيتنا

[raboha]

البسملة1
السلام1
هذا أول موضوع ليا في هذا القسم و حبيت نمدلكم بعض الأدوية المنزلية
من كثرة زياراتي لهذا القسم و شفت المواضيع قلت ندير موضوعي بالاك يفيدكم
كي يمرضو بناتي و لا حنا داوينا الوالدة بصوالح كاينيين فالبيت بعد ميكونو جبناهم من الغابة
كيما نقدرو نلقاوهم عند العشاب
** كي يضربك الريح يعني لاقريب
ديري الزعتر غليه نحي منو كاس الباقي خليه في الكسرونة تاعو إتغطاي مليح بكوات و دخلي الكسرونة عندك و خلي البخار يعرقك مليح
و نتي غامة روحك يمدولك كاس الزعتر ديري فيه سكر و لا عسل حر و شربيه ثم نحي الكسرونة و بقاي غامة روحك حترى تعرقي مليح ثم خلي حق اللي تتنفسي و رقدي و إذا قدرتي ارقدي و نتي مغمومة

** ثان مع لاقريب غلي أوراق الكاليتوس في قدر و حطيها على الموقد و خلي البخار تاعو يمشي فكامل البيت هذا مليح باش لاقريب متعديش و ثان تقدري ديريه بنفس طريقة الزعتر و راهو مفيد

** السعال
ديري نص فنجال عصير قارص مع زوج ملاعق سكر عادي و خلطيهم مليح حتى يذوبو و فالليل اشربيه و ارقدي
ثان ديري عسل حر مع سانوج مرحي و عصير قارص و زيت الزيتون
كيما تقدري تشربي زيت الزيتون وحدو
حلوة الترك مع عسل حر خلطي مليح حتى تولي بوماد و كليها فالليل و الصباح قبل القهوة

** القراجم أو اللوزتين
ديري ثان نفس الوصفة تاع السعال عسل حر و القارص و سانوج مرحي و زيت الزيتون
ثان نبتة القطف هايلة و هذي عن تجربة جديدة و جد مفيدة خويا عندو سمانة ملي برا منهم
ديري ارحي نبتة القطف و خلطيها بعسل حر دفيه و كولي فالليل و الله نقسو عليه فاليوم الثاني
و بالمداومة أربعة أيام راحو قاع

** الأطفال الصغار كي يمرضو بلاقريب
جيبي صابون الطرف تاع بكري و حكي صدرهم مليح حتى يولي أبيض ثم بشاش لفيه عليه بلا متزيري
و خليه يبات بيه و غدوة من ذاك ثان نفس الطريقة دريها في ظهرو
و السعال ثان نفس الخلطة اللي قلت عليها و تفيدو ثان للقراجم
و كي يكون الأنف تاعو مبلع فالليل و ميقدرش يتنفس ديري بصبعك قطرة زيت الزيتون فالجهتين رايحين يتفتحو ثم ثم و لا يعطس و يخرج كلشي
و إذا ارتفعت حرارتو ديري ماء الزهر فالكوش شمخيه مليح و لبسيهلو و زيدي شمخي راسو و رجليه
كيما تقدري تزيدي الخل كي تشمخي اليدين و الأرجل
و إذا كان كبير شوية تقدري دوشيلو بماء متلدي رايحة الحرارة تهبط

** للكبار و الصغار إذا كان عندك إسهال غلي قشور الرمان و برديهم مليح و شربيه
علاه قلت برديه لخطرش مرين و كي يكون بارد تشربيه على طريق و الصغار دريلهم سكر
ثان تقدرو تغلو الأرز و تشربو الماء تاعو و هذي نتيجتو ثم ثم
كيما تقدرو تاكلو الشيكولا و لا البانان
خياتي كاش متفكرت نزيد نحط

[ام ايمان16]

بارك الله فيك نصائح مفيدة
سورتو للصغار ساعات نكرهو دوا الطبيب نحبو نحوسو على البديل نتاعو

[linda2340]

الله يجعلها في ميزان حسناتك الف شكر على الموضوع المهم احسن من الادوية بكثير

[manal mimicha]

بارك الله فيك

[celia16]

الف شكر على الموضوع .....

[raboha]

بارك الله فيك نصائح مفيدة
سورتو للصغار ساعات نكرهو دوا الطبيب نحبو نحوسو على البديل نتاعو

و فيك بارك الله و مشكورة على المرور
صح كيما قلتي و خطرات دوا الطبيب قاع مينفع

[raboha]

الله يجعلها في ميزان حسناتك الف شكر على الموضوع المهم احسن من الادوية بكثير

تسلمي على المرور نورتي
و هذي الأدوية فعالة و مفيدة ألف مرة

[raboha]

بارك الله فيك

و فيك بارك الله
شكراً على المرور

[raboha]

الف شكر على الموضوع .....

و ألف ألف شكر على المرور الكريم

[0ibtissam]

جزاكي الله خير موضوع رائع ان شاءالله يتم تثبته

[ياسمين1990]

السلام عليكم
بارك الله فيك على هذه النصائح كلها نعمل بها ومفيدة
إلا الصابون عمري ماجربتو ولا سمعت عليه هذه اول مرة نعرف هذه المعلومة
سؤالي هل تحطو مباشرة على صدر الطفل يعني جلدو او تسبقي طرف كتان
واذا حطيتيه مباشرة ماتكونش خطورة على جلد الطفل لان الصابون مذيب للدهون
اذا ممكن تفهميني في هذه النقطة بالشرح الوافي وشكرا

[اسما38]

بارك الله فيك و ربي يجازيك على النصائح

[raboha]

جزاكي الله خير موضوع رائع ان شاءالله يتم تثبته

لك بالمثل و مشكورة على المرور
و إن شاء الله يثبت للإفادة

[raboha]

السلام عليكم
بارك الله فيك على هذه النصائح كلها نعمل بها ومفيدة
إلا الصابون عمري ماجربتو ولا سمعت عليه هذه اول مرة نعرف هذه المعلومة
سؤالي هل تحطو مباشرة على صدر الطفل يعني جلدو او تسبقي طرف كتان
واذا حطيتيه مباشرة ماتكونش خطورة على جلد الطفل لان الصابون مذيب للدهون
اذا ممكن تفهميني في هذه النقطة بالشرح الوافي وشكرا

و فيك بارك الله نورتي بمرورك
واه ختي حطيه مباشرة على الجلد نوصيك كي نكونو فالبرد شمخي بالماء الدافئ
كي تحكيه مليح على الجلد حتى يولي أبيض ثما ديري شاش و لا طرف كتان و متزيريش عليه
كيما قلت اليوم مثلا ديري في صدرو و غدوة من ذاك ديري في ظهرو و إذا شفتيه رتاح فاليوم الثالث متزيديش
و إذا مزال تقدري تكري نفس الطريقة و هو مليح معندو حتى ضرر بناتي في زوج درتهالهم و الله النتيجة سريعة

[raboha]

بارك الله فيك و ربي يجازيك على النصائح

و فيك بارك الله
تسلمي على مرورك العطر

[tamara25]

بارك الله فيك اختي لعزيزة والله في وقتهم

[إبني حياتي]

بارك الله فيك

[raja_hanin]

والله اعطيك الصحة راكي طبيبة وفكرتيني في حوايج بزاف كانت تديرهمنا اما في صغرنا وفادونا وبالنسبة للصابون ما يكتروش بزاف وما يديروهش في الصدر والظهر في يوم واحد لان الصابون يشبح الصدر ويضيقه ادا استعملناه على جهتين في نفس اليوم هدا تنبيه فقط انت قلتي جهة واحدة بصح ممكن تخطر لواحدة تديرو على جهتين وهدا خطر

[Oum Habouba]

الله يجعلها في ميزان حسناتك بارك الله فيك وجزاك خير

[fati21]

بارك الله فيك موضوع في القمة

[وفاء إسماعيل]

بارك الله فيك... وجزاك كل خير

[طيور الجنان]

شكرا اختي خاصة الصغار مساكن ماعندهمش المناعة يمرضو بالخف كيما انا وليدي يكره الداوء مانجي نشربهولو تقولي الجهاد.

[فرحةعمري]

بارك الله فيك اختي على هده المعلومات اود ان اشير الى ان مغلى الكليتوس فعال جدا للقضاء على الانفلونزا لكن هو ضار جدا للي يتبخر عليه مباشرة وشكرا

[radia rita]

شكراً اختي على المعلومات جزاك الله خيرا وجعلها في ميزان حسناتك

[om_nour]

اللَّهُمَّ اقْسِمْ لَنا مِنْ خَشْيَتِكَ مَا تَحُولَ بِهِ بَينَنَا وَبَينَ مَعَاصِيكَ، وَمِنْ طَاعَتِكَ مَا تُبَلِّغُنا بِهِ جَنَّتَكَ، وَمِنَ اليَقِينِ مَا تُهَوِّنُ بِهِ عَلَينَا مَصَائِبَ الدُّنيَا، وَمَتِّعنَا ا

للَّهُمَّ بِأَسْمَاعِنا وَأَبْصَارِنا وَقُوَّاتِنا أَبَداً ما أَبْقَيْتَنا، وَاجْعَلهُ الوَارِثَ مِنَّا، وَاجْعَل ثَأرَنا عَلَى مَنْ ظَلَمَنا، وَلاَ تَجْعَلْ مُصِيبَتَنا فِي دِينِنَا،

وَلا تَجْعَل الدُّنْيا أَكْبَرَ هَمِّنَا، وَلاَ مَبْلَغَ عِلْمِنَا، وَلاَ إِلىَ النَّارِ مَصِيرَنا، وَاجْعَل الجَنَّةَ هِيَ دَارَنَا، وَلاَ تُسَلِّطْ عَلَيْنَا بِذُنُوبِنا مَنْ لاَ يَخَافُكَ فِينَا وَلاَ يَرْحَمُنَا،

بِرَحْمَتِكَ يَا أَرْحَمَ الرَّاحِمِين.

رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَاماً

[om_nour]

اللَّهُمَّ اقْسِمْ لَنا مِنْ خَشْيَتِكَ مَا تَحُولَ بِهِ بَينَنَا وَبَينَ مَعَاصِيكَ، وَمِنْ طَاعَتِكَ مَا تُبَلِّغُنا بِهِ جَنَّتَكَ، وَمِنَ اليَقِينِ مَا تُهَوِّنُ بِهِ عَلَينَا مَصَائِبَ الدُّنيَا، وَمَتِّعنَا ا

للَّهُمَّ بِأَسْمَاعِنا وَأَبْصَارِنا وَقُوَّاتِنا أَبَداً ما أَبْقَيْتَنا، وَاجْعَلهُ الوَارِثَ مِنَّا، وَاجْعَل ثَأرَنا عَلَى مَنْ ظَلَمَنا، وَلاَ تَجْعَلْ مُصِيبَتَنا فِي دِينِنَا،

وَلا تَجْعَل الدُّنْيا أَكْبَرَ هَمِّنَا، وَلاَ مَبْلَغَ عِلْمِنَا، وَلاَ إِلىَ النَّارِ مَصِيرَنا، وَاجْعَل الجَنَّةَ هِيَ دَارَنَا، وَلاَ تُسَلِّطْ عَلَيْنَا بِذُنُوبِنا مَنْ لاَ يَخَافُكَ فِينَا وَلاَ يَرْحَمُنَا،

بِرَحْمَتِكَ يَا أَرْحَمَ الرَّاحِمِين.

رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَاماً

[ريتاج 09]

بارك الله فيك

[hajour]

ادعوا لابنتى بالشفاء عاجل

في ظرف اسبوعين اديتها الى زوج اطباء

دواء مانفع تبرا يوم وتمرض يوم

كرهت من دواء

مرضها غير سعال

بصح احيانا نقول حتى امراض يالطيف تبدلت

ممكن التسنين؟ أنا ثاني بني تعبوني سنيه لكنه ارتاح منذ شهر و الحمد لله بالنسبة للسعال جربت معاه العسل و عصير البصل خرج البلغم، ثم عاود ولالو دهنتلو صدرو بالزيت و الكمون ليلة أخرى ظهرو و غطيه مليح, مع التكرار حتى الشفاء ثم وصفة أخرى لأخت هنا ربي يحفظها تاع 3 حبات سكر قندلي و مغرفة صغيرة يانسون ديريهم تيزانة في فنجان ماء و الله 3 ليالي برك تنحتلو الكحكوحة. ربي يشفيها.

[وفاء إسماعيل]

بارك الله فيك

[foufa2009]

جزاك الله خيرا،

[raboha]

بارك الله فيك اختي لعزيزة والله في وقتهم

بارك الله فيك
و فيكم بارككم الله
والله اعطيك الصحة راكي طبيبة وفكرتيني في حوايج بزاف كانت تديرهمنا اما في صغرنا وفادونا وبالنسبة للصابون ما يكتروش بزاف وما يديروهش في الصدر والظهر في يوم واحد لان الصابون يشبح الصدر ويضيقه ادا استعملناه على جهتين في نفس اليوم هدا تنبيه فقط انت قلتي جهة واحدة بصح ممكن تخطر لواحدة تديرو على جهتين وهدا خطر
إن شاء الله ميغلطوش و أنا كنت قتلهم كل يوم جهة
مشكورة على المرور و على النصيحة
الله يجعلها في ميزان حسناتك بارك الله فيك وجزاك خير
مشكورة و لك بالمثل
بارك الله فيك موضوع في القمة
و فيك بارك الله
بارك الله فيك... وجزاك كل خير

مشكورة و لك بالمثل

[raboha]

شكرا اختي خاصة الصغار مساكن ماعندهمش المناعة يمرضو بالخف كيما انا وليدي يكره الداوء مانجي نشربهولو تقولي الجهاد.

بارك الله فيك اختي على هده المعلومات اود ان اشير الى ان مغلى الكليتوس فعال جدا للقضاء على الانفلونزا لكن هو ضار جدا للي يتبخر عليه مباشرة وشكرا

شكراً اختي على المعلومات جزاك الله خيرا وجعلها في ميزان حسناتك
مشكورات على مروركم الكريم
و إن شاء الله كامل يستفادو من هذي المعلومات
ادعوا لابنتى بالشفاء عاجل

في ظرف اسبوعين اديتها الى زوج اطباء

دواء مانفع تبرا يوم وتمرض يوم

كرهت من دواء

مرضها غير سعال

بصح احيانا نقول حتى امراض يالطيف تبدلت

ادعوا لابنتى بالشفاء عاجل

في ظرف اسبوعين اديتها الى زوج اطباء

دواء مانفع تبرا يوم وتمرض يوم

كرهت من دواء

مرضها غير سعال

بصح احيانا نقول حتى امراض يالطيف تبدلت
يارب تشفى بنتك
بارك الله فيك

بارك الله فيك

جزاك الله خيرا،
مشكورين على المرور

[هناء55]

السلام عليكم اخواتي العلاج الطبيعي نافع في كثير من الحالات وانا جربته عدة مرات خاصة في امراض النساء مثل الالتهابات التناسلية وريح الرحم اعطتني جارني ايميل خاص بطبيبة مختصة بالعلاج الطبيعي بالزيوت والاعشاب الطبية وانا كلما عانيت من مشكلة صحية بعثت ايميل الى العيادة فتجيبني الطبيبة واجابتها دائما شافية فكلما طبقت علاجها ارتحت من المشكلة حتى اني حامل في شهري 5 بعد معانات 3 سنوات عند الاطباء اعطتني مختصة العلاج الطبيعي علاج مدة شهرين و بعد انتهاء العلاج تاخرت الدورة فلم اعر الامر اهتماما لانها كانت دائما متاخرة ولم ارد ان اتوهم واتامل في الباطل لكن المفاجاة اني بسبب الفضول عملت تحليل وكانت الفرحة خطان اراهما لاول مرة في حياتي ولكل من تعاني من مشكلة صحية فهذا هو الايميل @ tibe_takmili في الهتميل لم استطع كتابته كله لانه ممنوع كتابة الايميل في المنتدى لا اعرف لماذا لكنني كتبته لكم وتبقى هوتميل اكملوها ارجو ان اكون قد افدتكم سلام

[nesrine rahmani]

شكرا اختي على وصفات الأجداد التي ذكرتيها والله مجربة و آمنة .....بارك الله فيك.

[رحمةز]

بارك الله فيك اختي وجعله في ميزان حسناتك

[hawa19]

بارك الله فيك اختي هادا ما نحب كون نصيب اولادي مايروحوش للطبيب ابدا