مشكلتي الزواج واهلي

[مشكلتي]

السلام عليكم ورحمة الله وبركاته
مشكلتي باخنصار اني تعرفت على شاب من مدة وتعلقنا ببعضنا بعدها اخبرني ينيته في الزواج، وقالي نقول لوالديا راه جاي يخطب ، مع العلم هدا الشاب عنده شهادة جامعية لكنه يخدم في حانوت تاع واحد ويستخلف في نفس الوقت، قلت لدارنا جاي يخطب لكنهم رفضو الفكرة تماما والسبب انه مش خدتم يعني مش مرسم، حاولت نقنع ابي وامي في وقتنا هدا بالسيف يلقى خدمة بشهادته وراه خدام حت ينوب ربي ، مخشنين راسهم وابي قال لامي منقبلش وهي تاني قالتلي زيدي اصبري بلك يصيب خدمة
مشكلتي ياخواني اننا دسيدينا نتلمو فالحلال وهو قال لوالديه وبعدما ردو اهلي هكا راه حاس بنقص وقالي جرحتيني ودرتلي تبهديل قدام والديت
لكن مش بيدي واش ندير !! والمرة هدي قالي انساي امر الزواج خلاص وشوفي والديك يزوجوك لواحد خدام ومرسم ، ياخاوتي محتاجة نصائحكم مش حابة نخسره لانه صح انسان صالح ومصلي واخلاقه ماشاء الله وفحل ، وفي نفس لوقت اهلي مصممين على قرارهم كفاه نتصرف ؟؟ حتى خممت نكدب نقولهم او نجح في مسابقة توظيف وبدى يخدم باه يوافقو لكني خفت وحبل الكدب قصير
صليت ودعيت ومزالني نصلي وندعي لكن نحتاج حل لي فاتت بالتجربة كما تاعي تقولي كفاه حتى قبلو والديها !! كفاه نقدر نقنعهم ؟؟ هدرت انا وهدرو خوتاتي معاهم باقيين مصممين ، ساعدوني واجركم على الله والله مخنوقة ومالقيت كفاه نتصرف

[نسيم الريح ش]

خليك على رايم مع اهلك وما جيبيهالهمش خشونية غير باللين حتى يعرفو انك مصمة على رايك

[sunshine2013]

اختي استخيري و زيدي اصبري ويلا كان مكتوبك. ماعندو وين يروح

[ibtihal18]

ادعي ربي يرزقو بخدمة ثابتة ان شاء الله و ادعي ربي يجمعكم بالحلال و خليها على ربي برك هو ادرى بحالك
ربي يسهل عليك

[Zahra 30]

زيدي صبري و إن شاء الله يصيب خدمة في ما عجل
حاولي تقنعي والديك كاين لي كان خدام و كي تزوج طاحت بيه ولا لا خدمة و لازدمة و كاين لي كان فالصفر و كي تزوج ربي فتح عليه
ربي يقدملك لي فيه الخير

[lalib40]

مشكل فساد البنات هو الاباء ........انا بنتي مابغيتهاش تتعب كيما تعبت انا ........انا بنتي بغيتها تخدم؟؟؟؟.......... متخليش راجلك يتحكم فيك ؟؟؟؟؟؟؟؟؟؟ ومباعد يديها مول الصوناكوم السكارجي...اي وي....

[thorpe]

سلام
بصراحة ختي
نتيريلك الشابو والله على وفاءك
نتي نشالله ربي ما يضيعكش باسك فيك الخير وبغيتي الخير
اما بخصوص حكايتك
بصراحة هاد الشخص ربي يهديه انت درتي معاه الواجب
الرفض جا من والديك
وراكي تقاسي باش يقبلو
وصدقيني لوكان تبقاي مصرة رايحين يقبلو
لانهم يخافو من بعد كون يروح الشاب ماراح تقبلي بحتى واحد وراح يصرا مشكل
قوليلو هو يزيد يجري
فالوقت الحالي راهم فتحو لانام
على الاقل يشد بلاصة حتى واذا عساس
وقولي ليماك تزيد تهدر مع باباك
باباك الله يهديه لازم يعرف بلي هو نهار بدا حياتو ماكانش كيما راه الان

ربي يسهلك ختي
ويرزقكم الفرحة
نعاود نتحيلك ايتها الوفية
ربي يعطيك كل خير

[sad_man]

اللهم اجمعني مع من أحب بالحلال عاجلا ولا تجعل أحدا يعارض علي زواجنا وارزقه الوظيفة أنك علي كل شيء قدير..
يا مغيث أغثني يا مغيث أغثني يا مغيث أغثني..
يا رب اجمعني معه في شرعك عاجلا غير آجل وكل واحده تتمنى تحقق لها ما تتمنى وترزقها التي تتمناه..
يا فرجاً إذا انقطعت الأسباب اللهم سبب لنا أسباب الفرج ويسرها لنا يا أكرم الأكرمين اللهم يا سامع الصوت، يا سابق الفوت يا محيي العظام بعد الموت أفتح لدعواتنا أبواب إجابتك يا رحمن يا رحيم آمين يا رب..
اللهم يا جامع الناس ليوم لا ريب فيه اجمع بيني وبينه بالحلال..
يا رب ارزقني ولا تحرمني وسكن نفسي واسترني في الدنيا والآخرة وأغنني بحلالك عن حرامك..
يا رب تجمعني مع من أتمنى عاجلا غير آجل
اللهم يا جامع الناس ليوم لا ريب فيه اجمعنا مع من نريد أزواجا" لنا عاجلا غير آجل..
اللهم يا من أمر العباد كلهم بين يديك أرجوك وأتوسل إليك أسالك باسمك الأعظم الذي إذا سئلت به أجبت أن تجمع بيني ويبن من أحب بالحلال عاجلا غير آجل وتوفقنا..
‏اللهم إني أسألك بخوفي من أن أقع بالحرام وبحفظي لجوارحي وأسألك يا رب بصالح أعمالي أن ترزقني من أحب زوجا لي وأبا لأولادي عاجلا غير آجل..
يا رب يا جامع قلوب المحبين أسألك أن تجمعني بغاية مرادي..
اللهم أنك تعلم أن أريده بالحلال فلا تحرمني حلالك..
اللهم أني أدعوك دعاء المضطر وأنت المجيب اللهم أني أدعوك دعاء المضطر وأنت المجيب اللهم أني أدعوك دعاء المضطر وأنت المجيب يا رب ارحمني برحمتك يا رب العالمين يا مغيث..
أغثنا يا مغيث أغثنا يا مغيث أغثنا اللهم صلي وسلم علي سيدنا محمد وعلي آل محمد.. اللهم أميين..
ادعي بهذا الدعاء و ادعيلي معاك في ظهر الغيب ليجمعني الله أيضا بمن أحب في الحلال
ربي يوفق :)

[zozozahra]

انتي درتي لي عليك
زيدي اصبري وادعي لوالديك ربي يهديهم ان شاء الله ومالازمش تضغطي عليهم لازم تربحي رضايتهم باه ربي يباركلك في زواجك

[أم ريتاج زهرة]

ربير يوفقك أختي و يجمعك معه في الحلال و حاولي بالتي هي أحسن و سيي غير بشوية باش ما تخسريش والديك ربي يوفقك أختي

[أم عبد الكريم]

انا نقولك كلمة وحدة خوذ راي والديك اذا مربحتش تسلك على خير

[nabilakifah]

والله يأختي عندي نفس مشكل انتي شأب هدا ليزم تتمسكي به حتى يفرج ربي وسي عاونيه بلاك يصيب خدمه
انا عرفت شأب 3سنوات وانا لي كنت نحوسلو على خدمه وهو قاعد ماحبش يخدم ويخلص2ملايين قالي قلال ويقبل يخدم شهر ويريح 3اشهر ويتسلف من عند صحابو
ويحوس يتزوج ونا ماقنعنيش ودارنا مشي قابلين
وشأيفنا حنا ظألمين عونوني برايكم

[ما فهمت والو]

سلام
يا اختي انا نهار خطبت كنت خدام كونترا تاع ادماج و الحمد لله اهل التاة قبلوا و فرج عليا ربي بعد عدة اشهر ترسمت و درت العرس و الحمد لله
الخدمة نورمالمون مش مشكل القسم على ربي قادر ربي يفرج عليه و يلقا خدمة في أي وقت المهم يكون انسان صالح و فحل برك هدا هو الرسمي
ربي يفرج عليكم مادام طالبين الحلال

[صهيب رائع]

صهيب رائع: اتمنى ان يجمعك الله مع زوج صالح سواء كان هذا الشاب او غيره. لكن هناك ملاحظة تغافل عنها الكثير وهي حكاية التعارف بينكما, مالمقصود بالتعارف؟ يعني كيما نقولو مشيتي معاه؟ لكان مشيتي معاه نقولك ربي يهديك ويهديه, هذا محرم شرعا وقد يضرك في المستقبل ان الاجتماع الرسمي بينكما لم يتم. اتقوا الله, لا تختلي فتاة مع اجنبي ولا رجل مع اجنبية خارج اطار الزواج, لا تستهينوا بحرمات الله. اللي بغاك يجيك لباب دارك.

[baast dz]

زيدي صبري و إن شاء الله يصيب خدمة

[soumissalam]

صهيب رائع: اتمنى ان يجمعك الله مع زوج صالح سواء كان هذا الشاب او غيره. لكن هناك ملاحظة تغافل عنها الكثير وهي حكاية التعارف بينكما, مالمقصود بالتعارف؟ يعني كيما نقولو مشيتي معاه؟ لكان مشيتي معاه نقولك ربي يهديك ويهديه, هذا محرم شرعا وقد يضرك في المستقبل ان الاجتماع الرسمي بينكما لم يتم. اتقوا الله, لا تختلي فتاة مع اجنبي ولا رجل مع اجنبية خارج اطار الزواج, لا تستهينوا بحرمات الله. اللي بغاك يجيك لباب دارك.
هذا ماأردت قوله ايضا
اضف الى ذلك انه ربما معارضة اهلك له جزاء الله لك من خلوة وغير ذلك مع هذا الشخص الأجنبي واحمد الله على كل حال واعلمي ان القلب اذا تعلق بغير الله اذاقه الله مرارة هذا التعلق ... ويجب عليك طاعت والديك هم أدرى بمصلحتك خاصة انهم كلهم رافضين
فربما جعلو العمل غطاء فقط لرفضهم على مايوجد في هذا الشخص من عيوب...فانت مازلتي في بداية السكة فانك ترين هذا الشخص من زاوية واحدة فقط ترينه كامل "لان القلب اذا احب قلبا لاتبصر العين عيبا"
لذلك نصيحة لكل الشباب وخاصة البنات ادخرو شعوركن واحاسيسكن حتى لا تستهلكن كل الأحاسيس على الشخص الخطأ وعندما يأتي الشخص الصح (الزواج) يجدكن من غير احاسيس قلوب انهكها التعب مما يؤدي الى فتور علاقة الزواج وهذا مانراه اليوم بمعدل كل ساعة حالتين واو ثلاث حلات طلاق الله المستعان
اللهم احفظ بيوت المسلمين

[ManouraHilwa]

صهيب رائع: اتمنى ان يجمعك الله مع زوج صالح سواء كان هذا الشاب او غيره. لكن هناك ملاحظة تغافل عنها الكثير وهي حكاية التعارف بينكما, مالمقصود بالتعارف؟ يعني كيما نقولو مشيتي معاه؟ لكان مشيتي معاه نقولك ربي يهديك ويهديه, هذا محرم شرعا وقد يضرك في المستقبل ان الاجتماع الرسمي بينكما لم يتم. اتقوا الله, لا تختلي فتاة مع اجنبي ولا رجل مع اجنبية خارج اطار الزواج, لا تستهينوا بحرمات الله. اللي بغاك يجيك لباب دارك.

انا معك اخ صهيب بارك الله فيك وفي امثالك

[mohaa47]

طاعة الوالدين واجبة.................

[belkacemtt]

ربي يفرجها عليك