احرار ولاية المدية

[~أميرة أميري~]

سلام خاوتي خياتي كي راكم ؟؟:mh92:
حبيت نفتح هاد الموضوع خصيصا لخاوتي من نفس الولاية باش نتوانسو ههههه
هنا راح نتشاركو جميع الاراء
قولولي بديتو القراية ولا مازال ’’؟؟؟ وين راكم واصلين نتمنى منكم التفاعل ونعاونو بعضانا
اناااا مازال مابديتش الفراية مليح نهار نقرى و10 لالا ماعلاباليش واش هاد الكسل لي راني فيه
اليكم الخط
ربي ينجحنا كاملين ان شاء الله

[cyllia]

mar7ba ma belle wach ta9ray

[فريال العلمية]

سلام اختي انا من مدية
نفس الوضع الكسل داير فينا حالة انا قلت بلاك علي باكي ال3 كرهت
الحل هو الاستعاذة من الشيطان و وضع الهدف و الحلم تاعنا نصب الاعين

الاهم تنظيم الوقت و وضع جدول توقيت و الالتزام قدر المستطاع به بالاخص اذا كنت مبلوكيا الاعام فالجامعة كيما حالتي ههه
رب يوفقنا و يجعل هذا العام عامنا عام نجاح و فرح

[yousef man]

سلام اختي انا من مدية
نفس الوضع الكسل داير فينا حالة انا قلت بلاك علي باكي ال3 كرهت
الحل هو الاستعاذة من الشيطان و وضع الهدف و الحلم تاعنا نصب الاعين

الاهم تنظيم الوقت و وضع جدول توقيت و الالتزام قدر المستطاع به بالاخص اذا كنت مبلوكيا الاعام فالجامعة كيما حالتي ههه
رب يوفقنا و يجعل هذا العام عامنا عام نجاح و فرح


سلام ......ربي ايوفقنا ان شاء الله ................انا شعبة تسيير واقتصاد .............ان شاء الله برك نجوزو الباك في المدية centre ..........ما يدونا لا من لا من

[~أميرة أميري~]

اهلا خاوتييي انا مانيش جايبة الباك كامل وراني نعاود فيه للمرة الثالثة ،،،،،، نورتوووووووووووووو
نديرو الكوراج لبعضانا مابقاش بزاااففف ههههه

[~أميرة أميري~]

mar7ba ma belle wach ta9ray



اهليييين بيك نورتي ،،،،، علوم تجريبية وانتي؟؟؟؟؟ هادي المرة الثالثة ليا كي نجي نقرا نلقى روحي فاهمة ومازلت حافظة ههههه نزيد نتكاسل كتر وكتر

[~أميرة أميري~]

سلام اختي انا من مدية
نفس الوضع الكسل داير فينا حالة انا قلت بلاك علي باكي ال3 كرهت
الحل هو الاستعاذة من الشيطان و وضع الهدف و الحلم تاعنا نصب الاعين

الاهم تنظيم الوقت و وضع جدول توقيت و الالتزام قدر المستطاع به بالاخص اذا كنت مبلوكيا الاعام فالجامعة كيما حالتي ههه
رب يوفقنا و يجعل هذا العام عامنا عام نجاح و فرح



اللهم آمين انا شفت موضوع هنا واحد حاط الجدول ديالو قلت ندير كيفو مي كل مانجي نقرى يحلالي القعاد هههههه ربي يستر :1:

[~أميرة أميري~]

سلام ......ربي ايوفقنا ان شاء الله ................انا شعبة تسيير واقتصاد .............ان شاء الله برك نجوزو الباك في المدية centre ..........ما يدونا لا من لا من

ان شاء الله نوو ماشكيتش يقيسونا في بلاص وحدوخر انا قلت نفتح هاد الموضوع باش نتعارفو وبالاك نتلاقاو ونجوزوه كيف كيف :1:
انا شعبة علوم تجريبية
بالتوفيق اخي

[فريال العلمية]

ختي نظن هذا الاعم العلوم التجريبية يا قصر البوخاري يا برواقية لخاطرش لعام لي فات جوزناه في الولاية في زمرلين و رقية
و الله اعلم

[~أميرة أميري~]

اه ماكانش علابالي لانو اول مرة نجوزو حرة معليه المهم في القراية والفهامة لي ندوها معانا قوليلي كيفاش راكي منظمة وقتك وقتاش معولة تبداي الحفاظة

[عاشقة العلووم]

مانيش من المدية:D هههههههههههه مي قلت ندخل نقرعج شوية ههههههههه
واش راكم خاوتي نتمنى تكونو لاباس
حسب ماراني نشوف مازال مابديتوش تقراو كيما حالتي:rolleyes: ههههههههههه مي معولة السمانة هاذي نبدا ان شاء الله
الميهيم نقوللكم بالتوفييييييييييق خاوتي:19: وان شاء الله هاذ العام كامل ننجحوا بالمعدلات لي بغيناها
او كاش ماخصيتو راني هنا اي سؤال او استفسار راني هنا ادعولي برك
أختكم في الله حنـــــــان

[الطاهرة]

آنــــــــآ مترشحة حرة من ولآية المدية

اليوم فقط جمدت عامي الدراسي كنت ادرس بطريقة عشوائية

درست بيولوجيا

سآنطلق بجدية في هذه الايام باذن الله والله الموفق والمعييييين


ربي يوفقنا كامل

***

خاوتي نسقسييييكم عندو فكرة كيفاش يجوزو احرار ولاية المدية ووين ؟ وقالولي الاوراق تع الاحراار فالمدية مايتصحوش مليييح

!!

[الطاهرة]

سلام اختي انا من مدية
نفس الوضع الكسل داير فينا حالة انا قلت بلاك علي باكي ال3 كرهت
الحل هو الاستعاذة من الشيطان و وضع الهدف و الحلم تاعنا نصب الاعين

الاهم تنظيم الوقت و وضع جدول توقيت و الالتزام قدر المستطاع به بالاخص اذا كنت مبلوكيا الاعام فالجامعة كيما حالتي ههه
رب يوفقنا و يجعل هذا العام عامنا عام نجاح و فرح


^جمييييييييييييييل انت من المدية انا ايضا من اين انتي بالضبط اختي

قوليلي شحال جبتي الباك 2 وحدثيني عن اجتياز بكالوريا الاحرار في ولاية المدية

!!:)

[الطاهرة]

سلام ......ربي ايوفقنا ان شاء الله ................انا شعبة تسيير واقتصاد .............ان شاء الله برك نجوزو الباك في المدية centre ..........ما يدونا لا من لا من

ان شاااااااااااااااااااااااااء الله
هل اجمدت عامك الدراسي ام لآ ؟

[الطاهرة]

اهلا خاوتييي انا مانيش جايبة الباك كامل وراني نعاود فيه للمرة الثالثة ،،،،،، نورتوووووووووووووو
نديرو الكوراج لبعضانا مابقاش بزاااففف ههههه

ربي يوفقك هاد المرة باذن الله


كوراج برك ورانا مع بعض باذن الله

:)

[الطاهرة]

ختي نظن هذا الاعم العلوم التجريبية يا قصر البوخاري يا برواقية لخاطرش لعام لي فات جوزناه في الولاية في زمرلين و رقية
و الله اعلم

معليييش وهذا رح ياثر على التصحيح زعما

ان شاء الله يخلونا فالمدية برك

[~أميرة أميري~]

آنــــــــآ مترشحة حرة من ولآية المدية

اليوم فقط جمدت عامي الدراسي كنت ادرس بطريقة عشوائية

درست بيولوجيا

سآنطلق بجدية في هذه الايام باذن الله والله الموفق والمعييييين


ربي يوفقنا كامل

***

خاوتي نسقسييييكم عندو فكرة كيفاش يجوزو احرار ولاية المدية ووين ؟ وقالولي الاوراق تع الاحراار فالمدية مايتصحوش مليييح

!!


اخاه ماتخلعينيش كيفاش مايتصحوش مليييح :mad:
ماعندي حتى فكرة هادا عامي الاول
بالتوفيق اختي

[~أميرة أميري~]

مانيش من المدية:d هههههههههههه مي قلت ندخل نقرعج شوية ههههههههه
واش راكم خاوتي نتمنى تكونو لاباس
حسب ماراني نشوف مازال مابديتوش تقراو كيما حالتي:rolleyes: ههههههههههه مي معولة السمانة هاذي نبدا ان شاء الله
الميهيم نقوللكم بالتوفييييييييييق خاوتي:19: وان شاء الله هاذ العام كامل ننجحوا بالمعدلات لي بغيناها
او كاش ماخصيتو راني هنا اي سؤال او استفسار راني هنا ادعولي برك
أختكم في الله حنـــــــان



اهلااا نورتي انا تاني نعشق العلوم هههههه :1:
منين انتي؟؟؟؟ مرحبا بيك مادابينا نديرو لكوراج لبعضانا :19:

[الطاهرة]

اخاه ماتخلعينيش كيفاش مايتصحوش مليييح :mad:
ماعندي حتى فكرة هادا عامي الاول
بالتوفيق اختي

:19::19::19::19:

اطمئني راني حطيييت موضوع بخصوص هذا الامر وطمنوني الاعضاء وذوي الخبرة

الورقة مايعرفهاش المصحح اسكو هي تع نظامي ولا حر :19:اطمئني

ماذا فعلتي اليوم:)

[~أميرة أميري~]

:19::19::19::19:

اطمئني راني حطيييت موضوع بخصوص هذا الامر وطمنوني الاعضاء وذوي الخبرة

الورقة مايعرفهاش المصحح اسكو هي تع نظامي ولا حر :19:اطمئني

ماذا فعلتي اليوم:)


والو ايماجيني المات مازال ماتوشيتهاش الفيزياء راني في النووي والعلوم فاهمتها تسمى نعاود غير نقراها ونحل تمارين
والله راني دايخة :1:
وانتي واش راكي دايرة فيها وكيفاش راكي تقراي
بخصوص المواد الادبية ماتوشيت والو ههههه ربي يستر

[عاشقة العلووم]

اهلااا نورتي انا تاني نعشق العلوم هههههه :1:
منين انتي؟؟؟؟ مرحبا بيك مادابينا نديرو لكوراج لبعضانا :19:
مرحبا حبيبتي ميرسي أيا بيا ملا رانا متفاهمين
أنا من باتنة جوزت الباك زوج خطرات وديتو مي المعدل ماحققليش طموحاتي وان شاء الله راح نعاودلو هاذ العام
أكيد أختي ان شاء الله هاذ العام كل واحد ايحقق واش بغا
سلاااااااااام

[مريم634]

سلام انا مترشحة حرة من المدية
انا نقرا فالجامعة sm وراني نعاود فل الباك
عاونوني كيفاه انظم وقتي معرفتش

[~أميرة أميري~]

اختي راه كاين وحد لموصوع هنا واحد حاط كيفاش منظم وقتو بزاف عجبني مي مازال لضرك ماتقيدتش بيه ربي يستر
قولولي وين راكم واصلين وسحال من درس راكم تقراو في الدار

[الطاهرة]

والو ايماجيني المات مازال ماتوشيتهاش الفيزياء راني في النووي والعلوم فاهمتها تسمى نعاود غير نقراها ونحل تمارين
والله راني دايخة :1:
وانتي واش راكي دايرة فيها وكيفاش راكي تقراي
بخصوص المواد الادبية ماتوشيت والو ههههه ربي يستر

ماشاء الله واصلي حاولي تبداي الرياضيات اختي

راني تقريبا كيما انتي

المواد الادبية بديت فلسفة واجتماعيات

....

[فريال العلمية]

سلام مروة واش راكي مع الدراسة اختي ان شا الله تكوني بخير

[الطاهرة]

سلام مروة واش راكي مع الدراسة اختي ان شا الله تكوني بخير

آآآآآآآآهلآ اختي فريـــآلـ :mh31::mh31: نتمنى تكوني مليحة موغالمون ؟ توحشتك بزاف ياختي ربي يوفقك وربي يهنيكـ ان شاء الله وتحقي مبتغآكـ باذن الله والله آنــآ منيش مزيرة روحي بزآف يعني نقرآ بارتيآحية فهمتيني ونتي حنونتي وش دايرة فيهآ


دعواتي ليكـ

***

:):):)

[~أميرة أميري~]

اخاه راكم تتحاكاو بلا بيا هههههه اهلا نورتوووو انا راني كيفك الاخت فريال نهار نقرى وسمانة لالا ربي يجعل لخير وزاد جاني خبر نتاع الشبه طبي بدون بكالوريا راح ندفع الدوسي وربي يجيب لي فيها لخير

[الطاهرة]

اخاه راكم تتحاكاو بلا بيا هههههه اهلا نورتوووو انا راني كيفك الاخت فريال نهار نقرى وسمانة لالا ربي يجعل لخير وزاد جاني خبر نتاع الشبه طبي بدون بكالوريا راح ندفع الدوسي وربي يجيب لي فيها لخير

آهلآ بيكـ سوزي

ربي يوفقكـ اختي لما فيه الخير

اختي شكون قالكـ هآد الخبر مشكيتش كاين منو خلاص !!

...

[فريال العلمية]

سلام. عليكم مرروة حنونتي و سوزي انا معا القرايا و الله منيش مزيرة مزال شوية
مورال لا جديد و منيش نخمم خهههه نلتها بروحي خير لي و هاذي هيا و الله مام انا توحشتك
حنونة شبه طبي بلا با ك زيدي خمي شوية لا كنتي قادرة تخدمي خير منها غير اقراي للباك خير بلاك الطب ان شا الله هههه

[younes_pato]

السلام عليكم انا من المدية ساجتاز للمره السابعة

[الطاهرة]

سلام. عليكم مرروة حنونتي و سوزي انا معا القرايا و الله منيش مزيرة مزال شوية
مورال لا جديد و منيش نخمم خهههه نلتها بروحي خير لي و هاذي هيا و الله مام انا توحشتك
حنونة شبه طبي بلا با ك زيدي خمي شوية لا كنتي قادرة تخدمي خير منها غير اقراي للباك خير بلاك الطب ان شا الله هههه

آهلآ بيكـ يعيشكـ فريـآلـ اختي

ربي يكون معاآكـ

ربي يجيب الخير ان شــآء الله والجديد يكون في نتآئج البكآلوريا ان شآء الله

ربي يوفقكـ

***

[~أميرة أميري~]

آهلآ بيكـ سوزي

ربي يوفقكـ اختي لما فيه الخير

اختي شكون قالكـ هآد الخبر مشكيتش كاين منو خلاص !!

...

لالا كاين منو وديجا راهم يحطو فلي دوسي حابة نضرب عصفورين بحجر واش راني خاسرة ههههه :1:
ربي يوفقك حنونتي

[~أميرة أميري~]

سلام. عليكم مرروة حنونتي و سوزي انا معا القرايا و الله منيش مزيرة مزال شوية
مورال لا جديد و منيش نخمم خهههه نلتها بروحي خير لي و هاذي هيا و الله مام انا توحشتك
حنونة شبه طبي بلا با ك زيدي خمي شوية لا كنتي قادرة تخدمي خير منها غير اقراي للباك خير بلاك الطب ان شا الله هههه

اهلا كشرودة ايه حاجة باينة نقرى ان شاء الله مي حابة واش يجي في الطريق مانراطيش واش خاسرة ياخي راني غير قاعدة :1:
وين راكي واصلة خبرينا حابة نبدى نحفظ وماقدرتش التفنييييين

[~أميرة أميري~]

السلام عليكم انا من المدية ساجتاز للمره السابعة


ربي يوفقك ويوفقنا كاملين مرحبة بيك معانا نورتي :dj_17:

[فريال العلمية]

اهلا كشرودة ايه حاجة باينة نقرى ان شاء الله مي حابة واش يجي في الطريق مانراطيش واش خاسرة ياخي راني غير قاعدة :1:
وين راكي واصلة خبرينا حابة نبدى نحفظ وماقدرتش التفنييييين

هيا نورمالمو مزال لحال علئ الحفاظا بصح لا حبيتي تبداي نورمال بشوية
انا مزال منيش نقرا فالمواد الادبية علمية و راني بالسيف هههه الله يستر
لازم نحافظو علئ الطاقة مزال طريق طويل الله ينجحنا خواتاتي لعزاز :)

[~أميرة أميري~]

هيا نورمالمو مزال لحال علئ الحفاظا بصح لا حبيتي تبداي نورمال بشوية
انا مزال منيش نقرا فالمواد الادبية علمية و راني بالسيف هههه الله يستر
لازم نحافظو علئ الطاقة مزال طريق طويل الله ينجحنا خواتاتي لعزاز :)

اللهم امين
الله يعطينا لقوة
واش رايكم واش ماراناش فاهمين نتلاقاو هنا ونفهمو بعضانا بالشوي راح نستفادو كتر :19:

[~أميرة أميري~]

بناااااااات راني خايفة مارانيش نقرى كاااااااامل جاونا ضياف وراني غير مع الغسيل وتنشاف وطياب و و و و
وين راكم واصلين وقولولي صحاب الليسي وين راهم واصلين
راني متأخرة بزاااااااااف وخايفة

[فريال العلمية]

:dj_17:سلام سوزي حنونة
نو متخافيش مزال الحال نظمي روحك و حبة حبة باش متعييش روحك مزال طريق ويل ان شا الله
انا عندي مشكل تع الاطفال الصغار ولاد خاوتي هبلوني ميخلونيش نقرا :mad:
راني نخمم نولي نرقد صبح و نوظ فاليل هههه
نساعفوو خلاص :D :D :D

[~أميرة أميري~]

:dj_17:سلام سوزي حنونة
نو متخافيش مزال الحال نظمي روحك و حبة حبة باش متعييش روحك مزال طريق ويل ان شا الله
انا عندي مشكل تع الاطفال الصغار ولاد خاوتي هبلوني ميخلونيش نقرا :mad:
راني نخمم نولي نرقد صبح و نوظ فاليل هههه
نساعفوو خلاص :D :D :D


اهلا فريااال ،، عجبتني الفكرة نتاع ترقدي فنهار وتنوضي فليل :1: وقيلة نديرها :1:
لمشكل صباااح نظل نشابك مع الشغل وفليل نعيا نطيح كي لميت وفي الصباح جي ليا جدة عند راسي تقلي نووووضي نوض مدقدقة :mad::mad::mad:
قاتلي كي تتزوجي تكوني واجدة هههههه راني قريب ندير ورقة في ظهري وعلااااه خلوني نقرى :mh31:
ربي يوفقنا

[فريال العلمية]

سلاام عليكم مروة و سوزي
هاذي غيبة وين راكم خواتاتي
ان شاء الله تكونو بالف خير و عافية

[~أميرة أميري~]

اهلا فريال كي راكي حنونة
والله بخير الحمد لله مي مع لقراية مشي بخير ههههه رانا نصدو غير فضياف واحد جاي لاخر رايح
كي راكي انتي وين راكي واصلة ان شاء الله امورك بخير

[الطاهرة]

سلاام عليكم مروة و سوزي
هاذي غيبة وين راكم خواتاتي
ان شاء الله تكونو بالف خير و عافية

آهلآ فرياااااالـ الله لايغيبك اختي

والله راني لباس ونتيآ


الحمد للله

;);)

[~أميرة أميري~]

سلااام حبيباااتي كي راكم ان شاء الله اموركم بخييير ،،،، وين راكم واصلين انا للاسف مازال لدوكا ماقدرتش نقرا راهي تبانلي مانعقبش خلااص كرهت والله وظروفي ماتسمحش وفنفس الوقت بابا قالي بسيف جوزيييه وانا والله ماقدرت كي نشوف لي كايي قلبي يضرني

[الماسة البراقة]

سوووووزي ران حكمتك متلبسة مرة ثانية هههههه واش خيتي راك تجوزي فلباك انا الباك ههه مام ان جوزتو

[الماسة البراقة]

نسيت واش كنت راح نقولك

[~أميرة أميري~]

هههههههههههه راكي تقرعجي عليا كيما انا ههههههه اتفكري واش كنتي راح تقولي امممممم

[الماسة البراقة]

قرعاجتي بصح راكي جارتي سيبوغسا حبيتك انا ملبويرة من عين بسام وانتي من وين حبووووووبة

[الماسة البراقة]

اسفة اختي سوزي مقدرتش نبعثلك رسائل رصيدي غيركاف اعتذر لك

[~أميرة أميري~]

سلااااام عليييكم ان شاء الله تكونووو بخييير
وينكم غايبييين يادرا واش مدايرين فيها
ايا قولولي وين رماوكم تعقبو لباك بالاك نتلاقاو هههههه